မိန်းမလိုက်စားခြင်းကြောင့် ဘဝမည်သို့ပျက်နိုင်ပါသလဲ။
အပျော်အပါးလိုက်စားခြင်းက ဘယ်လိုမျိုးဘဝတွေကိုပျက်စေနိုင်ပါသလဲ၊ တော်တော်များများက သိပြီးသားဖြစ်ပေမယ့် တစ်ချို့ကသတိမမူတတ်ကြပါဘူး။ အိမ်ထောင်ဦးစီးတစ်ယောက်က မိန်းမလိုက်စားလိုက်တဲ့အခါ အဲဒီ့အိမ်ထောင်ဦးစီးတစ်ယောက်တည်းရဲ့ဘဝတစ်ခုတည်း ပျက်ရတာမဟုတ်ပါဘူး။ ထိုအိမ်ထောင်ဦးစီးနဲ့ပတ်သက်တဲ့ မိသားစုဝင်အားလုံးရဲ့ဘဝတွေပါ ပျက်စီးသွားနိုင်ပါတယ်။ အိမ်ထောင်ဦးစီးတော့မဟုတ်ဘူး ……ကိုယ်တွေက တစ်ယောက်တည်းသမားမို့ မိန်းမလိုက်စားတယ်၊ ဘာမှမဖြစ်ဘူးလို့များမထင်ပါနဲ့။ သင့်ဘဝကို သင်ကိုယ်တိုင်ဖျက်ဆီးပစ်နေတာနဲ့အတူတူပါပဲ။ အဲဒါအပြင် သင့်က တကယ်ချစ်ခင်နှစ်သက်သဘောကျလို့ လက်ထပ်ယူမယ့်အမျိုးကောင်းသမီးတွေ့လာတဲ့အခါ သင့်ကပါ သူ့ကို ဖျက်ဆီးသွားတဲ့တရားခံတောင်ဖြစ်နိုင်ပါသေးတယ်နော်။ အဲဒါအပြင် သင့်ရဲ့အနေအထိုင်မဆင်ခြင်မှုက သင့်ရဲ့မိဘ၊ ဆွေမျိုးအပေါင်းအသင်းတွေကိုတောင် ဖျက်ဆီးပစ်နိုင်ပါတယ်။ ဟုတ်ပါပြီ…..မိန်းမလိုက်စားရုံလောက်နဲ့များ ဘာလို့ဘဝတွေအများကြီး ပျက်စီးရမှာလို့ မေးစရာရှိပါတယ်။ အဓိက ပျက်စီးစေမယ့်အကြောင်းရင်းတွေ ရှိပါတယ်။ အဲဒါတွေကို ဖတ်ကြည့်လိုက်ပါအုံး။
သစ်ပင်စိုက်ခြင်း၏ အကျိုးကျေးဇူးများ
သစ်ပင်စိုက်ခြင်းက ပတ်ဝန်းကျင်အတွက် ဘယ်လောက်အကျိုးကျေးဇူးများတယ်ဆိုတာ ပြောဖို့တောင်လိုမယ်မထင်ပါဘူးနော်။ ဒီနေ့ခေတ်လို့ အရမ်းတိုးတက်လာတဲ့ခေတ်မှာ ပတ်ဝန်းကျင်ထိခိုက်မှုတွေ၊ ညစ်ညမ်းမှုတွေ ပိုလို့တောင်ဖြစ်လာပါသေးတယ်။ အဲဒါကြောင့် အပင်တွေပိုပြီး စိုက်ပျိုးသင့်ပါတယ်။ သဘာဝဘေးအန္တရာယ်တွေအမျိုးမျိုးဖြစ်လာရခြင်းကလည်း အပင်တွေဆုံးရှုံးခြင်းကြောင့်ပါ။ အပင်စိုက်ခြင်းအကျိုးကို သေချာလေးသိရအောင် ရေးပေးလိုက်ပါတယ်။ ၁) အပင်တွေက ရာသီဥတုကို ပြောင်းလဲခြင်းကို အံတုနိုင်ပါတယ်။ ကျွန်တော်တို့ရဲ့ ကမ္ဘာ့လေထုမှာ ကာဗွန်ဒိုင်အောက်ဆိုဒ်ဓာတ်ငွေ့တွေများပြားလာမှုကြောင့် ရာသီဥတုပြောင်းလဲမှုတွေဖြစ်လာရပါတယ်။ အပင်တွေက ကာဗွန်ဒိုင်အောက်ဆိုဒ်ကို စုပ်ယူထားပြီး ပတ်ဝန်းကျင်မှဖယ်ရှားပေးနိုင်ပါတယ်။ ပြီးတော့ ကာဗွန်ဒိုင်အောက်ဆိုဒ်ကို သိုလှောင်ထားပြီး အောက်ဆီဂျင်ကိုပြန်လည်ထုတ်လွှတ်ပေးပါတယ်။ တစ်နှစ်မှာ တစ်ဧကခန့်ရှိတဲ့သစ်ပင်တွေက သင့်ရဲ့ကားမိုင်ပေါင်း ၂၆၀၀၀ မိုင်မောင်းနှင်ပြီးထွက်လာတဲ့ ကာဗွန်ဒိုင်အောက်ဆိုက်ဓာတ်ငွေ့ပမာဏတွေကို စုပ်ယူနိုင်ပါတယ်။ ၂) အပင်တွေက လေထုကို သန့်ရှင်းစေနိုင်ပါတယ် မကောင်းတဲ့ဓာတ်ငွေ့တွေကို သူတို့ရဲ့အရွက်တွေနဲ့ ပင်စည်က စုပ်ယူနိုင်ပါတယ်။ အထူးသဖြင့် အမိုးနီးယား၊ ဆာလဖာဒိုင်အောက်ဆိုက်၊ နိုက်ထရိုဂျင်အောက်ဆိုဒ်၊ အိုဇုန်း စသည့်ဓာတ်ငွေ့တွေကို စုပ်ယူတဲ့အတွက် လေထုကို သန့်ရှင်းသွားစေနိုင်ပြီး သန့်စင်သွားအောင်လည်း စစ်ထုတ်ပေးနိုင်ပါတယ်။ ၃) အပင်တွေက အောက်ဆီဂျင်ဓာတ်ကိုပေးပါတယ်။ တစ်နှစ်မှာ တစ်ဧကခန့်ရှိတဲ့အပင်တွေကနေ လူပေါင်း၁၈ယောက်အတွက် အောက်ဆီဂျင်လုံလုံလောက်လောက်ထုတ်ပေးနိုင်ပါတယ်။ ၄) အပင်တွေက မြို့တွေ၊ လမ်းတွေကို အေးချမ်းစေပါတယ်။ Los Angeles မြို့မှာ လွန်ခဲ့တဲ့နှစ်ငါးဆယ်ခန့်ကတည်းက ပျမ်းမျှအပူချိန်ထက် ၆ဒီဂရီဖာရင်ဟိုက် မြင့်တက်လျက်ရှိပါတယ်။ အပင်တွေက အုပ်လွှမ်းပြီး လမ်းတွေ အိမ်တွေကို အပူဒဏ်ကနေကာကွယ်ပေးထားပါတယ်။ အိမ်တွေနဲ့လမ်းတွေကို တစ်ဆယ်ဒီဂရီဖာရင်ဟိုက်အထိ အေးစေပါတယ်။ သစ်ပင်ရဲ့ အရွက်တွေကတဆင့် လေထုထဲကို ရေငွေ့တွေထုတ်လွှတ်ပေးပါတယ်။ ၅) အပင်တွေက စွမ်းအင်တွေမဆုံးရှုံးအောင် ထိန်းသိမ်းပေးနိုင်ပါတယ်။ အိမ်တစ်အိမ်မှာ နွေရာသီပူပြင်းမှုကို ကာကွယ်နိုင်အောင် လေအေးစက်အသုံးပြုခြင်းကြပါတယ်။ အပင်တွေကြောင့် လမ်းတွေအိမ်တွေကို အပူသက်သာစေတဲ့အခါ မလိုအပ်ပဲလေအေးပေးစက်မသုံးဖြစ်တော့ပါဘူး။ ထိုအခါ လေထုညစ်ညမ်းမှုဖြစ်စေတဲ့ဓာတ်ငွေ့တွေထုတ်လွှတ်မှုနည်းသွားစေပါတယ်။ စွမ်းအင်တွေလည်း အလဟသမကုန်တော့သလို လေထုလည်းမညစ်ညမ်းနိုင်တော့ပါဘူး။ ၆) ရေကုန်ဆုံးခြင်းကို