ကျန်းမာတဲ့စားသောက်မှုပုံစံဖြစ်စေဖို့ အဆင့် ၃ဆင့်
သင်က ဇီဝဗေဒပုံစံဖွဲ့စည်းထားတဲ့နာရီတစ်လုံးနဲ့ဆင်တူပါတယ်။ ပုံမုန်အချိန်နဲ့ အိပ်ရာထရမယ့်အချိန်၊ အိပ်စက်ရမယ့်အချိန်၊ အခြားသော လုပ်ဆောင်ချက်တွေလုပ်ဆောင်ရမယ့်အချိန် စသဖြင့် အချိန်ကိုက်လုပ်ဆောင်နေရပါတယ်။ အစာစားတဲ့အချိန်တန်ရင် အစာစားရပါတယ်။ တိရိစ္ဆာန်တွေနဲ့လူသားတွေကို လေ့လာချက်အရ သင့်ရဲ့ကိုယ်တွင်းက အချက်ပေးနေတဲ့အချိန်အတိုင်း မလုပ်ဆောင်တဲ့အခါ ဝိတ်တက်ခြင်း၊ ဝိတ်ကျခြင်းနဲ့ အခြားသော ရောဂါပေါင်းစုံဖြစ်လာတော့တာပါပဲ။ အဲဒါကြောင့် သင့်ဗိုက်ထဲက ဗိုက်ဆာတယ်လို့အချက်ပြနေပြီဆိုရင် သင်အစာစားသင့်တဲ့အချိန်ရောက်နေပြီလို့သိနိုင်မှာပါ။ သင်မောနေပြီဆိုရင်လည်း သင်အနားယူဖို့အချိန်ရောက်နေပြီလို့ သတိပေးနေတာပါ။ အခုဆောင်းပါးမှာဆွေးနွေးသွားမှာကတော့ သင့်ရဲ့ကိုယ်တွင်းနာရီက အစာစားသင့်ပြီလို့အချက်ပြနေတဲ့အခါမျိုးမှာ ကျန်းမာတဲ့စားသောက်မှုပုံစံဖြစ်အောင် လိုက်နာသင့်တဲ့အဆင့် ၃ဆင့်အကြောင်းပြောပြသွားမှာဖြစ်ပါတယ်။ သင့်ရဲ့ဝိတ်တက်ခြင်းနဲ့ အစာစားခြင်းက တိုက်ရိုက်ပတ်သက်နေတဲ့အတွက်ကြောင့် စားသောက်ပုံစံမှန်ကန်ဖို့က အရေးကြီးပါတယ်။ အဲဒါကြောင့် အောက်ပါအဆင့် ၃ဆင့်ကို ဖတ်ကြည့်လိုက်ပါနော်။
မနက်စာကိုရှင်ဘုရင်လိုစားဆိုတဲ့စကားလိုပေါ့။ မနက်စာက လူတစ်ယောက်အတွက်အရေးကြီးပါတယ်။ မနက်ခင်းမှာ ခွန်အားပြည့်ဝနေမှ တစ်နေ့တာလုံးလုပ်ရမယ့်အလုပ်တွေကို တက်ကြွလန်းဆန်းခွန်အားပြည့်စွာ လုပ်ကိုင်နိုင်မှာဖြစ်ပါတယ်။ အလုပ်ပြီးမြောက်နိုင်စွမ်းလည်းတိုးတက်စေပါတယ်။ အဲဒါကြောင့် မနက်စာကို ဝလင်အောင် အာဟာရပြည့်ဝအောင်စားသင့်ပါတယ်။
၂) နေရောင်တောက်ပနေတဲ့အချိန်မျိုးမှာ သင့်ရဲ့အစာစားခြင်းကို ကန့်သတ်ပြီး စားသုံးသင့်ပါတယ်။ နေ့လည် ၁၂နာရီဝန်းကျင်ခန့်အချိန်မျိုးမှာပေါ့။
နေ့လည်စာကိုတော့ လျှော့စားသင့်ပါတယ်။ ဘာလို့လဲဆိုတော့ နေ့လည်စာကို ဝအောင်စားလိုက်တဲ့အခါ ပြည့်အင့်နေပြီး လူကို ထိုင်းမှိုင်းလေးလံလာစေပါတယ်။ အလုပ်လုပ်လို့မတွယ်ကျယ်တော့ဘဲ အတွေးတွေလည်း မသွက်တော့သလို၊ ဖန်တီးနိုင်စွမ်းလည်း လျှော့ကျသွားစေပါတယ်။ အိပ်ငိုက်လာစေပါတယ်။
