သူငယ်ချင်းကောင်းတွေကို ဘယ်လိုနည်းတွေနဲ့ရှာနိုင်လဲ။
ဘဝမှာ သူငယ်ချင်းကောင်းတွေရှိခြင်းကလည်း ကံကောင်းခြင်းတစ်မျိုးပါပဲ။ ကိုယ်ဒုက္ခရောက်တိုင်းဖေးမပေးမယ့်သူငယ်ချင်း ၊ ကိုယ်စိတ်ညစ်စရာကြုံတိုင်း မျှဝေခံစားပေးတတ်တဲ့သူငယ်ချင်း၊ မရှိအတူရှိအတူ နေပေးမယ့်သူငယ်ချင်းကောင်းတွေရှိခြင်းက ဘဝမှာ ဘာနဲ့မှ လဲလို့ မရနိုင်တဲ့ ရတနာတစ်ပါးပါပဲ။ အဲဒါကြောင့် သူငယ်ချင်းကောင်းတွေက သင့်အပေါ်ဘယ်လိုပြုမူသလဲဆိုတာကို ကြည့်ပြီး ဘယ်သူက သူငယ်ချင်းကောင်း၊ ဘယ်သူက မပေါင်းသင့်သောသူငယ်ချင်းမျိုးလဲ ဆိုတာ သိနိုင်မှာပါ။
အပြောကြီးသူများ၏ ဓလေ့စရိုက်များ
ကျွန်တော်တို့ ပုံမှန်ရှင်သန်နေတဲ့ပတ်ဝန်းကျင်မှာတင် လူအမျိုးမျိုးရှိပါတယ်။ အဲဒီ့ထဲကမှ အပြောကြီးတဲ့သူဆိုတာလည်း အပါအဝင်ဖြစ်နေတတ်ပါတယ်။ သင်လည်း ထိုကဲ့သို့ အပြောကြီးသူကို တွေ့ဖူးဆုံဖူးမယ်ထင်ပါတယ်။ ဒီတစ်ခါမှာတော့ ကျွန်တော်တို့ပတ်ဝန်းကျင်က အပြောကြီးသူတွေရဲ့ ဓလေ့စရိုက်လေးတွေကို ပြောပြပေးချင်ပါတယ်။
မုန်းနေသူတွေကိုလည်း မေတ္တာထားပါ။
တခါတလေ ကိုယ်ကတောင် မသိလိုက်ဘဲ ကိုယ့်ကိုမုန်းတီးသွားတဲ့သူမျိုး လူတိုင်းမှာ ရှိဖူးကြမယ်ထင်ပါတယ်။ သူနု့ဲကိုယ်နဲ့ ဆက်ဆံရေးက အကောင်းကြီးကနေ ကိုယ်ကလည်း သူ့ကို ဘာမှစိတ်ကွက်စရာမရှိလို့ အရင်လိုမေးထူးခေါ်ပြောနေပေမယ့် သူကတော့ ကိုယ့်ကိုလုံးဝအဖက်မလုပ်တော့ဘဲ ခပ်တည်တည်ဖြစ်သွားတဲ့ဆက်ဆံရေးမျိုးလည်း ကြုံဖူးမှာပါ။ အရင်တုန်းကတော့ ကိုယ်တိုင်လည်း အဲလိုကြုံလိုက်ရရင် အင်တင်တင်ကြီးခံစားရတတ်ပါတယ်။ ဘာလို့လဲပေါ့…..ကိုယ်ဘာများလုပ်မိပါလိမ့်ပေါ့။ ငါသူစိတ်ဆိုးအောင်များလုပ်မိလား….ပေါ့။ တွေးလည်းတွေး အတွေးထဲကနေတင် သူ့ကိုပြန်အားနာမိပါတယ်။ “အော်….ငါမထင်မှတ်ဘဲ သူ့ကို တခုခုလုပ်လိုက်မိတယ်ထင်တယ်” ဆိုတဲ့အတွေးနဲ့ သူ့ကိုတောင် ပြန်အားနာပြီး နောက်နေ့တွေ့ရင် စကားတွေ အတင်းလိုက်ပြောမိတတ်ပါတယ်။ ကိုယ်မှားနေတယ်ထင်နေမိတာကိုး။ တကယ်တော့ ကိုယ်ဘာလုပ်မိလိုက်မှန်း ကိုယ်တိုင်လည်းမသိလိုက်ပါဘူး။ ခင်မင်နေတဲ့စိတ်နဲ့အဲလိုမျိုး အတင်းစကားရောဖောရောလုပ်ပေမယ့် သူကတော့ ကိုယ့်မြင်လည်း မမြင်ချင်ယောင်ဆောင်သွားတာမျိုး၊ ကိုယ်စကားပြောလည်း မကြားချင်ယောင်ဆောင်သွားတာမျိုးတွေ ကြုံပါများလာတဲ့အခါမှ နားလည်သလိုလိုရှိလာပါတယ်။ “အော်….