မှန်ကန်တဲ့ဆုံးဖြတ်ချက်ချနိုင်ဖို့ အောင်မြင်သူတွေရဲ့နည်းလမ်းများ
ကောင်းမွန်တဲ့ဆုံးဖြတ်ချက်တွေဟာ မတော်တဆဖြစ်လာတာမရှိပါဘူး။ သေချာစဉ်းစားဆုံးဖြတ်မှဖြစ်လာတာပါ။ ကျွန်တော်တို့ရဲ့နေ့ရက်တွေတိုင်းမှာ ဆုံးဖြတ်ချက်မချရတဲ့နေ့ရယ်လို့ မရှိပါဘူး။ ကိုလံဘီယာတက္ကသိုလ်က လေ့လာတွေ့ရှိချက်အရဆိုရင် တစ်နေ့မှာ ဆုံးဖြတ်ချက်ပေါင်း ၇၀လောက် ချမှတ်ရပါတယ်တဲ့။
၂၄နာရီအတွင်း အချိန်ကို အကောင်းဆုံး စီမံခန့်ခွဲနိုင်စေမယ့် နည်းလမ်း ၁၀ မျိုး
ကျွန်တော်တို့အားလုံးမှာ အချိန်ကို စီမံခန့်ခွဲရတာ ခက်ခဲလွန်းပါတယ်။ သတင်းကောင်းတစ်ခုကတော့ အချိန်ကို စီမံခန့်ခွဲခြင်းက သင်ယူလို့ရပါတယ်ဆိုတာပါပဲ။ တစ်စုံတစ်ခုကို ဘာကြောင့်လုပ်နေရတာလဲဆိုတာကို သိဖို့ အရေးကြီးသလို အကြံကောင်းတွေကို အလေ့အကျင့်ဖြစ်လာအောင် လုပ်ယူလို့ရပါတယ်။
ကိုယ့်ကိုကိုယ်ပြန်သုံးသပ်ဖို့လိုပါတယ်။
ကိုယ့်ကိုကိုယ်ပြန်သုံးသပ်ခြင်းက အောင်မြင်ချင်တဲ့သူတွေ၊ တိုးတက်ချင်တဲ့သူတွေအတွက်တော့ အမြဲတစေလိုအပ်တဲ့အရာတစ်ခုဖြစ်ပါတယ်။ အောင်မြင်နေတဲ့သူတွေက ကိုယ့်ကိုကိုယ်အမြဲလို သုံးသပ်နေတတ်တဲ့သူတွေချည်းပါပဲ။ “မနေ့ကတစ်နေ့လုံး ဘာတွေအကျိုးရှိအောင် လုပ်ခဲ့သလဲ” “အချိန်ကို သေချာစီမံခန့်ခွဲထားရဲ့လား” “အလုပ်မှာချည်း အချိန်တွေကုန်ဆုံးပြီး မိသားစုကို လျစ်လျူရှုထားမိနေသလား” “ခုတက်နေတဲ့ကျောင်းက ကိုယ့်ရဲ့ဝါသနာနဲ့ ထပ်တူဖြစ်ရဲ့လား” “ခုအလုပ်ကနေ ဘယ်လို တိုးတက်အောင်လုပ်လို့ရမလဲ” “ဒီတစ်ပတ်လုံး ဘာတွေဆက်လုပ်စရာရှိမလဲ။” “ကိုယ့်ကိုကိုယ်စိတ်ဖိစီးမှုတွေထဲမှာ လှောင်ပိတ်ထားမိနေသလား” “ ကျန်းမာရေးအတွက် ဘာမှမလုပ်ဖြစ်ဘူးလား” စသဖြင့် မေးခွန်းတွေနဲ့ ကိုယ့်ရဲ့ လူမှုဘဝ၊ အလုပ်ခွင်၊ လူမှုရေး၊ စီးပွားရေး၊ အိမ်ထောင်ရေး၊ သားသမီးရေး အားလုံးကို ပြန်စဉ်းစားတွေးတောနေသင့်ပါတယ်။
