ဒီနေ့ခေတ်လူငယ်တွေ ရင်ဆိုင်နေရတဲ့ ပြဿနာများ
ဒီနေ့ခေတ်လူငယ်တွေက အများကြီး အမြင်ကျယ်လာပါတယ်။ နည်းပညာပိုင်းဆိုင်ရာတွေလည်း တိုးတက်လာတဲ့ခေတ်၊ ဝင်ငွေတိုးပွားအောင် ရှာနိုင်ရင် ရှာနိုင်သလောက်ရနိုင်တဲ့ခေတ်၊ ပညာသင်ယူနိုင်ရင် သင်ယူနိုင်သလောက်ရနိုင်ခေတ် စသဖြင့် အခွင့်အလမ်းကောင်းတွေအများကြီး ပိုင်ဆိုင်ထားကြပါတယ်။ အခွင့်အလမ်းပေါင်းများစွာ ရလာနိုင်တဲ့တစ်ပြိုင်တည်းမှာပဲ ဘေးထွက်ဆိုးကျိုးပေါင်းများစွာကိုလည်း ရင်ဆိုင်လာကြရပါတယ်။ ဖြစ်လာနိုင်တဲ့ဘေးထွက်ဆိုးကျိုးတွေကို သိထားတဲ့အခါ ဖြစ်လာမယ့်အကျိုးဆက်တွေကနေ ကာကွယ်သင့်တာကာကွယ်လို့ရနိုင်အောင် ဖော်ပြလိုက်ပါတယ်။
ဘဝကိုသင်ခန်းစာပေးသော ပုံပြင်တိုလေးများ(၂)
တခါတလေ ကျွန်တော်တို့နေ့စဉ်ဘဝမှာ သိပြီးဖြစ်ပေမယ့် သတိမပြု၊ မလိုက်နာမိတဲ့အချက်လေးတွေရှိနေတတ်ပါတယ်။ ထိုအချက်လေးတွေကို သတိထားမိစေဖို့ ပုံပြင်တိုလေးတွေနဲ့ဖော်ပြပေးထားပါတယ်။ တစ်ပုံချင်းဖတ်ကြည့်သွားလိုက်ပါအုံး။ https://www.moralstories.org/life/page/2/ လင့်မှ ဘာသာပြန်ဖော်ပြထားခြင်းဖြစ်ပါတယ်။
ကိုယ့်ကိုကိုယ်ဆန်းစစ်ခြင်းက ဘယ်လိုကောင်းကျိုးတွေရနိုင်မလဲ။
ဒီတစ်ခါမှာတော့ မိမိကိုယ်ကို ဆန်းစစ်ဖို့လိုတဲ့အကြောင်း ပြောပြပေးချင်ပါတယ်။ ဆန်းစစ်တယ်ဆိုတာ ဘာလဲဆိုတော့ ကိုယ်ကိုကိုယ် အခြားသူတစ်ယောက်ကို ဝေဖန်သလို ကိုယ်က ကိုယ်ကိုကိုယ်ပြန်ဝေဖန်တာပါပဲ။ အခြားသူတစ်ယောက်ကိုမြင်ရင် “တော်လိုက်တာ….၊ အဲဒီ့အကျင့်ကြီးက မကောင်းတာ၊ အဲဒီလိုပုံစံမျိုးနဲ့ဘယ်သူနဲ့မှ တည့်မှာမဟုတ်ဘူး” စသည်ဖြင့် သင်က မြင်လိုက်တာနဲ့ပြောရတာလွယ်ပါတယ်။ ကိုယ့်ကိုကိုယ်ကျတော့ များသောအားဖြင့် အကောင်းပဲထင်တတ်ကြတာမဟုတ်လား။ ဒါပေမယ့် တိုးတက်ချင်တဲ့၊ အောင်မြင်ချင်တဲ့သူဆိုရင်တော့ ကိုယ့်ကိုကိုယ်ဆန်းစစ်မှဖြစ်မှာပါ။ ကိုယ့်ကိုကိုယ် ပြန်တွေးပါ၊ ဘယ်နေရာတွေမှာ မှားနေသလဲ၊ ဘယ်နေရာတွေမှာ အစွန်းရောက်နေသလဲ၊ ဘယ်လိုဆက်ဆံရေးမျိုးက ဘာတွေပြန်ရသလဲ၊ ဘယ်အကျင့်က မကောင်းဘူးလဲ၊ ကိုယ့်ကိုကိုယ်လုံးဝမညာဘဲ အမှန်အတိုင်းမြင်အောင်ကြည့်ပါ။ အခြားသူတစ်ယောက်ယောက်ကို ဝေဖန်သလိုပေါ့။
