တစ်ရက်က နာမည်ကြီးတစ်ယောက်ရဲ့ အမျိုးသားက ကလေးအတွက် နေ့လယ်စာ သူကိုယ်တိုင်ဝင်ချက်ပြုတ်နေတဲ့ဗီဒီယိုလေး ကြည့်လိုက်မိပါတယ်။ ကြည့်နေရင်းနဲ့ “တော်လိုက်တာ......သူကကံကောင်းလိုက်တာ၊ သူ့အမျိုးသားလေး တော်လိုက်တာ” ဆိုတဲ့အတွေးတွေတန်းစီနေခဲ့ပြီး၊ သူတို့မိသားစုလေးကို ကြည့်ပြီး ပီတိဖြစ် ကြည်နူးမိပါတယ်။ ကျွန်မတို့ မြန်မာနိုင်ငံမှာက မီးဖိုချောင် ဝင်ပြီး ကူညီချက်ပြုတ်ပေးတတ်တဲ့ အိမ်ထောင်ဦးစီးမျိုးရထားတဲ့ မိန်းမတစ်ယောက်ကို အရမ်းကို အထူးတလည်ကံကောင်းသူအဖြစ်သတ်မှတ်တတ်ကြပါတယ်။
သင့်ဘဝမှာ သင်ဖြစ်ချင်တာတွေဖြစ်အောင်လုပ်နိုင်ဖို့ရာ ရှိသင့်တဲ့လက်နက် (၂) ခု
သင့်ဘဝမှာ သင်ဖြစ်ချင်တာတွေဖြစ်အောင်လုပ်နိုင်ဖို့ရာ ရှိသင့်တဲ့လက်နက် (၂) ခုဟာ ကျန်းမာခြင်းနဲ့ စိတ်ချမ်းသာခြင်းပါ။
သင့်ဘဝကို ပျက်စီးစေနိုင်တဲ့ အဆိုးဝါးဆုံးသော အကျင့်က ဘာဖြစ်မလဲ။❓
သင့်ဘဝကို ပျက်စီးစေနိုင်တဲ့ အဆိုးဝါးဆုံးသော အကျင့်က ဘာဖြစ်မလဲ။❓
လူတစ်ယောက်ရဲ့ အမှားကိုချည်းမြင်ပြီး အပြစ်တင်နေခြင်းက ဆိုးရွားပါတယ်။
လောကမှာ အမှားမရှိတဲ့သူဆိုတာမရှိနိုင်ပါဘူး။ “မမှားသောရှေ့နေ၊ မသေသောဆေးသမား”ဆိုတဲ့စကားပုံလိုပေါ့၊ လူတိုင်းဟာ အမြဲမှန်ကန်နေတဲ့လူဆိုတာမရှိနိုင်ပါဘူး။ ဒါပေမယ့်လည်း “မမှားတဲ့လူဆိုတာမရှိဘူး” ဆိုတာကိုချည်း လက်ကိုင်ထားပြီး တစ်သက်လုံးမှားနေလို့လည်းမဖြစ်ပြန်ပါဘူး။ အမှားတွေထဲကနေ သင်ခန်းစာယူပြီး အလားတူအမှားမျိုးမဖြစ်အောင် ကြိုးစားကြရတာပါပဲ။ အဲဒါမှသာ အမှားနည်းတဲ့လူဖြစ်လာမှာပါ။ နောက်ထပ်ဆိုးဝါးတဲ့အကျင့်တစ်ခုကတော့ လူတစ်ယောက်ရဲ့အမှားကိုချည်းထောက်ပြပြီး အမှားရှာတတ်တဲ့အကျင့်ပါပဲ။
အချိန်တိုင်း သင့်ဖုန်းကိုချည်း အာရုံမရောက်မိစေဖို့ လုပ်သင့်တဲ့အလေ့အကျင့်များ
ဒီနေ့ခေတ်မှာ ဖုန်းက လူတိုင်းမရှိမဖြစ်တဲ့အရာတစ်ခုဖြစ်လာပါတယ်။ အားနေတာနဲ့ ဖုန်းကို ပွတ်လိုက်မယ်ဆိုတဲ့အတွေးတွေးမိမှန်းမသိဘဲနဲ့ကို ဖုန်းကို ပွတ်မိရက်သားဖြစ်နေတာပါပဲ။ အဲဒီ့အခါ ဖုန်းသုံးရင်းအချိန်ကုန်မှန်းမသိ ကုန်သွားပါတော့တယ်။ အဲဒါကြောင့် ဖုန်းကို မလိုအပ်ရင်မသုံးဖို့နဲ့ တခါတလေ အပျင်းပြေဖို့အတွက် သုံးဖို့၊ တခုခုအကျိုးရှိအောင်သင်ယူဖို့အတွက်သာသုံးမယ်ဆိုတဲ့အတွေးနဲ့ ဆုံးဖြတ်ချက်ချထားဖို့လိုပါတယ်။ ဘာမှထိရောက်တဲ့အလုပ်မလုပ်ဖြစ်ဘဲ အချိန်ကုန်သွားတတ်တာမို့ပါ။