နောင်တတွေမရှိဘဲ ဘဝကိုရှင်သန်ဖို့ နည်းလမ်း ၅ချက်
သင့်ဘဝရဲ့နောက်ဆုံးအချိန်ကို တွေးတောပါ။ ထိုအချိန်ရောက်လာတဲ့အခါ သင်ဘာတွေဖြစ်ချင်သလဲ၊ ဘာတွေလုပ်ချင်သလဲ။ ဘာတွေပြောချင်သလဲ။ သင့်ရဲ့ရည်မှန်းချက်တွေ ပန်းတိုင်တွေဖြစ်လာခဲ့တာလိုချင်သလား။ အဲဒါနဲ့ပတ်သက်တဲ့အရာတွေကို မပြောချင်ဘူးလား။ များသောအားဖြင့် လူတွေက သူတို့ဘဝရဲ့နောက်ဆုံးအချိန်မှာ သူတို့အတွက် နောင်တတွေ၊ ရှက်ရွံ့မှုတွေနဲ့ အပြစ်တွေကို သတိရကြ၊ ခံစားကြပါတယ်။ ဘဝဆိုတာ ကျွန်တော်တို့အတွက် ယူတတ်ရင် လက်ဆောင်ပါပဲ။ ဝမ်းနည်းစရာကောင်းတာက ကျွန်တော်တို့ရှင်သန်နေတဲ့ သက်တမ်းရဲ့ရာခိုင်နှုန်းတော်တော်များများမှာ အလိုက်သင့်နေခြင်း၊ ဘာမှမလုပ်ဘဲ အချိန်ဖြုန်းခြင်း၊ အသက်မွေးဝမ်းကျောင်းအတွက် အချိန်ကုန်ခြင်း စတာတွေနဲ့သာ ကုန်ဆုံးတတ်ကြပါတယ်။ အမှန်စစ်စစ်တော့ အလုပ်လုပ်ခြင်းဆိုတာ ကျွန်တော်တို့ စားဝတ်နေရေးအတွက်အလုပ်လုပ်ခြင်းပဲဖြစ်ပါတယ်။ အချို့က တစ်ဘဝလုံးကို ထိုထမင်းစားဖို့အလုပ်လုပ်တဲ့အထဲမှာပဲ နစ်မြုပ်ထားကြပါတယ်။ workaholics လို့ခေါ်လို့ရပါတယ်။ တကယ်တော့ ခဏလေးရှင်သန်ကြရတဲ့လူ့ဘဝမှာ အသက်ရှင်ရေးအတွက် အလုပ်လုပ်တာလည်း လုပ်သင့်ပေမယ့် ဦးစားပေးသင့်တဲ့တခြားအရာတွေလည်း ရှိပါသေးတယ်။ workaholics ဖြစ်ရင်း ဘဝနေဝင်ချိန်မှာ နောင်တတွေပဲ မကျန်ရအောင် နေထိုင်ဖို့နည်းလမ်းတွေဖော်ပြပေးလိုက်ပါတယ်။
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
လမ်းလျှောက်ခြင်းက ကျန်းမာရေးအပေါ်ဘယ်လိုသက်ရောက်မှုရှိသလဲ။
တစ်နေ့ကို မိနစ် ၃၀ခန့်လမ်းလျှောက်ခြင်းက ကျန်းမာရေးအတွက် အကျိုးကျေးဇူးတွေအများကြီး ဖြစ်ပေါ်စေပါတယ်။ အလုပ်များလို့ တခြားသော လေ့ကျင့်ခန်းကို သတ်သတ်မှတ်မှတ်မလုပ်နိုင်ဘူးဆိုရင် နာရီဝက်ခန့်လမ်းလျှောက်သင့်ပါတယ်။ လမ်းလျှောက်ခြင်းက ဘယ်လိုအကျိုးကျေးဇူးတွေရှိသလဲဆိုတာ ဖော်ပြပေးလိုက်ပါတယ်။
