ကိုယ်မသိနိုင်တဲ့အခြားတဖက်ကိုလည်း တွေးကြည့်ပေးပါ။
“Every one is a moon, and has a dark side which he never shows to anybody” ဆိုတဲ့ Mark Twin ရဲ့ ကောက်နုတ်ချက်လေးတစ်ခုကို သတိရမိပါတယ်။ လူတိုင်းဟာ လလိုပဲ အခြားဘယ်သူ့ကိုမှ ပြောမပြထာတဲ့ အမှောင်ဘက်အခြမ်းကိုယ်စီရှိကြပါတယ်တဲ့။ မှတ်မှတ်ရရ ဆရာမဂျူးရဲ့ဝတ္ထုတစ်အုပ်မှာ ဖတ်ရင်းကြိုက်လို့မှတ်ထားမိတဲ့စာသားလေးပါ။ လူတိုင်းကို ကိုယ်မြင်နေတွေ့နေနိုင်တဲ့အပိုင်းကိုပဲ မြင်နိုင်တာပေါ့၊ ဒါပေမယ့် ကိုယ်တွေမသိနိုင်တဲ့ ၊ ကိုယ်မမြင်နိုင်တဲ့ အခြားတစ်ခြမ်းကိုတော့ ဘယ်တုန်းကမှ မတွေးကြည့်မိတတ်ကြပါဘူး။ အဲဒါက ဘာကိုပြောသလဲဆိုရင် ကျွန်တော်တို့အားလုံးဟာ လူတစ်ယောက်ရဲ့အပြုအမူ၊ အနေအထိုင်၊ ပြဿနာတစ်ခုခု၊ ဆုံးဖြတ်ရမယ့် ကိစ္စတစ်ခုခုပေါ်မှာ ကိုယ်တွေမြင်တာနဲ့သာ ဆုံးဖြတ်တတ်ကြတာပါပဲ။ ကိုယ်မသိနိုင်တဲ့အခြားတစ်ဖက်မှာ ဘယ်လိုအကြောင်းပြချက်တွေ၊ အကြောင်းအရာတွေရှိမလဲဆိုတာကို သိပ်မတွေးမိတတ်ကြဘူးလို့ ဆိုလိုချင်တာပါ။ ဘယ်စာအုပ်ထဲက စာသားလဲတော့မမှတ်မိတော့ပါဘူး။
သင့်နှလုံးသားနဲ့ရင်းပြီး ရနိုင်တဲ့အမြတ်များ
တစ်ခုရဖို့ တစ်ခုရင်းရတယ်တဲ့။ သင်နှလုံးသားတစ်ခုလုံးရင်းလိုက်ရတဲ့အခါမှာတော့ သင်ပြန်ရလိုက်တဲ့အရာတွေက သင့်ဘဝအတွက် အများကြီး အဓိပါ္ပယ်ရှိတဲ့အရာတွေဖြစ်ပါစေ။ သင့်နှလုံးသားရင်းရခြင်းဟာ အလကားမဖြစ်စေပါဘဲ သင့်ဘဝပြန်လည်ထူမတ်ဖို့ရာ ခွန်အားတွေအဖြစ်ယူနိုင်အောင်ကြိုးစားလိုက်ပါနော်။
အမှတ်တမဲ့လုပ်မိတတ်သော ငွေကုန်စေတဲ့အရာများ
ကိုဗစ်ကာလအတွင်း Stay Home လုပ်ကြတဲ့အခါ ပိုပြီးငွေကုန်များတယ်လို့ တချို့တွေက ညည်းကြပါတယ်။ အိမ်ထဲမှာပဲနေလိုက် ဘယ်မှမသွားနိုင်ဘဲ အစားချည်းလှိမ့်စားနေကြတာမို့ တစ်လစာဝယ်ထားတာတွေက ၃ပတ်လောက်နဲ့ကုန်ကုန်သွားတတ်တာမို့ ပိုပြီးငွေကုန်များသလိုဖြစ်တော့တာပါပဲ။ အဲဒီလိုငွေကုန်များရတဲ့အထဲက အကြောင်းအရာတော်တော်များများက ကိုယ်တိုင်သတိမထားမိတဲ့အရာအသေးအဖွဲလေးတွေဖြစ်နေတတ်ပါတယ်။ သတိထားမိသလောက်လေးတွေကို ဖော်ပြပေးလိုက်ပါတယ်နော်။
