မိမိရင်သွေးငယ်လေးတွေ ကြီးလာရင် အရပ်ရှည်အောင် ဘယ်လိုလေ့ကျင့်ပေးမလဲ။
မိဘတွေအနေနဲ့ သူတို့ရဲ့ ကလေးငယ်တွေအတွက် ကြီးထွားဖွံ့ဖြိုးမှုရှိအောင်၊ အရိုးအဆစ်တွေသန်မာလာအောင်၊ ကျန်းမာအောင်၊ စိတ်ကျန်းမာအောင်၊ ကိုယ်ကျန်းမာအောင် စသဖြင့် အများကြီး လေ့လာထားရပါမယ်။ အဲဒါမှသာ စိတ်ကော ကိုယ်ပါကျန်းမာပြီး လိမ္မာယဉ်ကျေးတဲ့ကလေးဖြစ်အောင် ပြုစုပျိုးထောင်နိုင်မှာပါ။ ဒီတစ်ခါမှာတော့ ကိုယ့်ရဲ့ရင်သွေးငယ်လေးတွေကို အရပ်ရှည်ပြီး ကျန်းမာအောင် ဘယ်လိုကျွေးမွေးပြုစုရမလဲ ၊ ဘယ်လို လေ့ကျင့်ပေးရမလဲ ဆိုတာလေးတွေကိုဖော်ပြပေးချင်ပါတယ်။ ကလေးတွေကို အရပ်ရှည်အောင် ပြုလုပ်ပေးဖို့ လေ့ကျင့်ပေးနိုင်တဲ့နည်းလမ်းတွေကတော့ အများကြီးရှိပါတယ်။ အဲဒီ့ထဲကမှ အကောင်းဆုံးနဲ့ အလွယ်ကူဆုံးဖြစ်နိုင်မယ့် နည်းလမ်းတွေကိုဖော်ပြပေးပါမယ်။
ဟင်းချက်တတ်ခြင်း နှင့် သူ၏ကောင်းကျိုးများ
ဟင်းချက်တတ်ခြင်းက ဒီနေ့ခေတ်မှာ အမျိုးသမီးတွေချည်း လုပ်တတ်သင့်တဲ့အလုပ်မဟုတ်တော့ပါဘူး။ အမျိုးသားကော၊ အမျိုးသမီးကော လုပ်တတ်သင့်တဲ့အရာဖြစ်နေပါပြီ။ ဒီနေ့ခေတ်မှာက အားလုံးက ကိုယ့်တာဝန်ကိုယ်ယူ၊ ကိုယ့်အစွမ်းအစနဲ့ ခေတ်ကိုအမှီလိုက်ဖို့ ကြိုးစားနေကြတဲ့အချိန်မှာ ဟင်းချက်တာလေးလောက်နဲ့ သူများကို အောက်ကျခံနေရမယ်ဆိုရင်ကော ဖြစ်သင့်ပါ့မလား။ အဲဒီ့တော့ ဟင်းချက်တာကိုလည်း အတတ်ပညာတစ်ခုလိုပဲ တတ်မြောက်အောင် သင်ယူလာကြပါပြီ။ မိဘအိမ်ကနေ ခွဲခွာပြီး ကျောင်းတက်ရတာပဲဖြစ်ဖြစ်၊ အလုပ်လုပ်တာပဲဖြစ်ဖြစ် ကိုယ်တိုင်ချက်ပြုတ်စားသောက်တတ်ခြင်းက မျက်နှာမငယ်စေပါဘူး။ အဲဒါအပြင် ဟင်းချက်တတ်ခြင်းကြောင့် အခြားကောင်းကျိုးလေးတွေလည်း ရှိပါသေးတယ်။
ဘာကြောင့်ခေါင်းတစ်ခြမ်းကိုက်တာလဲ။ ဘယ်လိုသက်သာအောင်လုပ်လို့ရမလဲ။
