ကလေးတွေ မိမိကိုယ်ကို အားကိုးတတ်ဖို့ သင်ပေးပါ။
သင့်ကလေးကို သင်ချစ်လွန်းလို့ ဘာမဆို အကုန်လိုတရဖြစ်အောင် လိုက်ဖြည့်ဆည်းပေးနေမိသလား။ ဒါမှမဟုတ် အိမ်မှာ ဘာမှမခိုင်းရက် မပြုရက်နဲ့ မင်းသားတစ်ပါးလိုထားနေမိသလား။ အဲဒါဆိုရင်တော့ သင်မှားနေပါပြီ။ အဲဒါက သင့်ကလေးကိုချစ်တာမဟုတ်ဘဲ နှစ်တာနဲ့အတူတူပဲဆိုတာ သင်သိပါရဲ့လား။
သင့်ကလေးကို နေ့စဉ်ပြောသင့်သော စကား ၉မျိုး
သင်ပြောလိုက်တဲ့စကားတွေက သင့်ရဲ့ကလေးအပေါ် အများကြီးသက်ရောက်မှုရှိနိုင်ပါတယ်။ သင်ကောင်းကောင်းပြောဆိုလိုက်တဲ့စကားတစ်ခွန်းက ကလေးအတွက် အများကြီး အကျိုးရှိပြီး ကလေးကိုပြုပြင်ပေးနိုင်သလို၊ သင်ရဲ့ဆိုးဝါးတဲ့စကားတစ်ခွန်းကနေလည်း ကလေးအတွက် ဘဝတစ်ခုလုံးအထိ သက်ရောက်မှုရှိနေနိုင်ပါတယ်။ ကလေးတစ်ယောက်ကို ထိန်းကျောင်းတဲ့အခါ ချစ်ခင်မှုနဲ့အဓိကထားသွန်သင်ဆုံးမနိုင်တာမို့ ကလေးကို နေ့စဉ်ပြောသင့်သောစကားများကို ဖော်ပြလိုက်ရပါတယ်။
တစ်ဦးတည်းသောကလေးဖြစ်လာတဲ့အတွက် ကောင်းခြင်း၊ ဆိုးခြင်းများ
ဒီနေ့ခေတ်မှာ မိသားစုထဲမှာ သားသမီးတစ်ယောက်တည်းယူတာမျိုးတွေ အတွေ့များလာပါတယ်။ ခေတ်အခြေအနေအရ မိဘများက ပိုပြီး အလုပ်များလာကြတာမျိုး၊ အိမ်ထောင်ပြုပြီးပေမယ့် နည်းပညာတွေ၊ အခြားသင်တန်းတွေ၊ ထပ်ပြီးလေ့လာစရာတွေများတဲ့အတွက် ကလေးအတွက် အချိန်ပေးချိန်သိပ်မရှိတာမျိုးကတစ်ကြောင်း၊ ရှိပြီးသားသားသမီးကိုသာ ချစ်ခြင်းမေတ္တာအရကော ငွေကြေးအရ လုံလောက်ဖူလုံစေချင်တာမျိုးကတစ်ကြောင်း စသည်ဖြင့် အမျိုးမျိုးသောအကြောင်းရင်းတွေကြောင့် ကလေးတစ်ဦးတည်းယူဖြစ်ကြတာများပါတယ်။ အများအားဖြင့် တစ်ဦးတည်းသောကလေးဖြစ်လာတဲ့အတွက် ကောင်းကျိုးထက် ဆိုးကျိုးများတယ်…..ဆိုပြီးပြောတတ်ကြတာတွေ့ရတတ်ပါတယ်။ အဲဒါမျိုးကြောင့် ဒီဆောင်းပါးလေးကို ရေးသားဖော်ပြလိုက်ရပါတယ်။
ကလေးငယ်လေးများကို ပြောပြပေးသင့်သော ပညာပေးဇာတ်လမ်းတိုလေးများ။
