ညမအိပ်မီ အောင်မြင်သူတွေလုပ်တတ်တဲ့အကျင့်များ
အောင်မြင်သူတွေက ကျန်းမာရေးနဲ့ညီညွှတ်တဲ့ အိပ်စက်ချိန်အပြည့်အဝယူကြပါတယ်။ ဒါပေမယ့်လည်း မအိပ်မီမှာတော့ သူတို့ရဲ့ လုပ်နိုင်စွမ်းအတွက် လုပ်သင့်လုပ်ထိုက်တာတွေ ကြိုတင်လုပ်ဆောင်တတ်ကြပါတယ်။ အခုဖော်ပြပေးမှာကတော့ အောင်မြင်သူတွေရဲ့ ညမအိပ်မီ လုပ်လေ့ရှိတဲ့အကျင့်လေးတွေဖြစ်ပါတယ်။
တက္ကသိုလ်တက်နေရင်းအလုပ်လုပ်ခြင်းရဲ့ကောင်းကျိုးများ
တက္ကသိုလ်နေရင်းနဲ့ အလုပ်လုပ်ခြင်းက အကျိုးအများကြီးရှိတယ်ဆိုတာ သိပါရဲ့လား။ တစ်ချို့လူငယ်တွေမှာ တက္ကသိုလ်တက်နေရင်းနဲ့ တစ်ဖက်က အလုပ်ဝင်လုပ်ရလို့ တက္ကသိုလ်ကျောင်းသားဘဝကို အပြည့်အဝမခံစားရတာမှန်ပေမယ့် တကယ်တော့ ကောင်းကျိုးတွေက တက္ကသိုလ်အချိန်ပြည့်တက်နေတဲ့သူတွေထက် များပါတယ်။ (တက္ကသိုလ်အချိန်ပြည့်တက်နေတဲ့သူတွေက မကောင်းဘူးဆိုလိုချင်တာမဟုတ်ပါဘူး။ တကယ်ကြိုးစားသင်ယူရင် အချိန်ကုန်ရကျိုးနပ်တာပါပဲ)
တရုတ်အတွေးအခေါ်ပညာရှင်ကွန်ဖြူးရှပ်ရဲ့ ကောက်နုတ်ချက်များ
တရုတ်အတွေးအခေါ်ပညာရှင်ကွန်ဖြူးရှပ်ရဲ့ ကောက်နုတ်ချက်များ#BAWA101
ကျရှုံးချိန်မှာ သတ္တိရှိပါ။ အောင်မြင်ချိန်မှာ မျှဝေပါ၊
ထိပ်ဆုံးရောက်နေတဲ့သူ အားလုံးနီးပါးဟာ ကျရှုံးဖူးတဲ့သူတွေသာဖြစ်ပါတယ်။ ကျရှုံးမှုပေါင်းများစွာကို ခံစားရပြီး ကျရှုံးချိန်မှာ သတ္တိရှိခဲ့လို့ နောက်ဆုံးမှာ အောင်မြင်ခဲ့တဲ့သူတွေဖြစ်လာခဲ့တာပါ။ မအောင်မြင်တဲ့သူတော်တော်များများက ကျရှုံးဖူးပေမယ့် ပြန်လည်ကြိုးစားဖို့ သတ္တိမရှိသလို၊ ကျရှုံးမှုတွေထပ်ပြီး ကြုံတွေ့ရမှာကိုလည်း ရင်ဆိုင်ဖို့ သတ္တိမရှိသူတွေပါပဲ။ ရပ်ကွက်ထဲက လူတွေပြောတတ်ကြတဲ့စကားတစ်ခုရှိပါတယ် “အရင်းမရှိရင် အရှုံးမရှိဘူး” ဆိုတဲ့စကားပါ။ ထိုစကားရဲ့အဓိပါ္ပယ်က