နောင်တစ်ချိန်အသီးအပွင့်လိုချင်ရင် ဒီနေ့အပင်စိုက်ပါ။
ဒီစာသားလေးက အဓိပ္ပါယ်တွေအများကြီးပါပါတယ်။ ဒီစကားမျိုးပြောလိုက်တာနဲ့ ဘာပြောချင်တယ်ဆိုတာ တန်းသိကြပါလိမ့်မယ်။ ဒါပေမယ့် ဒီစာသားအတိုင်း ကျင့်သုံးမိတဲ့သူကတော့ နည်းပါတယ်။ အဲဒါကြောင့်လည်း လူအများကြားမှာ အောင်မြင်တဲ့သူဟာ လူနည်းစုဖြစ်နေတာပါပဲ။ အောင်မြင်တယ်ဆိုတဲ့နေရာမှာ ကျိကျိတက်ချမ်းသာပြီး ငွေတွေအပုံလိုက်ရှိနေမှ အောင်မြင်တာမဟုတ်ပါဘူးနော်။ ကိုယ်စတင်လိုက်တဲ့အလုပ်လေးတစ်ခုကို အကောင်းဆုံးဖြစ်အောင်ကြိုးစားရင်း ရလဒ်လေးတွေရလာတာသည်လည်း အောင်မြင်တယ်လို့ ဆိုလို့ရပါတယ်။
မြန်မာ့ပထမဆုံးများ (၃) မြန်မာပြည်ရဲ့ပထမဆုံးဖြစ်ခဲ့သော အရာတွေထဲက တချို့ကို ရှာဖွေတင်ဆက်ပေးလိုက်ပါတယ်။ နောက်ထပ်လည်းတင်ပြပေးသွားပါအုံးမယ်နော်။ #BAWA101
ချစ်ခြင်းတရားနှင့်ပတ်သက်သော အမှန်တရားများ (၁)
အချစ်ဆိုတာ ပေးဆပ်တတ်သူအတွက် ပေးဆပ်ခြင်းဖြစ်ပြီး ရယူတတ်သူအတွက်တော့ရယူပိုင်ဆိုင်ခြင်းဖြစ်နေတတ်ပြန်ပါတယ်။ တဖက်သတ်ချစ်နေရတဲ့သူအတွက်ကျပြန်တော့လည်း အချစ်ဆိုတာ ငေးမောနေရခြင်းဖြစ်နေပြန်ရော......။ အဲဒါကြောင့် အချစ်ဆိုတာ ခံယူတဲ့သူအပေါ်မူတည်ပြီး အမျိုးမျိုးအဓိပါ္ပယ်ဖွင့်ဆိုခြင်းဖြစ်နေတတ်ပါတယ်။ ဒါပေမယ့် အခုဖော်ပြပေးလိုက်တဲ့အရာတွေကတော့ ဖတ်ကြည့်လိုက်ရင် ဘယ်တော့မဆို မှန်ကန်နေမယ့် အချစ်နဲ့ပတ်သက်တဲ့အမှန်တရားတွေပါပဲ။ #BAWA101
သင်ရည်ရွယ်ထားတာတွေ ဘာလို့မဖြစ်မြောက်သေးတာလဲ။
သင်ရည်ရွယ်ထားတာတွေ မဖြစ်မြောက်နိုင်သေးဘူဆိုပြီး စိတ်ညစ်ဖူးတဲ့အခိုက်အတန့်ရှိမှာပါ။ အဲဒီ့အခါ သင်လုပ်သင့်တာက သင့်ရည်မှန်းထားတာတွေကို ပြန်သုံးသပ်ဖို့နဲ့ သင့်ကိုယ်သင်ပြန်ဆန်းစစ်ဖို့ပါ။ အရင်ဦးဆုံး သင်ရည်ရွယ်ထားတာက မဖြစ်နိုင်တဲ့ရည်မှန်းချက်မျိုးဖြစ်နေလို့လား။ လက်ထဲငွေတပြားမှမရှိတဲ့လူက နေ့ချင်းညချင်း လုပ်ငန်းပိုင်ရှင်ဖြစ်လို့မရပါဘူး။ အဲဒါကြောင့် မဖြစ်နိုင်တဲ့ရည်မှန်းချက်၊ တနည်းအားဖြင့်လက်တွေ့နဲ့ကင်းကွာတဲ့ရည်မှန်းချက်မျိုးဖြစ်နေရင်တော့မဖြစ်နိုင်ပါဘူး။ ကိုယ်ရည်ရွယ်ထားတာတွေဖြစ်လာဖို့အတွက် လက်တွေ့ကျပြီး ကြိုးစားရင်ဖြစ်နိုင်တဲ့ရည်မှန်ချက်ဖြစ်ဖို့လိုပါတယ်။ အဲဒါဆိုရင်တော့ အောက်ကအချက်တွေကို ဆက်ဖတ်သွားပါနော်။
