ဘဝမှာနားလည်ထားရမယ့် ကျင့်ဝတ် ၆ ခု
ဘဝမှာ ရှင်သန်လာရင်းနဲ့ သိလာရမယ့် အချက်တွေအများကြီးရှိပါတယ်။ အဲဒီ့ထဲကမှ မလုပ်မိခင်ကြိုတင်နားလည်ထားရမယ့် ကျင့်ဝတ်တွေရှိပါတယ်။ အဲဒီ့ကျင့်ဝတ်တွေကို နားလည်ထားတဲ့အခါ သင့်ဘဝအတွက် အကောင်းဆုံးကြိုတင်ပြင်ဆင်မှုတွေလုပ်နိုင်လာမှာပါ။
ရောက်နေတဲ့နေရာမှာသာ အကောင်းဆုံးရှင်သန်ပါ။
လက်ရှိရောက်နေတဲ့နေရာ၊ လက်ရှိရောက်နေတဲ့အခြေအနေ၊ အနေအထားမျိုးကို မကျေနပ်နိုင်တဲ့ အချို့လူတွေရှိပါတယ်။ အဲဒီလိုလူ အမျိုးအစား ၂မျိုးခွဲနိုင်ပါတယ်။ တစ်မျိုးကတော့ ရောက်နေတဲ့နေရာ၊ ရထားတဲ့အခြေအနေထဲကမှ အဆိုးတွေကိုသာမြင်ပြီး ဆိုးဝါးတယ်ထင်ပြီး အမြဲစိတ်ညစ်နေတယ်လူမျိုးပေါ့။ ဒုတိယလူအမျိုးအစားကတော့ သူတို့လက်ရှိရောက်နေတဲ့နေရာ ၊ အဆင့်အတန်း၊ အခြေအနေ ဘယ်လောက်ကောင်းသည်ဖြစ်စေ (သာမန်အခြေအနေထက်ပိုသာနေတာတောင်မှ) မတင်းတိမ်နိုင်တဲ့သူမျိုးပါ။
ကိုယ့်ဘဝကိုအကောင်းဆုံးဖြစ်အောင် ကိုယ်တိုင်ပုံဖော်နိုင်ပါတယ်
ကိုယ့်ဘဝကိုအကောင်းဆုံးဖြစ်အောင် ကိုယ်တိုင်ပုံဖော်နိုင်ပါတယ်
သင့်တန်ဖိုးဟာ သင့်ပေါ်မှာသာ မူတည်နေတာပါ။
ကျွန်တော်တို့ဘဝမှာ ကျွန်တော်တို့ရဲ့တန်ဖိုးကိုဘယ်လိုသတ်မှတ်ကြပါသလဲ။ ကိုယ့်ကိုယ်ကိုယ်တန်ဖိုးရှိတဲ့လူတစ်ယောက်အဖြစ် တွေးကြည့်ဖူးပါသလား။ ဘာမှမဟုတ် ဘာမှတန်ဖိုးမရှိတဲ့လူတစ်ယောက်အဖြစ် ခံစားနေမိသလား။ တကယ်တော့ ကျွန်တော်တို့တန်ဖိုးဟာ ကျွန်တော်တို့ပေါ်မှာပဲမူတည်နေတာပါ။ ကျွန်တော်တို့တန်ဖိုးကို အခြားလူတစ်ယောက်က သတ်မှတ်ပေးလို့မရသလို၊ တန်ဖိုးရှိပြီးသားကျွန်တော်တို့ကိုလည်း တန်ဖိုးမဲ့တဲ့လူတစ်ယောက်အဖြစ် နှုတ်ဖျားလေးနဲ့ ရှုံ့ချလိုက်လို့ တန်ဖိုးမကျသွားနိုင်ပါဘူး။
ဆိုးဝါးတဲ့နေ့တွေမှာ သင်ပြန်သတိရသင့်တဲ့အချက်များ