ဘာမှမရင်းထားရင် ရှုံးတယ်ဆိုတာရှိမှာမဟုတ်ဘူးဆိုတဲ့သဘောပါ။ ဒါပေမယ့် ထပ်စဉ်းစားကြည့်ရင် ဘာမှမရင်းထားရင် ဘာအရှုံးမှ မရှိသလို၊ မြတ်တာလည်း ရှိမှာမဟုတ်ဘူးမဟုတ်လား။ ဘယ်အရာမဆို ရှုံးမှာကြောက်လို့များ မရင်းဘူးဆိုရင် မြတ်တာလည်း သင်စံရမှာမဟုတ်ပါဘူး။ တကယ်တော့ ထိုစကားက မှန်သယောင်နဲ့ မှားပါတယ်။ ကျရှုံးဖို့ သတ္တိိမရှိသူတွေက ထွင်ခဲ့တဲ့စကားဖြစ်ပုံရပါတယ်။ ကျရှုံးမှာကို သတ္တိရှိရှိ ရင်မဆိုင်ရဲရင် အောင်မြင်တာလည်း မရှိနိုင်ဘူးဆိုတာနဲ့ အဓိပါ္ပယ်အတူတူပဲမဟုတ်ဘူးလား။
ကလေးတွေကို အမှန်အတိုင်းပြောပေးပါ။
လူကြီးတော်တော်များများက ကလေးကို မအိပ်မှာစိုးလို့ “ဒေဝေါကြီးလာမှာမို့ အိပ်တော့” ဆိုပြီး ခြောက်လန့်တာမျိုး၊ အရုပ်ပူဆာလို့ မဝယ်ပေးချင်တဲ့အခါမျိုးမှာ “ အဲလိုအတင်းမပူဆာနဲ့ ညကျ အကောင်ကြီးက လာဆွဲမှာ” ဆိုတာမျိုးနဲ့ ကလေးတွေကို လိမ်ညာတာမျိုးမြင်ဖူးပါတယ်။ အဲဒါမျိုးက ကလေးငယ်တုန်းမှာ ကလေးကို ပြောပြလည်း နားမလည်သေးလို့ သူကြောက်အောင်ခြောက်လိုက်မယ်၊ တနည်းအားဖြင့်လိမ်လိုက်မယ်၊ ကြောက်သွားတဲ့အခါ ငြိမ်သွားတာကို လိုချင်တာကြောင့် လူကြီးတွေလုပ်လေ့ရှိပါတယ်။ ထိုအရွယ်လေးကတည်းက ကလေးကိုနားမလည်ဘူးထင်တတ်တာကနေမှ အစ၊ နည်းနည်းလေး အရွယ်ရောက်လာတဲ့အခါကျတော့ ဒေဝေါလည်းမကြောက်၊ ငရဲကြီးမယ်ဆိုတာလည်း မကြောက်တတ်တော့ပါဘူး။ အဲဒီ့အချိန်ကျမှ ငယ်စဉ်က ကြောက်ရင်ငြိမ်အောင်လိမ်ခဲ့သမျှက မဟုတ်မှန်းသိသွားတဲ့အခါ ထိန်းချုပ်ရခက်သွားပြန်ပါတယ်။
တာဝန်သိတတ်ပါစေ….ဆိုတဲ့စကားလုံးက ပြောရလွယ်ပေမယ့် သေချာစောင့်ထိန်းဖို့တော့ ခက်ခဲတဲ့အထဲမှာ ပါပါတယ်။ အဲဒါဆိုရင် တာဝန်သိတတ်ခြင်း….ဆိုတာ ဘာလဲ လို့မေးစရာရှိပါတယ်။ အလုပ်မှာ အလုပ်ရှင်သူဌေးလုပ်သူက လစာပေးပြီးခိုင်းထားတဲ့အလုပ်ကသာ တာဝန်မဟုတ်ပါဘူးနော်။ လူတိုင်းမှာ ကိုယ်ပိုင်တာဝန်၊ ဘဝပေးတာဝန်၊ လူပီသဖို့တာဝန် စသည်ဖြင့် တာဝန်ယူတတ်ရင် အများကြီးပါပဲ။ ဒါပေမယ့် တာဝန်သိတတ်သူမှသာ ထိုတာဝန်ကို တာဝန်ယူရကောင်းမှန်းသိတာမျိုးပါ။