လူပီသတဲ့လူဖြစ်ဖို့ဆိုတာက အဓိပါ္ပယ်အများကြီးပါပါတယ်။ လူသားဖြစ်နေပေမယ့် လူသားပီသတဲ့ အတွေးအခေါ် အကျင့်အကြံတွေမရှိဘူးဆိုရင် လူပီသတဲ့လူမဖြစ်နိုင်ပါဘူး။ လူဖြစ်နေပေမယ့် လူမဆန်တဲ့လူတွေအများကြီးကြုံဖူးမှာပါ။ အောက်မှဖော်ပြထားတဲ့အကြမ်းဖျင်းအချက်လေးတွေမရှိနိုင်ဘဲ လူပီသတဲ့လူမဖြစ်နိုင်ပါဘူး။ ကိုယ့်ရဲ့အားနည်းချက်တွေ ၊ အမှားတွေကို အတတ်နိုင်ဆုံးပြုပြင်ရင်း လူပီသတဲ့လူဖြစ်ဖို့ကြိုးစားနိုင်အောင် ဖော်ပြပေးလိုက်ပါတယ်။
ကိုယ်မသိနိုင်တဲ့အခြားတဖက်ကိုလည်း တွေးကြည့်ပေးပါ။
“Every one is a moon, and has a dark side which he never shows to anybody” ဆိုတဲ့ Mark Twin ရဲ့ ကောက်နုတ်ချက်လေးတစ်ခုကို သတိရမိပါတယ်။ လူတိုင်းဟာ လလိုပဲ အခြားဘယ်သူ့ကိုမှ ပြောမပြထာတဲ့ အမှောင်ဘက်အခြမ်းကိုယ်စီရှိကြပါတယ်တဲ့။ မှတ်မှတ်ရရ ဆရာမဂျူးရဲ့ဝတ္ထုတစ်အုပ်မှာ ဖတ်ရင်းကြိုက်လို့မှတ်ထားမိတဲ့စာသားလေးပါ။ လူတိုင်းကို ကိုယ်မြင်နေတွေ့နေနိုင်တဲ့အပိုင်းကိုပဲ မြင်နိုင်တာပေါ့၊ ဒါပေမယ့် ကိုယ်တွေမသိနိုင်တဲ့ ၊ ကိုယ်မမြင်နိုင်တဲ့ အခြားတစ်ခြမ်းကိုတော့ ဘယ်တုန်းကမှ မတွေးကြည့်မိတတ်ကြပါဘူး။ အဲဒါက ဘာကိုပြောသလဲဆိုရင် ကျွန်တော်တို့အားလုံးဟာ လူတစ်ယောက်ရဲ့အပြုအမူ၊ အနေအထိုင်၊ ပြဿနာတစ်ခုခု၊ ဆုံးဖြတ်ရမယ့် ကိစ္စတစ်ခုခုပေါ်မှာ ကိုယ်တွေမြင်တာနဲ့သာ ဆုံးဖြတ်တတ်ကြတာပါပဲ။ ကိုယ်မသိနိုင်တဲ့အခြားတစ်ဖက်မှာ ဘယ်လိုအကြောင်းပြချက်တွေ၊ အကြောင်းအရာတွေရှိမလဲဆိုတာကို သိပ်မတွေးမိတတ်ကြဘူးလို့ ဆိုလိုချင်တာပါ။ ဘယ်စာအုပ်ထဲက စာသားလဲတော့မမှတ်မိတော့ပါဘူး။
သင့်နှလုံးသားနဲ့ရင်းပြီး ရနိုင်တဲ့အမြတ်များ
တစ်ခုရဖို့ တစ်ခုရင်းရတယ်တဲ့။ သင်နှလုံးသားတစ်ခုလုံးရင်းလိုက်ရတဲ့အခါမှာတော့ သင်ပြန်ရလိုက်တဲ့အရာတွေက သင့်ဘဝအတွက် အများကြီး အဓိပါ္ပယ်ရှိတဲ့အရာတွေဖြစ်ပါစေ။ သင့်နှလုံးသားရင်းရခြင်းဟာ အလကားမဖြစ်စေပါဘဲ သင့်ဘဝပြန်လည်ထူမတ်ဖို့ရာ ခွန်အားတွေအဖြစ်ယူနိုင်အောင်ကြိုးစားလိုက်ပါနော်။
အမှတ်တမဲ့လုပ်မိတတ်သော ငွေကုန်စေတဲ့အရာများ
