သင့်ကလေးကို အပြုသဘောဆောင်တဲ့စည်းကမ်းတွေလိုက်နာအောင်ဘယ်လိုလုပ်ရမလဲ။
သင့်ကလေးကို စည်းကမ်းတွေသတ်မှတ်တဲ့အခါ သင့်ကလေးက မလိုက်နာတာမျိုး၊ ထပ်ခါထပ်ခါပြောနေတာတောင် မသိချင်ယောင်ဆောင်နေတာမျိုးလုပ်နေတတ်လား။ “သားကို အဖေပြောနေတာ အကြိမ်ပေါင်းများစွာရှိနေပြီ….ခုထိမလုပ်ရသေးဘူးလား” ဆိုတဲ့စကားမျိုးက ကလေးရှိတဲ့အိမ်တိုင်းလိုလိုမှာ ကြားနေကျစကားတစ်ခုလိုဖြစ်နေတတ်ပါတယ်။ အဲဒီလိုဖြစ်နေတတ်တယ်ဆိုရင် ဘယ်အကြောင်းအရာတွေကြောင့် ကလေးက စည်းကမ်းတွေကို မလိုက်နာရတာလဲ၊ ဒါမှမဟုတ် ဘာကြောင့် ဒီစည်းကမ်းတွေကို မလိုက်နာချင်ရတာလဲ ဆိုတာသိအောင်လုပ်သင့်ပါတယ်။ အဲဒီလိုဖြစ်နေတဲ့အပြုအမူကို ပြုပြင်ဖို့စဉ်းစားသင့်ပါတယ်။
အမေရိကန် လူမည်း စာရေးဆရာမ Toni Mဝrrison (1931 Feb 18 to 2019 August 5)
Toni Mဝrrison က အမေရိကန်လူမျိုး လူမည်းစာရေးဆရာမတစ်ယောက်ဖြစ်ပါတယ်။ နာမည်ရင်း Chloe Ardelia Wofford ဖြစ်ပြီး ၁၉၃၁ခုနစ် ဖေဖော်ဝါရီ ၁၈ရက်မှာ Lorain ၊ Ohio၊ U.S. မှာမွေးဖွားခဲ့ပါတယ်။ ဝတ္ထုရေးစာရေးဆရာ၊ အယ်ဒီတာ၊ ပါမေက္ခတစ်ယောက်ဖြစ်ပြီး သူမရဲ့ပထမဆုံးဝတ္ထု The Bluest Eye ကို ၁၉၇၀ခုနစ်မှာ ပုံနှိပ်ဖြစ်ခဲ့ပါတယ်။ သူမရဲ့ဝတ္ထုတွေက ဆိုလိုရင်းထိမိသလို စကားပြောတွေရှင်းလင်းပါတယ်။ အာဖရိကန် အမေရိကန်လူမျိုးတွေရဲ့ စရိုက်သဘာဝကို ပီပြင်စွာရေးဖွဲ့နိုင်သူတစ်ယောက်ဖြစ်ပါတယ်။ သူမရဲ့နာမည်ကြီး ဝတ္ထုတွေကတော့ The Bluest Eye , Song of Solomon , နဲ့ Beloved တို့ဖြစ်ပါတယ်။ ၁၉၉၃ ခုနစ်မှာ စာပေဆိုင်ရာနိုဘယ်ဆုကို ရရှိခဲ့ပြီး ၁၉၈၇ ခုနစ်မှာလည်း ပူလစ်ဇာဆုကို Beloved ဝတ္ထုကြောင့် ထပ်မံရရှိခဲ့ပါတယ်။ ၂၀၀၁ခုနစ်မှာ အမေရိကန်ရဲ့အကျော်ကြားဆုံးအမျိုးသမီးအယောက် ၃၀ထဲမှာ ပါဝင်ခဲ့ပါတယ်။ ၂၀၁၂ခုနစ်မှာ အမေရိကန်သမ္မတ Barack Obama ချီးမြင့်ခဲ့တဲ့ Presidential Medal of Freedom ဆိုတဲ့ဆုကိုလည်း ရရှိခဲ့ပြန်ပါတယ်။ ၂၀၁၆ ခုနစ်မှာလည်း PEN/Saul Bellow Award for Achievement in American Fiction ဆိုတဲ့ဆုကိုလည်း ထပ်မံရရှိခဲ့ပါသေးတယ်။ Mဝrrison ရေးသားခဲ့တဲ့ ဝတ္ထုအကြောင်းအရာတွေက ကြီးကျယ်ပြီးအဓိပ္ပါယ်လေးနက်မှု၊ အရေးအသား လက်ရာမြောက်အောင် ရေးဖွဲတတ်မှု၊ အမေရိကန်လူမျိုး လူမည်းတွေအကြောင်းကို အသေးစိတ်ကျကျ၊ ကြွယ်ဝစွာရေးသားတတ်မှုတို့ကြောင့် ထင်ရှားကျော်ကြားခဲ့ခြင်းဖြစ်ပါတယ်။ သူမဝတ္ထုတွေရဲ့အဓိက အကြောင်းအရာတွေကတော့ လူမည်းအမေရိကန်လူမျိုးအတွေ့အကြုံတွေပဲဖြစ်ပါတယ်။ မမျှတတဲ့လူမှုဝန်းကျင်မှာ သူမရဲ့ဇာတ်ကောင်တွေက သူတို့ကိုယ်သူတို့ခက်ခဲစွာ ပုံဖော်နေရတဲ့အကြောင်းကို အပျော်လေးတွေရောပြီးကဗျာဆန်ဆန် ထည့်သွင်းရေးသားထားတာဖြစ်ပါတယ်။ သူမရေးသားခဲ့တဲ့အထဲက လူသိများထင်ရှားတဲ့ကောက်နုတ်ချက်တစ်ချို့ကတော့- “ You wanna fly, you got to give up the shit that you weighs to down” သင်ပျံသန်းချင်တယ်ဆိုရင် သင့်ကိုအောက်ကျအောင်ဆွဲချမယ့် လေးပင်တဲ့အရာတွေကို လွှတ်ချနိုင်ရမယ်။ “If you surrendered the air. you could ride it” လေဟုန်စီးချင်တယ်ဆိုရင် လေထဲမှာ အလိုက်သင့်မျောပါနိုင်ဖို့လိုတာပေါ့။ “You are Your best thing” သင့်ကိုယ်သင်အတွက် အကောင်းဆုံးသောအရာက သင်ကိုယ်တိုင်ပါပဲ။ “something that is love is never lost” ကိုယ်ချစ်ခင်နှစ်သက်တဲ့တစ်စုံတစ်ခုက ဘယ်တော့မှဆုံးရှုံးသွားမှာ မဟုတ်ပါဘူး။ အမေရိကန်သမ္မတ Barack Obama ကတော့ “ Mဝrrison ရဲ့ဝတ္ထုတွေရဲ့ ဇာတ်လမ်းတွေက မလှပဘူး ထင်ရပေမယ့် အဓိပ္ပါယ်အများကြီးရှိပါတယ်။ ကျွန်တော်တို့ရဲ့ ကိုယ်ချင်းစာတရားတွေနဲ့ အသိတရားတွေကို အများကြီးဖော်ထုတ်ပေးနိုင်ခဲ့ပါတယ်။” လို့ ရေးသားဖော်ပြခဲ့ပါတယ်။ လူဖြူ ၊လူမည်းဆိုတာထက် နိုင်ငံသားအခွင့်အရေးအပေါ် ဦးတည်ပြီး ရေးသားဖော်ပြခဲ့တာမို့ တန်ဖိုးရှိပြီး တော်တဲ့စာရေးဆရာတစ်ယောက်ဖြစ်တယ်လို့လည်း ချီးကျူးဖော်ပြခဲ့ပါတယ်။ ပြောရရင်တော့ Toni Morrison က သူမကျင်လည်ရာပတ်ဝန်းကျင်က လူမည်းအမျိုးသမီးတွေရဲ့ဘ၀ အတွေ့အကြုံတွေကို နို်င်ငံသားအခွင့်အရေးအပေါ်ဦးတည်ရေးသားခဲ့တာမို့ လူမည်းတွေရဲ့ဘဝကို အခြားသူတွေပိုပြီး သိရှိနားလည်သွားသလို၊ လူမည်းတွေအပေါ်မှာလည်း ကိုယ်ချင်းစာစိတ်ဖြစ်ပေါ်လာစေခဲ့ပါတယ်။ လူဖြူလူမည်းကြားဆက်ဆံရေးကို အဆင်ပြေတိုးတက်လာစေအောင် သူတတ်ကျွမ်းရာစာပေရေးသားခြင်းအားဖြင့် ကြိုးစားအားထုတ်ခဲ့သူတစ်ယောက်လည်း