အခုကာလဟာ တစ်ကမ္ဘာလုံးကလူတွေအခက်ခဲဆုံး၊ အကြပ်အတည်းဆုံး၊ ကျန်းမာရေးအဆိုးဝါးဆုံး ကာလလို့ပြောရမယ်ထင်ပါတယ်နော်။ ကမ္ဘာနဲ့ချီပြီးတောင် ဖြစ်တဲ့ ကပ်ရောဂါဆိုးကြီးကြောင့် မြန်မာပြည်မှာရှိတဲ့လူတိုင်းလိုလိုဟာလည်း နေ့စဉ် စိတ်ဆင်းရဲပြီး သံသယစိတ်၊ ကြောက်လန့်တကြား ထိတ်လန့်နေကြရတဲ့နေ့များပါပဲ။ အချို့တွေကတော့ စားဝတ်နေရေးအတွက်ကို မပူမပင်နဲ့ အိမ်ကနေ အလုပ်လုပ်ခွင့်ရကြပေမယ့် အချို့တွေကလည်း သမုဒ္ဒရာဝမ်းတထွာအတွက် အပြင်ကိုမဖြစ်မနေထွက်ပြီး သွားလာနေရတုန်းပါပဲ။
ဘဝကို ရဲရဲဝင့်ဝင့်ရင်ဆိုင်နိုင်ဖို့ အကောင်းဆုံးကောက်နုတ်ချက်များ
ဘဝကို ရဲရဲဝင့်ဝင့်ရင်ဆိုင်နိုင်ဖို့ အကောင်းဆုံးကောက်နုတ်ချက်များ #motivatequotes #BAWA101
ကိုယ်တိုင်လမ်းဖောက်လိုက်ပါ။
သင့်ဘဝမှာ ကြုံလာသမျှ အခက်အခဲတွေကိုကျော်လွှားနိုင်ဖို့ တည်ဆောက်သင့်သော စိတ်ထားများ
ဘဝမှာ အမြဲတမ်း မှန်ကင်းတလှည့်ထင်းတစ်လှည့်ဆိုသလိုမျိုး ကောင်းတလှည့်ဆိုးတလှည့်တော့ကြုံရမှာချည်းပါပဲ။ အကောင်းတွေချည်းဖြစ်လာဖို့မျှော်လင့်လို့မရသလို အဆိုးတွေချည်းလည်းကြုံရမှာမဟုတ်ပါဘူး။ အကောင်းချည်းကြုံနေလို့လည်း အဆိုးအတွက်ကြိုတင်ပြင်ဆင်မှုမရှိလို့လည်း မဖြစ်ပြန်ပါဘူး။ အဲဒါကြောင့် ဘဝမှာ ကြုံလာသမျှ အခက်အခဲတွေကို ကျော်လွှားနိုင်ဖို့ ကိုယ့်ကိုယ်ကိုယ် ပြင်ဆင်ထားသင့်တဲ့စိတ်ထားတွေကို ဖော်ပြပေးလိုက်ပါတယ်။
COVID _ 19 ကာလမှာ စိတ်ဖိစီးမှုမများအောင် ဘယ်လိုနေထိုင်ကြမလဲ။
COVID _ 19 ကာလမှာ ဝန်ထမ်းလည်း ဝန်ထမ်းအလျောက်၊ အလုပ်ရှင်လည်းအလုပ်ရှင်အလျောက်၊ ပြည်သူဝန်ထမ်းတွေလည်း ဝန်ထမ်းအလျောက် စားဝတ်နေရေးအတွက်ရော၊ မိသားစုအတွက်ရော၊ အလုပ်အကိုင်၊ ငွေကြေး၊ စသဖြင့် လူတန်းစားမရွေး ပူပန်သောကရောက်ကြရတဲ့အချိန်လို့ပြောရင်လည်း မမှားနိုင်ပါဘူးနော်။ ဒါပေမယ့် အဲဒီလိုစိုးရိမ်ပူပန်နေခြင်းက စိတ်ဖိစီးမှုများလာစေနိုင်ပြီး ကျန်းမာရေးကို တနည်းမဟုတ်တနည်းနဲ့ ထိခိုက်လာစေနိုင်ပါတယ်။ စိတ်ဖိစီးမှုများလာတဲ့အခါ ကျွန်တော်တို့ရဲ့ကိုယ်ခံအားကို လာပြီးထိခိုက်စေလို့ COVID – 19 ဝင်လာနိုင်ဖို့ လမ်းကြောင်းပေးသလိုဖြစ်နေနိုင်ပါသေးတယ်။ အဲဒါကြောင့် ဒီကာလမှာ စိတ်ကို ဘယ်လိုပြင်ဆင်ပြီး နေထိုင်ကြမလဲဆိုတာလေး ဖော်ပြပေးချင်ပါတယ်။
စွမ်းရည် ကျန်းမာရေး ပျော်ရွှင်သောဘဝ လူနေမှုဘဝ စိတ်ဓာတ်ခွန်အား
COVID – 19 မှ ယူတတ်ရင်ရနိုင်တဲ့ ဘဝသင်ခန်းစာများ