ကိုဗစ်ကာလအတွင်း Stay Home လုပ်ကြတဲ့အခါ ပိုပြီးငွေကုန်များတယ်လို့ တချို့တွေက ညည်းကြပါတယ်။ အိမ်ထဲမှာပဲနေလိုက် ဘယ်မှမသွားနိုင်ဘဲ အစားချည်းလှိမ့်စားနေကြတာမို့ တစ်လစာဝယ်ထားတာတွေက ၃ပတ်လောက်နဲ့ကုန်ကုန်သွားတတ်တာမို့ ပိုပြီးငွေကုန်များသလိုဖြစ်တော့တာပါပဲ။ အဲဒီလိုငွေကုန်များရတဲ့အထဲက အကြောင်းအရာတော်တော်များများက ကိုယ်တိုင်သတိမထားမိတဲ့အရာအသေးအဖွဲလေးတွေဖြစ်နေတတ်ပါတယ်။ သတိထားမိသလောက်လေးတွေကို ဖော်ပြပေးလိုက်ပါတယ်နော်။
မနေ့ကထက် ဒီနေ့မှာ ပိုတော်လာပါစေ။
လူဆိုတဲ့သဘောက အခြားလူတွေရဲ့ အကျင့်စရိုက်၊ ကောင်းခြင်း၊ ဆိုးခြင်းစသဖြင့် မြင်လွယ်ပါတယ်။ အဲဒါကြောင့် ဝေဖန်ရတာပိုလွယ်တယ်လို့ပြောကြတာပါ။ ပြုပြင်ဖို့သာ ခက်တာပါ။ အဲဒါကြောင့်လည်း အပြစ်မြင်စရာရှိ ပိုမြင်တတ်သလို၊ အားကျစရာရှိလည်း ပိုပြီးအားကျတတ်ပါတယ်။ အဲဒီ့လိုပါပဲ ဝေဖန်စရာရှိလည်း ကိုယ့်ကိုယ်ကိုယ်ဝေဖန်တာထက် အခြားသူကို ဝေဖန်ရတာက ပိုပြီး ဝေဖန်လို့ကောင်းနေတတ်ပါတယ်။ အဲဒါဆိုရင် အခြားသူကို ဝေဖန်လိုက်ပါပြီတဲ့။ ဝေဖန်ခြင်း ၂မျိုးခွဲနိုင်ပါတယ်။ အပြုသဘောနဲ့ ဝေဖန်ခြင်း ရယ်၊ အပျက်သဘောနဲ့ ဝေဖန်ခြင်းရယ်ပါ။ အပြုသဘောနဲ့ဝေဖန်ခြင်းရဲ့ ရည်ရွယ်ချက်ကတော့ စေတနာနဲ့ သူ့ကို ပိုကောင်းစေချင်တဲ့စိတ်ကိုအခြေခံပြီး အကြံပေးလိုက်တဲ့သဘောပါ။ အဲဒီ့ဝေဖန်ချက်ကို တစ်ဖက်လူကလည်း ကောင်းမွန်စွာလက်ခံပြီး ကိုယ့်ကိုယ်ကိုယ်ပြန်သုံးသပ်ပြုပြင်မယ်ဆိုရင် ပိုပြီး အမှားနည်းသွားမယ်၊ ပိုတော်လာမယ်၊ ပိုကောင်းမယ့်အခြေအနေတစ်ခုဖြစ်လာနိုင်တာပေါ့။
တစ်နေ့မှာ လွယ်လွယ်အရှုံးမပေးမိခြင်းအတွက် သင့်ကိုယ်သင် ကျေးဇူးတင်မိလာမှာပါ။
ဒီစကားလေးကို သေချာပြန်တွေးကြည့်ရင် အဓိပ္ပါယ်အများကြီးရှိပါတယ်။ တကယ်လည်း သင်လက်လျှော့ချင်လာတဲ့အခါ အဲဒီစကားလေးကိုတွေးမိရင် တွေးစရာတွေအများကြီးရလာမှာပါ။ ကိုယ့်ကိုယ်ကိုယ်အရမ်း စိတ်ဆင်းရဲ၊ မွန်းကြပ်လွန်းတယ်လို့ထင်နေတဲ့အချိန်မျိုးမှာ လူတိုင်းဟာ ထွက်ပေါက်တစ်ခုခုကို အသည်းအသန်ရှာဖွေတတ်ကြပါတယ်။ အဲဒီ့အခါမှာ ကိုယ်ရွေးလိုက်မိတဲ့ထွက်ပေါက်ဟာ ဘယ်လိုထွက်ပေါက်ဖြစ်မလဲ။ တချို့ကတော့ မွန်းကြပ်မှုတွေထဲကနေ ထွက်ပြေးအရှုံးပေးတဲ့နည်းလမ်းနဲ့ အရှုံးပေးလိုက်ကြပါတယ်။