မနေ့ကထက် ဒီနေ့မှာ ပိုတော်လာပါစေ။
လူဆိုတဲ့သဘောက အခြားလူတွေရဲ့ အကျင့်စရိုက်၊ ကောင်းခြင်း၊ ဆိုးခြင်းစသဖြင့် မြင်လွယ်ပါတယ်။ အဲဒါကြောင့် ဝေဖန်ရတာပိုလွယ်တယ်လို့ပြောကြတာပါ။ ပြုပြင်ဖို့သာ ခက်တာပါ။ အဲဒါကြောင့်လည်း အပြစ်မြင်စရာရှိ ပိုမြင်တတ်သလို၊ အားကျစရာရှိလည်း ပိုပြီးအားကျတတ်ပါတယ်။ အဲဒီ့လိုပါပဲ ဝေဖန်စရာရှိလည်း ကိုယ့်ကိုယ်ကိုယ်ဝေဖန်တာထက် အခြားသူကို ဝေဖန်ရတာက ပိုပြီး ဝေဖန်လို့ကောင်းနေတတ်ပါတယ်။ အဲဒါဆိုရင် အခြားသူကို ဝေဖန်လိုက်ပါပြီတဲ့။ ဝေဖန်ခြင်း ၂မျိုးခွဲနိုင်ပါတယ်။ အပြုသဘောနဲ့ ဝေဖန်ခြင်း ရယ်၊ အပျက်သဘောနဲ့ ဝေဖန်ခြင်းရယ်ပါ။ အပြုသဘောနဲ့ဝေဖန်ခြင်းရဲ့ ရည်ရွယ်ချက်ကတော့ စေတနာနဲ့ သူ့ကို ပိုကောင်းစေချင်တဲ့စိတ်ကိုအခြေခံပြီး အကြံပေးလိုက်တဲ့သဘောပါ။ အဲဒီ့ဝေဖန်ချက်ကို တစ်ဖက်လူကလည်း ကောင်းမွန်စွာလက်ခံပြီး ကိုယ့်ကိုယ်ကိုယ်ပြန်သုံးသပ်ပြုပြင်မယ်ဆိုရင် ပိုပြီး အမှားနည်းသွားမယ်၊ ပိုတော်လာမယ်၊ ပိုကောင်းမယ့်အခြေအနေတစ်ခုဖြစ်လာနိုင်တာပေါ့။
တစ်နေ့မှာ လွယ်လွယ်အရှုံးမပေးမိခြင်းအတွက် သင့်ကိုယ်သင် ကျေးဇူးတင်မိလာမှာပါ။
ဒီစကားလေးကို သေချာပြန်တွေးကြည့်ရင် အဓိပ္ပါယ်အများကြီးရှိပါတယ်။ တကယ်လည်း သင်လက်လျှော့ချင်လာတဲ့အခါ အဲဒီစကားလေးကိုတွေးမိရင် တွေးစရာတွေအများကြီးရလာမှာပါ။ ကိုယ့်ကိုယ်ကိုယ်အရမ်း စိတ်ဆင်းရဲ၊ မွန်းကြပ်လွန်းတယ်လို့ထင်နေတဲ့အချိန်မျိုးမှာ လူတိုင်းဟာ ထွက်ပေါက်တစ်ခုခုကို အသည်းအသန်ရှာဖွေတတ်ကြပါတယ်။ အဲဒီ့အခါမှာ ကိုယ်ရွေးလိုက်မိတဲ့ထွက်ပေါက်ဟာ ဘယ်လိုထွက်ပေါက်ဖြစ်မလဲ။ တချို့ကတော့ မွန်းကြပ်မှုတွေထဲကနေ ထွက်ပြေးအရှုံးပေးတဲ့နည်းလမ်းနဲ့ အရှုံးပေးလိုက်ကြပါတယ်။
ဆန့်ကျင်ဘက်ဖြစ်သွားသောစကားပုံများ (၁)