ကာကွယ်နိုင်ပါတယ်။ အပင်တွေက ရတဲ့အရိပ်ကြောင့် ရေလိုအပ်နေတဲ့ မြက်ခင်းတွေမှာ ရေငွေ့ပျံခြင်းကို သက်သာစေပြီး မြစ်ချောင်းအင်းအိုင်များမှ ရေငွေ့ပျံခြင်းကို သက်သာစေနိုင်ပါတယ်။ လောလောလတ်လတ်စိုက်ပျိုးထားတဲ့အပင်သစ်လေးတွေက တစ်ပတ်မှာ ရေ ငါးဂါလံလောက်ပဲလိုအပ်ပါတယ်။ သစ်ပင်တွေကနေ ရေငွေ့တွေပြန်ထုတ်ပေးတဲ့အတွက်ကြောင့် ကမ္ဘာ့လေထုကို ပြန်ပြီးစိုစွတ်စေပါတယ်။ ၇) ရေထုညစ်ညမ်းခြင်းကို ကာကွယ်ဖို့ ကူညီပေးနိုင်ပါတယ်။ အပင်ရဲ့ပင်စည်ကနေ ရေတွေက အပင်ရဲ့အောက်ခြေမြေကြီးတွေထဲကို ရောက်သွားပါတယ်။ အဲဒါက အညစ်အကြေးတွေကို ပင်လယ်ထဲအရှိန်ပြင်းပြင်းစီးဆင်းတာမျိုးမဖြစ်အောင် ကာကွယ်ပေးနိုင်ပါတယ်။ ပြီးတော့ စိုက်ပျိုးထားတဲ့အပင်တွေအတွက် ဖြန့်ကျဲထားတတ်တဲ့ သစ်ရွက်ဆွေးတွေ ၊ ကောက်ရိုးဆွေးတွေကိုလည်း သဘာဝအရ ရေမြုပ်ပုံစံလိုမျိုး စစ်ထုတ်ပေးနိုင်အောင် အပင်တွေရဲ့ အမြစ်တွေက ဆောင်ရွက်နိုင်ပါတယ်။ အဲဒါအပြင် မြေအောက်ရေပြန်လည်ရရှိအောင် ပြန်လည်ထောက်ပံ့ပေးနိုင်ပါသေးတယ်။ ၈) မြေတိုက်စားခြင်းမှ ကာကွယ်ဖို့ ကူညီပေးနိုင်ပါတယ်။ တောင်ခါးပန်းတွေလိုနေရာမျိုး၊ စမ်းချောင်းတွေစီးဆင်းနေတဲ့ ကုန်းလျှောမြေလိုနေရာမျိုးတွေမှာ ရှိတဲ့အပင်တွေက မြေကြီးတွေကို တိုက်စားမှုမဖြစ်အောင် အမြစ်တွေနဲ့ ကုတ်တွယ်ထားနိုင်ပါတယ်။ အဲဒါကြောင့် မြေတိုက်စားခြင်း၊ မြေပြိုခြင်းတွေ မဖြစ်နိုင်တော့ပါဘူး။ ၉) ကလေးတွေကို ခရမ်းလွန်ရောင်ခြည်ဒဏ်မှ ကာကွယ်ပေးနိုင်ပါတယ်။ အမေရိကန်ပြည်ထောင်စုမှာ အရေပြားကင်ဆာက အဖြစ်များဆုံးရောဂါတစ်ခုထဲမှာ ပါဝင်ပါတယ်။ အပင်တွေက နေရောင်ခြည်မှ UV B နဲ့ထိတွေ့နရခြင်းမှ ၅၀ရာခိုင်နှုန်းလျှော့ချပေးနိုင်ပါတယ်။ အဲဒါကြောင့် ကလေးသူငယ်တွေရဲ့ ကစားကွင်းတွေနဲ့ ကျောင်းဝင်းတွေမှာ အပင်တွေနဲ့ အရိပ်ရနေအောင် စီမံထားသင့်ပါတယ်။ ၁၀) အစားအစာတွေကို စီမံပေးနိုင်ပါတယ်။ ပန်းသီးပင်တစ်ပင်က ပန်းသီးပေါင်း တစ်နှစ်မှာ ရှစ်ဂါလံဝင်တဲ့ တင်းတောင်းပေါင်း ၁၅ - ၂၀ လောက်ထိ ထွက်နိုင်ပါတယ်။ အပင်တွေက လူတွေအတွက် စားစရာအသီးအနှံတွေသာမက ငှက်တွေနဲ့ သားရဲတိရစ္ဆာန်တွေအတွက်လည်း စားစရာဖန်တီးပေးပါတယ်။ ၁၁) ရောဂါတွေကို ကုသပေးနိုင်ပါတယ်။ လေ့လာတွေ့ရှိချက်အရ ပြတင်းပေါက်မှာ အပင်တွေ အမြဲစိမ်းစိုနေတာမြင်တွေ့နေတတ်တဲ့ လူနာတွေက အမြန်ဆုံးရောဂါပျောက်ကင်းနိင်တာကိုတွေ့ရပါတယ်။ Attention Deficit Hyperacitivity Disorder (ADHD) ရေဂါဝေဒနာရှင် ကလေးသူငယ်တွေမှာ သဘာဝတရားကို လက်ခံရတဲ့အခါ ရောဂါလက္ခဏာတွေလျော့နည်းလာတာကိုတွေ့ရပါတယ်။ သစ်ပင်တွေနဲ့ ထိတွေ့ခြင်း၊ သဘာဝတရားကိုလက်ခံရခြင်းက စိတ်ပိုင်းဆိုင်ရာမောပန်းနွမ်းနယ်မှုတွေကိုလည်း လျော့ကျစေပါတယ်။ ၁၂) ခရမ်းလွန်ရောင်ခြည်ကို လျှော့ကျစေနိုင်ပါတယ်။ အိမ်အနီးဝန်းကျင် အိမ်အတွင်းအပြင်ကို ခရမ်းလွန်ရောင်ခြည်ပြင်းပြင်းထန်ထန်ရောက်ရှိခြင်း ဒဏ်မှ လျှော့ကျစေပါတယ်။ အပင်တွေနဲ့ သဘာဝရှုခင်းတွေကြောင့် ခရမ်းလွန်ရောင်ခြည်ဓာတ်များပြားစွာ ကျရောက်ခြင်းဒဏ်ကို ကြောက်လန့်နေစရာမလိုတော့ပါဘူး။ အထက်ပါအချက်တွေက အပင်တွေကို စိုက်ပျိုးခြင်းကြောင့်ရရှိနိုင်မယ့်အကျိုးကျေးဇူးတွေပါ။ ပတ်ဝန်းကျင်စိမ်းစိုနေစေဖို့ အားလုံးပဲ အပင်တွေစိုက်ပျိုးသင့်ပါတယ်နော်။ ကိုယ့်ပတ်ဝန်းကျင်မှာ အပင်လေးတွေ စိုက်ပျိုးခြင်းကြောင့် မိမိကိုယ်တိုင်သာမက အနီးအနားပတ်ဝန်းကျင်အတွက်ကော နောင်နှစ်ပေါင်းများစွာအထိ အကျိုးရှိနေစေမှာပါ။ https://www.treepeople.org/tree-benefits ၁၄) သစ်ပင်စိုက်ခြင်း၏ အကျိုးကျေးဇူးများ သစ်ပင်စိုက်ခြင်းက ပတ်ဝန်းကျင်အတွက် ဘယ်လောက်အကျိုးကျေးဇူးများတယ်ဆိုတာ ပြောဖို့တောင်လိုမယ်မထင်ပါဘူးနော်။ ဒီနေ့ခေတ်လို့ အရမ်းတိုးတက်လာတဲ့ခေတ်မှာ ပတ်ဝန်းကျင်ထိခိုက်မှုတွေ၊ ညစ်ညမ်းမှုတွေ ပိုလို့တောင်ဖြစ်လာပါသေးတယ်။ အဲဒါကြောင့် အပင်တွေပိုပြီး စိုက်ပျိုးသင့်ပါတယ်။ သဘာဝဘေးအန္တရာယ်တွေအမျိုးမျိုးဖြစ်လာရခြင်းကလည်း အပင်တွေဆုံးရှုံးခြင်းကြောင့်ပါ။ အပင်စိုက်ခြင်းအကျိုးကို သေချာလေးသိရအောင် ရေးပေးလိုက်ပါတယ်။ ၁) အပင်တွေက ရာသီဥတုကို ပြောင်းလဲခြင်းကို အံတုနိုင်ပါတယ်။ ကျွန်တော်တို့ရဲ့ ကမ္ဘာ့လေထုမှာ ကာဗွန်ဒိုင်အောက်ဆိုဒ်ဓာတ်ငွေ့တွေများပြားလာမှုကြောင့် ရာသီဥတုပြောင်းလဲမှုတွေဖြစ်လာရပါတယ်။ အပင်တွေက ကာဗွန်ဒိုင်အောက်ဆိုဒ်ကို စုပ်ယူထားပြီး ပတ်ဝန်းကျင်မှဖယ်ရှားပေးနိုင်ပါတယ်။ ပြီးတော့ ကာဗွန်ဒိုင်အောက်ဆိုဒ်ကို သိုလှောင်ထားပြီး အောက်ဆီဂျင်ကိုပြန်လည်ထုတ်လွှတ်ပေးပါတယ်။ တစ်နှစ်မှာ တစ်ဧကခန့်ရှိတဲ့သစ်ပင်တွေက သင့်ရဲ့ကားမိုင်ပေါင်း ၂၆၀၀၀ မိုင်မောင်းနှင်ပြီးထွက်လာတဲ့ ကာဗွန်ဒိုင်အောက်ဆိုက်ဓာတ်ငွေ့ပမာဏတွေကို စုပ်ယူနိုင်ပါတယ်။ ၂) အပင်တွေက လေထုကို သန့်ရှင်းစေနိုင်ပါတယ် မကောင်းတဲ့ဓာတ်ငွေ့တွေကို သူတို့ရဲ့အရွက်တွေနဲ့ ပင်စည်က စုပ်ယူနိုင်ပါတယ်။ အထူးသဖြင့် အမိုးနီးယား၊ ဆာလဖာဒိုင်အောက်ဆိုက်၊ နိုက်ထရိုဂျင်အောက်ဆိုဒ်၊ အိုဇုန်း စသည့်ဓာတ်ငွေ့တွေကို စုပ်ယူတဲ့အတွက် လေထုကို သန့်ရှင်းသွားစေနိုင်ပြီး သန့်စင်သွားအောင်လည်း စစ်ထုတ်ပေးနိုင်ပါတယ်။ ၃) အပင်တွေက အောက်ဆီဂျင်ဓာတ်ကိုပေးပါတယ်။ တစ်နှစ်မှာ တစ်ဧကခန့်ရှိတဲ့အပင်တွေကနေ လူပေါင်း၁၈ယောက်အတွက် အောက်ဆီဂျင်လုံလုံလောက်လောက်ထုတ်ပေးနိုင်ပါတယ်။ ၄) အပင်တွေက မြို့တွေ၊ လမ်းတွေကို အေးချမ်းစေပါတယ်။ Los Angeles မြို့မှာ လွန်ခဲ့တဲ့နှစ်ငါးဆယ်ခန့်ကတည်းက ပျမ်းမျှအပူချိန်ထက် ၆ဒီဂရီဖာရင်ဟိုက် မြင့်တက်လျက်ရှိပါတယ်။ အပင်တွေက အုပ်လွှမ်းပြီး လမ်းတွေ အိမ်တွေကို အပူဒဏ်ကနေကာကွယ်ပေးထားပါတယ်။ အိမ်တွေနဲ့လမ်းတွေကို တစ်ဆယ်ဒီဂရီဖာရင်ဟိုက်အထိ အေးစေပါတယ်။ သစ်ပင်ရဲ့ အရွက်တွေကတဆင့် လေထုထဲကို ရေငွေ့တွေထုတ်လွှတ်ပေးပါတယ်။ ၅) အပင်တွေက စွမ်းအင်တွေမဆုံးရှုံးအောင် ထိန်းသိမ်းပေးနိုင်ပါတယ်။ အိမ်တစ်အိမ်မှာ နွေရာသီပူပြင်းမှုကို ကာကွယ်နိုင်အောင် လေအေးစက်အသုံးပြုခြင်းကြပါတယ်။ အပင်တွေကြောင့် လမ်းတွေအိမ်တွေကို အပူသက်သာစေတဲ့အခါ မလိုအပ်ပဲလေအေးပေးစက်မသုံးဖြစ်တော့ပါဘူး။ ထိုအခါ လေထုညစ်ညမ်းမှုဖြစ်စေတဲ့ဓာတ်ငွေ့တွေထုတ်လွှတ်မှုနည်းသွားစေပါတယ်။ စွမ်းအင်တွေလည်း အလဟသမကုန်တော့သလို လေထုလည်းမညစ်ညမ်းနိုင်တော့ပါဘူး။ ၆) ရေကုန်ဆုံးခြင်းကို ကာကွယ်နိုင်ပါတယ်။ အပင်တွေက ရတဲ့အရိပ်ကြောင့် ရေလိုအပ်နေတဲ့ မြက်ခင်းတွေမှာ ရေငွေ့ပျံခြင်းကို သက်သာစေပြီး မြစ်ချောင်းအင်းအိုင်များမှ ရေငွေ့ပျံခြင်းကို သက်သာစေနိုင်ပါတယ်။ လောလောလတ်လတ်စိုက်ပျိုးထားတဲ့အပင်သစ်လေးတွေက တစ်ပတ်မှာ ရေ ငါးဂါလံလောက်ပဲလိုအပ်ပါတယ်။ သစ်ပင်တွေကနေ ရေငွေ့တွေပြန်ထုတ်ပေးတဲ့အတွက်ကြောင့် ကမ္ဘာ့လေထုကို ပြန်ပြီးစိုစွတ်စေပါတယ်။ ၇) ရေထုညစ်ညမ်းခြင်းကို ကာကွယ်ဖို့ ကူညီပေးနိုင်ပါတယ်။ အပင်ရဲ့ပင်စည်ကနေ ရေတွေက အပင်ရဲ့အောက်ခြေမြေကြီးတွေထဲကို ရောက်သွားပါတယ်။ အဲဒါက အညစ်အကြေးတွေကို ပင်လယ်ထဲအရှိန်ပြင်းပြင်းစီးဆင်းတာမျိုးမဖြစ်အောင် ကာကွယ်ပေးနိုင်ပါတယ်။ ပြီးတော့ စိုက်ပျိုးထားတဲ့အပင်တွေအတွက် ဖြန့်ကျဲထားတတ်တဲ့ သစ်ရွက်ဆွေးတွေ ၊ ကောက်ရိုးဆွေးတွေကိုလည်း သဘာဝအရ ရေမြုပ်ပုံစံလိုမျိုး စစ်ထုတ်ပေးနိုင်အောင် အပင်တွေရဲ့ အမြစ်တွေက ဆောင်ရွက်နိုင်ပါတယ်။ အဲဒါအပြင် မြေအောက်ရေပြန်လည်ရရှိအောင် ပြန်လည်ထောက်ပံ့ပေးနိုင်ပါသေးတယ်။ ၈) မြေတိုက်စားခြင်းမှ ကာကွယ်ဖို့ ကူညီပေးနိုင်ပါတယ်။ တောင်ခါးပန်းတွေလိုနေရာမျိုး၊ စမ်းချောင်းတွေစီးဆင်းနေတဲ့ ကုန်းလျှောမြေလိုနေရာမျိုးတွေမှာ ရှိတဲ့အပင်တွေက မြေကြီးတွေကို တိုက်စားမှုမဖြစ်အောင် အမြစ်တွေနဲ့ ကုတ်တွယ်ထားနိုင်ပါတယ်။ အဲဒါကြောင့် မြေတိုက်စားခြင်း၊ မြေပြိုခြင်းတွေ မဖြစ်နိုင်တော့ပါဘူး။ ၉) ကလေးတွေကို ခရမ်းလွန်ရောင်ခြည်ဒဏ်မှ ကာကွယ်ပေးနိုင်ပါတယ်။ အမေရိကန်ပြည်ထောင်စုမှာ အရေပြားကင်ဆာက အဖြစ်များဆုံးရောဂါတစ်ခုထဲမှာ ပါဝင်ပါတယ်။ အပင်တွေက နေရောင်ခြည်မှ UV B နဲ့ထိတွေ့နရခြင်းမှ ၅၀ရာခိုင်နှုန်းလျှော့ချပေးနိုင်ပါတယ်။ အဲဒါကြောင့် ကလေးသူငယ်တွေရဲ့ ကစားကွင်းတွေနဲ့ ကျောင်းဝင်းတွေမှာ အပင်တွေနဲ့ အရိပ်ရနေအောင် စီမံထားသင့်ပါတယ်။ ၁၀) အစားအစာတွေကို စီမံပေးနိုင်ပါတယ်။ ပန်းသီးပင်တစ်ပင်က ပန်းသီးပေါင်း တစ်နှစ်မှာ ရှစ်ဂါလံဝင်တဲ့ တင်းတောင်းပေါင်း ၁၅ - ၂၀ လောက်ထိ ထွက်နိုင်ပါတယ်။ အပင်တွေက လူတွေအတွက် စားစရာအသီးအနှံတွေသာမက ငှက်တွေနဲ့ သားရဲတိရစ္ဆာန်တွေအတွက်လည်း စားစရာဖန်တီးပေးပါတယ်။ ၁၁) ရောဂါတွေကို ကုသပေးနိုင်ပါတယ်။ လေ့လာတွေ့ရှိချက်အရ ပြတင်းပေါက်မှာ အပင်တွေ အမြဲစိမ်းစိုနေတာမြင်တွေ့နေတတ်တဲ့ လူနာတွေက အမြန်ဆုံးရောဂါပျောက်ကင်းနိင်တာကိုတွေ့ရပါတယ်။ Attention Deficit Hyperacitivity Disorder (ADHD) ရေဂါဝေဒနာရှင် ကလေးသူငယ်တွေမှာ သဘာဝတရားကို လက်ခံရတဲ့အခါ ရောဂါလက္ခဏာတွေလျော့နည်းလာတာကိုတွေ့ရပါတယ်။ သစ်ပင်တွေနဲ့ ထိတွေ့ခြင်း၊ သဘာဝတရားကိုလက်ခံရခြင်းက စိတ်ပိုင်းဆိုင်ရာမောပန်းနွမ်းနယ်မှုတွေကိုလည်း လျော့ကျစေပါတယ်။ ၁၂) ခရမ်းလွန်ရောင်ခြည်ကို လျှော့ကျစေနိုင်ပါတယ်။ အိမ်အနီးဝန်းကျင် အိမ်အတွင်းအပြင်ကို ခရမ်းလွန်ရောင်ခြည်ပြင်းပြင်းထန်ထန်ရောက်ရှိခြင်း ဒဏ်မှ လျှော့ကျစေပါတယ်။ အပင်တွေနဲ့ သဘာဝရှုခင်းတွေကြောင့် ခရမ်းလွန်ရောင်ခြည်ဓာတ်များပြားစွာ ကျရောက်ခြင်းဒဏ်ကို ကြောက်လန့်နေစရာမလိုတော့ပါဘူး။ အထက်ပါအချက်တွေက အပင်တွေကို စိုက်ပျိုးခြင်းကြောင့်ရရှိနိုင်မယ့်အကျိုးကျေးဇူးတွေပါ။ ပတ်ဝန်းကျင်စိမ်းစိုနေစေဖို့ အားလုံးပဲ အပင်တွေစိုက်ပျိုးသင့်ပါတယ်နော်။ ကိုယ့်ပတ်ဝန်းကျင်မှာ အပင်လေးတွေ စိုက်ပျိုးခြင်းကြောင့် မိမိကိုယ်တိုင်သာမက အနီးအနားပတ်ဝန်းကျင်အတွက်ကော နောင်နှစ်ပေါင်းများစွာအထိ အကျိုးရှိနေစေမှာပါ။ https://www.treepeople.org/tree-benefits လင့်မှဘာသာပြန်ဖော်ပြခြင်းဖြစ်ပါတယ်။
မုန်းတဲ့သူ၊ ချောက်တွန်းချင်တဲ့သူတွေကြားထဲမှာ ဘဝကိုဘယ်လိုရှင်သန်နေထိုင်မလဲ။ စိတ်ကိုဘယ်လိုထားမလဲ။
သင့်ဘဝမှာလူအမျိုးမျိုးကို ကြုံဖူးမှာပါ။ ကိုယ့်ရဲ့ကောင်းကျိုးမှန်သမျှကို လိုလားတဲ့သူရှိသလို မကောင်းကျိုးကိုလိုလားတဲ့သူမျိုးလည်း ကြုံဖူးမှာပါ။ တစ်ချို့ကျတော့ မလိုလားရုံတင်မက ကိုယ့်ရဲ့စွမ်းဆောင်နိုင်ခြင်းမှန်သမျှကိုပါ ဝေဖန်တဲ့သူမျိုး၊ ရှုံ့ချတဲ့သူမျိုး၊ အကောင်းမမြင်တဲ့သူမျိုးစတဲ့လူမျိုးကိုလည်း ကြုံဖူးမှာပါ။ ကြုံလည်းကြုံရမှာပါ။ အဲဒါနဲ့တင်မကျေနပ်နိုင်သေးဘဲ ကိုယ်ကကောင်းအောင်နေရဲ့သားနဲ့ မကောင်းပါဘူးလို့ ကွယ်ရာမှာ ပြောတတ်သူမျိုးကိုလည်း ကြုံရမှာပါ။ ဟုတ်ပါပြီ……ထိုကဲ့သို့ လူမျိုးကို ကြုံလာတဲ့အခါ ဘယ်လိုတုံ့ပြန်မလဲ။ သူနဲ့ တန်တဲ့ တုံ့ပြန်မှုမျိုး ချက်ချင်းကို ပြန်ပေးလိုက်မှာလား။ မုန်းတဲ့သူ၊ ချောက်တွန်းချင်တဲ့သူတွေကြားထဲမှာ ဘဝကိုဘယ်လိုရှင်သန်နေထိုင်သင့်လဲဆိုတာ ဖော်ပြပေးချင်ပါတယ်။
ရုပ်ရှင်ဇာတ်လမ်းတွေကြည့်ခြင်းဖြင့် ဘာတွေသင်ယူနိုင်မလဲ။
ရုပ်ရှင်ဇာတ်လမ်းတွေကြည့်ခြင်းဖြင့် သင်ယူတတ်ရင် ရနိုင်တာတွေအများကြီးရှိပါတယ်။ ရုပ်ရှင်ဇာတ်လမ်းတွေဆိုတာက အလကားစိတ်ကူးယဉ်ပြီးဖြစ်လာတာမဟုတ်ပါဘူး။ လူတွေရဲ့ စရိုက်တွေ၊ စိတ်နေသဘောထားတွေ၊ သမိုင်းကြောင်းတွေ၊ ချစ်ခြင်းမေတ္တာတွေကနေကိုမှ ဇာတ်အိမ်ဖွဲ့ပြီး အသက်သွင်းနိုင်မယ့် ဇာတ်ကောင်တွေသုံးပြီး ကြည့်ရှုတဲ့သူတွေရဲ့ရင်ထဲရောက်သွားအောင် ရိုက်ပြဖန်တီးထားတာပါ။ အဲဒါကြောင့် လူတွေရဲ့စရိုက်အမျိုးမျိုး၊ စိတ်ထားအမျိုးမျိုး၊ လူနေမှုဘဝအမျိုးမျိုး စုံလင်နေအောင် မြင်နိုင်မှာပါ။ ရုပ်ရှင်ဇာတ်လမ်းတွေကြည့်ခြင်းကြောင့် ဘာတွေသင်ယူနိုင်မလဲဆိုတာပြောပြပေးချင်ါတယ်။
တွေ့တာနဲ့ "ဝလာတယ်နော်" လို့မနှုတ်ဆက်ပဲ အခြားဘယ်လိုနည်းနဲ့နှုတ်ဆက်မလဲ။
တစ်ဦးနဲ့တစ်ဦးတွေ့တဲ့အခါ အပြန်အလှန် လေးစားသမှုနဲ့ နှုတ်ဆက်မှသာ ချစ်ခင်သူတွေတိုးပွားလာနိုင်တာပါ။ အဲဒီ့တော့ ဘယ်လိုနှုတ်ဆက်ကြမလဲဖတ်ကြရအောင်ပါ။#BAWA101
