တရုတ်အတွေးအခေါ်ပညာရှင်ကွန်ဖြူးရှပ်ရဲ့ ကောက်နုတ်ချက်များ
တရုတ်အတွေးအခေါ်ပညာရှင်ကွန်ဖြူးရှပ်ရဲ့ ကောက်နုတ်ချက်များ#BAWA101
ကျရှုံးချိန်မှာ သတ္တိရှိပါ။ အောင်မြင်ချိန်မှာ မျှဝေပါ၊
ထိပ်ဆုံးရောက်နေတဲ့သူ အားလုံးနီးပါးဟာ ကျရှုံးဖူးတဲ့သူတွေသာဖြစ်ပါတယ်။ ကျရှုံးမှုပေါင်းများစွာကို ခံစားရပြီး ကျရှုံးချိန်မှာ သတ္တိရှိခဲ့လို့ နောက်ဆုံးမှာ အောင်မြင်ခဲ့တဲ့သူတွေဖြစ်လာခဲ့တာပါ။ မအောင်မြင်တဲ့သူတော်တော်များများက ကျရှုံးဖူးပေမယ့် ပြန်လည်ကြိုးစားဖို့ သတ္တိမရှိသလို၊ ကျရှုံးမှုတွေထပ်ပြီး ကြုံတွေ့ရမှာကိုလည်း ရင်ဆိုင်ဖို့ သတ္တိမရှိသူတွေပါပဲ။ ရပ်ကွက်ထဲက လူတွေပြောတတ်ကြတဲ့စကားတစ်ခုရှိပါတယ် “အရင်းမရှိရင် အရှုံးမရှိဘူး” ဆိုတဲ့စကားပါ။ ထိုစကားရဲ့အဓိပါ္ပယ်က ဘာမှမရင်းထားရင် ရှုံးတယ်ဆိုတာရှိမှာမဟုတ်ဘူးဆိုတဲ့သဘောပါ။ ဒါပေမယ့် ထပ်စဉ်းစားကြည့်ရင် ဘာမှမရင်းထားရင် ဘာအရှုံးမှ မရှိသလို၊ မြတ်တာလည်း ရှိမှာမဟုတ်ဘူးမဟုတ်လား။ ဘယ်အရာမဆို ရှုံးမှာကြောက်လို့များ မရင်းဘူးဆိုရင် မြတ်တာလည်း သင်စံရမှာမဟုတ်ပါဘူး။ တကယ်တော့ ထိုစကားက မှန်သယောင်နဲ့ မှားပါတယ်။ ကျရှုံးဖို့ သတ္တိိမရှိသူတွေက ထွင်ခဲ့တဲ့စကားဖြစ်ပုံရပါတယ်။ ကျရှုံးမှာကို သတ္တိရှိရှိ ရင်မဆိုင်ရဲရင် အောင်မြင်တာလည်း မရှိနိုင်ဘူးဆိုတာနဲ့ အဓိပါ္ပယ်အတူတူပဲမဟုတ်ဘူးလား။
စိတ်ဓာတ်ကျနေလျှင် ကိုယ့်ကိုကိုယ်သတိပေးသင့်သောစကားစု ၁၀ ခု
လူတော်တော်များများက စိတ်ဓာတ်ကျနေတဲ့အခါမျိုးမှာ ဒီစကားစုတွေကို ဂါထာရွတ်သလို ကိုယ့်ကိုကိုယ်ပြန်သတိပေးတဲ့အနေနဲ့ ရေရွတ်နေခြင်းက ကိုယ့်ကိုကိုယ်ယုံကြည်မှုကင်းမဲ့နေတာတွေကို သက်သာစေနိုင်ပါလိမ့်မယ်။ အောက်မှာဖော်ပြပေးမယ့် စကားစု ၁၀စုကို သင်စိတ်ဓာတ်ကျနေတဲ့အချိန်မှာ ထပ်ခါထပ်ခါ ရွတ်ပြီး ကိုယ့်ကိုကိုယ်ပြန်အားပေးခြင်းဖြင့် သင့်ရဲ့စိတ်ဓာတ်ကျဆင်းခြင်း၊ သောကရောက်နေတာတွေကို သက်သာစေဖို့ ဖော်ပြပေးလိုက်ပါတယ်။