ပိုကျန်းမာတဲ့နှလုံးသားတစ်စုံပိုင်ဆိုင်ဖို့ လုပ်သင့်တဲ့အချက် ၇ချက်
ကောင်းမွန်ကျန်းမာတဲ့နေထိုင်မှုနည်းလမ်းတွေက သင့်ရဲ့နှလုံးကျန်းမာရေးအတွက်အထောက်အကူပြုသလို၊ ရုတ်တရက်လေဖြတ်ခြင်းကဲ့သို့ ရောဂါမျိုးကိုလည်း ကာကွယ်ပေးနိုင်ပါတယ်။ အောက်မှာဖော်ပြပေးထားတဲ့ နည်းလမ်းတွေက သင့်ရဲ့နှလုံးပိုမိုကျန်းမာဖို့ လုပ်သင့်တဲ့အချက်တွေဖြစ်ပါတယ်။
သတ္တိရှိခြင်း နဲ့ ရဲဝင့်ခြင်း၊ မိုက်ရူးရဲဆန်ခြင်း နဲ့ ရိုင်းစိုင်းခြင်း
သတ္တိရှိခြင်းဆိုတာကို အမျိုးမျိုးအဓိပါ္ပယ်သတ်မှတ်တတ်ကြပါတယ်။ ငယ်စဉ်က အတန်းထဲမှာ အတန်းပိုင်ဆရာမက “ဒီသင်္ချာပုစ္ဆာကိုဘယ်သူထွက်ပြီး တွက်ပြမလဲ…..” ဆိုရင် အားလုံးက ငြိမ်နေစဉ်မှာ ထပြီး အရှေ့ကိုထွက်လို့ ဆရာမရဲ့သချာၤပုစ္ဆာကိုတွက်ပြသူကို သတ္တိရှိသူဟု သတ်မှတ်ကြမှာပါ။ ဒါဆိုရင် အရွယ်ရောက်လာတဲ့အခါမှာကော….၊ ကလေးဘဝတုန်းကတော့ သူများမလုပ်ရဲတာကို ရဲရဲဝင့်ဝင့်လုပ်ရဲတဲ့သူကို သတ္တိရှိလိုက်တာလို့ ပြောတတ်ကြပေမယ့် အရွယ်ရောက်လာတဲ့အခါမှာတော့ ထိုအဓိပ္ပါယ်တစ်ခုတည်းကို သတ္တိရှိတာပါလို့ အပြည့်အဝပြောနိုင်တော့မယ်မထင်ပါဘူး။
အမှန်အတိုင်းလက်ခံနိုင်ဖို့လိုပါတယ်။
အမှန်အတိုင်းလက်ခံနိုင်ခြင်းက လူတစ်ဦးစီအတွက်အရေးကြီးပါတယ်။ အများစုက ကိုယ့်ကိုဝေဖန်လာရင်မခံနိုင်တာများပါတယ်။ ဒါပေမယ့် ဝေဖန်တဲ့နေရာမှာ ကောင်းစေချင်လို့ဝေဖန်တာနဲ့ အဆိုးဘက်နေ ဝေဖန်တာမျိုး ၂မျိုးရှိနိုင်ပါတယ်။ ပိုကောင်းသွားစေလိုတဲ့ စေတနာမျိုးနဲ့ အမှားအပြစ်ကို ထောက်ပြပြီး ဝေဖန်တာမျိုးက အကောင်းဘက်ကဝေဖန်ခြင်းဖြစ်ပြီး သင့်ကို ရှုံ့ချလိုတဲ့သဘော၊ ဒါမှမဟုတ် နှုတ်အားဖြင့် သင့်ရဲ့လုပ်ဆောင်ချက်ကို ပုတ်ခတ်တာမျိုးကတော့ အဆိုးဘက်ကနေ ဝေဖန်တာမျိုးဖြစ်ပါတယ်။