ဘတ်စ်ကားစီးတဲ့အခါ မပြောဘဲ လိုက်နာသင့်သော အချက်များ
ရန်ကုန်မြို့မှာ လူဦးရေ ၆သန်းနီးပါးရှိပြီး ၂.၅သန်းခန့်က ဘတ်စ်ကားစီးပြီး သွားလိုရာသွားကြရတဲ့လူတန်းစားများပါတယ်။ ဘတ်စ်ကားတွေကို အားကိုးပြီး ကိုယ့်ရဲ့အလုပ်ခွင်၊ ကျောင်း၊ အိမ် စတာတွေကို အတူတကွ သွားနေကြတဲ့လူချင်းအတူတူ တစ်ဦးအပေါ်တစ်ဦး နားလည်မှုရှိကြဖို့လိုပါတယ်။ အပြန်အလှန်ကိုယ်ချင်းစာတရားထားပြီး ခရီးသွားကြရတာက နေ့စဉ် သွားလိုရာသွားဖို့ ဘတ်စ်ကားစီးရတာချင်းတူပေမယ့် စိတ်ချမ်းသာပုံခြင်းကတော့ မတူပါဘူး။ လူတိုင်းက ကိုယ်သွားလိုရာကို ရောက်ဖို့ ဘတ်စ်ကားကို အားကိုးနေကြပေမယ့် ဘတ်စ်ကားစီးတဲ့အခါ ဘယ်သူကမှ စည်းကမ်းသတ်မှတ်ထားတာမျိုးမရှိဘဲ သိနားလည်သင့်တဲ့ အချက်လေးကို နားလည်ထားသင့်ပါတယ်။ အဲဒါမှ တစ်ခရီးတည်းအတူသွားကြတာချင်းအတူတူ အဆင်ပြေစေမှာဖြစ်ပါတယ်။ စာဖတ်သူတွေလည်း ဘတ်စ်ကားစီးရင်း စိတ်အနှောင့်အယှက်ဖြစ်ရတဲ့ကိစ္စလေးတွေရှိရင် အခြားသူတွေလည်း ဆင်ခြင်လို့ရအောင် မျှဝေပေးသွားပါအုံးနော်။
မြို့ပြနဲ့ ပတ်ဝန်းကျင်ကို မသိမသာ ပျက်စီးစေတဲ့အကျင့်ဆိုးများ
ကျွန်တော်တို့ ပတ်ဝန်းကျင်မှာ မသိလိုက်မသိဘာသာ လုပ်မိနေတတ်တဲ့အကျင့်ဆိုးတွေရှိပါတယ်။ ထိုအကျင့်ဆိုးတွေက ချက်ချင်းလို ပတ်ဝန်းကျင်ကို ထိခိုက်စေတာမျိုး၊ ချက်ချင်းသိသာသွားတာမျိုး မဟုတ်ပေမယ့် တဖြေးဖြေးနဲ့ အချိန်ကာလတစ်ခုအရောက်မှာ ပျက်စီးယိုယွင်းလာတာမျိုးကို မျက်ဝါးထင်ထင်တွေ့ကြရပါတယ်။ ထိုအချိန်ထိ မိမိပတ်ဝန်းကျင်ကို ပြုပြင်ဖို့၊ ပြန်လည်ပြင်ဆင်ဖို့ မပြုလုပ်ဘူးဆိုရင် နောက်ထပ် အချိန်တစ်ခုအရောက်မှာ အင်မတန်ဆိုးဝါးတဲ့ပတ်ဝန်းကျင်က