တာဝန်သိတတ်ပါစေ….ဆိုတဲ့စကားလုံးက ပြောရလွယ်ပေမယ့် သေချာစောင့်ထိန်းဖို့တော့ ခက်ခဲတဲ့အထဲမှာ ပါပါတယ်။ အဲဒါဆိုရင် တာဝန်သိတတ်ခြင်း….ဆိုတာ ဘာလဲ လို့မေးစရာရှိပါတယ်။ အလုပ်မှာ အလုပ်ရှင်သူဌေးလုပ်သူက လစာပေးပြီးခိုင်းထားတဲ့အလုပ်ကသာ တာဝန်မဟုတ်ပါဘူးနော်။ လူတိုင်းမှာ ကိုယ်ပိုင်တာဝန်၊ ဘဝပေးတာဝန်၊ လူပီသဖို့တာဝန် စသည်ဖြင့် တာဝန်ယူတတ်ရင် အများကြီးပါပဲ။ ဒါပေမယ့် တာဝန်သိတတ်သူမှသာ ထိုတာဝန်ကို တာဝန်ယူရကောင်းမှန်းသိတာမျိုးပါ။
သတ္တိရှိခြင်း နဲ့ ရဲဝင့်ခြင်း၊ မိုက်ရူးရဲဆန်ခြင်း နဲ့ ရိုင်းစိုင်းခြင်း
သတ္တိရှိခြင်းဆိုတာကို အမျိုးမျိုးအဓိပါ္ပယ်သတ်မှတ်တတ်ကြပါတယ်။ ငယ်စဉ်က အတန်းထဲမှာ အတန်းပိုင်ဆရာမက “ဒီသင်္ချာပုစ္ဆာကိုဘယ်သူထွက်ပြီး တွက်ပြမလဲ…..” ဆိုရင် အားလုံးက ငြိမ်နေစဉ်မှာ ထပြီး အရှေ့ကိုထွက်လို့ ဆရာမရဲ့သချာၤပုစ္ဆာကိုတွက်ပြသူကို သတ္တိရှိသူဟု သတ်မှတ်ကြမှာပါ။ ဒါဆိုရင် အရွယ်ရောက်လာတဲ့အခါမှာကော….၊ ကလေးဘဝတုန်းကတော့ သူများမလုပ်ရဲတာကို ရဲရဲဝင့်ဝင့်လုပ်ရဲတဲ့သူကို သတ္တိရှိလိုက်တာလို့ ပြောတတ်ကြပေမယ့် အရွယ်ရောက်လာတဲ့အခါမှာတော့ ထိုအဓိပ္ပါယ်တစ်ခုတည်းကို သတ္တိရှိတာပါလို့ အပြည့်အဝပြောနိုင်တော့မယ်မထင်ပါဘူး။
အမှန်အတိုင်းလက်ခံနိုင်ဖို့လိုပါတယ်။
အမှန်အတိုင်းလက်ခံနိုင်ခြင်းက လူတစ်ဦးစီအတွက်အရေးကြီးပါတယ်။ အများစုက ကိုယ့်ကိုဝေဖန်လာရင်မခံနိုင်တာများပါတယ်။ ဒါပေမယ့် ဝေဖန်တဲ့နေရာမှာ ကောင်းစေချင်လို့ဝေဖန်တာနဲ့ အဆိုးဘက်နေ ဝေဖန်တာမျိုး ၂မျိုးရှိနိုင်ပါတယ်။ ပိုကောင်းသွားစေလိုတဲ့ စေတနာမျိုးနဲ့ အမှားအပြစ်ကို ထောက်ပြပြီး ဝေဖန်တာမျိုးက အကောင်းဘက်ကဝေဖန်ခြင်းဖြစ်ပြီး သင့်ကို ရှုံ့ချလိုတဲ့သဘော၊ ဒါမှမဟုတ် နှုတ်အားဖြင့် သင့်ရဲ့လုပ်ဆောင်ချက်ကို ပုတ်ခတ်တာမျိုးကတော့ အဆိုးဘက်ကနေ ဝေဖန်တာမျိုးဖြစ်ပါတယ်။
ဆင်းရဲခြင်းက မအောင်မြင်ခြင်းရဲ့ အကြောင်းရင်းလား
မအောင်မြင်တဲ့သူတော်တော်များများမှာ အကြောင်းပြချက်ကောင်းကောင်းတွေရှိတတ်ကြပါတယ်။ အဲဒီ့အကြောင်းပြချက်ကောင်းကောင်းတွေကို လက်ခံထားတဲ့အတွက်ကြောင့်ပဲ သူတို့က မအောင်မြင်ကြတာပါ။
ရုပ်ရည်ချောမောလှပမှု၊ ကြိုးစားမှု၊ အရည်အချင်းနဲ့ ငွေကြေး
လူတစ်ယောက်အတွက် ရုပ်ရည်ချောမောလှပမှုက အရေးကြီးပါသလား။ ဒီမေးခွန်းကို ဆယ်ကျော်သက်အရွယ်လောက်မှာဆိုရင်တော့ ရုပ်ရည်လှပမှုက အရေးကြီးတယ်လို့ဖြေမိမယ်ထင်ပါတယ်။ မိန်းကလေးတွေကော ၊ ယောကျာ်းလေးတွေက ထိုအရွယ်မှာ ဆန့်ကျင်ဘက်လိင်ကိုစတင်စိတ်ဝင်စားတဲ့အချိန်ဖြစ်တာမို့ အရမ်းလည်း လှချင်ပချင်တဲ့အရွယ်ဖြစ်နေတာကိုး။ ဒါပေမယ့် ကိုယ့်ရဲ့မလှပတဲ့ရုပ်ရည်အတွက်၊ အပေါ်ယံအရေပြားအတွက်လည်း စိတ်ထိခိုက်မဆုံးဖြစ်နေစရာမလိုပါဘူး။ ရုပ်ရည်ဆိုတာ အပေါ်ယံအမြင်တွေပါပဲ။ ကိုယ်က အများငေးကြည့်ရလောက်တဲ့ရုပ်ရည်မျိုးမပိုင်ဆိုင်ထားပေမယ့် လူအများအားကျရလောက်အောင်၊ အထင်ကြီးလေးစားအောင် လုပ်လို့ရပါတယ်။
နေ့ရက်တိုင်းအတွက် စိတ်ဓာတ်ခွန်အားဖြစ်စေဖို့ ကောက်နုတ်ချက်များ
ကျွန်တော်တို့ဘဝရဲ့နေ့ရက်တိုင်းမှာ စိတ်ညစ်စရာ၊ ပျော်ရွှင်စရာ မျိုးစုံ နိမ့်တလှည့်၊ မြင့်တလှည့်ကြုံနေရမှာမို့ စိတ်ဓာတ်ခွန်အားဖြစ်စေမယ့် ကောက်နုတ်ချက်လေးတွေ ဖော်ပြပေးလိုက်ပါတယ်။
ကိုယ့်ကိုကိုယ်ဆန်းစစ်ခြင်းက ဘယ်လိုကောင်းကျိုးတွေရနိုင်မလဲ။