အလုပ်ခွင်ထဲမှာ ကြုံရတဲ့ အနိုင်ကျင့်မှုတွေကို ဘယ်လိုဖြေရှင်းမလဲ။
အလုပ်ခွင်ထဲမှာ အမျိုးမျိုးသော အနိုင်ကျင့်မှုတွေကို ကြုံဖူးကြလား။ စိတ်ပိုင်းဆိုင်ရာထိခိုက်အောင်လုပ်တာဖြစ်ဖြစ်၊ နှုတ်အားဖြင့် ထိခိုက်အောင်ပြောဆိုတာဖြစ်ဖြစ်၊ ကိုယ်မတတ်မသိသေးတဲ့အလုပ်ခွင်အတွက်သင်ယူနေတဲ့အခါမျိုးမှာ ကိုယ့်ကိုတမင်ချန်ထားတာမျိုး၊ အဖက်မလုပ်တာမျိုး၊ ကိုယ့်ကိုဘာမှမတတ်တဲ့ငတုံးတစ်ယောက်လို ဆက်ဆံသွားတာမျိုး၊ တချို့ကျပြန်တော့လည်း ကိုယ့်ကို နှိမ်ခံဖက်လို့ ပြုမူသွားတာမျိုးတွေပေါ့။ အဲဒီလိုအပြုအမူတွေနဲ့ အနိုင်ကျင့်တာဖြစ်ဖြစ်၊ နှုတ်ဖြင့်အနိုင်ကျင့်တာဖြစ်ဖြစ်၊ လုပ်ငန်းခွင်အတွင်းတနည်းနည်းနဲ့အနိုင်ကျင့်တတ်သူမျိုးကြုံလာခဲ့ရင် လုပ်သင့်တဲ့အချက်လေးတွေဖော်ပြလိုက်ပါတယ်။
"ဘယ်အချိန်မျိုးမှာမဆို အနားမှာ အတူတူ ကြံ့ကြံ့ခံနိုင်အောင် အားပေးခဲ့လို့ ကျေးဇူးအများကြီးတင်ပါတယ်"
"ဘယ်အချိန်မျိုးမှာမဆို အနားမှာ အတူတူ ကြံ့ကြံ့ခံနိုင်အောင် အားပေးခဲ့လို့ ကျေးဇူးအများကြီးတင်ပါတယ်"
" မေ့ပစ်ခြင်းနဲ့အတူ ခွင့်လွှတ်လိုက်ပါ။"
အသက်အရယ်လေးတစ်ခုရလာတော့ အရာအားလုံးကို ကိုယ်ပိုင်ဆိုင်သင့်တယ်ဆိုပြီး ဆုပ်ကိုင်ထားတာထက် အချို့အရာတွေကို ရဲရဲဝင့်ဝင့်လက်လွှတ်တတ်ခြင်းကလည်း ကိုယ့်အတွက်ပဲဆိုတာ ပိုသဘောပေါက်လာမိတယ်။ အသက်ငယ်ချိန်၊ စိတ်ဓာတ်တက်ကြွချိန် လူငယ်အရွယ်တွေမှာက များသောအားဖြင့် ကိုယ်လုပ်ယူရင်ရနိုင်တယ်၊ ဘာမဆိုဖြစ်နိုင်တဲ့ဆိုတဲ့အတွေးမျိုးနဲ့ လတ်ဆတ်နေတတ်ပေမယ့် အသက်တစ်ခုရလာတဲ့အခါ ဘဝမှာကျင်လည်ရတဲ့အတွေ့အကြုံများလာတဲ့အခါမှာတော့ အချို့အရာတွေက ဆုပ်ကိုင်ထားနိုင်တိုင်း မကောင်းဘူးဆိုတာ ပိုသိလာမိတာပါပဲ။ အဲဒါကြောင့်ပဲ လူရွယ်လူလတ်နဲ့ လူကြီးပိုင်းတွေရဲ့အတွေးအမြင်တွေမတူဘူးရယ်လို့ ဖြစ်နေကြတာပါ။
အိမ်တွင်းအကြမ်းဖက်မှုကို ဘယ်လိုရင်ဆိုင်ဖြေရှင်းမလဲ။