ကျွန်တော်တို့ရဲ့အသက်အန္တရာယ်တွေကိုပါ ခြိမ်းခြောက်လာနိုင်ပါတယ်။ ကျွန်တော်တု့ိတစ်ယောက်စီရဲ့ မှားယွင်းနေတဲ့အကျင့်ဆိုးတွေကို မသိသေးဘူး၊ မပြုပြင်သေးဘူးဆိုရင် ကျွန်တော်တို့အားလုံးအတွက် မကောင်းနိုင်ပါဘူး။ အချိန်ကာလတစ်ခုအရောက်မှာ ကျွန်တော်တို့ရဲ့ပတ်ဝန်းကျင်ပျက်စီးစေနိုင်ပါတယ်။ အဲဒါဆိုရင် ဘယ်လိုအချက်တွေမှားယွင်းနေလဲ ဖတ်ကြည့်လိုက်ပါအုံးနော်။
လစ်ဟာသွားသောရင်ထဲကနေရာတစ်ခုကိုပြန်လည်ဖြည့်ဆည်းရန်ကြိုးစားသောအခါ
ဘဝမှာပျော်ရွှင်စရာများရှိခဲ့သလို နာကျင်စရာများစွာလည်းလူတော်တော်များများကြုံတွေ့ဖူးခဲ့ကြမှာပါ။ ပျော်ရွှင်စရာတွေသယ်ဆောင်လာပေးတဲ့သူတွေ၊အခြေအနေတွေရှိသလို ဝမ်းနည်းစရာ နာကျင်စရာတွေသာသယ်ဆောင်လာပေးတဲ့သူများ၊အခြေအနေများလည်း အများအပြားရှိပါတယ်။ အချို့ သောအခြေအနေများမှာတော့ အပျော်ဆုံးတွေကိုသယ်လာပေးတဲ့သူတွေကပဲ နာကျင်စရာများစွာနဲ့နောက်ဆုံးမှာထားခဲ့တတ်ကြတာမျိုးပါ။ အဲ့ဒီလို အြခေအနေမျိုးကြုံတွေ့ရတဲ့အခါ ပထမဦးဆုံးရင်ထဲမှာသိသိသာသာနာကျင်မှုမျိုးကိုခံစားရမှာပဲဖြစ်ပါတယ်။ ဘယ်သူမှနားမလည်ပေးနိုင်တဲ့တကယ့်ကိုပြင်းထန်တဲ့နာကျင်မှုမျိုးပေါ့။ ကိုယ်ကပဲလိုအပ်နေတာလား၊ ကိုယ်ကပဲမထိုက်တန်လို့လား၊ ကိုယ်သူ့အပေါ်မှာဘာလိုအပ်ချက်တွေရှိခဲ့လဲ အစရှိတဲ့ ကိုယ် ကိုယ် ကိုယ်ဆိုတဲ့ မေးခွန်းပေါင်းများစွာနဲ့ ကိုယ့်ကိုယ်ကို နေ့နေ့ညညနှိပ်စက်လေ့ရှိကြပါတယ်။ အနည်းငယ်ကြာတဲ့အခါမှာသူထားခဲ့လို့ နာကျင်ရသလို ကိုယ့်ကိုယ်ကိုနှိပ်စပ်လို့ နာကျင်ရတဲ့ ဒဏ်ရာတွေပါဖြစ်လာတတ်ကြပါတယ်။ အဲ့ဒီဒဏ်ရာပေါင်းမြောက်များစွာနဲ့လူမသိသူမသိလူးလိမ့်နေအောင်ခံစားရလည်း ဘဝဆိုတာကြီးကရှိသေးတာမို့ တစ်ဖက်က ကျောင်းသွားရင်း အလုပ်သွားရင်းနဲ့ပဲ လောကဓံကြီးကိုကြံ့ ကြံ့ ခံလိုက်၊ လစ်ရင်လစ်သလို