ခေါင်းကိုက်ဝေဒနာက ဦးနှောက်နဲ့ အာရုံကြောဆိုင်ရာ ပြဿနာတွေထဲမှာ အဖြစ်များတဲ့ ရောဂါတစ်ခုဖြစ်ပါတယ်။ ခေါင်းကိုက်ခြင်းကို ဖြစ်ပေါ်စေတဲ့ အကြောင်းရင်းတွေကလည်း အများကြီးပဲရှိပါတယ်။ အဓိကကတော့ စိတ်ဖိစီးမှုများခြင်း၊ အစားအစာ၊ အိပ်ချိန်၊ မျိုးရိုး ၊ ကဖင်းဓာတ်၊ ရာသီဥတုအပြောင်းအလဲ၊ ဟော်မုန်းအပြောင်းအလဲ စတဲ့အကြောင်းရင်းတွေကြောင့် ဖြစ်ပွားလေ့ရှိပါတယ်။ ခေါင်းတစ်ခြမ်းကိုက်ဝေဒနာခံစားရတဲ့အခါ မအီမသာဖြစ်ခြင်း၊ ပျို့အန်ခြင်း၊ အလင်းရောင်ရဲ့စူးရှမှုကို မခံနိုင်ခြင်း စတဲ့ လက္ခဏာတွေကို ခံစားရနိုင်ပါတယ်။ အများအားဖြင့် ၄နာရီကနေ ၃ရက်ထိ ကြာရှည်စွာ ခံစားရနိုင်ပြီးတော့ ဒီထက်လည်း ကြာရှည်ခံစားရနိုင်ပါတယ်။
မိမိကိုယ်ကို လက်ခံနိုင်ဖို့ ဆိုတာ ပြောတာသာလွယ်တာပါ။ လုပ်ရတာတော့ ခက်ပါတယ်။ ဘာလို့လဲဆိုတော့ လူတော်တော်များများက အခြားသူတွေ လက်ခံဖို့လောက်သာ အာရုံရှိတာပါ။ ကိုယ့်ကိုကိုယ်လေးစားနိုင်အောင်၊ ကိုယ့်ကိုကိုယ် လက်ခံနိုင်အောင် ကြိုးစားဖို့ကျတော့ မတွေးမိတတ်ကြပါဘူး။ အခြားသူလက်ခံလာအောင်၊ အခြားသူတွေ နေရာပေးအောင်၊ အခြားသူလေးစားအောင် စသည်ဖြင့် အမျိုးမျိုးလုပ်ယူလို့ရနိုင်ပါတယ်။ အဲဒါဆိုရင် အခြားသူတွေ လက်ခံနိုင်အောင် လုပ်နိုင်တာပဲ တော်လှပြီလို့ ပြောစရာရှိပါတယ်။ တကယ်တော့ ကိုယ့်ကိုကိုယ်လက်ခံနိုင်မှ အခြားသူများကလည်း လက်ခံနိုင်မှာပါ၊ အဲဒါကမှသာ အစစ်အမှန်လက်ခံနိုင်ခြင်းပါ။
စစ်မှန်သော ပျော်ရွှင်မှုဆိုတာ။
လောကမှာ မပျော်ရွှင်ချင်တဲ့သူဆိုတာ ရှိမယ်မထင်ပါဘူးနော်။ လူတိုင်းက ပျော်ရွှင်မှုကို အမျိုးမျိုးလည်း အဓိပါ္ပယ်သတ်မှတ်တတ်ကြပါသေးတယ်။ တစ်ချို့က ကိုယ်လိုချင်တာလေးတွေ ရသွားတာမျိုး၊ တစ်ချို့က ရာထူးတိုးသွားတာမျိုး၊ တစ်ချို့က ကိုယ်အောင်မြင်ချင်တဲ့စာမေးပွဲ အောင်မြင်သွားတာမျိုးလိုပေါ့။ အက်မင်လည်း စဉ်းစားဖူးပါတယ်။ အဲဒီ့ပျော်ရွှင်မှုဆိုတာ ဘာလဲ၊ အထူးသဖြင့် ကိုယ်လိုချင်နေတဲ့ ပျော်ရွှင်မှုက ဘာလဲဆိုတာမျိုးပေါ့။ လူတိုင်းလိုလိုလည်း တွေးဖူးကြမလားမသိပါဘူး။ ရယူပိုင်ဆိုင်ရတဲ့ပျော်ရွှင်မှု့က ရလိုက်တုန်းလေးသာ ပျော်ရွှင်ရတာပါနော်။ အသစ်အဆန်းတစ်ခုအနေနဲ့ပေါ့။
