ပိုမြင့်တဲ့နေရာကိုရောက်ချင်ရင် ပိုသာတဲ့စွမ်းရည်ရှိရမယ်။
လူတိုင်းက ပိုမြင့်တဲ့နေရာကို ရောက်ချင်ကြပါတယ်။ အလုပ်လုပ်ရမယ်ဆိုရင်လည်း ထိုနည်းတူပါပဲ။ ပိုပြီးမြင့်တဲ့နေရာကိုရချင်သလို၊ ဝင်ငွေလည်း ပိုသာချင်ကြပါတယ်။ အချို့ဆိုမေးတတ်ပါသေးတယ်။ “အေးဆေးပဲလား….” ဆိုတာမျိုး ၊ ပြောချင်တာက အလုပ်ကိုအေးဆေးပဲ သာသာယာယာလုပ်ရတာလားပေါ့။ ဘယ်သူမဆို ပိုကောင်း၊ ပိုသာတဲ့အခြေအနေမျိုးကို လိုချင်ကြတာချည်းပါပဲ။ ဒါပေမယ့် ပိုအဆင်မြင့်လာတာနဲ့အမျှ ကိုယ့်ဘက်က ရင်းနှီးမှုလည်းများလာမယ်ဆိုတာကိုတော့ ဘယ်သူမှ သိပ်မတွေးတတ်ကြပါဘူး။
ချဉ်ပေါင်ခါးက ဆေးဖက်ဝင်တဲ့အပင်တစ်မျိုးဖြစ်ပြီး သွားကိုက်ခြင်း၊ ဆီးလမ်းကြောင်းပိုးဝင်ခြင်း၊ အအေးပတ်ခြင်းနဲ့ အရက်နာကျခြင်းတို့ကို သက်သာစေပါတယ်။ ချဉ်ပေါင်ခါးပင်က တစ်ပင်လုံးအသုံးဝင်တဲ့အပင်ဖြစ်ပါတယ်။ ချဉ်ပေါင်ရွက်၊ ချဉ်ပေါင်ဖူးအားလုံးက အသုံးဝင်ပါတယ်။
အိပ်မက်တွေဈေးကြီးတယ်ဆိုတာ တကယ်လား…..
အိပ်မက်တွေက ဈေးကြီးတယ်….ဆိုပြီး ပြောနေကြတာကြားမိပါတယ်။ တကယ်ပဲ အိပ်မက်တွေက ဈေးကြီးတာလား။ ကိုယ်တိုင်က အစွမ်းအစမရှိတာလား။ လူတိုင်းက ဈေးကြီးတာကိုတော့ မဝယ်နိုင်ကြပါဘူး။ ဒါပေမယ့် အဲဒီ့ဈေးကြီးတယ်ဆိုတဲ့အရာကိုတော့ ရရှိပိုင်ဆိုင်ရတဲ့အခါမှာတော့ အခြားသော ဈေးနည်းတဲ့ပစ္စည်းတွေထက်ကို ပိုပြီး တန်ဖိုးထားတတ်ကြတယ်မဟုတ်လား။ အဲဒီ့တော့ သင်ဖြစ်ချင်တဲ့အိပ်မက်က ဈေးကြီးတယ်ဆိုပြီး သင်မကြိုးစားဘဲနေရင် သင်တန်ဖိုးရှိတာကို ပိုင်ဆိုင်နိုင်မှာမဟုတ်ပါဘူး။
ဆောင်းရာသီမှာ ကျန်းမာစေဖို့ အလွယ်ဆုံးနည်းလမ်းများ
ဆောင်းရာသီမှာ အရေပြားတွေ ခြောက်သွေ့အက်ကွဲလွယ်သလို၊ နှုတ်ခမ်းသားကွဲခြောက်မှုတွေလည်း ဖြစ်ပေါ်တတ်ပါတယ်။ အဲဒါအပြင် လည်ချောင်းနာခြင်းကလည်း အဆစ်ပါလာနိုင်ပါသေးတယ်နော်။ အအေးမိခြင်း၊ ချောင်းဆိုးခြင်းတွေလည်း ဖြစ်နိုင်ပါတယ်။ အဲဒါကြောင် ဆောင်းရာသီမှာ ကျန်းမာစေဖို့ အလွယ်ဆုံးလိုက်နာသင့်တဲ့ နည်းလမ်းလေးတွေဖော်ပြပေးလိုက်ပါတယ်။
လူတိုင်းက ဘဝမှာ ကောင်းမွန်တဲ့အရာတွေဖြစ်ပျက်လာတဲ့အခါ ပျော်ရွှင်နေတတ်ပြီး အဆိုးတွေကြုံရတဲ့အခါမှာတော့ ယူကြုံးမရ ဝမ်းနည်းတတ်ကြပါတယ်။ ဘဝဆိုတာက အမြဲပုံသေမရှိဘဲ ကောင်းတလှည့် ဆိုးတလှည့်ဆိုတာကို မေ့လျော့နေတတ်ကြပါတယ်။ ကောင်းမွန်တဲ့အရာတွေဖြစ်ပျက်လာရင်လည်း တစ်သက်လုံးအတွက်မဟုတ်ဘဲ ဆိုးတဲ့အရာတွေဖြစ်ပျက်လာရင်လည်း တစ်သက်လုံးစာမဟုတ်နိုင်ပါဘူး။