သူပေးခဲ့တဲ့ဒဏ်ရာဒဏ်ချက်တွေကို ခံစားလိုက်နဲ့ အျခိန်တွေကြာတော့လည်း သူ့အလိုလိုမေ့မေ့လျော့လျော့ရှိလာတာပေါ့။ မေ့မေ့လျော့လျော့ရှိလာတယ်ဆိုလို့ ဒဏ်ရာတွေကျက်ပြီး အားလုံးမေ့ပျောက်ပျော်ရွှင်သွားပြီလို့တော့ အထင်မလွဲစေချင်ပါဘူး။ ရင်ထဲမှာ သူ့ကိုပေးခဲ့ရတဲ့ နေရာကြီးကကြီးလွန်းခဲ့တော့ ဒဏ်ရာတွေမရှိတော့ဘူးဆိုရင်တောင် ဟာလာဟင်းလင်းကြီးနဲ့ လစ်ဟာနေတဲ့အနေအထားမျိုးနဲ့ကျန်ခဲ့တာမျိုးပါ။ အဲ့ဒီလို လစ်ဟာနေတဲ့အခြေအနေကြီးကတကယ်တမ်းပြောရရင်တော့ နာကျင်နေတဲ့အချိန်တုန်းကထေက်တောင် ပိုဆိုးနေတာတွေ့ရတတ်ပါတယ်။ နာကျင်နေတုန်းကမှ လုပ်ချင်တာလုပ်မယ် ငိုချင်သလိုငိုမယ် ဖြစ်ချင်ရာဖြစ် အရွဲ့ တိုက်ချင်သလိုတိုက်မယ် အစရှိသဖြင့် တစ်ယောက်တစ်မျိုးမတူတဲ့တုံ့ပြန်မှုမျိုးနဲ့ကိုယ့်ဘာသာစိတ်သက်သာအောင်ကြိုးစားလို့ရပါသေးတယ်။ နာကျင်မှုတွေကျော်လွန်ပြီး ကွက်လပ်ကြီးတစ်ခုသာရင်ထဲမှာကျန်ခဲ့တဲ့အချိန်မျိုးကြတော့.... ၁) အလုပ်ကနေအပြန်ကားပေါ်မှာကိုယ့်အကြိုက်ဆုံးသီချင်းလေးဖွင့်ထားတာတောင် ဘာမှကိုမခံစားရတော့တာမျိုး ၂) သူ့ပရိုဖိုင်ကိုသွားကြည့်ပြီး ဘာဆိုဘာမှကိုပြောစရာမရှိတော့တာမျိုး ၃) ရင်ထဲမှာနာကျင်တယ်ဆိုတာထက် ဘာမှကိုခံစားလို့မရနိုင်သလိုမျိုးကြီးဖြစ်နေတာမျိုး ၄) တခါတလေပျော်စရာရွှင်စရာမွေးနေ့ပါတီ ကလပ်ထဲရောက်ပြီးအားလုံးမြူးတူးပျော်ရွှင်နေတာတောင် ကိုယ်တစ်ယောက်တည်းအထီးကျန်နေသလိုခံစားရတာမျိုး အစရှိတဲ့ ခံစားမှုမျိုးတွေကိုခံစားရတတ်လေ့ရှိကြပါတယ်။
သင့်ကလေးရဲ့ပင်ကိုယ်စွမ်းရည်ကို ထက်မြက်လာအောင် ဘယ်လိုလုပ်မလဲ။