ဖြစ်ပါတယ်။ အမျိုးသားကဏ္ဍကို တိုးတက်စေတဲ့ စာရေးဆရာအဖြစ်သတ်မှတ်ခံခဲ့ရတဲ့ Toni Morrison က အသက် ၈၈နှစ် ၂၀၁၉ သြဂုတ်လ ၁၅ရက်နေ့မှာ New York မြို့မှာ ကွယ်လွန်ခဲ့ပါတယ်။ Toni Morrison ကွယ်လွန်သွားခဲ့ပေမယ့် သူမရဲ့ရည်ရွယ်ချက်ကောင်းနဲ့ရေးသားခဲ့တဲ့တန်ဖိုးရှိတဲ့စာပေတွေကတော့ အမေရိကန်လူမျိုးတွေကြားထဲမှာသာမက တစ်ကမ္ဘာလုံးကလူသားတွေရင်ထဲမှာ ဆက်လက်ရှင်သန်နေအုံးမှာပဲဖြစ်ပါတယ်။ Toni Morrison – Wikipedia မှ ကောက်နုတ်ဖော်ပြခြင်းဖြစ်ပါတယ်။
သင်ခက်ခဲစွာသင်ယူရမယ့်လူတွေအကြောင်း
ဘဝမှာ လူအမျိုးမျိုးကို ကြုံတွေ့ပတ်သက်ရမှာပါ။ ဘယ်လောက်ပဲ သင်နဲ့ချစ်ခင်နေပေမယ့် အရေးကြုံချိန်မှာ သင့်ကို သူ့အကျိုးအတွက် ချောက်ထဲတွန်းချမယ့်သူမျိုး၊ သင့်ထံက ရစရာတွေယူပြီး သင်ကအသုံးမဝင်တဲ့အခါ ထားခဲ့တဲ့လူမျိုး၊ သူတို့ကပဲ သင့်ကို အနိုင်ကျင့်ခဲ့ပြီး သူတို့ကပဲခံလိုက်ရလို လုပ်ပြတတ်တဲ့သူမျိုး စသဖြင့် အများကြီးကို သင်တွေ့ရပါလိမ့်မယ်။ ဘယ်လိုပဲဖြစ်ဖြစ် လူအမျိုးမျိုးနဲ့ကြုံတွေ့ရခြင်းက သင့်ဘဝအတွက် ယူတတ်ရင် သင်ခန်းစာရစေတာပါပဲ။ ရထားပြီးသားသင်ခန်းစာတွေကို သေချာအသုံးချတတ်ရင် သင့်အတွက် ဘဝမှာ နေပျော်စေမှာပါ။ အဲဒါကြောင့် သင့်ကို သင်ခန်းစာပေးမယ့်လူတွေအကြောင်း ဖတ်ကြည့်လိုက်ပါအုံးနော်။
စာဖတ်ပြီး ဘာလို့ မတိုးတက်တာလဲ။
“ကိုယ့်ဘဝကြီးတိုးတက်ချင်တယ်....အဲဒါကြောင့် တက်ကျမ်းတွေချည်းဖတ်တယ်” ဆိုတဲ့ လူငယ်လေးတွေမြင်ဖူးပါတယ်။ နောက်တော့ စိတ်ပျက်လက်ပျက်ပြောတာကြားရပြန်ပါတယ်။ တက်ကျမ်းတွေချည်းဖတ်ပေမယ့် ထင်သလောက်လည်း မတိုးတက်လာပါဘူးဆိုတာမျိုးတွေပါ။ ကျွန်တော်တို့ သိထားတာတော့ “စာဖတ်သောလူမျိုးက တိုးတက်သည်။ တိုးတက်သောလူမျိုးသည် စာဖတ်ကြသည်” ဆိုတဲ့စကားနဲ့အလားတူတဲ့စကားတွေပါ။ စာဖတ်လို့ တိုးတက်သွားပြီး ဘဝမှာ အဆင်ပြေအောင်မြင်သွားတဲ့လူမျိုးပဲ ကြုံဖူးပါတယ်။ စာဖတ်ပြီး ဘာမှမတိုးတက်ပါဘူး….ဆိုတဲ့လူမျိုးနဲ့တွေ့တော့ စာဖတ်ခြင်းကပဲ မှားနေသလိုလိုဖြစ်နေပြန်ပါတယ်။
သူမကောင်းပေမယ့် ကိုယ်ကောင်းပါစေ။