၁) ခြင်္သေ့နဲ့ ကြွက်ကလေး ခြင်္သေ့နဲ့ကြွက်ကလေးပုံပြင်လေးက ငယ်ငယ်က ကျောင်းသင်ခန်းစာမှာ သင်ယူခဲ့ရတဲ့ပုံပြင်လေးပါ။ အိပ်ပျော်နေတဲ့ ခြင်္သေ့ကြီး အပေါ်ကို ပြေးလွှားမိတဲ့ကြွက်ကလေးကို ခြင်္သေ့ကြီးက အိပ်ရာကလန့်နိုးပြီး ဖမ်းချုပ်လိုက်ပါတယ်။ အိပ်ရေးပျက်သွားတဲ့အတွက် ဒေါသတကြီးနဲ့ ဖမ်းချုပ်လိုက်တဲ့ခြင်္သေ့ကြီးကို ကြွက်ကလေးက “သူမှားသွားပါတယ်။ သူ့ကိုမစားပါနဲ့” ဆိုပြီးတောင်းပန်ပါတယ်။ အဲဒီ့အခါမှာ ခြင်္သေ့ကြီးက “မင်းကိုလွှတ်ပေးလိုက်ရင် ငါ့ကိုဘာပြန်ပေးနိုင်မှာလဲ” ဆိုပြီး မေးပါတယ်။ ကြွက်ကလေးက သူ့ကိုလွှတ်လိုက်ရတဲ့အကျိုးကို တစ်နေ့ခြင်္သေ့ကြီးပြန်ခံစားရမှာပါလို့ ပြောခဲ့ပါတယ်။ ကြွက်ကလေးရဲ့အပြောကို ခြင်္သေ့ကြီးက လှောင်တဲ့အနေနဲ့ အော်ရယ်လိုက်ပါတယ်။ “ မင်းလို့ ပိစိညှောင့်တောက် ကြွက်ကလေးတစ်ကောင်ကများ ငါ့ကို ဘာပြန်ုလုပ်ပေးနိုင်မှာလဲ” လို့ပြောခဲ့ပြီး “ကဲ…..ဒီတစ်ခါတော့ လွှတ်ပေးလိုက်မယ်၊ နောက်တစ်ခေါက်ဆို နာမယ်မှတ်” ဆိုပြီး လွှတ်ပေးခဲ့လိုက်ပါတယ်။ ကြွက်ကလေးကလည်း ခြင်္သေ့ကြီးက အသက်ကို ချမ်းသာပေးခဲ့တဲ့အတွက် ကျေးဇူးအများကြီးတင်ပါတယ်လို့ ပြောပြီး ပြေးထွက်သွားခဲ့ပါတယ်။ တစ်နေ့မှာတော့ အစာရှာနေတဲ့ခြင်္သေ့ကြီးဟာ မုဆိုးရဲ့ပိုက်ကွန်မှာ အဖမ်းခံရပါတော့တယ်။ ပိုက်ကွန်က ခြင်္သေ့ကြီးရဲ့တစ်ကိုယ်လုံးကို ချုပ်ထားသလိုဖြစ်နေတဲ့အတွက် ခြင်္သေ့ကြီးက ရုန်းနေတာက အချည်းနှီးပါပဲ။ ဒေါသအရမ်းထွက်တဲ့ခြင်္သေ့ဟာ အော်ဟစ် ဟိန်းဟောက်ရုံကလွဲပြီး ဘာမှမတတ်နိုင်ပါဘူး။ အဲဒီ့အချိန်မှာ ခြင်္သေ့ကြီး လွှတ်ပေးခဲ့တဲ့ကြွက်ကလေးက ခြင်္သေ့ကြီးရဲ့ ဟိန်းဟောက်သံကြောင့် အနီးနားကိုပြေးလာခဲ့ပါတယ်။ ခြင်္သေ့ကြီးကိုမြင်တဲ့အခါ သူ့အသက်ကို လွှတ်ပေးခဲ့တဲ့ခြင်္သေ့ကြီးကို ကယ်ဆယ်ဖို့ကြိုးစားပါတော့တယ်။ ကြွက်ကလေးက သူ့ရဲ့သွားတွေနဲ့ ခြင်္သေ့ကြီးရဲ့အပေါ်က ပိုက်ကွန်တွေကို ကြိုးစားပမ်းစား ကိုက်ဖြတ်ပါတော့တယ်။ နောက်ဆုံးမှာတော့ မုဆိုးမလာခင်မှာဘဲ ကြွက်ကလေးကိုက်ဖြတ်ပေးခဲ့လို့ ခြင်္သေ့ကြီးက လွတ်မြောက်သွားခဲ့ပါတယ်။ ခြင်္သေ့ကြီးက အကောင်သေးတယ်ဆိုပြီး အထင်သေးခဲ့မိတဲ့မင်းကို ငါတောင်းပန်ပါတယ်။ တခါတလေကျတော့ လောကမှာ အကောင်သေးပေမယ့် သူ့နေရာနဲ့သူ အသုံးတည့်တယ်ဆိုတာ ငါသိပါပြီဆိုပြီး