တချို့သော မြန်မာစကားပုံများက မသိလိုက်မသိဘာသာနဲ့ ဆန့်ကျင်ဘက်အဓိပါ္ပယ်ဖြစ်နေတာကို သတိထားမိပါတယ်။ တခြားသောရည်ရွယ်ချက်မရှိပေမယ့် ဆန့်ကျင်ဘက်ဖြစ်သွားတဲ့စကားပုံများအဖြစ် သီးသန့်လေး မှတ်သားမိသွားအောင် ဖော်ပြပေးလိုက်ပါတယ်။ ဘာပဲဖြစ်ဖြစ် စကားပုံအချို့ကိုတော့ မှတ်မှတ်ရရဖြစ်သွားစေတာပေါ့နော်။ စာဖတ်သူတွေရော အဲဒီလိုဆန့်ကျင်ဘက်ဖြစ်သွားတယ်လို့ သတိထားမိလိုက်တဲ့ မြန်မာစကားပုံတွေရှိရင် comment မှာ မန့်သွားပေးပါအုံးနော်။ အပြန်အလှန်ဖလှယ်ကြတာပေါ့။ #BAWA101
ဒီခေါင်းစဉ်ကိုမြင်တဲ့အခါ ကိုယ့်ကိုယ်ကိုယ် ဒီစေတနာနဲ့ပတ်သက်ပြီး ပြဿနာပေါင်းစုံကြုံဖူးခဲ့တာကို သတိရကြမယ်ထင်ပါတယ်။ လောကီလူ့ဘောင်မှာ စရိုက်အမျိုးမျိုး လူအမျိုးမျိုးရယ်မို့ အမှုကိစ္စပေါင်းစုံကြုံရမှာပါပဲနော်။ အဲဒီ့လို လူပေါင်းစုံနဲ့ကြုံရတဲ့အခါ မကြာခဏကြားဖူးနေကြစကားရှိမှာပါ။ “စေတနာသည် လူတိုင်းနဲ့မတန်…” ဆိုတဲ့စကားပါပဲ။ ကိုယ်ကတော့ စေတနာအပြည့်ထားလိုက်တာပဲ ဒါပေမယ့် ကိုယ့်စေတနာကို တန်ဖိုးမထားတာမျိုး၊ ကိုယ့်ဆီက ရသမျှ စေတနာတွေကိုတော့ ရသလိုယူပြီးထွက်သွားတာမျိုး၊ ကိုယ်က ကိုယ့်ရဲ့မရှိရှိရာ တန်ဖိုးထားစရာလေးတွေထဲကနေ ဖျစ်ညစ်ကူညီပေးလိုက်ပေမယ့် လက်လွတ်စပယ်တန်ဖိုးမထားတဲ့သူမျိုးတွေ အမျိုးမျိုးကြုံရမှာပါ။ အဲဒီလို ကြုံရတဲ့အခါ စိတ်နာနာနဲ့ တွေးမိတာကတော့ “စေတနာသည် လူတိုင်းနဲ့မတန်ပါ” ဆိုတဲ့စကားပါပဲ။
ကမ္ဘာနဲ့အဝှမ်းသိမှတ်စရာအဖြာဖြာ (၂)
ကမ္ဘာနဲ့ချီတဲ့ အချို့သောအရာတွေက သိသလိုလိုရှိပေမယ့် သေချာမသိဘဲ မသဲကွဲတဲ့အရာမျိုးတွေရှိမှာပါ။ အဲဒါကြောင့် ရှာဖွေဖတ်မှတ်လို့ရသလောက် စုစည်းပြီး ဖော်ပြပေးလိုက်ပါတယ်။ တစ်ချိန်ချိန်မှာ အသုံးဝင်နိုင်တာမို့ အချင်းချင်းလည်း ဖတ်ရှုနိုင်အောင်ရှယ်ပေးလိုက်ပါအုံးနော်။ နောက်ထပ်လည်း ရှာဖွေလို့ရသလောက်ဗဟုသုတအဖြာဖြာကို ဖော်ပြပေးသွားပါအုံးမယ်။ #BAWA101
