ကိုယ့်ဘဝအတွက် ရှေ့ဆက်လို့ မသင့်တော်တဲ့ ချစ်သူကို ဖြတ်ဖို့ခက်နေလား
တစ်ချို့လူတွေမှာ သူ့တို့ဘဝအတွက်ဘယ်လိုမှရှေ့ဆက်လက်တွဲလို့မဖြစ်နိုင်တဲ့ ချစ်သူမျိုးတွေရှိကြပါတယ်။ ဘဝအတွက် ဘယ်လိုမှ ညှိုနှိုင်းပြီးရှေ့ဆက်လို့မရမှန်းလဲ သိကြပေမယ့် ဘယ်လိုမှ မဖြတ်နိုင်ဘဲ စိတ်ပိုင်းမဖြတ်နိုင်တဲ့သူမျိုးတွေ တွေ့ဖူးပါတယ်။ အဲလိုဖြစ်နေတဲ့သူတွေအတွက် ဘာတွေဖြစ်လာနိုင်သလဲဆိုတာလေးတွေးပြီး လက်တွဲဖြုတ်လိုက်ပါလို့ပဲ အကြံပေးချင်ပါတယ်နော်။ ဖြစ်လာနိုင်တာလေးတွေဖတ်ကြည့်ပြီး ဆင်ခြင်နိုင်ကြပါစေနော်။
ဓမ္မတာ ရာသီလာခြင်း သည် ရှက်စရာမဟုတ်ပါ။
သိပ္ပံနဲ့ဆေးပညာမထွန်းကားခင်တုန်းကတော့ ရာသီလာခြင်းကို မကောင်းသောကိစ္စရပ်ကြီးတစ်ခုလို အမျိုးသမီးတွေကိုနှိမ့်ချဆက်ဆံတတ်ကြပါတယ်။ မြန်မာနိုင်ငံမှာဆိုရင်လည်း တစ်ချို့သော အယူကြီးသူတွေက ဒီကိစ္စကြီးက မနှစ်မြို့ဖွယ်ရာ ကိစ္စရပ်ကြီးတစ်ခုလိုမျိုး ဖယ်ကျဉ်ထားတတ်ကြပါတယ်။ ဒါ့အပြင် ဒီလိုကိစ္စမျိုးကို ထုတ်ဖော်ပြောတာကို ဟန့်တားတတ်ကြပါသေးတယ်။ အမျိုးသမီးတွေက အမျိုးသားတွေထက်ကို ဘုန်းကံနိမ့်လို့ပါဆိုတဲ့ အတွေးအခေါ်မျိုးတွေနဲ့လည်း ရှုံ့ချတတ်ကြပါသေးတယ်။ တကယ်တော့ အဲဒါဟာ မှားယွင်းတဲ့အယူအဆတွေဖြစ်ပါတယ်။
ကန်စွန်းဥစားခြင်းရဲ့အကျိုးကျေးဇူးများ
ကန်စွန်းဥကို လူတိုင်းစားဖူးကြမှာပါ။ ကန်စွန်းဥကနေ ဘာအကျိုးကျေးဇူးတွေရနိုင်မလဲဆိုတာလေး သိအောင်ပြောပြပေးချင်ပါတယ်။ ၁) အစာခြေစနစ်ကို ကောင်းမွန်စေခြင်း ၂) ခုခံနိုင်စွမ်းကို တိုးစေခြင်း ၃) ပေါင်ချိန်ထိန်းပေးနိုင်ခြင်း ၄) ခန္ဓာကိုယ်မှ ရေဓာတ်ခမ်းခြောက်ခြင်းကို ကူညီပေးနိုင်ခြင်း ၅) အစာအိမ်နာခြင်းနှင့် ရောင်ခြင်းကို ကုသပေးဖို့ ကူညီပေးနိုင်ခြင်း ၆) လည်ချောင်းနာခြင်းကို ကူညီပေးနိုင်ခြင်း ၇) အဆစ်ရောင်ရောဂါများကို ကာကွယ်ဖို့ ကူညီပေးနိုင်ခြင်း ၈) ကင်ဆာရောဂါအမျိုးမျိုးကို ကာကွယ်ဖို့ ကူညီပေးနိုင်ခြင်း ၉) အမြင်အာရုံတိုးတက်ဖို့ ကူညီနိုင်ခြင်း ၁၀) ကြွက်တက်ခြင်း နှင့် ထိခိုက်ဒဏ်ရာရခြင်းများကို ကာကွယ်ဖို့ ကူညီနိုင်ခြင်း ၁၁) နှလုံးရောဂါကို ကာကွယ်ဖို့ ကူညီနိုင်ခြင်း ၁၂) အဆုတ်ရဲ့လုပ်ဆောင်ချက်ကို ပိုမိုကောင်းမွန်ဖို့ ကူညီပေးခြင်း ၁၃) သွေးတွင်းသကြားဓာတ်ကို ထိန်းညှိ့ပေးနိုင်ခြင်း ဒီလောက်ဆိုရင်တော့ ကန်စွန်းဥစားခြင်းဖြင့် ရရှိနိုင်မယ့်အကျိုးကျေးဇူးတွေကို သိလောက်ပြီထင်ပါတယ်။ တန်ဆေးလွန်ဘေးဆိုသလို အစားများသွားမျိုးဆိုရင် ဘယ်အရာမဆို ဘေးဖြစ်နိုင်တာတော့ သတိပြုစေချင်ပါတယ်။ ဘယ်အရာမဆိုအလွန်အကျွံ့ဖြစ်ရင်တော့ ဘာမှကောင်းကျိုးမရှိပါဘူးနော်။ အားလုံးပဲကျန်းမာသုခနဲ့ပြည့်စုံနိုင်ကြပါစေ။ #BAWA101