ဖန်ခါးပင်က အပင်ကြီးမျိုးဖြစ်ပြီး အရသာမှာ ဖန်ပြီးခါးတဲ့အရသာမျိုးဖြစ်ပါတယ်။ ဖန်ခါးသီးက ဆေးဘက်ဝင်တဲ့အသီးတစ်မျိုးဖြစ်ပြီး ထမင်းနဲ့လည်း တို့စားစရာအဖြစ်စားတတ်ကြပါတယ်။ ကျန်းမာရေးဆိုင်ရာအကျိုးကျေးဇူးတွေက အောက်ပါအတိုင်းဖြစ်ပါတယ်။
အောင်မြင်ချင်သူနဲ့ ကျရှုံးသူရဲ့ကြားက ခြားနားချက်များ
အောင်မြင်နေတဲ့သူတွေကို မြင်ရင်သာ “ဟာ…သူတို့က အောင်မြင်လိုက်တာ” “ ဟယ်…သူတို့ကတော်လိုက်တာ” ဆိုပြီး ဖြစ်တတ်ကြတာပါ။ အောင်မြင်သူတွေရဲ့နောက်ကွယ်က မအောင်မြင်ခင် ဘယ်လိုကြိုးစားခဲ့ကြရသလဲဆိုတာကိုတော့ ဘယ်သူမှ တန်းမမြင်နိုင်ကြပါဘူး။ အောင်မြင်သူတွေက အောင်မြင်သူအဖြစ်မွေးလာကြပြီး ကျရှုံးသူတွေက ကျရှုံးသူအဖြစ်မွေးလာတာမဟုတ်ပါဘူး။ အားလုံးဟာ အတူတူမွေးဖွားလာတာဖြစ်ပြီး အောင်မြင်သူကတော့ အသေအကြေကြိုးစားပြီး ကျရှုံးသူတွေကတော့ အောင်မြင်သူတွေ သေမလိုကြိုးစားနေချိန်မှာ မကြိုးစားဖြစ်တဲ့သူတွေပဲဖြစ်ပါတယ်။ အဲဒါကြောင့် အောင်မြင်သူနဲ့ကျရှုံးသူကြားက ခြားနားချက်ကို ဖော်ပြလိုက်ပါတယ်။
သင့်ရဲ့စွမ်းရည်တွေ တိုးတက်လာစေဖို့ ကျင့်သုံးသင့်သော အကျင့်ကောင်းများ
“Every next level of your life will demand a different you.”– Leonardo DiCaprio ပြောထားတဲ့စကားလိုပါပဲ။ သင့်ဘဝအတွက်နောက်ထပ်အဆင့်တစ်ခုမြင့်တက်ချင်တယ်ဆိုရင် သင့်ရဲ့စွမ်းရည်တွေလည်း တိုးတက်လာဖို့လိုအပ်ပါတယ်။ သင့်ဘဝမှာ ခုထက် ဝင်ငွေပိုရချင်သလား၊ ခုထက် ရာထူးတိုးချင်သလား၊ ခုထက် ဆရာကျချင်သလား ပိုမြင့်တဲ့ဘဝရဲ့အဆင့်တစ်ခုကိုရောက်ချင်တယ်ဆိုရင်တော့ သင့်ထက်ပိုတော်တဲ့ သင်ဖြစ်နေဖို့လိုပါတယ်။ သင့်မှာ ရှိတဲ့စွမ်းရည်တွေထက်မြက်လာလေ သင့်ဘဝရဲ့အဆင့်အတန်းကလည်း ပိုပြီးမြင့်တက်လာလေလေ သင့်ရဲ့ဝင်ငွေကလည်း လိုက်ပါတိုးမြင့်လာလေလေဖြစ်မှာပါ။ အဲဒါကြောင့် ဝင်ငွေကို အရင်မလိုချင်ပါနဲ့။ သင့်ရဲ့စွမ်းရည်ကိုသာ အရင်မြင့်တင်ပါ။ သင့်ရဲ့စွမ်းရည်တိုးတက်လာစေဖို့ လိုက်နာကျင့်သုံးသင့်တဲ့ အကျင့်ကောင်းလေးတွေဖော်ပြပေးလိုက်ပါတယ်။
မကြီးပွားစေမယ့် အကျင့်ဆိုးများ