ကျွန်တော်တို့ အလယ်တန်းနဲ့အထက်တန်းတုန်းက ကျောင်းမှာဆိုရတဲ့စကားလေးရှိပါတယ်။ “မိမိကိုယ်ကိုကောင်းအောင်ကြိုးစားမည်” ဆိုတဲ့စကားလေးပါ။ ထိုစကားလေးက တိုပေမယ့် အဓိပ္ပါယ်တွေအများကြီးရှိပါတယ်။ ဘာလို့များ “မိမိကိုယ်ကို ကောင်းအောင်ကြိုးစားသင့်တာလဲ”
ဘဝမှာ အကောင်းမြင်စိတ်နဲ့ပတ်သက်တဲ့ မှတ်သားဖွယ်ကောက်နုတ်ချက်များ
ဘဝမှာ အကောင်းမြင်စိတ်နဲ့ပတ်သက်တဲ့ မှတ်သားဖွယ်ကောက်နုတ်ချက်များ
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
ကတိပေးဖူးလား….လို့မေးမယ်ဆိုရင် လူတိုင်းနီးပါး ကတိပေးဖူးကြမယ်ထင်ပါတယ်။ အနည်းနဲ့အများပဲကွာမှာပါ။ အဲဒါဆိုရင် ကတိကော တည်အောင်ထိန်းသိမ်းခဲ့ဖူးလားလို့ ထပ်မေးစရာရှိလာပြန်ပါတယ်။ ကတိပေးဖူးလားဆိုတာထက် ပေးထားတဲ့ကတိကို တည်အောင် ထိန်းသိမ်းထားခဲ့ဖူးရဲ့လား…ဆိုတဲ့မေးခွန်းက ပိုပြီးလေးနက်မှုရှိပါတယ်။ လူတိုင်းလိုလို ကတိတော့ပေးဖူးကြပါတယ်။ ဒါပေမယ့် ထိုပေးထားတဲ့ကတိကိုတော့ တည်အောင်ကြိုးစားတဲ့သူဆိုတာ နည်းပါတယ်။ ဒီနေ့ခေတ်မှာ လူတွေက ကိုယ့်ကျင့်တရား၊ သိက္ခာ၊ သမာဓိအားနည်းလာကြပါတယ်။ အဲဒီ့အခါ ကိုယ်ပေးဖူးတဲ့ကတိ၊ ကိုယ်ပေးထားတဲ့ကတိတစ်လုံးကို တန်ဖိုးမထားတတ်တော့ပါဘူး။ ကတိကို လွယ်လွယ်နဲ့ပေးဖို့ ဝန်မလေးသလို၊ ပေးထားတဲ့ကတိကိုလည်း တည်အောင်စောင့်ထိန်းဖို့ တာဝန်မယူနိုင်ကြတော့ပါဘူး။ အဲဒါကြောင့် ကတိလွယ်လွယ်ပေး၊ ကတိလွယ်လွယ်ဖျက်၊ ကတိကို တန်ဖိုးမထားတတ်ကြတော့ပါဘူး။
ကျွန်တော်တို့ ဘဝတစ်လျှောက်လုံးမှာ အချစ်ကြောင့် နာကျင်ခံစားဖူးခဲ့ကြမှာပါ။ ကျွန်တော်တို့ နှလုံးသားတစ်ခုလုံးနဲ့ရင်းပြီး ကိုယ်ချစ်တဲ့သူအတွက် စဉ်းစားပေးတာ၊ ကိုယ့်ဘဝတစ်ခုလုံးက သူပဲလို့ တွေးမိတဲ့အထိ ကိုယ့်ဘဝကြီးကို သူ့အတွက်အရာအားလုံးသက်ရောက်စေခဲ့တာမျိုးတွေထိ ရှိခဲ့ဖူးမှာပါ။ ဒါပေမယ့် အဲဒီလို ကိုယ့်ရဲ့အရာရာကို သူ့အတွက်လို့ တွေးထားခဲ့ပေမယ့် ကိုယ်ထင်ထားသလိုဖြစ်မလာခဲ့တာမျိုးလည်း ကြုံရမှာပါ။
တန်ဖိုးထားပုံချင်းမတူတာကို နားလည်ပေးပါ။
လူတစ်ယောက်နဲ့တစ်ယောက်ရဲ့တန်ဖိုးထားပုံခြင်းက မတူကြပါဘူး။ တန်ဖိုးကိုသတ်မှတ်ပုံခြင်းကလည်း တူမှာမဟုတ်ပါဘူး။