အာရုံစူးစိုက်နိုင်အောင်ဘယ်လိုလုပ်မလဲ။
အလုပ်တွေအရမ်းများလို့ အာရုံမစိုက်နိုင်တော့တာမျိုး၊ ကျောင်းစာတွေအရမ်းများလို့ ဟိုစာကျက်ရမလို၊ ဒီစာလုပ်ရမလိုနဲ့ တကယ်လုပ်ကြည့်တော့လည်း ဘယ်စာကိုမှ သေချာအာရုံမစိုက်နိုင်တာမျိုး ဖြစ်ဖူးကြမှာပါ။ အဲဒီ့အခါမှာ အာရုံစူးစိုက်နိုင်အောင် ဘယ်လိုလုပ်သင့်လဲဆိုတာ ပြောပြပေးချင်ပါတယ်။
ဘဝရဲ့ ဘက်စုံမှ ဖိအားများနေသူများဖတ်ရှုရန်
ဘဝက ဖိအားများတယ်ဆိုတာကို လက်ခံကြမလား။ ဖြစ်ချင်စိတ်တွေ ပိုများတဲ့အခါ ဘဝက ပိုပြီး ဖိအားများလာတာပေါ့။ လူ့ဘဝက မွေးလာကတည်းက ငိုပြီးမွေးလာကြတဲ့သူချည်းမို့ ဘဝက ဖိအားများတယ်ဆိုတာမဆန်းပါဘူးနော်။ အဲဒီကမှ သူများဝတ် ဝတ်ချင်စိတ်၊ သူများလို လူတန်းစေ့နေချင်စိတ် ၊ သူများစား စားချင်စိတ်၊ သူများ ပိုင် ကိုယ်လည်းပိုင်ချင်စိတ် စတဲ့စိတ်ဓာတ်တွေက လူတွေကို ပိုပြီး ဘဝမှာ ဖိအားများလာစေတာပါ။ အဲဒါတွေကြောင့် စားဝတ်နေရေးကြောင့်အလုပ်ခွင်ဝင်ရတာ၊ လူတန်းစေ့နေနိုင်ဖို့ ပိုကြိုးစားလာရတာ၊ ပညာရေးမှာလည်း သူများထက် တော်နိုင်အောင် ကြိုးစားရတာ၊ ကြိုးစားပမ်းစားရှာနေတဲ့ကြားထဲကနေ မလုံလောက်တဲ့အခါ ထပ်ပြီး ပူပန်ရတာ၊ သူများတန်းတူ ပညာတွေသင်နေရက်နဲ့ မတိုးတက်တဲ့အခါ ထပ်ပြီး ပူပန်ရတာ၊ စတဲ့ များပြားလှတဲ့ ဖိအားတွေကို လူတိုင်းနီးပါး နေ့စဉ်ရင်ဆိုင်နေရပါတယ်။
ရင်ကျပ်ပန်းနာရှိသူတို့ ရှောင်ကျဉ်သင့်သည့်အရာများ
ပန်းနာရင်ကျပ်ရောဂါသည် များသောအားဖြင့် ငယ်စဉ်ကတည်းက ဖြစ်လေ့ဖြစ်ထရှိသောရောဂါဖြစ်ပါတယ်။ အဓိကက ဓာတ်မတည့်ခြင်းနဲ့ မိဘမျိုးရိုးနဲ့လည်း သက်ဆိုင်တတ်ပါတယ်။ ရင်ကျပ်ရှိသူက မိမိနဲ့မတည့်တဲ့အနံ့၊ အငွေ့၊ စသတို့ကို မှတ်သားထားပြီး ရှောင်ကြည်မှဖြစ်မှာပါ။ များသောအားဖြင့်တော့ စူးရှတဲ့အနံများ၊ အမွှေးနံ့ ဒါမှမဟုတ် အနံဆိုးများ၊ အမှုန်အမွှားများ၊ တိရိစ္ဆာန်အမွှေးအမျှင်များ စသည်တို့ကြောင့်အဖြစ်များတတ်ပါတယ်။ အဲဒါကြောင့်ရင်ကျပ်ရှိသူတွေမှာ အကြမ်းဖျင်းရှောင်ကြည်သင့်တဲ့အချက်တွေကို ဖော်ပြပေးလိုက်ပါတယ်။