တောင်းပန်သွားပါတော့တယ်။ ဒီပုံပြင်လေးကြောင့် လောကမှာ လူတိုင်းက အဆင့်နှိမ့်သည်ဖြစ်စေ၊ အဆင့်မြင့်သည်ဖြစ်စေ၊ သူ့နေရာနဲ့သူ တန်ဖိုးရှိကြပါတယ်ဆိုတဲ့ မက်ဆေ့လေးကို ရသလို၊ တခါလောက် အကြင်တရားထားလိုက်ခြင်းက တစ်ချိန်မှာတောင် ပြန်လည်အကျိုးရှိနိုင်တယ်ဆိုရင် လူတိုင်းအပေါ်အကြင်နာထားဆက်ဆံခြင်းက ဘယ်လောက်များအကျိုးများလိုက်မလဲဆိုတဲ့မက်ဆေ့လေး ရပါတယ်။ #Bawa101
ကလေးကိုဆုံးမရာတွင် မှားယွင်းနေသောအချက်များ
ကလေးတစ်ယောက်ကို ပြုစုစောင့်ရှောက်ရတာမလွယ်သလို ကလေးကိုဆုံးမဖို့ကြိုးစားရတာလည်း မလွယ်ပါဘူး။ ကလေးတစ်ယောက်အပေါ်မှာ ထိန်းသိမ်းစောင့်ရှောက်ဆုံးမပေးတဲ့သူ တော်ရင်တော်သလို ကလေးကလည်း တော်တဲ့ကလေး၊ လိမ္မာတဲ့ကလေးတစ်ယောက်ဖြစ်လာနိုင်ပါတယ်။ ကလေးကိုထိန်းကျောင်းတဲ့သူတွေကိုယ်တိုင်ကိုယ်က မတော်ရင်တော့ လူဆိုးကလေးတွေပဲ ဖြစ်လာမှာပါ။ အဲဒါကြောင့် ကလေးက အနာဂတ်အတွက်အရေးကြီးပါတယ်။ အဲလိုပါပဲ ကလေးကိုဆုံးမပေးမယ့်၊ ထိန်းကျောင်းပေးမယ့်လူကြီးကလည်း အခရာပါပဲ။ ကလေးကို ဆုံးမပေးတဲ့နေရာမှာ မှားယွင်းနေတဲ့အချက်လေးတွေကို သိစေချင်တဲ့စိတ်လေးနဲ့ ဒီဆောင်းပါးလေးကို ဖော်ပြပေးလိုက်ရပါတယ်။
လိမ္မာယဉ်ကျေးသောကလေးဖြစ်အောင်…..
“ကလေးလေးက လိမ္မာလိုက်တာ…..ယဉ်ကျေးလိုက်တာ….” ဆိုတဲ့စကားမျိုးကို သင်လည်း နှစ်သက်မိမှာပါ။ သင့်ကလေးကိုယ်တိုင်လည်း ထိုစကားမျိုးကိုကြားရတဲ့အခါ ပျော်ရွှင်သွားသလို၊ နှစ်သက်မှာလည်းအသေအချာပါပဲ။ လိမ္မာတယ်ဆိုတာက အိမ်မှာတော့ ဗြောင်းဆန်အောင်ဆော့လွန်းလို့၊ ထိန်းမရချော့မရချောက်မရလို့၊ ဘာလုပ်လုပ်ဂရုမစိုက်တတ်ဘဲ ရိုက်လဲရိုက်၊ လုပ်ချင်တာလုပ်မှာပဲဆိုတဲ့အကျင့်နဲ့တော့ လူရှေ့သူရှေ့ရောက်မှ လိမ္မာစေချင်လို့တော့မရပါဘူး။ လိမ္မာယဉ်ကျေးတဲ့ကလေးတစ်ယောက်ဖြစ်အောင် လိမ္မာတဲ့အကျင့်ကို အိမ်မှာကတည်းက သွန်သင်ဆုံးမထားမှရတာပါ။ (ကလေးသဘာဝအဆော့မက်တာနဲ့ လိမ္မာယဉ်ကျေးတာက မတူပါဘူး) အိမ်မှာအမေမိဘကိုလိမ္မာသိတတ်ယဉ်ကျေးတဲ့ကလေးက လူမှုဝန်းကျင်မှာ တကူးတကထပ်ပြီး သွန်သင်နေစရာလိုတော့မှာမဟုတ်ပါဘူး။ ကလေးသဘာဝအဆော့အမက်၊ အစားမက်တာကတော့ ဆိုးသွမ်းတယ်လို့သတ်မှတ်လို့မရပါဘူး။