ကလေးတွေရဲ့ စွမ်းရည်က တစ်ယောက်နဲ့တစ်ယောက်မတူကြပါဘူး။ တစ်ချို့က လူမှုဆက်ဆံရေးကောင်းတယ်၊ အဲလိုလူမှုဆက်ဆံရေးကောင်းမွန်ပြီး လူတွေရဲ့စိတ်ကို ဘယ်လိုဖတ်ရမလဲ သိတဲ့သူမျိုးကျတော့ Human Resources လိုနေရာမျိုးမှာ အဆင်ပြေနိုင်ပါတယ်။ စိတ်ပိုင်းဆိုင်ရာခံစားချက်အရ ခံစားတတ်တဲ့ကလေးမျိုးကျတော့ ဖန်တီးပုံဖော်မယ်၊ စိတ်ဆန္ဒပြင်းပြစွာ ဖန်တီးမယ့်အလုပ်မျိုးနဲ့ အဆင်ပြေနိုင်ပါတယ်။ ကလေးတိုင်းမှာ ပင်ကိုယ်စွမ်းရည်ရှိပြီးသားဖြစ်ပါတယ်။ ကလေးရဲ့ပင်ကိုယ်စွမ်းရည်ကို မိဘက သိနားလည်ပြီး ပင်ကိုယ်စွမ်းရည်ကို ပိုပြီးအစွမ်းထက်လာအောင် မြင့်တင်ပေးသင့်ပါတယ်။ သူတို့ကိုယ်တိုင်လည်း ဝါသနာပါ၊ ပင်ကိုယ်အစွမ်းလည်းဖြစ်တဲ့အတွက် နည်းနည်းလေးမြင့်တင်ပေးလိုက်တာနဲ့တင် များများအကျိုးသက်ရောက်မှုရှိနိုင်တာမို့ ကလေးအတွက် အားသာချက်ဖြစ်သွားမှာဖြစ်ပါတယ်။ အဲဒါကြောင့် သင့်ကလေးမှာလည်း ဘယ်လိုစွမ်းရည်မျိုးပိုင်ဆိုင်ထားသလဲ၊ ထိုစွမ်းရည်ကို ဘယ်လိုမျိုး မြင့်တင်ပေးမလဲဆိုတာဖော်ပြပေးလိုက်ပါတယ်။
ကျန်းမာရေး ကလေးပြုစုပျိုးထောင်ခြင်း ပျော်ရွှင်သောဘဝ ကိုးကားစာများ
အပြင်ထွက်ပြီး လုပ်ဆောင်နိုင်တဲ့ စိတ်ဖိစီးမှုတွေကို လျော့ကျစေသောလေ့ကျင့်ခန်းများ
ဖိစီးမှုဆိုတာက ဘဝမှာ မရှောင်ရှားနိုင်တဲ့အစိတ်အပိုင်းပဲဖြစ်ပါတယ်။ အလုပ်မှာ၊ ကျောင်းမှာ၊ မိသားစုမှာ ၊ တွေ့ဆုံပွဲမှာ၊ ဆက်ဆံရေး အသစ်၊ အဟောင်းစသဖြင့် ဖိစီးမှုအမျိုးမျိုးရှိကြတာပါပဲ။ ဖိစီးမှုတွေကိုလျော့ကျစေဖို့အတွက် လုပ်ဆောင်နိုင်တဲ့လေ့ကျင့်ခန်းလေးတွေကိုဖော်ပြပေးလိုက်ပါတယ်။ အပြင်ထွက်ပြီး လုပ်ဆောင်နိုင်တဲ့လေ့ကျင့်ခန်းတွေက သင့်ကို စိတ်ဖိစီးမှုလျှော့ကျစေနိုင်သလို သင့်ရဲ့ကျန်းမာရေးကိုလည်း ကောင်းမွန်စေနိုင်ပါတယ်။
အောင်မြင်နေတဲ့လူတွေရဲ့ ပျော်ရွှင်မှုအလေ့အကျင့်များ