အိမ်တွင်းအကြမ်းဖက်မှု ဆိုတာ မိသားစုတွင်းမှာဖြစ်ဖြစ်၊ ရင်းနှီးသူတစ်ယောက်ယောက်ကဖြစ်စေ ရည်ရွယ်ချက်ရှိရှိ ဆိုးဝါးကြမ်းတမ်းတဲ့အပြုအမူ၊ အပြောအဆိုမျိုးတွေနဲ့ အနိုင်ကျင့်ခြင်းဖြစ်ပါတယ်။ တနည်းအားဖြင့်တော့ မြန်မာပြည်မှာ မိသားစုတွင်းဖြစ်ပွားတတ်တဲ့အိမ်တွင်းအကြမ်းဖက်မှုတွေကို အခြားဘေးပတ်ဝန်းကျင်ကလူတွေက မိသားစုကိစ္စပဲဆိုပြီး ဝင်ပါဖြေရှင်းလေ့မရှိကြပါဘူး။ အုဲါကြောင့်ကိုပဲ အိမ်တွင်းအကြမ်းဖက်မှုလို့ ခေါင်းစဥ်တပ်လို့ရပမေယ့် ခေါင်းစဥ်မတပ်ဝံ့ကြဘဲ ကြိတ်ခံနေကြတာမျိုးတွေ အများကြီးဖြစ်လာပါတယ်။
အတတ်နိုင်ဆုံး သင့်အသုံးစရိတ်ကို သက်သာစေနိုင်သောနည်းလမ်းများ
သင့်ရဲံအသုံးစရိတ်တွေကို ထိန်းချုပ်လို့မရဘူးဖြစ်နေတယ်၊ ဘာတွေကုန်မှန်းမသိပေမယ့် လက်ထဲမှာ ငွေမကျန်ဘဲ ပြိုက်ခနဲကုန်သွားတတ်တယ်ဆိုရင်တော့ သင့်ငွေအသုံးကို သေချာဆန်းစစ်ဖို့လိုနေပါပြီ။ အဲဒါကြောင့် သင့်လက်ထဲမှာ ရှိတဲ့ငွေကို ဘယ်လိုမျိုး အသက်သာဆုံးဖြစ်အောင် သုံးမလဲဆိုတာမျိုးကိုလည်း သင်စဥ်းစားရပါလိမ့်မယ်။ အဲဒီလိုမဟုတ်ရင်တော့ ငွေကြေးနဲ့ပတ်သက်ရင် မုန့်လုံးစက္ကူကပ်နေသလို ဒုံရင်းကဒုံရင်းပဲဖြစ်နေပြီး ဘယ်တော့မှ ငွေပိုငွေလျှံရယ်လို့ရှိမှာမဟုတ်ပါဘူး။
သင့်ကိုမချစ်ချင်တဲ့သူအတွက် စိတ်အပင်ပန်းခံမနေပါနဲ့တော့။ အဲဒီ့အစား သင့်ကိုသင်သာပိုချစ်လိုက်ပါ။
အချစ်ဆိုတာ လူပေါ်မူတည်ပြီး အမျိုးမျိုးအဓိပ္ပါယ်ဖွင့်ကြမယ်ထင်ပါတယ်။ ကိုယ်ကအချစ်ခံ၊ ဂရုစိုက်ခံနေရတာကိုမှ ကြိုက်တဲ့လူအတွက်ကတော့ အချစ်ဆိုတာ အချစ်ခံရဖို့လို့ အဓိပ္ပါယ်သတ်မှတ်နိုင်သလို၊ ကိုယ်က အရိပ်တကြည့်ကြည့် ငေးကြည့်နေရတာကြိုက်တဲ့လူအတွက် အချစ်ဆိုတာ ငေးကြည့်ရင်း ပျော်ရွှင်မှုလို့ အဓိပ္ပါယ်ဖွင့်ချင်လည်းဖွင့်နိုင်တာပါပဲ။ ဒါပေမယ့် သေချာတာတစ်ခုကတော့ လုပ်ယူလို့မရပါဘူးဆိုတာပါပဲ။ ကိုယ်လုံးဝချစ်လို့မရတဲ့လူမျိုးကို မျက်စိစုံမှိတ်ချစ်ကြည့်ဖို့ဆိုတာ လုံးဝမဖြစ်နိုင်တဲ့အရာပါပဲ။ လူအတော်များများဟာ အချစ်ကြောင့် ပျော်ရွှင်ဖူးမယ်၊ အချစ်ကြောင့်ကြေကွဲဖူးမယ်၊ အချစ်ကြောင့် နာကျင်ဖူးကြမှာပါ။ အဲဒီ့ထဲမှာမှ အဆိုးဝါးဆိုးကတော့ ကိုယ့်ကိုလုံးဝပြန်မချစ်နိုင်တဲ့သူကိုမှ ချစ်မိနေခြင်းပါပဲ။ အဲဒီ့အချစ်ဟာ မျှော်လင့်ခြင်း၊ စောင့်မျှော်ခြင်းတွေနဲ့ အသားကျပြီး ဘယ်တော့ရလာမယ်မှန်းမသိတဲ့အရာကို စောင့်မျှော်နေတာမို့ အချိန်ကုန်၊ လူစိတ်ပင်ပန်းရတာများပါတယ်။