သူခမြာ ငါ့ကိုတမင်စကားကိုမပြောချင်တာကိုး” ဆိုပြီးတော့ပေါ့။ အဲဒီ့ကျမှ သူမခေါ်ချင်လည်း နေပါစေလေ။ အတင်းလိုက်မခေါ်တော့ပါဘူးဆိုပြီး နေလိုက်တာမျိုးပေါ့။
သမီးရည်းစားဘဝဆိုတာ တစ်ဘဝလုံးအတူလက်တွဲရင်ဆိုင်သွားနိုင်လောက်တဲ့ ရဲဘော်ရဲဘက်ကောင်းဖြစ်နိုင်မဖြစ်နိုင်ဆိုတာကို စောင့်ကြည့်တဲ့အခြေအနေကာလ အပိုင်းအခြားတစ်ခုပါ။ ထိုကာလမှာ မဖြစ်နိုင်ဘူးလု့ိ ထင်ရင် လက်ထပ်တဲ့အဆင့်ထိမရောက်ဘဲ တစ်ဦးကိုတစ်ဦး ကောင်းမွန်စွာလမ်းခွဲလိုက်လို့ အဆင်ပြေနိုင်ပါတယ်။ (တစ်ယောက်ကို တစ်ယောက် ထိခိုက်စေတဲ့အဖြစ်အပျက်မျိုး မဖြစ်ခဲ့ကြရင်တော့ အကောင်းဆုံးပေါ့) ။
ဟင်းချက်တတ်ခြင်း နှင့် သူ၏ကောင်းကျိုးများ
ဟင်းချက်တတ်ခြင်းက ဒီနေ့ခေတ်မှာ အမျိုးသမီးတွေချည်း လုပ်တတ်သင့်တဲ့အလုပ်မဟုတ်တော့ပါဘူး။ အမျိုးသားကော၊ အမျိုးသမီးကော လုပ်တတ်သင့်တဲ့အရာဖြစ်နေပါပြီ။ ဒီနေ့ခေတ်မှာက အားလုံးက ကိုယ့်တာဝန်ကိုယ်ယူ၊ ကိုယ့်အစွမ်းအစနဲ့ ခေတ်ကိုအမှီလိုက်ဖို့ ကြိုးစားနေကြတဲ့အချိန်မှာ ဟင်းချက်တာလေးလောက်နဲ့ သူများကို အောက်ကျခံနေရမယ်ဆိုရင်ကော ဖြစ်သင့်ပါ့မလား။ အဲဒီ့တော့ ဟင်းချက်တာကိုလည်း အတတ်ပညာတစ်ခုလိုပဲ တတ်မြောက်အောင် သင်ယူလာကြပါပြီ။ မိဘအိမ်ကနေ ခွဲခွာပြီး ကျောင်းတက်ရတာပဲဖြစ်ဖြစ်၊ အလုပ်လုပ်တာပဲဖြစ်ဖြစ် ကိုယ်တိုင်ချက်ပြုတ်စားသောက်တတ်ခြင်းက မျက်နှာမငယ်စေပါဘူး။ အဲဒါအပြင် ဟင်းချက်တတ်ခြင်းကြောင့် အခြားကောင်းကျိုးလေးတွေလည်း ရှိပါသေးတယ်။
မိမိကိုယ်ကို လက်ခံနိုင်ဖို့ ဆိုတာ ပြောတာသာလွယ်တာပါ။ လုပ်ရတာတော့ ခက်ပါတယ်။ ဘာလို့လဲဆိုတော့ လူတော်တော်များများက အခြားသူတွေ လက်ခံဖို့လောက်သာ အာရုံရှိတာပါ။ ကိုယ့်ကိုကိုယ်လေးစားနိုင်အောင်၊ ကိုယ့်ကိုကိုယ် လက်ခံနိုင်အောင် ကြိုးစားဖို့ကျတော့ မတွေးမိတတ်ကြပါဘူး။ အခြားသူလက်ခံလာအောင်၊ အခြားသူတွေ နေရာပေးအောင်၊ အခြားသူလေးစားအောင် စသည်ဖြင့် အမျိုးမျိုးလုပ်ယူလို့ရနိုင်ပါတယ်။ အဲဒါဆိုရင် အခြားသူတွေ လက်ခံနိုင်အောင် လုပ်နိုင်တာပဲ တော်လှပြီလို့ ပြောစရာရှိပါတယ်။ တကယ်တော့ ကိုယ့်ကိုကိုယ်လက်ခံနိုင်မှ အခြားသူများကလည်း လက်ခံနိုင်မှာပါ၊ အဲဒါကမှသာ အစစ်အမှန်လက်ခံနိုင်ခြင်းပါ။
စစ်မှန်သော ပျော်ရွှင်မှုဆိုတာ။
လောကမှာ မပျော်ရွှင်ချင်တဲ့သူဆိုတာ ရှိမယ်မထင်ပါဘူးနော်။ လူတိုင်းက ပျော်ရွှင်မှုကို အမျိုးမျိုးလည်း အဓိပါ္ပယ်သတ်မှတ်တတ်ကြပါသေးတယ်။ တစ်ချို့က ကိုယ်လိုချင်တာလေးတွေ ရသွားတာမျိုး၊ တစ်ချို့က ရာထူးတိုးသွားတာမျိုး၊ တစ်ချို့က ကိုယ်အောင်မြင်ချင်တဲ့စာမေးပွဲ အောင်မြင်သွားတာမျိုးလိုပေါ့။ အက်မင်လည်း စဉ်းစားဖူးပါတယ်။ အဲဒီ့ပျော်ရွှင်မှုဆိုတာ ဘာလဲ၊ အထူးသဖြင့် ကိုယ်လိုချင်နေတဲ့ ပျော်ရွှင်မှုက ဘာလဲဆိုတာမျိုးပေါ့။ လူတိုင်းလိုလိုလည်း တွေးဖူးကြမလားမသိပါဘူး။ ရယူပိုင်ဆိုင်ရတဲ့ပျော်ရွှင်မှု့က ရလိုက်တုန်းလေးသာ ပျော်ရွှင်ရတာပါနော်။ အသစ်အဆန်းတစ်ခုအနေနဲ့ပေါ့။
အာရုံစူးစိုက်နိုင်အောင်ဘယ်လိုလုပ်မလဲ။
အလုပ်တွေအရမ်းများလို့ အာရုံမစိုက်နိုင်တော့တာမျိုး၊ ကျောင်းစာတွေအရမ်းများလို့ ဟိုစာကျက်ရမလို၊ ဒီစာလုပ်ရမလိုနဲ့ တကယ်လုပ်ကြည့်တော့လည်း ဘယ်စာကိုမှ သေချာအာရုံမစိုက်နိုင်တာမျိုး ဖြစ်ဖူးကြမှာပါ။ အဲဒီ့အခါမှာ အာရုံစူးစိုက်နိုင်အောင် ဘယ်လိုလုပ်သင့်လဲဆိုတာ ပြောပြပေးချင်ပါတယ်။
ဘဝရဲ့ ဘက်စုံမှ ဖိအားများနေသူများဖတ်ရှုရန်
ဘဝက ဖိအားများတယ်ဆိုတာကို လက်ခံကြမလား။ ဖြစ်ချင်စိတ်တွေ ပိုများတဲ့အခါ ဘဝက ပိုပြီး ဖိအားများလာတာပေါ့။ လူ့ဘဝက မွေးလာကတည်းက ငိုပြီးမွေးလာကြတဲ့သူချည်းမို့ ဘဝက ဖိအားများတယ်ဆိုတာမဆန်းပါဘူးနော်။ အဲဒီကမှ သူများဝတ် ဝတ်ချင်စိတ်၊ သူများလို လူတန်းစေ့နေချင်စိတ် ၊ သူများစား စားချင်စိတ်၊ သူများ ပိုင် ကိုယ်လည်းပိုင်ချင်စိတ် စတဲ့စိတ်ဓာတ်တွေက လူတွေကို ပိုပြီး ဘဝမှာ ဖိအားများလာစေတာပါ။ အဲဒါတွေကြောင့် စားဝတ်နေရေးကြောင့်အလုပ်ခွင်ဝင်ရတာ၊ လူတန်းစေ့နေနိုင်ဖို့ ပိုကြိုးစားလာရတာ၊ ပညာရေးမှာလည်း သူများထက် တော်နိုင်အောင် ကြိုးစားရတာ၊ ကြိုးစားပမ်းစားရှာနေတဲ့ကြားထဲကနေ မလုံလောက်တဲ့အခါ ထပ်ပြီး ပူပန်ရတာ၊ သူများတန်းတူ ပညာတွေသင်နေရက်နဲ့ မတိုးတက်တဲ့အခါ ထပ်ပြီး ပူပန်ရတာ၊ စတဲ့ များပြားလှတဲ့ ဖိအားတွေကို လူတိုင်းနီးပါး နေ့စဉ်ရင်ဆိုင်နေရပါတယ်။
ရိုးရှင်းသောအပြုံးတစ်ခုကဘယ်လောက်အထိတာသွားပါသလဲ။
လူတစ်ယောက်ရဲ့အပြုံးကို မြင်လိုက်ရတာနဲ့တင် အခြားလူတစ်ယောက်က ပျော်ရွှင်ကျေနပ်သွားတာမျိုး၊ ရယ်မာသွားနိုင်တာမျိုး ဖြစ်စေနိုင်ပါတယ်။ သိပ္ပံပညာရှင်အချို့ကတော့ ပြောထားပါသေးတယ်။ အပြုံးက သင့်ကို စွမ်းအင်တွေတိုးစေနိုင်ပါတယ်။ သင့်ပတ်ဝန်းကျင်ကိုလည်း ဆွဲဆောင်နိုင်ပါသေးတယ်တဲ့။ ပြုံးခြင်းနဲ့ အသက်ရှည်ခြင်း ကျန်းမာခြင်းက ဆက်စပ်နေတယ်လို့ ပြောတတ်ကြပါတယ်။ ပြောရရင် ပြုံးတယ်ဆိုတာ ပျော်ရွှင်ခြင်းရဲ့အခြေခံပါပဲ။ အဲဒါကြောင့် ပြုံးခြင်းက ကျန်းမာရေးနဲ့ပတ်သက်တဲ့ကောင်းကျိုးတွေ အများကြီးရနိုင်တာပေါ့။
ပျင်းရိခြင်းဆိုတာ နာမည်သာ ဆိုးတာ ၊ လူကတော့ သက်သာတယ်…..လို့ပြောတတ်ကြပါတယ်။ တကယ်လည်း နာမည်သာ ဆိုးတာပါ၊ လူက တော်တော် သက်သာပါတယ်နော်။ ဒါပေမယ့် လူသက်သာတယ်ဆိုမှတော့ ဘဝကိုပေါ့ပါးစွာဖြတ်သန်းနေတဲ့လူပေါ့။ ဘဝကို ပေါ့ပေါ့တွေးပြီး ဖြတ်သန်းတဲ့သူက ဘာတွေများ လေးနက်တဲ့ကိစ္စကို လုပ်ဆောင်နိုင်ပါ့မလဲ။
နောင်တစ်ချိန်နောင်တမရစေဖို့ သင့်ရဲ့အသက်၂၀အရွယ်ကို ဘယ်လိုအသုံးချရမလဲ။
သင့်ရဲ့အသက်၃၀အရွယ်မှာ သင့်အသက်၂၀အရွယ်က မလုပ်ခဲ့ရတာတွေအတွက် သင်နောင်တရနေနိုင်ပါတယ် ။ သင့်အသက်အရွယ်အလိုက် ကိုယ်လုပ်ချင်ခဲ့တာတွေ ကိုယ်စီရှိမှာပါ။ အဲဒီ့အချိန်မှာမှ မလုပ်ဖြစ်ခဲ့ရင် သင်ပဲစိတ်ဒုက္ခရောက်ရသလို အချိန်ကိုလည်း နောက်ပြန်မလှည့်နိုင်တော့ဘူးလေ။ အဲဒါကြောင့် သင့်အသက် ၂၀ အရွယ်မှာ သင်လုပ်ချင်တာတွေကို တန်းစီးလုပ်ဖို့ မမေ့ပါနဲ့။ (ဒါပေမယ့် သင့်ဘဝတစ်ခုလုံး စုတ်ပြတ်သတ်သွားမယ့်အလုပ်မျိုးတော့ မဖြစ်စေနဲ့ပေါ့) နောင်တစ်ချိန်မှာ နောင်တမရစေဖို့ သင့်ရဲ့အသက်၂၀အရွယ်ကို ကောင်းကောင်းအသုံးချသင့်ပါတယ်။