ပျော်ရွှင်ခြင်းဆိုတာက ကျွန်တော်တို့လုပ်ယူနိုင်တဲ့အရာပဲဖြစ်ပါတယ်။ ပျော်ရွှင်အောင်ဘယ်လိုကျင့်ကြံနေထိုင်မလဲ။ အလုပ်ရှုပ်တဲ့နေ့ရ့်တွေမျာ ရိုးရှင်းတဲ့လုပ်ဆောင်ချက်လေးတွေကို ကျင့်သုံးရုံနဲ့ သင့်ဘဝကို ပျော်ရွှင်စွာဖြတ်သန်းနိုင်ပါတယ်။ အောင်မြင်ပျော်ရွှင်နေတဲ့သူတွေ ကျင့်သုံးနေတဲ့ အကျင့်လေးတွေကို ဖော်ပြပေးလိုက်ပါတယ်။
မိတ်ဆွေကောင်းဘယ်တော့မှ မရနိုင်မယ့်လူတွေရဲ့အကျင့်ဆိုးများ
လောကမှာ မိတ်ဆွေကောင်းရှိခြင်းက ရွေရှိတာထက်ပိုတန်ဖိုးရှိပါတယ်။ ဒါပေမယ့် မိတ်ဆွေကောင်းဆိုတာကို ရဖို့ကလည်း ရွှေဝယ်ရတာထက် ပိုခက်ပါတယ်နော်။ ကိုယ့်ဘဝရဲ့အခက်အခဲ၊ အကြပ်အတည်းပေါင်းများစွာကို ရင်ဆိုင်နေရချိန်မျိုးမှာ အားငယ်စိတ်ဓာတ်ကျခြင်းတွေကို လူတိုင်းနီးပါးခံစားကြရမှာပါ။ ထိုအချိန်မျိုးမှာ ကိုယ့်ကို တိုင်ပင်ဖော်၊ တိုင်ပင်ဖက်၊ အားကိုးအားထားပြုနိုင်တဲ့သူ၊ ကိုယ့်ရဲ့အမှားကို အမှားလို့ အမုန်းခံပြီး ကိုယ့်အကျိုးအတွက်ပြောပေးမယ့် သူငယ်ချင်းမိတ်ဆွေစစ်ဆိုတာ တကယ့်ကို လိုအပ်ပါတယ်။ ကိုယ်တိုင်ကတော့ မိတ်ဆွေစစ်ဆိုတာ……လိုချင်ကြတဲ့သူချည်းပါပဲ။ ဒါပေမယ့် မိတ်ဆွေစစ်ကိုလိုချင်ရင် ကိုယ်တိုင်မိတ်ဆွေစစ်ပီသအောင် နေရမယ်ဆိုတာကိုတော့ မေ့နေတတ်ကြပါတယ်။ ကိုယ်တိုင်က အခြားသူငယ်ချင်းတွေအတွက် မိတ်ဆွေစစ်ပီသစွာ ဖေးမကူညီတတ်တဲ့သူဖြစ်တဲ့အခါ တစ်နေ့တစ်ချိန်မှာတော့ ကိုယ့်လိုစစ်မှန်စွာ ပေါင်းသင်းမယ့်သူမျိုးက သင့်ထံရောက်လာမှာပါ။ သင်နဲ့စိတ်ထားချင်းထပ်တူညီပြီး သင့်လိုလူမျိုးတွေက သင်ထံကိုပဲ ရောက်လာမှာဖြစ်ပါတယ်။ အဲဒါကို တန်ပြန်သက်ရောက်မှုရှိခြင်းလို့ခေါ်ပါတယ်။ သင်ကိုယ်တိုင်တောင်မှ လိုအပ်မှ မိတ်ဆွေကိုပေါင်း၊ အလိုရှိမှ မျက်နှာချိုသွေးတတ်သူဆိုရင်တော့ သင့်ထံကိုလည်း သင့်လိုလူတွေပဲရောက်လာပါလိမ့်မယ်။ အဲဒါကြောင့် သင့်မှာ ထိုကဲ့သို့အကျင့်ဆိုးတွေရှိနေရင် ပြုပြင်နိုင်အောင် မိတ်ဆွေကောင်းမရနိုင်တဲ့သူရဲ့အကျင့်ဆိုးတွေကို ဖော်ပြပေးလိုက်ပါတယ်။