အကောင်းဘက်က တွေးတတ်အောင် ဘယ်လိုကျင့်မလဲ။
အကောင်းမြင်တတ်ပါစေ….ဆိုတဲ့စကားက လူတိုင်းနားရည်ဝနေတဲ့စကားဖြစ်မှာပါ။ ဒါပေမယ့် ဘယ်လိုအကောင်းမြင်တတ်အောင် ကျင့်ရမလဲဆိုတာတော့ လူတိုင်းသိမှာမဟုတ်လောက်ပါဘူး။ ပြဿနာတစ်ခုကြုံလာတိုင်း အကောင်းဘက်ကတွေးလိုက်ပါလို့ပြောတဲ့အခါ ….. ခံစားရတဲ့သူမှမဟုတ်တော့ ပြောနိုင်တာပေါ့၊ အကောင်းဘက်ကဘယ်လိုတွေးမလဲဆိုပြီး ပြောတတ်ပါသေးတယ်။ တကယ်လည်း အဟုတ်ပါပဲ။ အဆိုးတွေကြုံနေတဲ့သူတစ်ယောက်ကို အကောင်းဘက်တွေးလိုက်ပါကွာ….လို့များ သွားပြောမိရင် ကာယကံရှင်ကတော့ ချက်ချင်းကြီးဘယ်လိုလုပ် အကောင်းမြင်စိတ်မွေးနိုင်ပါ့မလဲနော်။ အဲဒါကြောင့် အကောင်းမြင်တတ်လာအောင် ကျင့်ကြံကြည့်ပါ။ အကောင်းဘက်ကတွေးတတ်တာ အကျင့်တစ်ခုလိုဖြစ်သွားအောင် ကျင့်လို့ရပါတယ်။ အကျင့်တစ်ခုဖြစ်သွားတဲ့အခါ အဆိုးတွေကြုံလာရရင် အလိုလိုကို အကောင်းဘက်က တွေးတတ်သွားပါလိမ့်မယ်။ အဲဒါဆို အကောင်းဘက်က ဘယ်လိုကျင့်မလဲလို့ ဆက်ဖတ်ကြည့်လိုက်ပါ။
စိတ်ထားကောင်းသူတွေသာ ရနိုင်တဲ့အကျိုးကျေးဇူးများ
လောကမှာ စိတ်ထားကောင်းသူနဲ့စိတ်ထားယုတ်ညံသူဆိုပြီး နှစ်မျိုးနှစ်စားအကြမ်းဖျင်းခွဲခြားနိုင်ပါတယ်။ စိတ်ထားယုတ်ညံသူကတော့ ကိုယ့်ထက်သာသွားတဲ့အခါ မုဒိတာမပွားနိုင်တာမျိုး၊ ကိုယ့်ထက်မသာနိုင်တော့အောင် နည်းလမ်းအမျိုးမျိုးနဲ့ အနှောင့်အယှက်ပေးတတ်သူမျိုး၊ သူငယ်ချင်းအဖြစ် ချစ်ခင်စွာဆက်ဆံနေပေမယ့် အတွင်းစိတ်ကတော့ အမျိုးမျိုးနည်းလမ်းရှာပြီး ဒုက္ခပေးဖို့စဉ်းစားနေတတ်သူမျိုးစသည်ဖြင့် အကြမ်းဖျင်းသတ်မှတ်လို့ရပါတယ်။ စိတ်ထားကောင်းသူကျပြန်တော့ ကိုယ့်အကျိုးစီးပွားကိုတောင် စွန့်လွှတ်ပြီး အခြားသူများရဲ့အကျိုးစီးပွားကို လိုလားတဲ့သူ၊ ကိုယ်သိမှတ်ထားသလောက်၊ ကိုယ့်အတွက်ဆိုတာထက် အခြားသူများအကျိုးရှိဖို့ ကြိုးစားမျှဝေချင်သူ၊ အခြားသူများအတွက် ကောင်းခြင်းအရာရာဖြစ်စေချင်သူ၊ ကိုယ့်ပတ်ဝန်းကျင်ကသူတွေ ကိုယ်ထက်သာသွားသည့်တိုင်အောင် စိတ်ဓာတ်မပျက်ယွင်းသူ စသည်ဖြင့် အကြမ်းဖျင်းသတ်မှတ်လို့ရပါတယ်။