ဒီနေ့ခေတ်မှာ လူနေမှုအဆင့်အတန်းတွေက ပိုပြီးမြင့်မားလာပါပြီ။ မြင့်မားလာတဲ့လူနေမှုကြောင့် လိုချင်တပ်မက်စရာတွေလည်း မကုန်နိုင်အောင် ဈေးကွက်ထဲမှာတွေ့မြင်နေရပါတယ်။ လိုချင်မှုတွေနောက်ကိုလိုက်ဖို့အတွက် နေ့စဉ်ဘဝမှာ အသည်းအသန်လိုက်မှီအောင် ကြိုးစားလာကြပါတယ်။ ထိုအခါမှာ မှီနိုင်ရင်တော့ ကောင်းပါရဲ့၊ မမှီနိုင်တဲ့အခါမှာတော့ depression ဝင်လာတာမျိုးတွေ ဖြစ်လာရပါတော့တယ်။ အဲဒီ့အခါမှာ လူရဲ့အသိဉာဏ်ထိန်းချုပ်မှုအလျောက် စိတ်ဓာတ်ကျခြင်း၊ စိတ်ဖိစီးခြင်း အနည်းအများပေါ်မူတည်ပြီး ကိုယ့်ကိုကိုယ်ထိန်းချုပ်နိုင်စွမ်းကွာခြားလာပါတော့တယ်။
အရက်စွဲခြင်းကြောင့် ဖြစ်လာနိုင်သောဆိုးကျိုးများ
ဒီနေ့ခေတ်မှာ social drinking ဆိုတဲ့အသုံးအနှုန်းက ပေါများစွာသုံးလာကြပါတယ်။ လူမှုရေးအရ ဘီယာသောက်ခြင်း၊ အရက်သောက်ခြင်းက သိပ်ပြီး ကိစ္စမရှိပေမယ့် မိုးလင်းကတည်းက အရက်သောက်ဖို့တွေးနေပြီဆိုရင်တော့ ပြဿနာရှိလာပါပြီ။ ဘီယာလောက်သောက်တာ အရက်သောက်တာမှမဟုတ်တာဆိုတဲ့ အတွေးအခေါ်တွေနဲ့ ဘီယာကို အအေးဘူးဖောက်သောက်သလို ခွန်အားဖြည့်အချိုရည်သောက်သလို သောက်ချင်စိတ်ပေါ်လာတိုင်းသောက်မယ်ဆိုရင်တော့ အဲဒါဟာ ရေရှည်အတွက် ပြဿာနာအကြီးကြီးဖြစ်သွားပါပြီ။
နဂါးမောက်သီးကို ဘာကြောင့်စားသုံးသင့်သလဲဆိုရင် နဂါးမောက်သီးမှာ ကျန်းမာရေးနဲ့ပတ်သတ်တဲ့အာဟာရတွေအများကြီး ပါဝင်နေလို့ပါ။ ကျန်းမာရေးနဲ့ ညီညွှတ်စေတဲ့အပြင် အရွယ်တင်နုပျိုစေနိုင်ပါသေးတယ်။ အသီးအရွက်စားဖို့ ကြောက်တတ်တဲ့ ကလေးငယ်တွေကိုလည်း အစားလည်းဆေး၊ ဆေးလည်းအစာ ဆိုသလို ကျွေးလို့ရပါသေးတယ်။ ကဲ….နဂါးမောက်သီးရဲ့ အကျိုးကျေးဇူးတွေကို ဖတ်ကြည့်လိုက်တော့နော်။ ၁) ကိုလက်စထရောကို လျော့နည်းစေခြင်း ၂) သွေးတွင်းသကြားဓာတ်ကို လျော့နည်းစေခြင်း ၃) နှလုံးသွေးကြောနဲ့ဆိုင်သောရောဂါတွေကို လျော့ကျစေဖို့ကူညီပေးနိုင်ခြင်း ၄) အသီးထဲမှာ အမျှင်ဓာတ်များစွာပါဝင်မှုကြောင့် အစာခြေစနစ်ကိုကောင်းမွန်စေခြင်း ၅) အရိုးအဆစ်သန်မာစေသော ပိုတက်ဆီယမ်နဲ့ ကယ်လဆီယမ်တွေကြွယ်ဝစွာပါဝင်ခြင်း ၆) ပိုတက်ဆီယမ်ဓာတ်ကပဲ နှလုံးနဲ့ ကျောက်ကပ်ကို အားကောင်းဖို့ကူညီပေးခြင်း ၇) ဓာတ်တိုးဆန့်ကျင် အာနိသင် (antioxidant) နှင့် vitamin C ပါဝင်မှုကြောင့် ကိုယ်ခံအားကိုကောင်းစေခြင်း ၈) အသီးထဲမှာပါသော "ကယ်ရိုတင်း" ကလည်း ကင်ဆာဖြစ်စေမည့် ကာဆီနိုဂျင်တွေကို တိုက်ဖျက်ပေးတာကြောင့် ကင်ဆာ အကျိတ်တွေကို သေးသွားအောင် ကူညီပေးနိုင်ခြင်း ၉)အမြင်အာရုံတိုးတက်ကောင်းမွန်စေဖို့ ကူညီပေးနိုင်ခြင်း ၁၀) တုတ်ကွေးရောဂါသည်တွေကို ကုသရာတွင် အကူအညီပေးနိုင်ခြင်း ၁၁) အရွယ်တင်နုပျိုစေနိုင်ခြင်း ၁၂) ဝိတ်ကျစေနိုင်ခြင်း အခုလောက်ဆိုရင်တော့ နဂါးမောက်သီးရဲ့အကျိုးကျေးဇူးလေးတွေ သိသွားလောက်ပါပြီနော်။ အားလုံးပဲ ကျန်းမာပျော်ရွှင်ကြပါစေ။ #BAWA101
University ကျောင်းသားများအတွက် ကျန်းမာရေး အကြုံပြုချက်များ