ဒီတစ်ခါမှာတော့ မိမိကိုယ်ကို ဆန်းစစ်ဖို့လိုတဲ့အကြောင်း ပြောပြပေးချင်ပါတယ်။ ဆန်းစစ်တယ်ဆိုတာ ဘာလဲဆိုတော့ ကိုယ်ကိုကိုယ် အခြားသူတစ်ယောက်ကို ဝေဖန်သလို ကိုယ်က ကိုယ်ကိုကိုယ်ပြန်ဝေဖန်တာပါပဲ။ အခြားသူတစ်ယောက်ကိုမြင်ရင် “တော်လိုက်တာ….၊ အဲဒီ့အကျင့်ကြီးက မကောင်းတာ၊ အဲဒီလိုပုံစံမျိုးနဲ့ဘယ်သူနဲ့မှ တည့်မှာမဟုတ်ဘူး” စသည်ဖြင့် သင်က မြင်လိုက်တာနဲ့ပြောရတာလွယ်ပါတယ်။ ကိုယ့်ကိုကိုယ်ကျတော့ များသောအားဖြင့် အကောင်းပဲထင်တတ်ကြတာမဟုတ်လား။ ဒါပေမယ့် တိုးတက်ချင်တဲ့၊ အောင်မြင်ချင်တဲ့သူဆိုရင်တော့ ကိုယ့်ကိုကိုယ်ဆန်းစစ်မှဖြစ်မှာပါ။ ကိုယ့်ကိုကိုယ် ပြန်တွေးပါ၊ ဘယ်နေရာတွေမှာ မှားနေသလဲ၊ ဘယ်နေရာတွေမှာ အစွန်းရောက်နေသလဲ၊ ဘယ်လိုဆက်ဆံရေးမျိုးက ဘာတွေပြန်ရသလဲ၊ ဘယ်အကျင့်က မကောင်းဘူးလဲ၊ ကိုယ့်ကိုကိုယ်လုံးဝမညာဘဲ အမှန်အတိုင်းမြင်အောင်ကြည့်ပါ။ အခြားသူတစ်ယောက်ယောက်ကို ဝေဖန်သလိုပေါ့။
အကောင်းဘက်က တွေးတတ်အောင် ဘယ်လိုကျင့်မလဲ။
အကောင်းမြင်တတ်ပါစေ….ဆိုတဲ့စကားက လူတိုင်းနားရည်ဝနေတဲ့စကားဖြစ်မှာပါ။ ဒါပေမယ့် ဘယ်လိုအကောင်းမြင်တတ်အောင် ကျင့်ရမလဲဆိုတာတော့ လူတိုင်းသိမှာမဟုတ်လောက်ပါဘူး။ ပြဿနာတစ်ခုကြုံလာတိုင်း အကောင်းဘက်ကတွေးလိုက်ပါလို့ပြောတဲ့အခါ ….. ခံစားရတဲ့သူမှမဟုတ်တော့ ပြောနိုင်တာပေါ့၊ အကောင်းဘက်ကဘယ်လိုတွေးမလဲဆိုပြီး ပြောတတ်ပါသေးတယ်။ တကယ်လည်း အဟုတ်ပါပဲ။ အဆိုးတွေကြုံနေတဲ့သူတစ်ယောက်ကို အကောင်းဘက်တွေးလိုက်ပါကွာ….လို့များ သွားပြောမိရင် ကာယကံရှင်ကတော့ ချက်ချင်းကြီးဘယ်လိုလုပ် အကောင်းမြင်စိတ်မွေးနိုင်ပါ့မလဲနော်။ အဲဒါကြောင့် အကောင်းမြင်တတ်လာအောင် ကျင့်ကြံကြည့်ပါ။ အကောင်းဘက်ကတွေးတတ်တာ အကျင့်တစ်ခုလိုဖြစ်သွားအောင် ကျင့်လို့ရပါတယ်။ အကျင့်တစ်ခုဖြစ်သွားတဲ့အခါ အဆိုးတွေကြုံလာရရင် အလိုလိုကို အကောင်းဘက်က တွေးတတ်သွားပါလိမ့်မယ်။ အဲဒါဆို အကောင်းဘက်က ဘယ်လိုကျင့်မလဲလို့ ဆက်ဖတ်ကြည့်လိုက်ပါ။
ဘဝမှာ ကိုယ်မတွေ့ကြုံခဲ့ရသော အချစ်မျိုးတွေနဲ့ အခြားသူများကိုချစ်ပါ။