သင့်ဆံသားအတွက် မကောင်းတဲ့အကျင့် ၅ခု
လူတော်တော်များများအထူးသဖြင့် မိန်းကလေးတွေက သူတို့ရဲ့ဆံကေသာနဲ့ပတ်သက်ပြီး ဂုဏ်ယူလေ့ရှိကြပါတယ်။ အဲဒါကြောင့် ဆံသားကို ပိုပြီးကျန်းမာဖို့နဲ့ ပိုပြီးလန်းဆန်းတက်ကြွမှုကိုခံစားရစေဖို့ ဆံကေသာကို ဂရုစိုက်သင့်ပါတယ်။ သင်တောင်မသိလိုက်ဘဲ လုပ်မိနေတဲ့မှားယွင်းနေတဲ့အချက်တွေကြောင့်လည်း သင့်ဆံသားတွေထိခိုက်နိုင်ပါတယ်။ ဘယ်အချက်တွေကမှားယွင်းနေလဲဆိုတာ ဖတ်ကြည့်လိုက်ပါအုံး။
ဘဝမှာ ကိုယ်မတွေ့ကြုံခဲ့ရသော အချစ်မျိုးတွေနဲ့ အခြားသူများကိုချစ်ပါ။
စိတ်ပိုင်းဆိုင်ရာကျန်းမာရေးကို ထိခိုက်စေတဲ့အကျင့် ၅ချက်
ကျွန်တော်တို့ နေ့စဉ်ရှင်သန်နေထိုင်နေတဲ့ ပုံစံတွေက ကျွန်တော်တို့တောင်မသိလိုက်ဘဲ ကျွန်တော်တို့ရဲ့စိတ်ပိုင်းဆိုင်ရာကျန်းမာရေးကို ဆိုးဝါးစေတဲ့အကျင့်တွေရှိနေပါတယ်။ အဲဒါတွေက ဘာတွေဖြစ်မလဲဆိုတာ သိပြီး ပြုပြင်နိုင်အောင် ဆောင်းပါးလေးကို ဖတ်ကြည့်လိုက်ပါအုံး။
ခေါင်းစဉ်က ကစားနည်းလို့ပေးထားတာက ဒီဆောင်းပါးကိုဖတ်မယ့်သူတွေအတွက်လည်း ကစားနည်းတစ်ခုလိုမျိုး ပါဝင်ကစားကြဖို့ တိုက်တွန်းချင်တဲ့သဘောပါ။ လောကမှာ မပျော်ရွှင်ချင်တဲ့သူ မရှိဘဲနေပါ့မလား။ ဒါပေမယ့်လည်း ဘဝရဲ့အခက်အခဲတွေ၊ အကြပ်အတည်းတွေ၊ ဖိစီးမှုတွေ၊ နာကျင်မှု၊ ဝမ်းနည်းမှုတွေကြားထဲမှာ သံသရာလည်နေရင်းနဲ့ပဲ ပျော်ရွှင်ခြင်းတွေက အမြဲပျောက်ဆုံးတော့မလိုဖြစ်ဖြစ်သွားတတ်ကြပါတယ်။ အဲဒါကြောင့် ဒီကစားနည်းလေးကို မှတ်သားပြီး အကျင့်လေးရအောင် လိုက်လုပ်ကြည့်နိုင်ဖို့ ဖော်ပြပေးချင်ပါတယ်။ ကစားနည်းတစ်ခုလို ကစားရမှာထက် အကျင့်လေးတစ်ခုဖြစ်အောင် အလေ့အကျင့်လုပ်ပြီးတွေးတတ်တဲ့အကျင့်လေးကို ပြောပြပေးသွားမှာပါ။
လမ်းမလျှောက်တတ်သေးတဲ့အရွယ်လောက်ကပေါ့၊ လမ်းမှမလျှောက်တတ်သေးဘဲ စမ်းတဝါးဝါးလျှောက်ရင်း လဲကျလိုက် ငိုလိုက်ပြန်ထလိုက်နဲ့ နောက်ဆုံး လမ်းလျှောက်တတ်သွားတာပါ။ လဲကျနေတိုင်းသာ ပြန်မထဘဲ ငိုပြီး ထိုင်နေလိုက်မယ်၊ နောက်လဲ လမ်းလျှောက်မသင်တော့ဘူးဆိုရင် လမ်းလျှောက်တတ်ပါ့အုံးမလား။ မိဘဖြစ်သူကလည်း လဲကျလည်း မထနဲ့တော့… သားသမီးနာကျင်မှာစိုးလို့ မိဘတွေကိုယ်တိုင် ဝင်ပြီးလမ်းလျှောက်ပေးလိုက်ပေးလို့လည်း မရပြန်ပါဘူး။ အဲလိုပါပဲ ငယ်စဉ်ကတည်းက ကိုယ်တိုင်လမ်းလျှောက်တတ်အောင် လဲကျလိုက် ပြန်ထလိုက်နဲ့ အနာခံပြီး သင်ယူခဲ့လို့ ဒီနေ့မှာ သင်လမ်းလျှောက်တတ်လာတာပါ။
လောကမှာ စွန့်ပစ်ခံဖူးတဲ့သူနဲ့ စွန့်ပစ်ဖူးတဲ့သူ နှစ်မျိုးနှစ်စားရှိပါတယ်။ လူတိုင်းနီးပါးလည်း ထိုအခြေအနေမျိုးကို ကြုံဖူးမယ်ထင်ပါတယ်။ ကိုယ်က စွန့်ပစ်လိုက်ရတာက သိပ်ပြီး မသိသာပေမယ့်လည်း ကိုယ်က စွန့်ပစ်ခံလိုက်ရရင်တော့ နာကျင်တတ်ကြပါတယ်။ အများအားဖြင့် စွန့်ပစ်လိုက်တဲ့သူက ဘယ်လိုမှ သိပ်မခံစားရနိုင်ပေမယ့် စွန့်ပစ်ခံလိုက်ရတယ်ဆိုတဲ့ခံစားချက်ကျတော့ စူးစူးနစ်နစ်နာကျင်တတ်ကြပါတယ်။ (စွန့်ပစ်လိုက်ပေမယ့် နာကျင်တဲ့သူလည်း ရှိမှာပါ။) သင်ကစွန့်ပစ်ခံဖူးတယ်ဆိုရင် ဒီဆောင်းပါးလေးက သင့်အတွက်ဖြစ်မှာပါ။ သင်က ဘာအကြောင်းပြချက်မှ မပေးခံရဘဲ စွန့်ပစ်ခံလိုက်ရတယ်ဆိုပါတော့။ သင့်မှာ ခံပြင်းမှု၊ နာကျင်မှု၊ ပူဆွေးမှု၊ ဝမ်းနည်းမှု၊ အားငယ်မှု စတဲ့ခံစားချက်ပေါင်းစုံနဲ့ သင်ဗလောင်ဆူနေမိမှာပါ။
ချစ်သူအဖြစ်လက်မခံသင့်တဲ့ယောကျ်ားအမျိုးအစားများ
အချို့သူတွေက ချစ်တာကလွဲပြီး ကျန်တာပြုပြင်ယူလို့ရတယ်လို့ တွေးတတ်ကြပါတယ်။(တကယ်တော့အဲဒါက မလွယ်ပါဘူး) ချစ်သူဘဝမှာတင် ပြုပြင်လို့ရမယ်ထင်တဲ့အချက်လေးတွေကို ပြုပြင်ခိုင်းကြည့်တတ်ကြပါတယ်။ နောက်ဆုံး နှစ်ဦးနှစ်ဖက် ပြုပြင်သင့်တာပြုပြင်ကြရင်း လက်ထပ်ပြီး ဘဝတစ်ခုထူထောင်နိုင်သွားကြတာပါပဲ။ ဒါပေမယ့် တစ်ချို့တွေကျပြန်တော့ လက်ထပ်တဲ့အဆင့်ထိတောင်မရောက်လိုက်ရဘဲ ပြုပြင်ချင်စိတ်မရှိတဲ့ချစ်သူကြောင့်၊ ပြုပြင်ရကောင်းမှန်းမသိတဲ့ချစ်သူကို လမ်းတစ်ဝက်မှာတင် လမ်းခွဲတတ်ကြပြန်ပါတယ်။ အချို့တွေကျပြန်တော့လည်း လက်မထပ်ခင်ချစ်သူဘဝမှာတည်းက ကိုယ်လိုချင်တဲ့ပုံစံမျိုး ဟုတ်မဟုတ် အကဲခတ်ပြီးမှ လက်ခံနိင်တဲ့အခြေအနေမျိုးကျမှ ချစ်သူအဖြစ်လက်တွဲပြီး နောက်ဆုံးလက်ထပ်တဲ့အဆင့်ထိရောက်ကြပါတယ်။