တစ်ချို့သော တက္ကသိုလ်ကျောင်းသားတွေက မိဘမောင်နှမနဲ့ခွဲပြီး အဝေးတစ်နေရာမှာ ကျောင်းသွားတက်ကြတာမျိုးရှိပါတယ်။ အဲဒီ့အခါ ကိုယ့်ကို အရေးတယူဂရုစိုက်ပေးမယ့် မိဘဆွေမျိုးနဲ့ မနီးစပ်တဲ့အတွက် ကိုယ့်ကိုကိုယ်သာ အစစဂရုစိုက်ကြရပါတယ်။ အဲဒါကြောင့် မိဘနဲ့အဝေးမှာရောက်နေရမယ့် တက္ကသိုလ်ကျောင်းသားကျောင်းသူတွေအတွက် ကျန်းမာရေးနဲ့ပတ်သက်ပြီး သတိထားသင့်တာလေးတွေကို ပြောပြပေးချင်ပါတယ်။
သင့်ဘဝတိုးတက်ဖို့ နည်းလမ်း ၁၃ချက်
လူတိုင်းက ဘဝတိုးတက်ချင်ကြမှာပါ။ ဒါပေမယ့် လက်တွေ့တော့ တိုးတက်ဖို့လမ်းညွှန်ချက်တွေကို မလိုက်နာနိုင်ကြပါဘူး။ ရိုးရှင်းပြီး လိုက်နာလို့လွယ်မယ်ထင်ရတဲ့ အချက် ၁၃ချက်ကို ဖော်ပြပေးလိုက်ပါတယ်။ ၁) အကြောက်တရားကို ရင်ဆိုင်လိုက်ပါ။ အကြောက်တရားကို သင်ဘယ်လိုကျော်လွှားအောင်မြင်နိုင်မလဲ။ အကြောက်တရားတွေကို ဖယ်ထုတ်မပစ်လိုက်ပါနဲ့၊ ရင်ဆိုင်ပစ်လိုက်ပါ။ “ငါက ဘာကိုကြောက်နေရမှာလဲ။ အဲဒါကို အံ့အားသင့်စရာကောင်းလောက်အောင် ငါပြောင်းလဲပစ်နိုင်တယ်” လို့ပြောပြီး သင့်ရဲ့အကြောက်တရားကို ဒီနေ့ပဲရင်ဆိုင်လိုက်ပါ။ ၂) ဦးတည်ချက်ကို ပြောင်းလဲနိုင်ရန် သင့်ရဲ့စိတ်စွမ်းအင်ကို အကျင့်လုပ်ပေးပါ။ သင်လိုချင်တာကို လက်လျှော့ဖို့ပြောတာမဟုတ်ပါဘူး။ အခုသွားနေတဲ့လမ်းကြောင်းက အလုပ်မဖြစ်ဘူးဆိုရင် လွန်ခဲ့တဲ့ခြောက်နှစ်လောက်ကတည်းက လုပ်နေတဲ့ လမ်းဟောင်းကြီးကို ခုချိန်မှာ အသစ်ပြောင်းဖို့ပြောချင်တာပါ။ ပန်းတိုင်ကို အသစ်တစ်ခုသတ်မှတ်မယ်၊ အဲဒီ့ပန်းတိုင်ကို သွားမယ့်လမ်းကြောင်းအသစ်ကိုရွေးပြီး လမ်းကြောင်းမတူအောင် သွားပါ။ အဲဒီလိုအပြောင်းအလဲကို အကျင့်လုပ်ပေးဖို့ သင့်ရဲ့စိတ်စွမ်းအင်ကို အသုံးချပါ။ လွန်ခဲ့တဲ့နှစ်က လုပ်ခဲ့တဲ့ အမှားတွေကို ပြန်သုံးသပ်၊ ပြန်ပြုပြင်ရှင်းလင်းအောင်လုပ်ပြီး နောင်နှစ်အတွက် ခုကတည်းက အသစ်ကစလိုက်တော့။ အဲဒါက သင့်ကို ခြားနားအောင်လုပ်ပေးပါလိမ့်မယ်။ ၃) အမှားတွေကို ဝန်ခံပါ။ တခါတရံမှာ အခြားသူတွေကို ဝန်ခံဖို့လိုပါတယ်။ အကောင်းဆုံးစကားလုံးတစ်ခုကတော့ “ကျွန်တော်ဝမ်းနည်းပါတယ်” ဆိုတာပါ။ အဲဒီ့စကားလုံးက ဆက်ဆံရေးအားလုံးကို အသစ်ကပြန်စဖို့ပြောချင်တာပါ။ သင့်ရဲ့ပတ်ဝန်းကျင်အပေါ်မှာ မှားနေတာတွေကော၊ သင့်ကိုယ်သင်အပေါ်မှားနေတာတွေကောပေါ့။ သင့်ရဲ့အမှားတွေကို သင့်ဟာသင်ဆန်းစစ်ပြီး ဝန်ခံ၊ ပြုပြင်ပါ။ သင့်ကိုသင်ပြောပါ။ “ငါ့မှာ ငွေလေးအနည်းငယ်ပဲရှိတယ်၊ ဘဏ်ထဲမှာငွေတစ်ပြားမှမရှိဘူး။ ဒီလိုဖြစ်ပျက်တာကို ထပ်ပြီး မလိုချင်တော့ဘူး” အဲလိုဝန်ခံပြီး အဲလိုဘယ်တော့မှ ထပ်မဖြစ်တော့အောင် ပြုပြင်ပါတော့။ ၄) သင့်ရဲ့ပန်းတိုင်ကို ပြန်ပြီး သတ်မှတ်ပါ။ နည်းလမ်းတစ်ခုကို ပြန်စတင်ပါ။ ပိုပြီးမြင့်တဲ့ရည်မှန်းချက်ကိုရောက်ဖို့ ပိုပြီး မြင့်မားတဲ့ရည်မှန်းချက်ကို သတ်မှတ်ပါ။ သင့်ကိုသင်လုပ်နိင်တယ်လို့ထင်တဲ့ အကွာအဝေးထက်ကို ဝေးဝေးကို ပိုရောက်အောင် သွားပါ။ ၅) ကိုယ့်ကိုကိုယ် ယုံကြည်ပါ။ ဖြစ်နိုင်တာကို သင်ယုံကြည်ပါ။ ဒီနေ့ထက်မနက်ဖြန်က ပိုကောင်းစေရမယ်ဆိုတာ သင်ယုံကြည်ထားလို့ရပါတယ်။ သင့်ကိုသင်ယုံကြည်ပါ။ သင်မသင်ယူနိုင်တဲ့ အတတ်ပညာဆိုတာမရှိပါဘူး။ သင်မကြိုးစားနိုင်တဲ့ စည်းကမ်းဆိုတာမရှိပါဘူး။ သင်မတတ်နိုင်တဲ့ သင်ခန်းစာဆိုတာမရှိပါဘူး။ သင်မဖတ်နိုင်တဲ့ စာအုပ်ဆိုတာလည်း မရှိပါဘူး။ ၆) ဉာဏ်ပညာရှိဖို့အတွက် မေးမြန်းပါ။ အသိဉာဏ်အတွက် မေးမြန်းတာက သင့်အတွက် အဖြေတွေကို ဖန်တီးပေးမှာပါ။ ဒီနေ့နဲ့ မနက်ဖြန်မှာ စိန်ခေါ်မှုတွေအတွက် ဉာဏ်ပညာရှိဖို့ ဆွေးနွေးပါ၊ မေးမြန်းပါ။ မလွယ်ကူလေလေ သင့်အတွက် အသိပညာပိုရလေလေပါပဲ။ ၇) သင့်ရဲ့အချိန်တွေကို အလကားမဆုံးရှုံးပါစေနဲ့။ တခါတရံမှာ ကျွန်တော်တို့က အလကားအချိန်တွေကုန်တတ်ကြပါတယ်။ သာမန်လူတစ်ယောက်က ပြောတတ်ပါတယ်။ “င့ါမှာ အချိန်အနှစ် ၂၀ လောက်ကျန်ပါသေးတယ်” ဆိုပြီးတော့ပေါ့။ သင့်မှာအချိန်အနှစ် ၂၀ ရနေပေမယ့် တစ်နှစ်ပြီး တစ်နှစ်သာ ကုန်ဆုံးသွားမှာပါ။ အနှစ် ၂၀ ထပ်တိုးပြီး တစ်ခါတည်းရတာမဟုတ်ပါဘူး။ အဲဒါက သင့်ကိုထင်ယောင်ထင်မှားဖြစ်စေပြီး သင့်ရဲ့အချိန်တွေကို အကျိုးမဲ့ကုန်ဆုံးပစ်မိတတ်ပါတယ်။ ၈) သင့်ရဲ့အကျိုးအမြတ်တွေကို ရင်းနှီးမြုပ်နှံပါ။ အကျိုးအမြတ်ဆိုတာက လုပ်အားခထက် ပိုပြီး ကောင်းပါတယ်။ လုပ်အားခက သင့်ကို အသက်မွေးမှုအတွက် ပြုလုပ်ပေးနိုင်တယ်။ အကျိုးအမြတ်ကတော့ သင့်ရဲ့အနာဂတ်အတွက် ပြုလုပ်ပေးနိုင်တာပါ။ အသက်မွေးဝမ်းကျောင်းအတွက် အသက်ရှင်နေရင်းနဲ့ အကျိုးအမြတ်အတွက် စပြီး ရင်းနှီးမြုပ်နှံသင့်လားဆိုရင်တော့ အဖြေက ဟုတ်ကဲ့လို့ပြောရမှာပါပဲ။ ၉) ပြင်းပြတဲ့စိတ်နဲ့ အသက်ရှင်ပါ။ သင့်ဘဝမှာ သင်ဘာပဲလုပ်လုပ် အဲဒီ့အပေါ်မှာ ပိုပြီး အာရုံစိုက်ပါ။ ပိုပြီး သန်မာပါစေ၊ ပိုပြီး ဉာဏ်ရှိပါစေ။ အရာရာတိုင်းမှာ ပိုပြီး ဖြတ်လတ်တက်ကြွပါစေ။ ပိုပြီး အာရုံစိုက်ပါ။ ပိုပြီး ခံစားပါ။ ဘာလုပ်လုပ်ဖြစ်မြောက်အောင်လုပ်ရမယ်ဆိုတဲ့ ပြင်းပြတဲ့စိတ်နဲ့ အသက်ရှင်ပါ။ ၁၀) သင့်ရဲ့နေရာကို ရှာဖွေပါ။ သင်အကောင်းဆုံးလုပ်ပေးနိုင်တဲ့ အကောင်းဆုံးနေရာကို ရှာဖွေပြီး အလုပ်လုပ်ပါ။ အကောင်းဆုံးဖြစ်အောင်အလုပ်လုပ်ပါ။ သင်တတ်နိုင်သလောက် အစွမ်းကုန် အကောင်းဆုံးဖြစ်အောင်လုပ်ပါ။ ၁၁) သင့်ကိုယ်သင်ရိုးသားဖို့လိုပါတယ်။ ရိုးသားမှုက သစ္စာရှိခြင်းလိုပါပဲ။ အခြားတစ်ယောက်ဆီက မျှော်လင့်နေလို့ မရပါဘူး။ သင်ကိုယ်တိုင်သာ ရိုးသားပြလိုက်ပါ။ ရိုးသားမှုအတွက် အကောင်းဆုံးဥပမာဖြစ်ပါစေ။ အဲဒါမှ သင့်ရဲ့နောက်လိုက်တွေက သင့်အပေါ်ရိုးသားလာမှာပါ။ သစ္စာရှိခြင်းအတွက် အကောင်းဆုံးစံပြဖြစ်ပါစေ။ သင့်ပတ်ဝန်းကျင်မှာရှိတဲ့လူတွေအားလုံးထဲမှာ မှ သင်က သစ္စာရှိတဲ့အကောင်းဆုံး စံပြဖြစ်ပါစေ။ သင်ကဦးဆောင်ပြီး ရိုးသားလိုက်ပါ။ ၁၂) စည်းကမ်း လိုက်နာပါ။ စည်းကမ်းကို အမှန်တကယ် သင်ကိုယ်တိုင်လိုက်နာရုံကလွဲပြီး