လူတိုင်းလိုလိုက ငွေကို လိုအပ်ကြပါတယ်။ ငွေက လူတွေရဲ့လိုအပ်ချက်မှန်သမျှကို ဖြည့်ဆည်းပေးနိုင်တာကိုး။ အဲဒါကြောင့် လူတွေရဲ့စားဝတ်နေရေး အားလုံးအတွက် ငွေကို လိုကိုလိုအပ်တာအမှန်ပါပဲ။ လူတစ်ယောက်ရဲ့ အသက်ရှင်သန်ရေးအတွက် စားသောက်နိုင်ဖို့၊ လူတစ်ယောက်ရဲ့အရှက်လုံအောင် ဝတ်စားဆင်ယင်နိုင်ဖို့၊ လူတစ်ယောက်ရဲ့ လေဒဏ်ရေဒဏ်မိုးဒဏ်ကိုခံနိုင်စွမ်းရှိတဲ့ နေစရာရှိဖို့ စတဲ့အရာတွေအတွက် ငွေက အရေးကြီးပါတယ်။ ဒါပေမယ့် လူတစ်ယောက်ရဲ့ဘဝတစ်ခုလုံးအတွက်ကော ငွေက အရေးကြီးဆုံးပါပဲလား။
ရည်မှန်းချက်ရှိစွာ ဘဝကိုရှင်သန်ခြင်းရဲ့အကျိုးကျေးဇူးများ
ရည်မှန်းချက်ဆိုတာက ဘဝရဲ့အဓိပ္ပါယ်နဲ့အရေးကြီးတဲ့အရာကို နားလည်ခြင်းပဲဖြစ်ပါတယ်။ ရည်မှန်းရှိစွာ ဘဝကို ရည်မှန်းချက်အတိုင်း ရှင်သန်နေထိုင်ခြင်းက သင့်ရဲ့အလုပ်အပေါ်၊ သင့်ရဲ့ မျှဝေနိုင်စွမ်းနဲ့ သင့်ဘဝရဲ့အကောင်းဘက်က အကျိုးတွေအပြင် အခြားသူတွေအပေါ်ပါ အကျိုးရှိစေပါတယ်။ သင့်ရည်မှန်းချက်ကို သင်သိပြီး ထိုရည်မှန်းချက်ကို ရောက်အောင် သွားနိုင်ခြင်းက သင့်ဘဝကို ပိုပြီး ပျော်ရွှင်စေပါတယ်။ ပိုပြီး အဓိပ္ပါယ်ရှိစေပါတယ်။ ပိုပြီး အောင်မြင်စေပါတယ်။ ပိုပြီး ကျေးဇူးတင်စရာကောင်းစေပါတယ်။ ခက်ခဲတဲ့အချိန်တွေကို ပိုပြီးဖြတ်သန်းနိုင်စွမ်းရှိလာစေပါတယ်။ ပိုပြီးလည်း စိတ်လှုပ်ရှားစရာကောင်းပါတယ်။
သူ့ဘက်ကိုယ့်ဘက်မျှတွေးတတ်ပါစေ။
လူ့လောကမှာ ကျင်လည်ကြတဲ့အခါ လူအမျိုးမျိုးကို ပါဝင်ပတ်သက်ရမှာပါ။ အဲဒီလိုပတ်သက်ရတဲ့အခါ အတ္တကြီးပြီး ကိုယ်ချင်းမစာနာတတ်သူမျိုးတွေ၊ ငါတတ်ငါသိဆိုတဲ့လူမျိုးတွေ၊ “ငါသာလုပ်ချင်ရာလုပ်မယ်…..ငါ့ကျတော့သေးသေးတောင်လာမတင်နဲ့” ဆိုတဲ့လူမျိုးတွေ နဲ့လည်း ကြုံဖူးကြမှာပါ။ အရမ်းကိုအားနာတတ်ပြီး အရမ်းကို အနစ်နာခံတတ်တဲ့လူမျိုးတွေ၊ ကိုယ်ချင်းစာတတ်လွန်းလို့ ကိုယ်ကျိုးတောင်မငဲ့တတ်တဲ့လူမျိုးတွေလည်း ကြုံဖူးကြမှာပါ။ ကိုယ်ချင်းစာစိတ်နဲ့ လူတစ်ဖက်သားကို ကိုယ့်လိုသဘောထားပြီး ကူညီတတ်တဲ့သူတွေကို ကြုံရတဲ့အခါမှာတော့ ကိုယ်ကတောင်ပြန်ပြီး အားနာမိတဲ့စိတ်၊ ချစ်ခင်မိတဲ့စိတ်၊ ကျေးဇူးတင်မိတဲ့စိတ်တွေနဲ့ မှတ်သားထားရမှာဖြစ်သလို ကိုယ့်အတွက်သာကြည့်တတ်တဲ့ လူ့အတ္တသမားတွေနဲ့တွေ့ရတဲ့အခါမျိုးမှာလည်း ပါးစပ်အဟောင်းသားနဲ့ ကိုယ်ခံလိုက်ရတာတွေလည်း နည်းမှာမဟုတ်ပါဘူး။