ကိုယ်ချင်းစာခြင်းဆိုတာ ဘာလဲလို့ တွေးဖူးကြမယ်ထင်ပါတယ်။ ကိုယ်ချင်းစာစိတ်က လူတိုင်းမှာရှိသင့်ပါတယ်။ ကိုယ်ချင်းစာစိတ်အပြန်အလှန်ထားကြမှာသာလျှင် လူ့လောကကြီးမှာလည်း ဒီထက်ပိုသာယာမှာပါ။ လူတိုင်းက ကိုယ့်အတွက်၊ ကိုယ့်မိသားစုအတွက် ကိုယ့်အတ္တအတွက်ပဲကိုယ်ကြည့်နေရင်တော့ လူ့လောကကြီးက ဒီထက်အရုပ်ဆိုးသွားမှာအမှန်ပါပဲ။
ကလေးငယ်လေးများကို သင်ကြားပေးသင့်သော အရေးကြီးသည့် လူမှုရေးအတတ်ပညာမျာ
ကလေးတွေကို ငယ်စဉ်ကတည်းက သင်ပေးထားသင့်တဲ့လူမှုရေးနဲ့ပတ်သက်တဲ့အတတ်ပညာတွေရှိပါတယ်။ ဘာတွေလဲဆိုတာ ဖတ်ကြည့်လိုက်ပါအုံး။
ကိုယ့်ဘဝအတွက် ရှေ့ဆက်လို့ မသင့်တော်တဲ့ ချစ်သူကို ဖြတ်ဖို့ခက်နေလား
တစ်ချို့လူတွေမှာ သူ့တို့ဘဝအတွက်ဘယ်လိုမှရှေ့ဆက်လက်တွဲလို့မဖြစ်နိုင်တဲ့ ချစ်သူမျိုးတွေရှိကြပါတယ်။ ဘဝအတွက် ဘယ်လိုမှ ညှိုနှိုင်းပြီးရှေ့ဆက်လို့မရမှန်းလဲ သိကြပေမယ့် ဘယ်လိုမှ မဖြတ်နိုင်ဘဲ စိတ်ပိုင်းမဖြတ်နိုင်တဲ့သူမျိုးတွေ တွေ့ဖူးပါတယ်။ အဲလိုဖြစ်နေတဲ့သူတွေအတွက် ဘာတွေဖြစ်လာနိုင်သလဲဆိုတာလေးတွေးပြီး လက်တွဲဖြုတ်လိုက်ပါလို့ပဲ အကြံပေးချင်ပါတယ်နော်။ ဖြစ်လာနိုင်တာလေးတွေဖတ်ကြည့်ပြီး ဆင်ခြင်နိုင်ကြပါစေနော်။
ဒီနေ့ခေတ်မှာ လူနေမှုအဆင့်အတန်းတွေက ပိုပြီးမြင့်မားလာပါပြီ။ မြင့်မားလာတဲ့လူနေမှုကြောင့် လိုချင်တပ်မက်စရာတွေလည်း မကုန်နိုင်အောင် ဈေးကွက်ထဲမှာတွေ့မြင်နေရပါတယ်။ လိုချင်မှုတွေနောက်ကိုလိုက်ဖို့အတွက် နေ့စဉ်ဘဝမှာ အသည်းအသန်လိုက်မှီအောင် ကြိုးစားလာကြပါတယ်။ ထိုအခါမှာ မှီနိုင်ရင်တော့ ကောင်းပါရဲ့၊ မမှီနိုင်တဲ့အခါမှာတော့ depression ဝင်လာတာမျိုးတွေ ဖြစ်လာရပါတော့တယ်။ အဲဒီ့အခါမှာ လူရဲ့အသိဉာဏ်ထိန်းချုပ်မှုအလျောက် စိတ်ဓာတ်ကျခြင်း၊ စိတ်ဖိစီးခြင်း အနည်းအများပေါ်မူတည်ပြီး ကိုယ့်ကိုကိုယ်ထိန်းချုပ်နိုင်စွမ်းကွာခြားလာပါတော့တယ်။
အရက်စွဲခြင်းကြောင့် ဖြစ်လာနိုင်သောဆိုးကျိုးများ
ဒီနေ့ခေတ်မှာ social drinking ဆိုတဲ့အသုံးအနှုန်းက ပေါများစွာသုံးလာကြပါတယ်။ လူမှုရေးအရ ဘီယာသောက်ခြင်း၊ အရက်သောက်ခြင်းက သိပ်ပြီး ကိစ္စမရှိပေမယ့် မိုးလင်းကတည်းက အရက်သောက်ဖို့တွေးနေပြီဆိုရင်တော့ ပြဿနာရှိလာပါပြီ။ ဘီယာလောက်သောက်တာ အရက်သောက်တာမှမဟုတ်တာဆိုတဲ့ အတွေးအခေါ်တွေနဲ့ ဘီယာကို အအေးဘူးဖောက်သောက်သလို ခွန်အားဖြည့်အချိုရည်သောက်သလို သောက်ချင်စိတ်ပေါ်လာတိုင်းသောက်မယ်ဆိုရင်တော့ အဲဒါဟာ ရေရှည်အတွက် ပြဿာနာအကြီးကြီးဖြစ်သွားပါပြီ။
ကလေးကို ငယ်ငယ်ထဲက ငွေရေးကြေးရေးထိန်းသိမ်းတတ်အောင် ဘယ်လိုပျိုးထောင်မလဲ
လူကြီးဘဝမှာ ငွေကို ရေလိုသုံးတာတို့၊ လက်ဖွာတာတို့၊ မသုံးတတ်တာတို့ဆိုတာ ကလေးဘဝက စည်းကမ်းမလုပ်ပေးခဲ့လို့ပါ။ ငွေကြေးဆိုင်ရာ အကျင့်ကောင်းတွေကို ကလေးဘဝထဲက သင်ပေးထားသင့်ပါတယ်။ သင့်ကလေးကို ငွေကြေးဆိုင်ရာအကျင့်ကောင်းလေးတွေဖြစ်အောင် ဘယ်လိုပျိုးထောင်ပေးမလဲဆိုတာ ပြောပြပေးချင်ပါတယ်။ ၁) ပုံမှန်စုငွေသတ်မှတ်ပေးပါ။ သင့်ကလေးကို သင်က ကျောင်းမုန့်ဖိုးသတ်သတ်ပေးသလား။ ဒါမှမဟုတ် မုန့်ထည့်ပေးလိုက်ပြီး ငွေကို မထည့်ပေးတတ်ဘူးလား။ ဘယ်လိုပဲဖြစ်ဖြစ် သင့်ကလေးအတွက် တစ်ရက်ဘယ်လောက်ဆိုပြီး မုန့်ဖိုးသတ်မှတ်ပေးလိုက်ပါ။ ဆိုလိုတာက သင့်ကလေးကို မုန့်ဖိုး ၅၀၀ပေးတယ်ဆိုပါတော့။ ၂၀၀က စုဖို့သတ်မှတ်ပြီး ၃၀၀ဖိုးကို မုန့်ဝယ်ပေးလိုက်ပါ။ ဒါမှမဟုတ် မုန့်ထည့်ပေးတယ်ဆိုရင် ငွေ ၂၀၀ တန်တစ်ရွက်ကို ပြပြီး “သားအတွက်မုန့်ဖိုးကို သားစုဖို့နော်” ဆိုပြီး သူ့ရှေ့မှာတင် စုဘူးထဲထည့်ပေးပါ။ ၂) စုဘူးထားပေးပါ။ ကလေးအတွက် စုဘူးသပ်သပ်ထားပါ။ အထက်ကပြောသလို မုန့်ဖိုးပေးရင်မုန့်ဖိုးထဲက ဖယ်ပြီး စုဘူးထဲထည့်ခိုင်းပါ။ မုန့်ဝယ်ပေးရင် မုန့်ဖိုးကို ပြပြီး စုဘူးထဲထည့်ပေးပါ။ ကလေးစုဘူးကို ကလေးကိုယ်တိုင်သိမ်းဆည်းတဲ့အကျင့်လုပ်ပေးပါ။ ကလေးစုဘူးပြည့်ခါနီးလေ ကလေးက ပျော်လေလေဖြစ်တာကို သင်မြင်ရပါလိမ့်မယ်။ ၃) ရည်မှန်းချက်ထားခိုင်းပါ။ စုဘူးထဲ “သားမုန့်ဖိုး တစ်နေ့ဘယ်လောက်ထည့်စုမယ်နော်။ စုဘူးမပြည့်မချင်း မဖောက်ရဘူး၊ ကတိတည်မှ စုဘူးပြည့်တဲ့နေ့ သားလိုချင်တာ သွားဝယ်ပေးမယ်” အဲလိုမျိုး အပြန်အလှန်ကတိလုပ်ထားပါ။ စုဘူးမပြည့်မချင်း ကလေးက ပူဆာသမျှ ဘာမှမဝယ်ပေးမိပါစေနဲ့။ ဥပမာ။ အရုပ်ဆိုင်ကို ဝင်ပြီး အရုပ်ဝယ်ခိုင်းတာမျိုးပေါ့။ ငြင်းလဲမငြင်းပါနဲ့……အရုပ်ဆိုင်ထဲလိုက်သွားပါ၊ ကလေးလိုချင်တာကြည့်ပါစေ။ “သားလိုချင်တာကြည့်ထား….