၃) ခုခံအားကောင်းစေတဲ့အစားအစာတွေကို ရွေးချယ်စားသောက်ပါ။
လောကကြီးမှာ ဝိရောဓိတွေနဲ့ပြည့်နှက်နေပါတယ်။ ကျွန်တော်တို့ခန္ဓာကိုယ်မှာလည်း ထိုကဲ့သို့ပါပဲ။ ညအိပ်ချိန်မှာ အစာမစားသင့်တော့ပေမယ့် ထိုအချိန်မှာ ကျွန်တော်တို့ရဲ့အစာအိမ်က အဆာလောင်ဆုံးအချိန်ဖြစ်နေတတ်ပြန်ပါတယ်။ ဒါပေမယ့် အစာကို စောစောစားထားခြင်းက ကျွန်တော်တို့ခန္ဓာကိုယ်အတွင်းပိုင်းမှာ ကျန်းမာစေဖို့ လုပ်ဆောင်ချက်တွေကို ဆီလျှော်အောင်လုပ်ဆောင်နိုင်ပါတယ်။
ခန္ဓာကိုယ်က ကြုံသလို အဆင်ပြေသလိုစားသောက်တာကို လက်မခံနိုင်ပါဘူး။ ကျွန်တော်တို့ခန္ဓာကိုယ်က ခုခံအားကောင်းဖို့လိုအပ်တဲ့အတွက် အစားအသောက်ကိုဂရုစိုက်သင့်ပါတယ်။ အာဟာရပြည့်ဝတဲ့အစားအသောက်ကိုစားသုံးပါမှ ခုခံအားအတွက် အဆင်ပြေမှာဖြစ်ပါတယ်။ ခန္ဓာကိုယ်နဲ့ဦးနှောက်အတွက် လိုအပ်တဲ့စွမ်းအင်ကို စီမံနိုင်မှာဖြစ်ပါတယ်။
စိတ်ဝင်စားစရာကောင်းတဲ့လေ့လာချက်တစ်ခုအရ လူတွေရဲ့ကယ်လိုရီတွေက ဇီဝကမ္မဖြစ်စဉ်တွေအတွက် ပြောင်းလဲပစ်နိုင်ပါတယ်။ သွေးဖိအားများခြင်းနဲ့ သွေးထဲကသကြားဓာတ်များခြင်းကဲ့သို့) အခြားသောလေ့လာချက်အရ အစားအစာကို ပုံမှန်မစားသုံးခြင်းက အင်ဆူလင်တိုးစေပြီး LDL (bad) cholesterol မကောင်းတဲ့ကိုလက်စထရောပမာဏကို တိုးစေပါတယ်။
အဲဒါကြောင့် အစားအစာနဲ့ အဆာပြေ snacks တွေစားခြင်းကို မျှတအောင်စားသုံးဖို့လိုပါတယ်။ တစ်နေ့စီတိုင်းမှာ အာဟာရပြည့်ဝအောင်စားပေးသင့်ပါတယ်။ အဲဒါက သင့် ခန္ဓာကိုယ်အတွက်သာမက ဦးနှောက်ရဲ့လုပ်ဆောင်ချက်တွေကိုပါ မြင့်တင်ပေးနိုင်တာကြောင့် ဆုံးဖြတ်ချက်မှားခြင်း၊ အစီအစဉ်အတိုင်းဆောင်ရွက်နိုင်ခြင်း၊ သင်ရည်မှန်းထားတာတွေလုပ်ဆောင်ပြီးမြောက်နိုင်ခြင်း စတဲ့အရာတွေမှာပါ အကျိုးသက်ရောက်နိုင်တာဖြစ်ပါတယ်။
အဲဒါကြောင့် ကျန်းမာစေတဲ့အစားအစာကိုရွေးချယ်စားသောက်ပါ။ အထက်ကဖော်ပြထားတဲ့အဆင့် ၃ဆင့်ကိုလည်း မမေ့ပါနဲ့လို့ တိုက်တွန်းလိုက်ရပါတယ်။
https://www.success.com/healthful-eating-guidelines/ လင့်မှာ ကိုးကားဖော်ပြခြင်းဖြစ်ပါတယ်။