ဘယ်လောက်ပဲ ပင်ပန်းကြီးစွာရှာဖွေပါစေ။ အချိန်တန် ဒီဘဝက ဒီဘဝနဲ့တင် ဖြစ်နေတဲ့လူအများစုထံမှာ အောက်ပါအကျင့်ဆိုးတွေကို တွေ့ရတတ်ပါတယ်။ မတိုးတက်တဲ့လူအများစုမှာ ကိုယ့်ကိုယ်ကိုယ်ပြန်မသုံးသပ်တတ်ကြဘဲ ကိုယ်မထိန်းချုပ်နိုင်တဲ့ အခြားသော အခြေအနေတော်တော်များများကိုသာ အပြစ်တင်နေတတ်ကြပါတယ်။ အဲဒါကြောင့် အချိန်မီ ကိုယ့်ထံမှာ အောက်ပါအကျင့်ဆိုးတွေရှိနေတယ်ဆိုရင် ကိုယ့်ကိုယ်ကိုယ်ပြန်လည်သုံးသပ်ခြင်းဖြင့် ပြင်ဆင်နိုင်စေဖို့ ဖော်ပြပေးလိုက်ပါတယ်။
ခေါင်းပူ (overload) ဖြစ်နေတာကို ဘယ်လိုရှင်းမလဲ။
ခေါင်းပူနေတယ်၊ ခေါင်းထဲမှာ အတွေးတွေများပြီး ခေါင်းရှုပ်နေလို့ ပြဿနာတွေကို ဘယ်လိုမှမဖြေရှင်းနိင်ဘူး။ ဘာမှလည်း ထပ်မကြားချင်၊ မသိချင်ဘူး၊ ဒီလိုအချိန်မှာ လာပြီး အာရုံနှောက်အောင်ထပ်လုပ်သူက ရန်သူပဲဆိုတာမျိုးဖြစ်ဖူးကြမယ်ထင်ပါတယ်။ အတွေးတွေများ၊ အလုပ်တွေများပြီး လုပ်စရာတွေအများကြီးရှိနေပေမယ့် ဘာဆက်လုပ်လို့ ၊ ဘယ်အရာကို ဦးစားပေးရမလဲဆိုတာလဲ မသိနိုင်တော့လောက်အောင် ဖြစ်နေမှာပါ။ အဲဒါမျိုးကို ခေါင်းပူနေတာ တနည်းအားဖြင့် overload ဖြစ်နေတာကြောင့်ပါ။ အဲဒီ့အခါမျိုးမှာ နောက်ထပ်ခေါင်းရှုပ်ရမယ့်ကိစ္စမျိုးကို ခဏလွှတ်ထားလိုက်ပြီး အောက်ပါအချက်လေးတွေလုပ်ကြည့်ပါ။
နှစ်သစ်မှာ ကိုယ့်ကိုယ်ကိုယ်ပိုချစ်ဖို့ ကြိုးစားပါ။
ကိုယ့်ကိုယ်ကိုယ်ချစ်ခင်ခြင်းဆိုတာက တစ်ကိုယ်ကောင်းဆန်ခြင်းနဲ့ မတူပါဘူး။ များသောအားဖြင့်ကတော့ ကိုယ့်ကိုယ်ကိုယ်အရမ်းချစ်တတ်တဲ့သူမျိုးကို တစ်ကိုယ်ကောင်းဆန်တဲ့သူအဖြစ် သတ်မှတ်တတ်ကြပါတယ်။ ဒီနေရာမှာ ကိုယ့်ကိုယ်ကိုယ်ချစ်ခင်ခြင်းနဲ့ တစ်ကိုယ်ကောင်းဆန်ခြင်းက မတူဘူးဆိုတာကို ရှင်းပြချင်ပါတယ်။ တစ်ကိုယ်ကောင်းဆန်လွန်းတဲ့သူမျိုးမှာ တစ်ဖက်သားဘက်ကို လုံးဝထည့်မစဉ်းစားတတ်ဘဲ ကိုယ့်အကျိုးအတွက်သာ ထည့်စဉ်းစားတတ်သူဖြစ်ပါတယ်။ ကိုယ့်အတွက်အဓိက ကိုယ့်အကျိုးရယူလိုစိတ်များပြီး အခြားသူတွေဘယ်လိုပဲထိခိုက်ပါစေ ဂရုမစိုက်တတ်တဲ့စိတ်၊ ကိုယ်ကလွဲရင် အခြားသူကို မငဲ့ညှာတတ်တဲ့စိတ်အင်အားကြီးလွန်းတာပဲဖြစ်ပါတယ်။ ကိုယ့်အတွက်သာအကျိုးရှိမယ်ဆိုရင် ကိုယ့်မိသားစု၊ ကိုယ့်အမျိုးအနွယ်ကိုတောင် ရက်စက်ဖို့ဝန်မလေးမယ့်သူမျိုးပါ။