သင့်ကို ဒီထက်ကောင်းတဲ့အကြံဉာဏ်ပေးဖို့မရှိတော့ပါဘူး။ စည်းကမ်းက မြို့ကြီးတစ်မြို့လုံးဖြစ်တည်နိုင်ပါတယ်။ စည်းကမ်းမရှိရင်လည်း မြို့ကြီးတစ်မြို့လုံးကိုတောင် ဖျက်ဆီးနိုင်စွမ်းရှိပါတယ်။ စည်းကမ်းရှိခြင်းက ကြွယ်ဝမှုကိုဖန်တီးပေးနိုင်ပါတယ်။ ပြိုင်ဘက်ကင်းစေနိုင်ပါတယ်။ ထုတ်လုပ်နိုင်စွမ်းကို တိုးတက်စေနိုင်ပါတယ်။ ၁၃) အမှန်တရားအတွက် အလျော့မပေးပါနဲ့။ ကျွန်တော့ ကလေးတွေအတွက် ကျွန်တော်ကြိုးစားနိုင်တယ်။ အမှန်တရားအတွက် ကြိုးစားနိုင်တယ်။ ကျန်းမာရေးကောင်းဖို့ ကျွန်တော်ကြိုးစားနိုင်တယ်။ ကျွန်တော့်ကုမ္ပဏီအတွက် ကျွန်တော်ကြိုးစားနိုင်တယ်။ ကျွန်တော့်မိသားစုအတွက် ဒီထက်ကောင်းတဲ့အလုပ်ရဖို့ ကျွန်တော်ကြိုးစားနိုင်တယ်။ တစ်စုံတစ်ခုကို ပိုပြီးတန်ဖိုးရှိစေချင်တဲ့အခါ အဲဒါအတွက်ကြိုးစားပြီမှ ရလာတာက ပိုပြီးတန်ဖိုးရှိလာပါတယ်။ ပြောချင်တာက ဘဝအတွက် အမှန်တရားအတွက် ကြိုးစားပြီး တိုက်ယူသင့်တာတွေကို တိုက်ယူပါ။ အားလုံးပဲလိုက်နာကျင့်သုံးပြီး ဘဝတွေ တိုးတက်လာနိုင်ကြပါစေ။ https://www.jimrohn.com/13-ways-to-improve-your-life/ လင့်မှ ဘာသာပြန်ဖော်ပြခြင်းဖြစ်ပါတယ်။
ကလေးကို ငယ်ငယ်ထဲက ငွေရေးကြေးရေးထိန်းသိမ်းတတ်အောင် ဘယ်လိုပျိုးထောင်မလဲ
လူကြီးဘဝမှာ ငွေကို ရေလိုသုံးတာတို့၊ လက်ဖွာတာတို့၊ မသုံးတတ်တာတို့ဆိုတာ ကလေးဘဝက စည်းကမ်းမလုပ်ပေးခဲ့လို့ပါ။ ငွေကြေးဆိုင်ရာ အကျင့်ကောင်းတွေကို ကလေးဘဝထဲက သင်ပေးထားသင့်ပါတယ်။ သင့်ကလေးကို ငွေကြေးဆိုင်ရာအကျင့်ကောင်းလေးတွေဖြစ်အောင် ဘယ်လိုပျိုးထောင်ပေးမလဲဆိုတာ ပြောပြပေးချင်ပါတယ်။ ၁) ပုံမှန်စုငွေသတ်မှတ်ပေးပါ။ သင့်ကလေးကို သင်က ကျောင်းမုန့်ဖိုးသတ်သတ်ပေးသလား။ ဒါမှမဟုတ် မုန့်ထည့်ပေးလိုက်ပြီး ငွေကို မထည့်ပေးတတ်ဘူးလား။ ဘယ်လိုပဲဖြစ်ဖြစ် သင့်ကလေးအတွက် တစ်ရက်ဘယ်လောက်ဆိုပြီး မုန့်ဖိုးသတ်မှတ်ပေးလိုက်ပါ။ ဆိုလိုတာက သင့်ကလေးကို မုန့်ဖိုး ၅၀၀ပေးတယ်ဆိုပါတော့။ ၂၀၀က စုဖို့သတ်မှတ်ပြီး ၃၀၀ဖိုးကို မုန့်ဝယ်ပေးလိုက်ပါ။ ဒါမှမဟုတ် မုန့်ထည့်ပေးတယ်ဆိုရင် ငွေ ၂၀၀ တန်တစ်ရွက်ကို ပြပြီး “သားအတွက်မုန့်ဖိုးကို သားစုဖို့နော်” ဆိုပြီး သူ့ရှေ့မှာတင် စုဘူးထဲထည့်ပေးပါ။ ၂) စုဘူးထားပေးပါ။ ကလေးအတွက် စုဘူးသပ်သပ်ထားပါ။ အထက်ကပြောသလို မုန့်ဖိုးပေးရင်မုန့်ဖိုးထဲက ဖယ်ပြီး စုဘူးထဲထည့်ခိုင်းပါ။ မုန့်ဝယ်ပေးရင် မုန့်ဖိုးကို ပြပြီး စုဘူးထဲထည့်ပေးပါ။ ကလေးစုဘူးကို ကလေးကိုယ်တိုင်သိမ်းဆည်းတဲ့အကျင့်လုပ်ပေးပါ။ ကလေးစုဘူးပြည့်ခါနီးလေ ကလေးက ပျော်လေလေဖြစ်တာကို သင်မြင်ရပါလိမ့်မယ်။ ၃) ရည်မှန်းချက်ထားခိုင်းပါ။ စုဘူးထဲ “သားမုန့်ဖိုး တစ်နေ့ဘယ်လောက်ထည့်စုမယ်နော်။ စုဘူးမပြည့်မချင်း မဖောက်ရဘူး၊ ကတိတည်မှ စုဘူးပြည့်တဲ့နေ့ သားလိုချင်တာ သွားဝယ်ပေးမယ်” အဲလိုမျိုး အပြန်အလှန်ကတိလုပ်ထားပါ။ စုဘူးမပြည့်မချင်း ကလေးက ပူဆာသမျှ ဘာမှမဝယ်ပေးမိပါစေနဲ့။ ဥပမာ။ အရုပ်ဆိုင်ကို ဝင်ပြီး အရုပ်ဝယ်ခိုင်းတာမျိုးပေါ့။ ငြင်းလဲမငြင်းပါနဲ့……အရုပ်ဆိုင်ထဲလိုက်သွားပါ၊ ကလေးလိုချင်တာကြည့်ပါစေ။ “သားလိုချင်တာကြည့်ထား….