ဆေးလိပ်သောက်ခြင်းက သင့်ရဲ့ကြွက်သားတွေအပေါ်ဘယ်လိုသက်ရောက်မှုရှိသလဲ။
ဆေးလိပ်သောက်ခြင်းက ကျန်းမာရေးအတွက် ဆိုးကျိုးများကိုသာဖြစ်စေပါတယ်။ အထူးသဖြင့် နှလုံးရောဂါနဲ့ အဆုတ်ကင်ဆာဖြစ်ဖို့ အလားအလာများပါတယ်။ စီးကရက်သောက်ခြင်းက သင့်ရဲ့နှလုံးနဲ့အဆုတ်ကိုထိခိုက်ရုံသာမက ခန္ဓာကိုယ်ဖွံ့စည်းတည်ဆောက်ပုံနဲ့ ကြွက်သားကြီးထွားမှုကိုပါ အဓိက အနှောင့်အယှက်ဖြစ်စေနိုင်ပါတယ်။ ဆေးလိပ်သောက်ခြင်းကြောင့် သင့်ရဲ့ကြွက်သားကြီးထွားမှုနဲ့ကြံ့ခိုင်မှုကို ဘယ်လိုထိခိုက်စေသလဲဆိုတာ ဖော်ပြပေးလိုက်ပါတယ်။
ဆင်းရဲခြင်းက မအောင်မြင်ခြင်းရဲ့ အကြောင်းရင်းလား
မအောင်မြင်တဲ့သူတော်တော်များများမှာ အကြောင်းပြချက်ကောင်းကောင်းတွေရှိတတ်ကြပါတယ်။ အဲဒီ့အကြောင်းပြချက်ကောင်းကောင်းတွေကို လက်ခံထားတဲ့အတွက်ကြောင့်ပဲ သူတို့က မအောင်မြင်ကြတာပါ။
ရုပ်ရည်ချောမောလှပမှု၊ ကြိုးစားမှု၊ အရည်အချင်းနဲ့ ငွေကြေး
လူတစ်ယောက်အတွက် ရုပ်ရည်ချောမောလှပမှုက အရေးကြီးပါသလား။ ဒီမေးခွန်းကို ဆယ်ကျော်သက်အရွယ်လောက်မှာဆိုရင်တော့ ရုပ်ရည်လှပမှုက အရေးကြီးတယ်လို့ဖြေမိမယ်ထင်ပါတယ်။ မိန်းကလေးတွေကော ၊ ယောကျာ်းလေးတွေက ထိုအရွယ်မှာ ဆန့်ကျင်ဘက်လိင်ကိုစတင်စိတ်ဝင်စားတဲ့အချိန်ဖြစ်တာမို့ အရမ်းလည်း လှချင်ပချင်တဲ့အရွယ်ဖြစ်နေတာကိုး။ ဒါပေမယ့် ကိုယ့်ရဲ့မလှပတဲ့ရုပ်ရည်အတွက်၊ အပေါ်ယံအရေပြားအတွက်လည်း စိတ်ထိခိုက်မဆုံးဖြစ်နေစရာမလိုပါဘူး။ ရုပ်ရည်ဆိုတာ အပေါ်ယံအမြင်တွေပါပဲ။ ကိုယ်က အများငေးကြည့်ရလောက်တဲ့ရုပ်ရည်မျိုးမပိုင်ဆိုင်ထားပေမယ့် လူအများအားကျရလောက်အောင်၊ အထင်ကြီးလေးစားအောင် လုပ်လို့ရပါတယ်။