ခေါင်းစဉ်က ကစားနည်းလို့ပေးထားတာက ဒီဆောင်းပါးကိုဖတ်မယ့်သူတွေအတွက်လည်း ကစားနည်းတစ်ခုလိုမျိုး ပါဝင်ကစားကြဖို့ တိုက်တွန်းချင်တဲ့သဘောပါ။ လောကမှာ မပျော်ရွှင်ချင်တဲ့သူ မရှိဘဲနေပါ့မလား။ ဒါပေမယ့်လည်း ဘဝရဲ့အခက်အခဲတွေ၊ အကြပ်အတည်းတွေ၊ ဖိစီးမှုတွေ၊ နာကျင်မှု၊ ဝမ်းနည်းမှုတွေကြားထဲမှာ သံသရာလည်နေရင်းနဲ့ပဲ ပျော်ရွှင်ခြင်းတွေက အမြဲပျောက်ဆုံးတော့မလိုဖြစ်ဖြစ်သွားတတ်ကြပါတယ်။ အဲဒါကြောင့် ဒီကစားနည်းလေးကို မှတ်သားပြီး အကျင့်လေးရအောင် လိုက်လုပ်ကြည့်နိုင်ဖို့ ဖော်ပြပေးချင်ပါတယ်။ ကစားနည်းတစ်ခုလို ကစားရမှာထက် အကျင့်လေးတစ်ခုဖြစ်အောင် အလေ့အကျင့်လုပ်ပြီးတွေးတတ်တဲ့အကျင့်လေးကို ပြောပြပေးသွားမှာပါ။
လမ်းမလျှောက်တတ်သေးတဲ့အရွယ်လောက်ကပေါ့၊ လမ်းမှမလျှောက်တတ်သေးဘဲ စမ်းတဝါးဝါးလျှောက်ရင်း လဲကျလိုက် ငိုလိုက်ပြန်ထလိုက်နဲ့ နောက်ဆုံး လမ်းလျှောက်တတ်သွားတာပါ။ လဲကျနေတိုင်းသာ ပြန်မထဘဲ ငိုပြီး ထိုင်နေလိုက်မယ်၊ နောက်လဲ လမ်းလျှောက်မသင်တော့ဘူးဆိုရင် လမ်းလျှောက်တတ်ပါ့အုံးမလား။ မိဘဖြစ်သူကလည်း လဲကျလည်း မထနဲ့တော့… သားသမီးနာကျင်မှာစိုးလို့ မိဘတွေကိုယ်တိုင် ဝင်ပြီးလမ်းလျှောက်ပေးလိုက်ပေးလို့လည်း မရပြန်ပါဘူး။ အဲလိုပါပဲ ငယ်စဉ်ကတည်းက ကိုယ်တိုင်လမ်းလျှောက်တတ်အောင် လဲကျလိုက် ပြန်ထလိုက်နဲ့ အနာခံပြီး သင်ယူခဲ့လို့ ဒီနေ့မှာ သင်လမ်းလျှောက်တတ်လာတာပါ။
လောကမှာ စွန့်ပစ်ခံဖူးတဲ့သူနဲ့ စွန့်ပစ်ဖူးတဲ့သူ နှစ်မျိုးနှစ်စားရှိပါတယ်။ လူတိုင်းနီးပါးလည်း ထိုအခြေအနေမျိုးကို ကြုံဖူးမယ်ထင်ပါတယ်။ ကိုယ်က စွန့်ပစ်လိုက်ရတာက သိပ်ပြီး မသိသာပေမယ့်လည်း ကိုယ်က စွန့်ပစ်ခံလိုက်ရရင်တော့ နာကျင်တတ်ကြပါတယ်။ အများအားဖြင့် စွန့်ပစ်လိုက်တဲ့သူက ဘယ်လိုမှ သိပ်မခံစားရနိုင်ပေမယ့် စွန့်ပစ်ခံလိုက်ရတယ်ဆိုတဲ့ခံစားချက်ကျတော့ စူးစူးနစ်နစ်နာကျင်တတ်ကြပါတယ်။ (စွန့်ပစ်လိုက်ပေမယ့် နာကျင်တဲ့သူလည်း ရှိမှာပါ။) သင်ကစွန့်ပစ်ခံဖူးတယ်ဆိုရင် ဒီဆောင်းပါးလေးက သင့်အတွက်ဖြစ်မှာပါ။ သင်က ဘာအကြောင်းပြချက်မှ မပေးခံရဘဲ စွန့်ပစ်ခံလိုက်ရတယ်ဆိုပါတော့။ သင့်မှာ ခံပြင်းမှု၊ နာကျင်မှု၊ ပူဆွေးမှု၊ ဝမ်းနည်းမှု၊ အားငယ်မှု စတဲ့ခံစားချက်ပေါင်းစုံနဲ့ သင်ဗလောင်ဆူနေမိမှာပါ။
အခွင့်အလမ်းကိုထိုင်စောင့်နေတာမှန်ရဲ့လား
လူတစ်ချို့မြင်ဖူးပါတယ်။ ကိုယ့်လက်ထဲမှာ ဘာမှမရှိလို့ဆိုပြီး အကြံရှိပေမယ့် လက်ထဲကို အရင်းအနှီးရောက်လာတာထိုင်စောင့်နေတတ်တဲ့သူမျိုးပါ။ တစ်ချို့လူငယ်တွေလည်း မြင်ဖူးပါတယ်။ အလုပ်ကို ကိုယ်နဲ့ကိုက်ညီတဲ့အလုပ်မရသေးလို့ဆိုပြီး ကိုယ်နဲ့ကိုက်တဲ့အလုပ်ကို စောင့်နေတတ်တာမျိုးပေါ့။ အဲလိုလူမျိုးကို အခွင့်အလမ်းကို ထိုင်စောင့်နေတဲ့သူလို့ခေါ်ပါတယ်။
လူငယ်တွေ ဘွဲ့ရပြီးတဲ့အခါ ဘာဆက်လုပ်သင့်သလဲ…….
တော်တော်များများက ဘွဲ့ရပြီးတဲ့အခါ ဘာဆက်လုပ်ရမလဲ၊ ဘာဆက်တက်ရမလဲ….၊ ဘာအလုပ်လုပ်ရမလဲ….၊ စသည်ဖြင့် ဇဝေဇဝါဖြစ်တတ်ကြပါတယ်။ တစ်ချို့တွေကျတော့လည်း အပြင်လောက လုပ်ငန်းခွင်မှာ ဘာတွေအသုံးတည့်မယ်၊ မတည့်ဘူး၊ ကိုယ်တိုင်စိတ်ပါဝင်စားမှု ရှိမရှိလည်း မသိဘဲ ပတ်ဝန်းကျင်ကဖြစ်စေ၊ အခြားသူများက ဖြစ်စေ အကြံပေးတဲ့သင်တန်းမျိုးတွေကို ပြေးတက်ကြပြန်ပါတယ်။ တက်ပြီးခါမှ သင်တန်းကြေးတွေလည်း ကုန်၊ အချိန်လည်းကုန်၊ ကိုယ်တိုင်လည်း လုံးဝစိတ်မဝင်စား၊ စိတ်မဝင်စားတော့ သင်တန်းတက်ပေမယ့် အလကားဖြစ်ကြပြန်ပါတယ်။ အဲလိုတွေမဖြစ်ရအောင် လူငယ်တွေ ဘွဲ့ရပြီးတဲ့အခါ ဘာဆက်လုပ်သင့်သလဲ၊ ကိုယ့်ကိုကိုယ်ဘယ်လိုပြန်မေးမလဲ၊ ပြန်တွေးမလဲဆိုတဲ့အချက်တွေ ဖော်ပြပေးလိုက်ပါတယ်။
ကိုယ့်ကို စိတ်အားဖြင့်နာကျင်စေတဲ့သူတွေ…..