အိုကေ……ဈေးပါမှတ်ထားနော်။ ကြည့်လို့အကြိုက်တွေ့ပြီဆို မေမေတို့ ပြန်မယ်၊ စုဘူးပြည့်အောင်စုမယ်၊ စုဘူးပြည့်တဲ့နေ့ကျလာဝယ်ကြမယ်။ ဟုတ်ပြီနော်…..” အဲလိုမျိုးမလျော့မတင်းနည်းနဲ့ဆို ကလေးက သင့်ကိုကလန်ကဆန်လုပ်ပြီး ငိုယိုဂျီကျဝယ်ခိုင်းမှာမဟုတ်တော့ပါဘူး။ အမှန်တကယ် စုဘူးဖောက်တဲ့နေ့ကျရင်လည်း သူပြောခဲ့တဲ့အရုပ်ဆိုင်ကို သွားဝယ်ပေးလိုက်ပါ။ ၄) ငွေကို အကုန်လုံး သူ့လက်ထဲမထည့်ပေးလိုက်ပါနဲ့။ စုဘူးတော့ ပြည့်ပြီ။ စုဘူးဖောက်ကြမယ်။ ကလေးက သူ့နဲ့သူစုထားတဲ့ငွေတွေကို ကြည့်ပြီး ငွေစုရတာ သဘောကျလာပါလိမ့်မယ်။ တခုရှိတာက စုဘူးဖောက်ပြီးရင် စုဘူးထဲကငွေတွေအကုန်လုံးကို ကလေးကိုပေးကိုင်ပြီး သုံးခိုင်းတာမျိုးကို သတိထားပါ။ အဲဒါက ကလေးကို ငွေသုံးကြမ်းစေနိုင်ပါတယ်။ ငွေကို သူ့ဟာသူရေတွက်ပြီး သူလိုချင်တဲ့အရုပ်ကို ဝယ်ပေးမယ်။ ပိုတဲ့ငွေကို အိမ်က အကြီးအကဲကို ကန်တော့ဖို့ သင်ပေးပါ။ အဲဒါက ငွေကို သူလိုချင်တာဝယ်တတ်ပြီး လူကြီးကို သူ့မုန့်ဖိုးနဲ့ကန်တော့ခြင်းကို သူတန်ဖိုးထားတတ်လာပါလိမ့်မယ်။ ဥပမာ။ “သားမုန့်ဖိုးတွေကို ဘယ်သူကပေးတာလဲ” ဒါမျိုးမေးပါ။ “ဖေဖေမေမေက ပေးတယ်ဆိုရင် ဖေဖေမေမေက သားကိုချစ်လို့ပေးတာ။ ဖေဖေမေမေနဲ့လည်း ဆိုင်တယ်။ သားကပြန်စုထားတော့ တော်တာပေါ့။ ဒါပေမယ့် သားလိုချင်တာရရင် လူကြီးကို သားစုထားတဲ့ငွေထဲက ပြန်ကန်တော့တော့ သားကုသိုလ်ရတာပေါ့” ဆိုပြီး သိမ်းသွင်းပါ။ အိမ်မှာ အဖိုးအဖွားရှိရင် စုဘူးဖောက်တာနဲ့ အရုပ်အတွက် ငွေကိုဖယ်ထားပြီး ပိုတဲ့ငွေကို အဖိုးအဖွားကို ကန်တော့ခိုင်းလိုက်ပါ။ အဲဒါဆို ကြီးလာတဲ့အခါ ကလေးက အဖိုးအဖွားကို ကန်တော့ရကောင်းမှန်းသိသွားသလို၊ လိုချင်တာရအောင် စိတ်ရှည်ရှည်နဲ့ ငွေစုတတ်သွားပါလိမ့်မယ်။ ဒါမှမဟုတ်ရင်လည်း ပိုငွေကို နောက်ထပ်စုဘူးတစ်ဘူးအသစ်ထပ်ဝယ်ပြီး ပြန်စုခိုင်းထားလိုက်ပါ။ ၅) စဉ်းစားတတ်ပါစေ။ ကလေးက တစ်ခုခုကို လိုချင်လို့ ပူဆာတဲ့အခါ လိုအပ်လားမလိုအပ်လား ။ လိုအပ်တာဆိုရင် ဝယ်သင့်ကြောင်း၊ ကိုယ့်မှာလဲတကယ်မရှိသေးလို့ လိုအပ်နေတာမျိုးဆို ဝယ်ပေးမည့်အကြောင်း သေချာနားလည်အောင်ရှင်းပြပေးပါ။ လိုအပ်လို့ ဝယ်တာက သုံးတာဖြစ်ကြောင်း၊ မလိုအပ်ပဲ လျှောက်ဝယ်ပစ်တာက ဖြုန်းတာဖြစ်ကြောင်း၊ လျှောက်ဝယ်ပစ်ခြင်းက ငွေတွေအကုန်မြန်ကြောင်း၊ ဒုက္ခရောက်တတ်ကြောင်း၊ သုံးတာနဲ့ ဖြုန်းတာကို သေချာသိသွာေးအာင် သေချာစိတ်ရှည်ထားပြီးရှင်းပြပေးဖို့ လိုအပ်ပါတယ်။ ဥပမာ။ ကလေးကို မကြာသေးခင်က သူ့ဖိနပ်ပြတ်လို့အသစ်တစ်ရံ ဝယ်ပေးပြီးပြီဆိုပါတော့။ နောက်နေ့မှာ ဖိနပ်အသစ်တွေတွေ့လို့ထပ်ဝယ်ခိုင်းတာမျိုးဆိုရင် “သားဖိနပ်က ဘယ်နေ့ကဝယ်ထားတာလဲ။ ဒီဖိနပ်လည်း သားလိုချင်တာဝယ်ပေးတာပဲလေ။ အဲဒီ့တုန်းက ဖိနပ်ပြတ်သွားလို့ ဝယ်ပေးတာ၊ ဖိနပ်ပြတ်သွားတော့ စီးစရာရှိလား၊ ဖိနပ်မစီးဘဲ နေလို့ရလား၊ မရဘူးနော်။ အဲဒီ့တော့ ဖိနပ်ဝယ်မှဖြစ်မယ်၊ လိုအပ်တယ်နော်။ ဟုတ်ပြီ။ လိုအပ်လို့ သားကြိုက်တာကိုလည်း ရွေးပြီး ဝယ်ပေးလိုက်ပြီလေ။ ခုက ဝယ်ပြီးသားကြီးကို သားဆီမှာလည်း စီးစရာရှိပြီးကို ထပ်ဝယ်ဖို့ လိုအပ်လားသား….၊ စဉ်းစားကြည့်နော်……။ ခုတော့မလိုအပ်သေးဘူးမဟုတ်လား။ ခုဖိနပ်ပြတ်သွားတဲ့အခါ မေမေအသစ်ထပ်ဝယ်ပေးမှာပေါ့။ ဟုတ်ပြီလား” ဆိုပြီး ကလေးနားလည်မယ့် ဥပမာပေးပြီး စိတ်ရှည်ရှည်နဲ့ ရှင်းပြပေးပါ။ တစ်ခုရှိတာက ကလေးကို သူလိုချင်တာ၊ တကယ်လည်း လိုအပ်နေတာကို သူ့အတွက် ဝယ်ပေးတော့မယ်ဆိုရင် ကလေးကြိုက်တာကို ရွေးချယ်ခွင့်ပေးပါ။ ကလေးကြိုက်တာက အဆင်မပြေရင်တော့ ဘာကြောင့်အဆင်မပြေလဲဆိုတာပါ တစ်ခါတည်းရှင်းပြပေးပါ။ တစ်ချို့မိဘတွေက ကလေးဆန္ဒကို အလေးမထားဘဲ သူတို့ကြိုက်တာ၊ အဆင်ပြေမယ်ထင်တာ ဝယ်တတ်တဲ့အခါ ကလေးက မလိုချင်ဘဲ ၊ သူလိုချင်တဲ့အရာမျိုးထပ်တွေ့တဲ့အခါ ထပ်ပြီးဝယ်ပေးဖို့ ပူဆာတတ်လို့ပါ။ ၆) ပိုက်ဆံကို ခွဲခြားထားတာမျိုးမလုပ်ပါနဲ့။ တစ်ချို့တွေက ကလေးမုန့်ဖိုးရတဲ့အခါမျိုးမှာ ကလေးလက်ထဲပေးကိုင်ပြီး သားပိုက်ဆံဆိုပြီးလုပ်တတ်တာတွေ့ဖူးပါတယ်။ “သားပိုက်ဆံနဲ့သားလိုချင်တာဝယ်….