ခုအချိန်မှာ တစ်ကမ္ဘာလုံးကို ခြိမ်းခြောက်နေတဲ့ COVID – 19 ရောဂါဆိုးကြီးကြောင့် တစ်ကမ္ဘာလုံးအထိတ်တလန့်ဖြစ်နေကြပါတယ်။ အဲဒီ့ရောဂါကြောင့် လူတွေရဲ့စိတ်ထားတွေ၊ အချို့အချို့တွေရဲ့ မေတ္တာတရားတွေ၊ အချို့တွေရဲ့ အတ္တတွေ စသဖြင့် အများကြီးမြင်လာရသလို သံဝေဂရစရာတွေလည်း အများကြီး တွေ့လာရပါတယ်။ ကျွန်တော်တို့တွေအတွက် အဆိုးတွေဆိုတာ COVID – 19 ဖစ်မှရယ်မဟုတ်ပါဘူး။ ဘဝရှင်သန်ရပ်တည်နေသရွေ့ အဆိုးတွေက ကြုံနေရမှာပါပဲ။ အခုကတော့ တစ်ကမ္ဘာလုံးနဲ့ချီတဲ့အဆိုး၊ ကပ်ရောဂါဖြစ်နေတဲ့အတွက် လူတိုင်းလိုလိုရင်ဆိုင်ရတဲ့အဆိုးလို့ပြောရမှာပဲပေါ့။ ဒါပေမယ့် အဆိုးကြုံလာတဲ့အခါ ကြုံလာတဲ့အဆိုးတွေထဲကနေ ယူတတ်ရင် ရနိုင်တဲ့သင်ခန်းစာတွေအများကြီးရှိပါတယ်။ အဲဒီ့သင်ခန်းစာတွေကနေ ကိုယ့်အတွက် ပညာယူပြီး ရှေ့ဆက်သွားနိုင်အောင်ကြိုးစားနိုင်သလို၊ ကိုယ်တိုင်မခံစားချင်တာတွေကို အခြားသူများလည်း မခံစားရအောင် လိုက်နာနိုင်ပါသေးတယ်။ အဲဒါသည်ပင် အဆိုးကနေရနိုင်တဲ့ ကောင်းကျိုးတွေပါပဲ။ အဲဒါကြောင့် COVID – 19 မှ ယူတတ်ရင်ရနိုင်တဲ့သင်ခန်းစာတွေက ဘာဖြစ်မလဲလို့ ဖော်ပြပေးလိုက်ရပါတယ်နော်။
ဒေါသတကြီးပေါက်ကွဲတတ်တဲ့အကျင့်ကိုဘယ်လိုပြင်မလဲ။
ကိုယ့်မှာ ဒေါသတကြီးပေါက်ကွဲတတ်တဲ့အကျင့်ရှိပါသလား။ ရုတ်တရက် ထပြီး ဒေါသတကြီး တုံ့ပြန်မိတာမျိုးပေါ့။ ဒေါသတကြီးပေါက်ကွဲပြီးမှ သွေးအေးသွားတဲ့အခါ ပြန်တွေးပြီး ဘာလို့ဒီလိုမျိုးတုံ့ပြန်မိပါလိမ့်ဆိုပြီး ပြန်တွေးမိနေတတ်တာမျိုးဖြစ်နေတတ်သလား။ အဲဒီလိုဒေါသတကြီးပေါက်ကွဲတတ်တဲ့အကျင့်ကို ဘယ်လိုပြုပြင်နိုင်မလဲဆိုတာလေးကို ဖော်ပြပေးချင်ပါတယ်။ များသောအားဖြင့်က ကိုယ့်ရဲ့စိတ်ကို ရုတ်တရက် မထိန်းလိုက်နိုင်ဘဲ စိတ်ကိုလွှတ်ပေးလိုက်သလိုဖြစ်တဲ့အခိုက်အတန့်မျိုးမှာ ဒေါသကပေါက်ကွဲသွားတာမျိုးပါ။ အဲဒါကြောင့် အဓိကက စိတ်ကို တည်ငြိမ်အောင် ထားဖို့လိုပါတယ်။
ကျန်းမာရေး ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
ဘဝကပေးသလောက်နဲ့ အကောင်းဆုံးကြိုးစားဖို့ပဲလိုပါတယ်။
များသောအားဖြင့် လူတွေက ကိုယ့်လက်ထဲဆုပ်ကိုင်ထားတဲ့အရာတွေကို မမြင်တတ်ကြဘဲ ခပ်လှမ်းလှမ်းက ကိုယ်မြင်နေရတဲ့အရာတွေကိုသာ မြင်တတ်ကြပါတယ်။ တနည်းအားဖြင့် ကိုယ်မရထားတဲ့အရာတွေကို လိုချင်တပ်မက်စိတ်ကြောင့် ပူလောင်နေပြီး ကိုယ်ရထားတဲ့အရာကိုတော့ မေ့နေတတ်ပါတယ်။ ကိုယ်ရထားတဲ့အရာဆိုတာက ဘဝက ပေးထားတဲ့အရာတွေပေါ့။
ကိုယ့်ကိုယ်ကိုယ် စည်းကမ်းသတ်မှတ်နိုင်အောင် ဘယ်လိုကျင့်ကြံမလဲ။
အသိဉာဏ်ပြည့်ဝတဲ့လူတစ်ယောက် အရာရာမှာ အမှားနည်းတဲ့လူတစ်ယောက်ဖြစ်ဖို့အတွက် ကိုယ့်ကိုယ်ကိုယ်စည်းကမ်းသတ်မှတ်ခြင်းဟာ အင်မတန်အရေးကြီးပါတယ်။ စည်းကမ်းသတ်မှတ်တယ်ဆိုကတည်းက မဖြစ်သင့်တာတွေ မဖြစ်အောင် တားဆီးနိုင်ဖို့ရည်ရွယ်တာမို့ ကိုယ့်ကိုယ်ကိုယ်စည်းကမ်းသတ်မှတ်တယ်ဆိုတာကလည်း ကိုယ့်အမှားတွေနည်းသထက်နည်းအောင် ၊ အမှားတွေကို စည်းလွတ်ဘောင်လွတ်မလုပ်မိအောင် ကိုယ့်ကိုယ်ကိုယ်တားမြစ်ထားတဲ့နည်းလမ်းတစ်မျိုးပါပဲ။