ရိုးရှင်းသောအပြုံးတစ်ခုကဘယ်လောက်အထိတာသွားပါသလဲ။
လူတစ်ယောက်ရဲ့အပြုံးကို မြင်လိုက်ရတာနဲ့တင် အခြားလူတစ်ယောက်က ပျော်ရွှင်ကျေနပ်သွားတာမျိုး၊ ရယ်မာသွားနိုင်တာမျိုး ဖြစ်စေနိုင်ပါတယ်။ သိပ္ပံပညာရှင်အချို့ကတော့ ပြောထားပါသေးတယ်။ အပြုံးက သင့်ကို စွမ်းအင်တွေတိုးစေနိုင်ပါတယ်။ သင့်ပတ်ဝန်းကျင်ကိုလည်း ဆွဲဆောင်နိုင်ပါသေးတယ်တဲ့။ ပြုံးခြင်းနဲ့ အသက်ရှည်ခြင်း ကျန်းမာခြင်းက ဆက်စပ်နေတယ်လို့ ပြောတတ်ကြပါတယ်။ ပြောရရင် ပြုံးတယ်ဆိုတာ ပျော်ရွှင်ခြင်းရဲ့အခြေခံပါပဲ။ အဲဒါကြောင့် ပြုံးခြင်းက ကျန်းမာရေးနဲ့ပတ်သက်တဲ့ကောင်းကျိုးတွေ အများကြီးရနိုင်တာပေါ့။
ပျင်းရိခြင်းဆိုတာ နာမည်သာ ဆိုးတာ ၊ လူကတော့ သက်သာတယ်…..လို့ပြောတတ်ကြပါတယ်။ တကယ်လည်း နာမည်သာ ဆိုးတာပါ၊ လူက တော်တော် သက်သာပါတယ်နော်။ ဒါပေမယ့် လူသက်သာတယ်ဆိုမှတော့ ဘဝကိုပေါ့ပါးစွာဖြတ်သန်းနေတဲ့လူပေါ့။ ဘဝကို ပေါ့ပေါ့တွေးပြီး ဖြတ်သန်းတဲ့သူက ဘာတွေများ လေးနက်တဲ့ကိစ္စကို လုပ်ဆောင်နိုင်ပါ့မလဲ။
အချို့ သူတွေမှာ မွေးရာပါ အခြားသူများနဲ့ မတူ ထူးထူးခြားခြားအင်မတန် ကြောက်လန့်တတ်တဲ့ အရာတွေရှိပါတယ်။
ထိုကဲ့သို့ အခြေအနေမျိုးနဲ့ ကြုံတွေ့တဲ့အခါ မလှောင်ပါနဲ့။ ရှုံ့ မချပါနဲ့။ မကဲ့ရဲ့ ပါနဲ့။ အတင်းမတွန်းပါနဲ့ ။ နားလည်ပေးပါ။ တဖြည်းဖြည်းပြောင်းလဲနိုင်အောင် ကူညီဖေးမပေးပါ။ အားလုံးပဲ ကြောက်ရွံ့ နေရတဲ့ ဘဝကြီးမှ လွတ်မြောက်နိုင်ပါစေ :D #BAWA101
ဇာတ်ကြောတက်တတ်တဲ့သူများအတွက် အကြံပြုချက်များ
ကွန်ပျူတာနဲ့ အလုပ်လုပ်ချိန်များတဲ့သူတွေမှာ ဇက်ကြောတက်ခြင်းအဖြစ်များတာ တွေ့ရလေ့ရှိပါတယ်။ သင့်ရဲ့အလုပ်စားပွဲမှာ အထိုင်များတာ၊ ကားမောင်းတာ၊ ဂျင်ဆော့တာ၊ ညအချိန် အိပ်စက်ပုံမမှန်ခြင်း တို့ကြောင့် ဇက်ကြောတတ်ခြင်းဖြစ်ပေါ်စေနိုင်ပါတယ်။ ဇက်ကြောတက်ခြင်းကို သက်သာစေနိုင်မယ့် နည်းလမ်းတစ်ချို့ဖော်ပြပေးလိုက်ပါတယ်။