ဖေဖေမေမေမယူဘူး” ဆိုပြီးလုပ်တတ်တာမျိုးပါ။ အဲလိုလုပ်တတ်ပြီး ကလေးပိုက်ဆံကို အဖေအမေကလုံးဝမယူပါဘူး။ ကလေးက ထိုငွေကိုကိုင်ပြီး ဆိုင်တကာလျှောက်ဝယ်ပစ်လိုက်တာမျိုးက ကလေးရဲ့ငွေကိုအသုံးချမှုကို ဆိုးရွားစေပါတယ်။ အဲလိုမျိုးအကျင့်လုပ်စရှိသွားရင် ကလေးက ငွေကို ကိုင်ပြီး သူ့စိတ်ထဲရှိရာဝယ်ရတာကို စွဲလမ်းသွားတတ်ပါတယ်။ ဖေဖေမေမေများ ကလေးပိုက်ဆံကို ကိုယ်လုံးဝမယူဘဲ ကလေးကိုပေးကိုင်တာက လုံးဝမမှန်ပါဘူး။ကလေးကို အကျင့်ပါပျက်သွားစေနိုင်ပါတယ်။ ကလေးဆိုတာက ကိုယ့်ကိုကိုယ်မထိန်းချုပ်နိုင်သေးပါဘူး။ ထိုအကျင့်ကိုစွဲလမ်းသွားတဲ့နောက်မှာ ကလေးကလိုချင်တာတွေရှိလာမှာပါပဲ။ အဲဒီ့အခါ ငွေရဖို့ သူစဉ်းစားလာမှာပါ။ ဘယ်သူမုန့်ဖိုးပေးမလဲ၊ ဘယ်သူ့ဆီက ပိုက်ဆံရမလဲ၊ ကျန်တာကိုတွေးမိမှာမဟုတ်ပါဘူး။ တစ်ယောက်ယောက်ဆီက ငွေရရင် သူလိုချင်တာတွေ ဝယ်နိုင်မယ်…..ကလေးက ဒီလောက်ပဲသိမှာပါ။ အဲဒီ့အခါမှာ အဖေအမေပိုက်ဆံတွေ့ရင် ယူထားလိုက်တာမျိုး၊ တစ်ယောက်ယောက်ရဲ့ပိုက်ဆံကို ယူထားလိုက်တာမျိုးတွေဖြစ်လာနိုင်ပါတယ်။ အဲဒါကြောင့် ကလေးလက်ထဲ မုန့်ဖိုးအဖြစ်ရောက်လာတဲ့ငွေကိုလည်း အဖေအမေက ထိန်းချုပ်ပါ။ ကလေးကိုမုန့်ဖိုးအဖြစ် ကလေးလက်ထဲငွေထည့်ပေးခြင်းကိုလည်း တားမြစ်ပါ။ ကိုယ်တိုင်လည်း မလုပ်ပါနဲ့။ ကလေးလက်ထဲရောက်လာရင်လည်း “ကလေးဆိုတာ ငွေကိုမသုံးတတ်သေးဘူး။ သားမုန့်ဖိုးကို မေမေကိုပေးထားနော်၊ သားလိုချင်တာရှိရင် မေမေကိုပြော၊ သားမုန့်ဖိုးနဲ့ ပြန်ဝယ်ပေးမယ်” ဆိုပြီး ကလေးကို ငွေပေးကိုင်ခြင်းမှ တားဆီးသင့်ပါတယ်။ ၇) ရင်းနှီးမြုပ်နှံတတ်အောင် သင်ပေးပါ။ ငွေဆိုတာက စုဆောင်းထားရုံနဲ့မပြီးတော့ပါဘူး။ ငယ်ရွယ်စဉ်အချိန်ကတည်းက ငွေကိုဘယ်လိုအသုံးပြုရတယ် ဘယ်လိုနေရာတွေမှာမြှုပ်နှံရတယ် ဘာကြောင့်မြှုပ်နှံရတယ် ဘာတွေသတိထားဖို့လိုတယ် ဆိုတာတွေကအစ တဖြည်းဖြည်းနားထဲဝင်အောင်သင်ပေးရမှာပဲဖြစ်ပါတယ်။ ရင်းနှီးမြှုပ်နှံမှုဆိုတာလူကြီးတွေကအစ မရင်းနှီးတဲ့ခေါင်းစဉ်တခုပါပဲ။ လူကြီးကိုယ်တိုင်က သေချာလေ့လာ သားသမီးတွေကို လက်ဆင့်ကမ်းရမည့် ပညာတစ်ခုပဲဖြစ်ပါတယ်။ ပညာရှင်တွေပြောကြားလေ့ရှိတဲ့စကားတစ်ခွန်းကတော့ လူတော်တော်များဟာငွေအတွက်အလုပ်လုပ်ကြပြီး တကယ်ချမ်းသာနေတဲ့သူတွေကတော့ ငွေဟာသူတို့အတွက် ပြန်အလုပ်လုပ်ေနေအောင် ရင်းနှီးမြှုပ်နှံထားတတ်သူတွေလို့ ပြောကြားပါတယ်။ ငွေကိုကိုင်တွယ်ပုံကို ထိန်းချုပ်ဖို့ကတော့ ကလေးအသက်အရွယ်အလိုက် မတူညီတတ်ပါဘူး ။ အထက်မှာဖော်ပြထားတာလေးတွေကတော့ ၄နှစ်ကနေ ၇နှစ်လောက်ထိတော့ သေချာပုံစံသွင်းပြီး ပျိုးထောင်ပေးလို့ရပါတယ်။ အဲဒီ့အသက်မှာ ငွေကိုင်ပုံစနစ်ကျအောင် မပျိုးထောင်မိရင် ရေရှည်မှာ ငွေနဲ့ပတ်သက်တဲ့မလိုလားအပ်တာတွေဖြစ်လာနိုင်ပါတယ်။ အားလုံးပဲ ကလေးတွေကို စနစ်တကျပျိုးထောင်နိုင်အောင်အကူအညီဖြစ်စေဖို့ ဒီစာဆောင်လေးကိုရေးသားမ ျှဝေလိုက်ရခြင်းဖြစ်ပါတယ်။#BAWA101
ပင်ပန်းလွန်းတဲ့မိခင်ဘဝမှာ ကိုယ့်ကိုယ်ကိုယ် ဘယ်လိုစောင့်ရှောက်မလဲ။
မိခင်ဘဝဆိုတာ အလွန်ခက်ခဲပင်ပန်းပြီး ကမ္ဘာပေါ်မှာ အားအင်ကုန်ခန်းခြေကုန်လက်ပန်းကျရဆုံးအလုပ်ပါ။ အဲဒါကို နားလည်နိုင်ရင်တောင်မှ တကယ်ခံစားရတဲ့သူထက်ပိုပြီး မသိနိုင်ပါဘူး။ မိခင်တွေသာ သိနိုင်တဲ့ကိစ္စမျိုးပါ။ အဲဒါကြောင့် သင့်ရဲ့ဒီနေ့ကော၊ မနက်ဖြန်ကော အခြားသောနေ့ရက်တွေတိုင်းမှာ အနားမယူဘဲ အမြဲခြေကုန်လက်ပန်းကျလောက်အောင် ပင်ပန်းနေလို့မရပါဘူး။ မိခင်ဘဝက နေ့တိုင်းပင်ပန်းရမှာဖြစ်သလို ကိုယ့်ကိုကိုယ်အပန်းဖြေဖို့အချိန်လည်း တဖန်ပြန်ပေးသင့်ပါသေးတယ်။ မိခင်ဘဝမှာ အကောင်းဆုံးအနားယူနိုင်မယ့် အလွယ်ဆုံးနဲ့ အရိုးရှင်းဆုံးနည်းလမ်းတွေကို ပြောပြပေးချင်ပါတယ်။ ၁) အိပ်ရေးဝအောင်အိပ်ပါ။ အနည်းဆုံး တစ်နေ့ကို ၇နာရီအိပ်ချိန်ပြည့်အောင်တော့ အိပ်ပါ။ အိပ်ချိန်ကို ပုံမှန်ဖြစ်စေတာက ပိုကောင်းပါတယ်။ ရက်သား၊ လသားနဲ့ ကလေးငယ်လေးတွေကို ပြုစုရတဲ့မေမေတွေကတော့ အိပ်ချိန်ပုံမှန်မဖြစ်နိုင်တော့ဘဲ ကလေးအိပ်တာနဲ့ မိခင်ကပါ အနားယူအိပ်စက်တာ မိခင်အတွက်အကောင်းဆုံးပါ။ ၂) အစာအာဟာရပြည့်ဝအောင် စားပါ။ သင့်ခန္ဓာကိုယ်မှာ အာဟာရနဲ့ပြည့်ဝနေဖို့လိုပါတယ်။ သင့်ရဲ့နေ့ရက်တွေမှာ အားအင်အပြည့်နဲ့ ဖြစ်နေစေဖို့ သံဓာတ်နဲ့ မဂ္ဂနီဆီယမ်ဓာတ်ပါတာတွေ စားသုံးပေးပါ။ နို့တိုက်မိခင်တွေဆိုရင် မိခင်ရဲ့နို့ရည်ကတဆင့် ကလေးဆီ အာဟာရဓာတ်တွေရောက်မှ ကလေးက အာဟာရနဲ့ပြည့်ဝမှာမို့ နို့်တိုက်မိခင်တွေ အာဟာရပြည့်ဝအောင် စားသုံးဖို့လိုပါတယ်။ ၃) လေ့ကျင့်ခန်းလုပ်ပါ။ မိခင်တွေက တစ်မိသားစုလုံးအတွက် နေ့မအားညမအား အချိန်ပြည့်ဖြည့်ဆည်းပေးရပေမယ့် သူတို့ကိုယ်တိုင်အတွက်တော့ တကူးတကအချိန်ပေးတာမျိုးမရှိတတ်ကြပါဘူး။ အဲဒါကြောင့် မိခင်တွေက လေ့ကျင့်ခန်းလုပ်ဖို့အချိန်သပ်သပ်လုပ်ပြီး အရမ်းပြင်းထန်တဲ့လေ့ကျင့်ခန်းမျိုးမဟုတ်ရင်တော့ အသေးဆုံးလေ့ကျင့်ခန်းက စလုပ်ကြည့်ပါ။ အဲဒါက သင့်ကို ပိုပြီး ကျန်းမာနုပျိုလာစေမှာပါ။ သတိထားရမှာတော့ ကလေးမွေးပြီးကာစ မေမေတွေကတော့ ပြင်းထန်တဲ့လေ့ကျင့်ခန်းတွေ လုံးဝမလုပ်သင့်သေးပါဘူးနော်။ ၄) မနှိုင်းယှဉ်ပါနဲ့။ ဘယ်သူနဲ့မှ မနှိုင်းယှဉ်မိပါစေနဲ့။ နှိုှု်င်းယှဉ်မိခြင်းက သင့်ကိုသင် စိတ်ဓာတ်ကျစေသလို မကောင်းမြင်တဲ့အမြင်၊ သိမ်ငယ်စိတ်တွေပါ ဖြစ်လာစေပါတယ်။ အထူးသဖြင့် လူမှုကွန်ယက်ပေါ်မှာ တင်သမျှ မိခင်ဘဝတွေကို လိုက်ကြည့်ပြီး အားကျရင်း သူတို့နဲ့ကိုယ့်ဘဝကိုနှိုင်းယှဉ်မိလာတတ်ပါတယ်။ အဲဒါက အရမ်းကို ဆိုးဝါးတဲ့စိတ်ဓာတ်ကျဆင်းခြင်းကိုတောင် ဖြစ်လာစေနိုင်ပါတယ်။ လူတိုင်းက ကိုယ့်ဘဝအခြေအနေနဲ့ကိုယ် ပျော်အောင်နေတာသာအကောင်းဆုံးပါ။ သူများဘဝနဲ့ကိုယ့်ဘဝကဘယ်လိုမှမတူနိုင်ပါဘူး။ ကိုယ်ရောက်နေတဲ့ဘဝမှာ အကောင်းဆုံးဖြစ်အောင် ကြိုးစားနေထိုင်ဖို့သာလိုတာပါ။ ၅) သင်ချစ်တဲ့အရာတွေကို လုပ်ဆောင်ပါ။ သင့်ရဲ့အားလပ်ချိန်မရှိရှိတဲ့ကြားက ရသလောက်အချိန်လေးမှာ သင်ချစ်တဲ့အရာလေးတွေ ဖန်တီးတာမျိုး၊ သင်လုပ်ချင်နေတာလေးတွေ လုပ်ဆောင်တာမျိုးက သင့်ကို ပျော်ရွှင်စေပါတယ်။ ၆) သင့်ကိုသင်အလိုလိုက်ပါ။ ရေချိုးပြီး လန်းဆန်းစွာနေပါ။ စာဖတ်ချင်ရင် စာဖတ်ပါ။ အနားယူချင်ရင် အနားယူပစ်လိုက်ပါ။ သင့်ကိုသင်သက်တောင့်သက်သာရှိတဲ့အချိန်လေးပေးပါ။ သင့်စိတ်တွေပြန်ပြီး လန်းဆန်းစေဖို ပိုက်ဆံတွေအများကြီးရှိစရာမလိုပါဘူး၊ အနားယူဖို့ပဲလိုတာပါ။ ၇) အကူအညီတောင်းဖို့ မခဲယဉ်းပါစေနဲ့။ စိတ်ပိုင်းဆိုင်ရာအရပဲဖြစ်ဖြစ်၊ ရုပ်ပိုင်းဆိုင်ရာအရပဲဖြစ်ဖြစ် အကူအညီလိုအပ်တဲ့အခါ တောင်းဆိုဖို့ ဝန်မလေးပါနဲ့ ။ လေ့လာတွေ့ရှိချက်တွေအရ အမေတွေက မိသားစုကအကူအညီတောင်းရင်သာ အပြည့်အဝကူညီပေးတတ်ပြီး သူတို့အတွက်ကျတော့ အကူအညီတောင်းဆိုဖို့ကို ဝန်လေးတတ်ကြပါတယ်။ စိတ်ပိုင်းဆိုင်ရာခံစားမှုတွေမကောင်းတဲ့အခါကျရင်လည်း ကျွမ်းကျင်တဲ့ဆရာဝန်နဲ့စကားပြော ဆွေးနွေးတာမျိုးလုပ်ပေးပါ။ ရုပ်ပိုင်းဆိုင်ရာအရ အိမ်အလုပ်တွေပုံနေတဲ့အခါမျိုးမှာလည်း ကိုယ့်ရဲ့ဆွေမျိုးအသိုင်းအဝိုင်း၊ မိဘမောင်နှမကို ဝိုင်းကူလုပ်ဖို့ အကူအညီတောင်းပါ။ အဲဒါက ရှက်စရာမဟုတ်ပါဘူး။ ကိုယ်မနိုင်တဲ့ဝန်ကို အမြဲထမ်းခြင်းကသာ ကြာလာတဲ့အခါ သင့်ကိုထိခိုက်စေနိုင်ပါတယ်။ ကိုယ်မလုပ်နိုင်တာကို လုပ်နိုင်တဲ့သူတွေရှိပါတယ်။ ကူညီပေးပါလို့ ပြောရမှာ တာဝန်မကျေတာမဟုတ်ပါဘူးနော်။ ဒီအချက်လေးတွေက ရိုးရိုးလေးတွေနဲ့ တစ်နေ့တာလုံးမှာ ပုံမှန်လေး ကျင့်သုံးသွားရုံနဲ့ မိခင်ဘဝမှာ သက်သောင့်သက်တာဖြစ်စေနိုင်ပါတယ်။ မိခင်ဖြစ်သူမှာ တာဝန်တွေများလှတာကြောင့် နေ့ရက်တိုင်း ဖိစီးပြီး ပင်ပန်းနွမ်းနယ်နေလို့မဖြစ်ပါဘူးနော်။ ကျန်းမာရွှင်လန်းပြီး အမြဲတက်ကြွတဲ့မေမေတွေဖြစ်ကြပါစေ။#BAWA101