အိုကေ……ဈေးပါမှတ်ထားနော်။ ကြည့်လို့အကြိုက်တွေ့ပြီဆို မေမေတို့ ပြန်မယ်၊ စုဘူးပြည့်အောင်စုမယ်၊ စုဘူးပြည့်တဲ့နေ့ကျလာဝယ်ကြမယ်။ ဟုတ်ပြီနော်…..” အဲလိုမျိုးမလျော့မတင်းနည်းနဲ့ဆို ကလေးက သင့်ကိုကလန်ကဆန်လုပ်ပြီး ငိုယိုဂျီကျဝယ်ခိုင်းမှာမဟုတ်တော့ပါဘူး။ အမှန်တကယ် စုဘူးဖောက်တဲ့နေ့ကျရင်လည်း သူပြောခဲ့တဲ့အရုပ်ဆိုင်ကို သွားဝယ်ပေးလိုက်ပါ။ ၄) ငွေကို အကုန်လုံး သူ့လက်ထဲမထည့်ပေးလိုက်ပါနဲ့။ စုဘူးတော့ ပြည့်ပြီ။ စုဘူးဖောက်ကြမယ်။ ကလေးက သူ့နဲ့သူစုထားတဲ့ငွေတွေကို ကြည့်ပြီး ငွေစုရတာ သဘောကျလာပါလိမ့်မယ်။ တခုရှိတာက စုဘူးဖောက်ပြီးရင် စုဘူးထဲကငွေတွေအကုန်လုံးကို ကလေးကိုပေးကိုင်ပြီး သုံးခိုင်းတာမျိုးကို သတိထားပါ။ အဲဒါက ကလေးကို ငွေသုံးကြမ်းစေနိုင်ပါတယ်။ ငွေကို သူ့ဟာသူရေတွက်ပြီး သူလိုချင်တဲ့အရုပ်ကို ဝယ်ပေးမယ်။ ပိုတဲ့ငွေကို အိမ်က အကြီးအကဲကို ကန်တော့ဖို့ သင်ပေးပါ။ အဲဒါက ငွေကို သူလိုချင်တာဝယ်တတ်ပြီး လူကြီးကို သူ့မုန့်ဖိုးနဲ့ကန်တော့ခြင်းကို သူတန်ဖိုးထားတတ်လာပါလိမ့်မယ်။ ဥပမာ။ “သားမုန့်ဖိုးတွေကို ဘယ်သူကပေးတာလဲ” ဒါမျိုးမေးပါ။ “ဖေဖေမေမေက ပေးတယ်ဆိုရင် ဖေဖေမေမေက သားကိုချစ်လို့ပေးတာ။ ဖေဖေမေမေနဲ့လည်း ဆိုင်တယ်။ သားကပြန်စုထားတော့ တော်တာပေါ့။ ဒါပေမယ့် သားလိုချင်တာရရင် လူကြီးကို သားစုထားတဲ့ငွေထဲက ပြန်ကန်တော့တော့ သားကုသိုလ်ရတာပေါ့” ဆိုပြီး သိမ်းသွင်းပါ။ အိမ်မှာ အဖိုးအဖွားရှိရင် စုဘူးဖောက်တာနဲ့ အရုပ်အတွက် ငွေကိုဖယ်ထားပြီး ပိုတဲ့ငွေကို အဖိုးအဖွားကို ကန်တော့ခိုင်းလိုက်ပါ။ အဲဒါဆို ကြီးလာတဲ့အခါ ကလေးက အဖိုးအဖွားကို ကန်တော့ရကောင်းမှန်းသိသွားသလို၊ လိုချင်တာရအောင် စိတ်ရှည်ရှည်နဲ့ ငွေစုတတ်သွားပါလိမ့်မယ်။ ဒါမှမဟုတ်ရင်လည်း ပိုငွေကို နောက်ထပ်စုဘူးတစ်ဘူးအသစ်ထပ်ဝယ်ပြီး ပြန်စုခိုင်းထားလိုက်ပါ။ ၅) စဉ်းစားတတ်ပါစေ။ ကလေးက တစ်ခုခုကို လိုချင်လို့ ပူဆာတဲ့အခါ လိုအပ်လားမလိုအပ်လား ။ လိုအပ်တာဆိုရင် ဝယ်သင့်ကြောင်း၊ ကိုယ့်မှာလဲတကယ်မရှိသေးလို့ လိုအပ်နေတာမျိုးဆို ဝယ်ပေးမည့်အကြောင်း သေချာနားလည်အောင်ရှင်းပြပေးပါ။ လိုအပ်လို့ ဝယ်တာက သုံးတာဖြစ်ကြောင်း၊ မလိုအပ်ပဲ လျှောက်ဝယ်ပစ်တာက ဖြုန်းတာဖြစ်ကြောင်း၊ လျှောက်ဝယ်ပစ်ခြင်းက ငွေတွေအကုန်မြန်ကြောင်း၊ ဒုက္ခရောက်တတ်ကြောင်း၊ သုံးတာနဲ့ ဖြုန်းတာကို သေချာသိသွာေးအာင် သေချာစိတ်ရှည်ထားပြီးရှင်းပြပေးဖို့ လိုအပ်ပါတယ်။ ဥပမာ။ ကလေးကို မကြာသေးခင်က သူ့ဖိနပ်ပြတ်လို့အသစ်တစ်ရံ ဝယ်ပေးပြီးပြီဆိုပါတော့။ နောက်နေ့မှာ ဖိနပ်အသစ်တွေတွေ့လို့ထပ်ဝယ်ခိုင်းတာမျိုးဆိုရင် “သားဖိနပ်က ဘယ်နေ့ကဝယ်ထားတာလဲ။ ဒီဖိနပ်လည်း သားလိုချင်တာဝယ်ပေးတာပဲလေ။ အဲဒီ့တုန်းက ဖိနပ်ပြတ်သွားလို့ ဝယ်ပေးတာ၊ ဖိနပ်ပြတ်သွားတော့ စီးစရာရှိလား၊ ဖိနပ်မစီးဘဲ နေလို့ရလား၊ မရဘူးနော်။ အဲဒီ့တော့ ဖိနပ်ဝယ်မှဖြစ်မယ်၊ လိုအပ်တယ်နော်။ ဟုတ်ပြီ။ လိုအပ်လို့ သားကြိုက်တာကိုလည်း ရွေးပြီး ဝယ်ပေးလိုက်ပြီလေ။ ခုက ဝယ်ပြီးသားကြီးကို သားဆီမှာလည်း စီးစရာရှိပြီးကို ထပ်ဝယ်ဖို့ လိုအပ်လားသား….၊ စဉ်းစားကြည့်နော်……။ ခုတော့မလိုအပ်သေးဘူးမဟုတ်လား။ ခုဖိနပ်ပြတ်သွားတဲ့အခါ မေမေအသစ်ထပ်ဝယ်ပေးမှာပေါ့။ ဟုတ်ပြီလား” ဆိုပြီး ကလေးနားလည်မယ့် ဥပမာပေးပြီး စိတ်ရှည်ရှည်နဲ့ ရှင်းပြပေးပါ။ တစ်ခုရှိတာက ကလေးကို သူလိုချင်တာ၊ တကယ်လည်း လိုအပ်နေတာကို သူ့အတွက် ဝယ်ပေးတော့မယ်ဆိုရင် ကလေးကြိုက်တာကို ရွေးချယ်ခွင့်ပေးပါ။ ကလေးကြိုက်တာက အဆင်မပြေရင်တော့ ဘာကြောင့်အဆင်မပြေလဲဆိုတာပါ တစ်ခါတည်းရှင်းပြပေးပါ။ တစ်ချို့မိဘတွေက ကလေးဆန္ဒကို အလေးမထားဘဲ သူတို့ကြိုက်တာ၊ အဆင်ပြေမယ်ထင်တာ ဝယ်တတ်တဲ့အခါ ကလေးက မလိုချင်ဘဲ ၊ သူလိုချင်တဲ့အရာမျိုးထပ်တွေ့တဲ့အခါ ထပ်ပြီးဝယ်ပေးဖို့ ပူဆာတတ်လို့ပါ။ ၆) ပိုက်ဆံကို ခွဲခြားထားတာမျိုးမလုပ်ပါနဲ့။ တစ်ချို့တွေက ကလေးမုန့်ဖိုးရတဲ့အခါမျိုးမှာ ကလေးလက်ထဲပေးကိုင်ပြီး သားပိုက်ဆံဆိုပြီးလုပ်တတ်တာတွေ့ဖူးပါတယ်။ “သားပိုက်ဆံနဲ့သားလိုချင်တာဝယ်….ဖေဖေမေမေမယူဘူး” ဆိုပြီးလုပ်တတ်တာမျိုးပါ။ အဲလိုလုပ်တတ်ပြီး ကလေးပိုက်ဆံကို အဖေအမေကလုံးဝမယူပါဘူး။ ကလေးက ထိုငွေကိုကိုင်ပြီး ဆိုင်တကာလျှောက်ဝယ်ပစ်လိုက်တာမျိုးက ကလေးရဲ့ငွေကိုအသုံးချမှုကို ဆိုးရွားစေပါတယ်။ အဲလိုမျိုးအကျင့်လုပ်စရှိသွားရင် ကလေးက ငွေကို ကိုင်ပြီး သူ့စိတ်ထဲရှိရာဝယ်ရတာကို စွဲလမ်းသွားတတ်ပါတယ်။ ဖေဖေမေမေများ ကလေးပိုက်ဆံကို ကိုယ်လုံးဝမယူဘဲ ကလေးကိုပေးကိုင်တာက လုံးဝမမှန်ပါဘူး။ကလေးကို အကျင့်ပါပျက်သွားစေနိုင်ပါတယ်။ ကလေးဆိုတာက ကိုယ့်ကိုကိုယ်မထိန်းချုပ်နိုင်သေးပါဘူး။ ထိုအကျင့်ကိုစွဲလမ်းသွားတဲ့နောက်မှာ ကလေးကလိုချင်တာတွေရှိလာမှာပါပဲ။ အဲဒီ့အခါ ငွေရဖို့ သူစဉ်းစားလာမှာပါ။ ဘယ်သူမုန့်ဖိုးပေးမလဲ၊ ဘယ်သူ့ဆီက ပိုက်ဆံရမလဲ၊ ကျန်တာကိုတွေးမိမှာမဟုတ်ပါဘူး။ တစ်ယောက်ယောက်ဆီက ငွေရရင် သူလိုချင်တာတွေ ဝယ်နိုင်မယ်…..ကလေးက ဒီလောက်ပဲသိမှာပါ။ အဲဒီ့အခါမှာ အဖေအမေပိုက်ဆံတွေ့ရင် ယူထားလိုက်တာမျိုး၊ တစ်ယောက်ယောက်ရဲ့ပိုက်ဆံကို ယူထားလိုက်တာမျိုးတွေဖြစ်လာနိုင်ပါတယ်။ အဲဒါကြောင့် ကလေးလက်ထဲ မုန့်ဖိုးအဖြစ်ရောက်လာတဲ့ငွေကိုလည်း အဖေအမေက ထိန်းချုပ်ပါ။ ကလေးကိုမုန့်ဖိုးအဖြစ် ကလေးလက်ထဲငွေထည့်ပေးခြင်းကိုလည်း တားမြစ်ပါ။ ကိုယ်တိုင်လည်း မလုပ်ပါနဲ့။ ကလေးလက်ထဲရောက်လာရင်လည်း “ကလေးဆိုတာ ငွေကိုမသုံးတတ်သေးဘူး။ သားမုန့်ဖိုးကို