အဆိုးဝါးဆုံးနေ့တွေနဲ့ ရင်ဆိုင်ရတဲ့အခါမှာ သင်ထိုင်ပြီးစိတ်ညစ်နေရုံနဲ့တော့ အခက်အခဲကပြေလည်သွားမှာမဟုတ်ပါဘူး။ အခက်အခဲတွေ၊ အဆိုးတွေကို သင်ဖြေရှင်းနိင်မယ့်နည်းလမ်းကိုစဉ်းစားရမှာဖြစ်သလို၊ သင်မဖြေရှင်းနိုင်ဘူးဆိုရင် သင့်ရဲ့စိတ်ကိုတည်ငြိမ်အောင်ကြိုးစားရင်း ထပ်မံကြိုးစားနိုင်ဖို့ အားတင်းရမှာဖြစ်ပါတယ်။ အဲဒီ့လို ဆိုးဝါးတဲ့နေ့တွေကြုံလာတဲ့အခါမှာ သင်ပြန်ပြီးသတိရသင့်တဲ့အချက်တွေဖတ်ပြီးအားတင်းလိုက်ပါ။
သင်ဖြစ်ချင်တဲ့ဘဝကိုသင်ကိုယ်တိုင်ပုံဖော်နိုင်ပါတယ်။
#သင်ဖြစ်ချင်တဲ့ဘဝကိုသင်ကိုယ်တိုင်ပုံဖော်နိုင်ပါတယ်။
ယုံကြည်ထိုက်တဲ့လူဖြစ်ဖို့ ဘယ်လိုပြုမူနေထိုင်သင့်သလဲ။
သင့်ကို သင့်ပတ်ဝန်းကျင်ကလူတွေက ယုံကြည်မှုတိုးစေချင်တယ်ဆိုရင် သင့်ရဲ့အနေအထိုင်၊ အပြုအမူ၊ အပြောအဆို နဲ့ သင့်ရဲ့ဝတ်စားဆင်ယင်မှု စတာတွေကို ပြင်ဆင်ရပါလိမ့်မယ်။ အပေါ်ယံဝတ်စားဆင်ယင်မှုကိုပဲ ပြင်ဆင်ထားပြီး သင့်ရဲ့အကျင့်စရိုက်ကလည်း အပြောတမျိုးအလုပ်တစ်မျိုးဖြစ်နေပြန်ရင် သင့်ကို ခဏတာပဲယုံကြည်ကြမှာပါ။ အဲဒီလိုမဟုတ်ဘဲ အပေါ်ယံဝတ်စားဆင်ယင်မှုကအရေးမကြီးဘူးလို့ သတ်မှတ်လို့လည်းမရပြန်ပါဘူး။ ဘာလို့လဲဆိုတော့ လူတစ်ယောက်အတွက ပထမဆုံးအမြင်က ဝတ်စားဆင်ယင်မှုဖြစ်နေလို့ပါပဲ။ အဲဒါကြောင့် သင့်ပတ်ဝန်းကျင်ကလူတွေ သင့်အပေါ်ယုံကြည်မှုတိုးစေဖို့ ဘယ်လိုလုပ်သင့်သလဲဆိုတာဖတ်ကြည့်လိုက်ပါအုံး။
အခက်အခဲလို့ပြောလိုက်တာနဲ့ စိတ်ထဲမှာ ဘာမှန်းမသိတဲ့ခံစားချက်မျိုးဖြစ်ဖူးကြမှာပါနော်။ တနည်းအားဖြင့်တော့ ကိုယ့်ဖြစ်ချင်တာ၊ ကိုယ်လုပ်ချင်တာတွေအတွက် အဟန့်အတားလို့ပြောရမှာဖြစ်ပါတယ်။ ဘယ်နေရာမှာမဆို အခက်အခဲမရှိတဲ့နေရာတော့ရှိမယ်မထင်ပါဘူး။ ကျွန်တော်တို့ အူဝဲလို့အော်ပြီးမွေးလာကတည်းကကို လမ်းမလျှောက်တတ်တဲ့အခက်အခဲ၊ စကားမပြောတတ်တဲ့အခက်အခဲ၊ စာသင်ဖို့အခက်အခဲ စသဖြင့် အဲဒါတွေအားလုံးကို ရင်ဆိုင်ဖူးတဲ့သူချည်းပါပဲ။ လေ့ကျင့်ရင်း၊ သင်ယူရင်းနဲ့မှာ လမ်းမလျှောက်တတ်တဲ့အရွယ်ကနေ လမ်းလျှောက်တတ်လာမယ်၊ စကားမပြောတတ်ရာကနေ သင်ယူရင်းစကားပြောတတ်လာမယ်၊ စာသင်တတ်လာမယ် စသဖြင့် အခက်အခဲတွေကိုဖြေရှင်းခဲ့ကြရတာပါပဲ။