သင့်စိတ်ကို ပစ္စုပ္ပန်မှာသာ ထားပါ။
ဒီစကားလေးကအများကြီးအဓိပ္ပါယ်ရှိသလို၊ သက်ရောက်မှုလည်းအများကြီးရှိပါတယ်။ လူအတော်များများက ကိုယ့်ကိုယ်ကိုယ်ပြန်သုံးသပ်ကြည့်ရင်သိနိုင်မှာပါ။ ကိုယ့်ရဲ့စိတ်က ဘာတွေတွေးနေမိသလဲ….အထူးသဖြင့် စိတ်ဆင်းရဲနေမိတဲ့အချိန်မျိုးမှာပေါ့။ ကိုယ့်စိတ်တွေမပျော်ရွှင်ဘူး……စိတ်ဓာတ်ကျနေတယ်…စိတ်ထိခိုက်နေတယ်ဆိုတဲ့အခါမျိုးမှာကိုယ့်စိတ်ကိုသတိလေးထားပြီး ဆန်းစစ်ကြည့်ရင် ကိုယ့်စိတ်တွေက များသောအားဖြင့် ဖြစ်ပျက်ပြီးသမျှတွေကို တွေးနေမိတဲ့အကြောင်းရင်းကြောင့်ပါပဲ။ အတိတ်ကမပြုပြင်နိုင်ခဲ့တာတွေကိုတွေးမယ်၊ စိတ်ဆင်းရဲမယ်၊ ယူကြုံးမရဖြစ်မယ်၊ တနုံနုံပြန်ခံစားမယ်၊ စသဖြင့် ခံစားချက်တွေရဲ့အကြောင်းအရာတော်တော်များများက အတိတ်မှာ ကိုယ့်ကိုယ်ကိုယ်လှောင်ပိတ်ထားမိလို့ပါ။
မြန်မာပြည်ရဲ့ပထမဆုံးဖြစ်ခဲ့သော အရာတွေထဲက တချို့ကို ရှာဖွေတင်ဆက်ပေးလိုက်ပါတယ်။ နောက်ထပ်လည်းတင်ပြပေးသွားပါအုံးမယ်နော်။ #BAWA101
ခွင့်လွှတ်ပေးခဲ့ပေမယ့် အခါခါ လိမ်ညာတတ်သူနဲ့ကြုံလာခဲ့ရင်………
ကျွန်တော်တို့ဘဝမှာ အလိမ်ခံရဖူးမှာပါ။ လူတိုင်းနီးပါးလိုလည်း ကိုယ်ယုံကြည်ထားတဲ့လူရဲ့ မမျှော်လင့်ဘဲ လိမ်ညာခံရခြင်းကိုလည်း ကြုံဖူးကြမှာပါ။ လူတစ်ယောက်နဲ့တစ်ယောက်ရဲ့ဆက်ဆံမှုကြားမှာ အရေးကြီးတာက ယုံကြည်မှုလည်းပါပါတယ်။ တစ်ယောက်ကိုတစ်ယောက်ယုံကြည်မှုမရှိဘူးဆိုရင် ဘယ်လိုမျိုး ရှေ့ဆက်လက်တွဲပြီး အကောင်းဆုံးဆက်ဆံရေးအဖြစ်နေထိုင်သွားကြမလဲ။ လူရဲ့သဘောကိုက တစ်ခါလောက်လိမ်ညာခံရဖူးရင် နောက်လူတွေကိုလည်း သံသယနဲ့ဆက်ဆံတတ်တဲ့အထိ ဖြစ်သွားနိုင်ပါတယ်။ အမြဲတမ်း “ငါ့ကိုလိမ်ညာနေသလား…..” ဆိုတဲ့ သံသယစိတ်က အလိမ်ခံလိုက်ရတဲ့လူအပေါ်မှာ လွှမ်းမိုးနေတတ်သလို၊ လိမ်ဖူးတဲ့လူမှာလည်း အမြဲလိမ်အုံးမှာပဲလို အထင်ခံနေရနိုင်ပါတယ်။ အဲဒါကြောင့် လိမ်ညာခြင်းက နှစ်ဦးနှစ်ဖက်လုံးအတွက် အရိပ်မည်းကြီးဖြစ်လာနိုင်ပါတယ်။