မိဘတွေဆီက ကလေးတွေအလိုရှိတဲ့အရာ ၁၀မျိုး
တခါတလေ မိဘတွေမှာ စားဝတ်နေရေးအတွက်၊ ငွေကြေးနောက်ကို လိုက်ရင်း စိတ်ပူပန်မှု၊ စိတ်ရှုပ်ထွေးမှုတွေ စသည်ဖြင့် ခံစားနေတတ်ကြပါတယ်။ အဲဒီလိုအချိန်မျိုးမှာ သားသမီးတွေကိုလည်း သေချာမပြုစုမစောင့်ရှောက်နိုင်သလို အာရုံလည်းမစိုက်မိသလိုဖြစ်တတ်ကြပါတယ်။ နေထိုင်ရှင်သန်ဖို့ ငွေကလည်း မရှိမဖြစ်မို့ တခါတလေ မအော်မငေါက်ချင်ပေမယ့် စိတ်ရှုပ်ထွေးမှုကြောင့် အော်ဟစ်အပြစ်တင်မိတာမျိုးဖြစ်တတ်ပါတယ်။ အဲလိုအခါမျိုးမှာ သားသမီးတွေက မိဘတွေဆီကနေလိုအပ်နေတာ ငွေကြေးတွေ၊ ရုပ်ဝတ္ထုပစ္စည်းတွေမဟုတ်ဘဲ ဘာတွေဖြစ်နေမလဲဆိုတာလေးတွေကို ဖော်ပြပေးလိုက်ပါတယ်။
ကလေးရဲ့စိတ်ပိုင်းဆိုင်ရာ ကျန်းမာအောင် ဘယ်လိုပြုစုပျိုးထောင်မလဲ
ကလေးတစ်ယောက်အတွက် ရုပ်ပိုင်းဆိုင်ရာကျန်းမာဖို့လိုသလို စိတ်ပိုင်းဆိုင်ရာကျန်းမာဖို့လည်း အရေးကြီးပါတယ်။ စိတ်ပိုင်းဆိုင်ရာမကျန်းမာနိုင်တဲ့ကလေးဟာ ရုပ်ပိုင်းဆိုင်ရာအရပါ ကျန်းမာရေးချို့တဲ့လာနိုင်ပါတယ်။ ပြီးတော့ စိတ်ပိုင်းဆိုင်ရာအရ မကျန်းမာတဲ့ကလေးတစ်ယောက်က စိတ်ဓာတ်ခိုင်မာမှုမရှိသလို၊ သူ့ကိုယ်သူလည်း ယုံကြည်မှုရှိတော့မှာမဟုတ်ပါဘူး။ အဲဒါကြောင့် ခုတစ်ခါမှာတော့ ကလေးရဲ့စိတ်ပိုင်းဆိုင်ရာကျန်းမာဖို့အတွက် ဖော်ပြပေးလိုက်ပါတယ်။
ကလေးကောင်းဖို့ လူကြီးကောင်းတွေလိုပါတယ်
ကလေးဆိုတာ အနာဂတ်ဖြစ်ပါတယ်။ တစ်ချို့တွေက အဲဒီအဓိပါ္ပယ်ကို ကောင်းကောင်းနားမလည်ကြပါဘူး။ အကျင့်စာရိတ္တကောင်းမွန်တဲ့လူလိမ္မာလေးဖြစ်ဖို့ ကလေးဘဝထဲက သွန်သင်ပေးရပါတယ်။ ကလေးဘဝက ကောင်းမွန်တဲ့အကျင့်တွေ၊ စည်းကမ်းတွေနဲ့သွန်သင်ထားတဲ့ကလေးမှသာ လူကြီးဘဝမှာ ကောင်းမွန်တဲ့လူကြီးအဖြစ် ရှင်သန်နိုင်မှာပါ။ ထိုကဲ့သို့ ကောင်းမွန်တဲ့လူကြီးကနေမှတဆင့် ကောင်းမွန်တဲ့ကလေးတွေကို တဖန်ပြန်လည်သွန်သင်လာနိုင်မှာပါ။ အဲဒါကြောင့် ကလေးဆိုတာ အနာဂတ်ဖြစ်ပါတယ်လို့ပြောရတာပါ။ အနာဂတ်မှာ ပညာတော်၊ စိတ်ထားကောင်း၊ လူပီသစွာတန်ဖိုးရှိအောင်နေတတ်ဖို့ အဖက်ဖက်က သွန်သင်ပေးရပါမယ်။