မေမေကိုပေးထားနော်၊ သားလိုချင်တာရှိရင် မေမေကိုပြော၊ သားမုန့်ဖိုးနဲ့ ပြန်ဝယ်ပေးမယ်” ဆိုပြီး ကလေးကို ငွေပေးကိုင်ခြင်းမှ တားဆီးသင့်ပါတယ်။ ၇) ရင်းနှီးမြုပ်နှံတတ်အောင် သင်ပေးပါ။ ငွေဆိုတာက စုဆောင်းထားရုံနဲ့မပြီးတော့ပါဘူး။ ငယ်ရွယ်စဉ်အချိန်ကတည်းက ငွေကိုဘယ်လိုအသုံးပြုရတယ် ဘယ်လိုနေရာတွေမှာမြှုပ်နှံရတယ် ဘာကြောင့်မြှုပ်နှံရတယ် ဘာတွေသတိထားဖို့လိုတယ် ဆိုတာတွေကအစ တဖြည်းဖြည်းနားထဲဝင်အောင်သင်ပေးရမှာပဲဖြစ်ပါတယ်။ ရင်းနှီးမြှုပ်နှံမှုဆိုတာလူကြီးတွေကအစ မရင်းနှီးတဲ့ခေါင်းစဉ်တခုပါပဲ။ လူကြီးကိုယ်တိုင်က သေချာလေ့လာ သားသမီးတွေကို လက်ဆင့်ကမ်းရမည့် ပညာတစ်ခုပဲဖြစ်ပါတယ်။ ပညာရှင်တွေပြောကြားလေ့ရှိတဲ့စကားတစ်ခွန်းကတော့ လူတော်တော်များဟာငွေအတွက်အလုပ်လုပ်ကြပြီး တကယ်ချမ်းသာနေတဲ့သူတွေကတော့ ငွေဟာသူတို့အတွက် ပြန်အလုပ်လုပ်ေနေအောင် ရင်းနှီးမြှုပ်နှံထားတတ်သူတွေလို့ ပြောကြားပါတယ်။ ငွေကိုကိုင်တွယ်ပုံကို ထိန်းချုပ်ဖို့ကတော့ ကလေးအသက်အရွယ်အလိုက် မတူညီတတ်ပါဘူး ။ အထက်မှာဖော်ပြထားတာလေးတွေကတော့ ၄နှစ်ကနေ ၇နှစ်လောက်ထိတော့ သေချာပုံစံသွင်းပြီး ပျိုးထောင်ပေးလို့ရပါတယ်။ အဲဒီ့အသက်မှာ ငွေကိုင်ပုံစနစ်ကျအောင် မပျိုးထောင်မိရင် ရေရှည်မှာ ငွေနဲ့ပတ်သက်တဲ့မလိုလားအပ်တာတွေဖြစ်လာနိုင်ပါတယ်။ အားလုံးပဲ ကလေးတွေကို စနစ်တကျပျိုးထောင်နိုင်အောင်အကူအညီဖြစ်စေဖို့ ဒီစာဆောင်လေးကိုရေးသားမ ျှဝေလိုက်ရခြင်းဖြစ်ပါတယ်။#BAWA101
Motivational Speaker Jim Rohn ၏မှတ်သားဖွယ် ကောက်နုတ်ချက်များ။
Jim Rohn က ဘဝ၊ ကျရှုံးမှု၊ အောင်မြင်မှု၊ ငွေကြေး စတဲ့အရာတွေအပေါ်မှာ ဘယ်လိုသဘောထားခဲ့သလဲဆိုတဲ့ ကောက်နုတ်ချက်လေးတွေ ဖတ်ကြည့်ပြီး အတွေးတစ်ခုခုရသွားမှာပါ။
single mom တစ်ယောက်ဖြစ်လာတဲ့အခါ…..
Single mom ဆိုတာကို ဘယ်သူကမှမဖြစ်ချင်ကြပါဘူး။ မဖြစ်ချင်ပေမယ့် ဖြစ်လာရတဲ့အခါ ဖြစ်လာတဲ့ဘဝကိုအကောင်းဆုံးရပ်တည်သွားဖို့သာ လုပ်နိုင်ပါတယ်။ မဖြစ်ချင်တဲ့ဘဝဖြစ်လာလို့ လက်လျော့အရှုံးပေးမယ်ဆိုရင်ကော နဂိုကမှ ကိုယ့်တစ်ယောက်တည်းရှိတဲ့သားသမီးလေးတွေ ဘယ်လိုလုပ်ကြမလဲ။ လောကမှာ အဖေရယ်ခေါ်စရာမရှိခဲ့တာကို ကိုယ်ကပါ အမေနေရာမှာ ရှိမနေနိုင်တော့ဘဲ ဘဝကို လက်လျော့အရှုံးပေးလိုက်တော့မှာလား။ ဒီလိုပြောနေတာက single mom ဖြစ်တာကောင်းတယ်ဆိုပြီး single mom ဖြစ်ဖို့ အားပေးနေတာမဟုတ်ပါဘူးနော်။ မဖြစ်ချင်ဘဲ ဖြစ်လာခဲ့ရတဲ့ဘဝကို အကောင်းဆုံးရပ်တည်သွားဖို့ ပြောပြပေးချင်တာပါ။
စိတ်ဓာတ်ခိုင်မာသူတွေ လုပ်လေ့ရှိသည့် အချက်များ
သင့်ကော ဘဝမှာ စိတ်ဓာတ်ကျဖူးတယ်မလား။ စိတ်ဓာတ်ကျတဲ့အချိန်မှာ ဘာဆက်လုပ်မလဲ။ သင့်ရဲ့စိတ်ဓာတ်မာကျောအောင် ဘယ်လိုလုပ်မလဲ။ သင်မှတ်သင့်တာလေးတွေမှတ်သားနိုင်အောင် စိတ်ဓာတ်ခိုင်မာသူတွေလုပ်လေ့ရှိတဲ့အချက် ၁၈ချက်ကို ဖော်ပြပေးလိုက်ပါတယ်။