အချိန်ဆိုတာ သင့်ရဲ့ကိုယ်ပိုင်အရင်းအနှီးပါ။
အချိန်ဆိုတာ ဘာလို့အရင်းအနှီးဖြစ်ရမှာလဲ….လို့မေးစရာရှိပါတယ်။ ဒါပေမယ့် အချိန်ဆိုတာက အသုံးချတတ်ရင် သင့်အတွက်အရင်းအနှီးဖြစ်လာတယ်ဆိုတာ ပြောပြပေးချင်ပါတယ်။ မအောင်မြင်တဲ့လူတော်တော်များများမှာ ဆင်ခြေပေါင်းစုံရှိတတ်ပါတယ်။ များသောအားဖြင့်ကြားရတတ်တဲ့ဆင်ခြေက အရင်းအနှီးမရှိတာနဲ့ ထောက်ပံ့ကူညီပေးမယ့်သူမရှိတာပါပဲ။ “သူတို့ကတော့ အောင်မြင်နိုင်တာပေါ့ သူ့မိဘက ချမ်းသာတာကိုး” “သူတို့က စီးပွားရေးတစ်ခုပြီးတစ်ခုလုပ်နိုင်တာပေါ့ သူ့မှာငွေပေါတာကိုး” စသဖြင့် ကြားဖူးကြမှာဖြစ်သလို ကိုယ်တိုင်လည်း ပြောဖူးကြမှာပါ။
အကောင်းမြင်စိတ်ရှိသူနဲ့ အဆိုးမြင်စိတ်ရှိသူကြားက စိတ်သဘောထားများ
အကောင်းမြင်စိတ်က စွမ်းအားရှိတယ်လို့ သင်တို့မကြာခဏကြားဖူးကြမှာပါ။ တကယ်လည်း ဟုတ်ပါတယ်။ သင့်ကိုယ်သင်လုပ်နိုင်တယ်၊ ဖြစ်နိုင်တယ်….၊ ငါတတ်နိုင်ပါတယ်…လို့ တွေးလိုက်တာနဲ့ သင့်စိတ်ထဲမှာ လုံခြုံမှု၊ ယုံကြည်မှုတွေတိုးလာပြီး ခွန်အားဖြစ်လာတတ်ပါတယ်။ အဲဒါက အကောင်းမြင်စိတ်ကြောင့်ပါ။ အဆိုးမြင်တဲ့သူအတွက်တော့ အခြေအနေတစ်ခုမှာ မကြိုးစားကြည့်သေးဘဲ မဖြစ်နိုင်တာ၊ ဆိုးကျိုးတွေကိုသာ ကြိုမြင်တာမို့ စိတ်ထဲက လုံခြုံမှု၊ ယုံကြည်မှုလျှော့သွားပါတယ်။ အဲဒီ့အတွက် စိတ်ခွန်အားမရှိတော့ပါဘူး။ စိတ်ခွန်အားမရှိတဲ့သူက စိတ်တက်ကြွမှုလည်း မရှိတော့ အခါခါကျရှုံးမှုဒဏ်ကိုလည်း မခံနိုင်ဘဲ တကယ်ကျရှုံးသူဖြစ်လာတော့တာပါပဲ။ အကောင်းမြင်စိတ်ရှိသူနဲ့ အဆိုးမြင်စိတ်ရှိသူတွေရဲ့ စိတ်သဘောထားခြားနားချက်ကို ဖတ်ကြည့်ပြီး သင့်မှာဘယ်လိုစိတ်ရှိနေလဲ ဆန်းစစ်ကြည့်လိုက်ပါနော်။ အဆိုးမြင်စိတ်များနေတယ်ဆိုရင်လည်း အကောင်းမြင်စိတ်များလာအောင် ကျင့်ယူဖို့ကြိုးစားပါလို့တိုက်တွန်းလိုက်ရပါတယ်။