လောကမှာ လူတိုင်း နှလုံးသားထဲကနေ နင့်နင့်နဲနဲ နာကျင်ဖူးမှာပါ၊ အကြောင်းအမျိုးမျိုးနဲ့ပေါ့။ ချစ်ခြင်းမေတ္တာကြောင့်နာကျင်ရတာတွေ၊ မိဘဆွေမျိုးအသိုင်းအဝန်းကြောင့် နာကျင်ဖူးတာတွေ၊ ပတ်ဝန်းကျင်ကလူတွေကြောင့် နာကျင်ရတာတွေ၊ ကိုယ့်ကိုဖိနှိမ်သူတွေကြောင့်နာကျင်ရတာတွေ မျိုးစုံကြုံဖူးကြမှာပါ။ အဲဒီလို နာကျင်ရတဲ့အခါ တုံပြန်ပုံက အမျိုးမျိုးကွဲပြားကြပါတယ်။ တစ်ချို့က နာကျင်သွားသလို ပြန်တုံ့ပြန်တတ်ပါတယ်။ တစ်ချို့ကတော့ မသိချင်ယောင်ဆောင်နေလိုက်တာမျိုး၊ တစ်ချို့ကတော့ မှတ်ထားပြီး တစ်နေ့တွေ့မယ်ဆိုတာမျိုး စသည်ဖြင့် လူတွေပေါ်မူတည်ပြီး အမျိုးမျိုးပြောင်းလဲပြီး တုံ့ပြန်မှုရှိကြမှာပါ။
ကိုယ့်ဘဝကို အကောင်းဆုံးဖြစ်ဖို့ ဘာတွေလုပ်သင့်သလဲ။
လူတိုင်းက ကိုယ့်ဘဝကို အကောင်းဆုံးဖြစ်ချင်ကြတာချည်းပါပဲ။ ဒါပေမယ့် ဖြစ်ချင်စိတ်ရှိပေမယ့် လက်ရှိကျင်လည်နေတဲ့ဘဝမှာပဲ လှုပ်ရှားရုန်းကန်းနေရင်း အကောင်းဆုံးရယ်လို့တောင် မသိတော့ဘဲ၊ လက်ရှိဘဝကို စားဝတ်နေရေးအတွက်သာ အဆင်ပြေအောင် ရုန်းကန်ရင်း အချိန်ကုန်သွားတတ်ကြပါတယ်။ ကိုယ့်ဘဝမှာ ကိုယ်ဖြစ်ချင်တာတွေတော့ ရှိပါရဲ့၊ အကောင်အထည်ဖော်ဖို့လည်း မတတ်နိုင်တော့ဘဲ စားဖို့၊ ဝတ်ဖို့၊ နေထိုင်ဖို့ အဆင်ပြေအောင် ကြိုးစားနေရင်းနဲ့သာ ကုန်ဆုံးမသွားခင်၊ ကိုယ့်ဘဝကို အကောင်းဆုံးဖြစ်နိုင်ဖို့ ကိုယ့်ကိုကိုယ် သတိပြန်ပေးသင့်ပါတယ်။ ဒီဘဝ၊ ဒီအခြေအနေမှာပဲ အလုပ်လုပ်လိုက်၊ စားလိုက်သောက်လိုက်၊ ကုန်သွားလိုက်၊ စားဝတ်နေရေးအတွက် ပြန်ပြီးအလုပ်လုပ်လိုက် ကုန်သွားလိုက်နဲ့ သံသရာလည်ရတာခြင်းအတူတူ ဘဝရဲ့နေ့ရက်တွေက တလက်လက်နဲ့တောက်ပနေသလိုခံစားရတာပိုကောင်းမယ်မထင်ဘူးလား။
နာမည်ကြီးစာရေးဆရာကြီး William Shakespear ၏ အဆိုအမိန့်များ။
နာမည်ကြီးစာရေးဆရာကြီး William Shakespear ၏ အဆိုအမိန့်များ။
