အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။

အိပ်ရာစောစောဝင်ခြင်းရဲ့ကောင်းကျိုးများ

ညဥ့်နက်မှ အိပ်ရာဝင်ခြင်းက ဆိုးကျိုးတွေအများကြီးဖြစ်စေပါတယ်။ အိပ်ရာစောစောဝင်ခြင်းက လူရဲ့ကိုယ်စိတ်ကျန်းမာရေးကို အများကြီးကောင်းကျိုးဖြစ်စေပါတယ်။ ဒီတစ်ခါတော့ အိပ်ရာစောစောဝင်ခြင်း တနည်းအားဖြင့် ပုံမှန်ချိန်ဖြင့် အိပ်ရာဝင်ခြင်းရဲ့ကောင်းကျိုးတွေကို ပြောပြပေးချင်ပါတယ်။ ခုခတ်ေမှာ နည်းပညာခေတ်စားလာတဲ့အညီ ညအိပ်ချိန်ကလည်းမမှန်တော့ပါဘူးနော်။ ဂိမ်းဆော့တာ ဖုန်းသုံးတာ၊ အလုပ်တွေပိုများလာတာတွေကြောင့် ညဘက်ဆို အတော်ညဥ့်နက်ပါမှ အိပ်ရာဝင်တာမျိုးတွေဖြစ်လာပါတယ်။ အဲဒါက အိပ်ရေးမဝစေဘဲ ကျန်းမာရေးကိုဆိုးကျိုးတွေဖြစ်လာစေပါတယ်။


တကယ်တော့ ပုံမှန်ရှိသင့်တဲ့အိပ်စက်ချိန် ၇ - ၈နာရီဝန်းကျင် အိပ်ချိန်အပြည့်ရမှ လူတစ်ယောက်ဲရဲ့ဇီဝကမ္မဖြစ်စဥ်တွေအတွက် အထောက်အကူပြုသလို စိတ်လည်း ကြည်လင်လန်းဆန်းစေတာပါ။
အိပ်ရာစောစောဝင်တဲ့အခါ မနက်ဆိုလည်း အိပ်ရာစောစောနိုးစေတာကြောင့် လူက တက်ကြွစေပြီး အလုပ်လည်းပိုပြီးမြောက်နိုင်တာပေါ့။ “a better sleep means a better you.” ဆိုသလို ပိုကောင်းပြိးမှန်ကန်တဲ့အိပ်စက်ချိန်က သင့်အတွက် ပိုကောင်းတဲ့လူတစ်ယောက်ဖြစ်လာစေပါတယ်။

၁) အိပ်ရာစောစောဝခြင်းက စိတ်ဖိစီးမှုတွေကိုပြေလျော့စေပါတယ်။
အိပ်‌ရေးမဝတဲ့အခါ စိတ်ဖိစီးမှုဟော်မုန်းတွေကိုပိုပြီးထုတ်လွှတ်စေပါတယ်။ အဲဒါကြောင့် ပိုပြီးအချိန်မှန်မှန်အိပ်စက်ခြင်းနဲ့ အိပ်ရေးဝခြင်းက သင့်အတွက် အဲဒိ့ဟော်မုန်းတွေကို လျော့ကျစေတာမို့ စိတ်ဖိစိးမှုပြေပျောက်စေနိုင်ပါတယ်။

၂) မှတ်ဥာဏ်ကောင်းစေပါတယ်။
အိပ်ရေးမဝခြင်းက သင့်ရဲ့ဥာဏ်ရည်ကို တဖြည်းဖြည်းချင်းထိခိုက်လာစေပါတယ်။ အဓိက အိပ်ရေးမဝတဲ့အခါ ဦးနှောက်က ဖိစီးမှုဖြစ်ပေါ်စေပြီး ပင်ပန်းစေပါတယ်။ မှတ်ဥာဏ်တွေထိန်းသိမ်းဖို့ အခက်ခဲဖြစ်လာစေပါတယ်။ အဲဒါကြောင့် အိပ်ရေးမဝတာများလာတဲ့နောက် မှတ်ဥာဏ်လည်း ချို့ယွင်းလာပြီး မကြာခဏမေ့တတ်လာပါတယ်။ အိပ်ရေးဝဝအိပ်စက်ခြင်းက ထိုအဖြစ်ကနေ ကာကွယ်နိုင်တာပေါ့။

၃) သွေးဖိအားကိုထိန်းနိုင်ပါတယ်။
သွေးဖိအားများခြင်းက သင့်ရဲ့နှလုံးကိုထိခိုက်နိုင်ချေများပါတယ်။ အိပ်စက်ချိန်မှာ ခန္ဓာကိုယ်ရဲ့တင်းကြပ်မှုအားလုံးကိုပြေလျောစေတာကြောင့် သွေးကြောတွေကိုလည်း တင်းကြပ်မှုလျော့ကျစေပါတယ်။ အဲဒီ့အတွက် သွေးကြောတွေတင်းနေတာကိုပြေလျော့စေပြီး သွေးဖိအားကိုလည်း လျော့ကျဖို့အထောက်အကူပြုပါတယ်။

၄) ကိုယ်ခံအားကောင်းစေပါတယ်။
အိပ်ရာစောစောဝင်ပြီးအိပ်ရေးဝဝအိပ်ခြင်းက သင့်ခန္ဓာကိုယ်တွင်းမှာ protein molecules တွေထုတ်လွှတ်စေတာကြောင့် ပြင်ပမှကူးစက်ရောဂါတွေကိုတိုက်ဖျက်နိုင်ပါတယ်။ အိပ်ရာစောစောဝင်ခြင်းနဲ့ အိပ်ရေဝခြင်းကြောင့် သာမန်ဖျားနာခြင်းတွေမဖြစ်နိုင်အောင် ကိုယ်ခံအားကိုကောင်းစေပါတယ်။

၅) ဝိတ်ထိန်းထားနိုင်ပါတယ်။
အိပ်ရေးဝခြင်းက သင့်ခန္ဓာကိုယ်ဝိတ်ကိုလည်း ထိန်းထားပြီးသားဖြစ်စေပါတယ်။ ခန္ဓာကိုယ်ထဲက ဟော်မုန်းတွေမျှတစေတာကြောင့် အစာစားချင်စိတ်ကိုလည်း ပုံမှန်ဖြစ်စေပြီး အစာကြေလွယ်စေပါတယ်။

၆) စိတ်ခံစားချက်ပိုကောင်းမွန်စေပါတယ်။
အိပ်ရေးမဝတဲ့အခါ စိတ်ခံစားချက်ကလုံးဝမကောင်းပါဘူး။ တ်မကြည်တာ၊ ခေါင်းမကြည်တာအပြင် ဘာလုပ်လုပ်အဆင်မပြေဘဲ စိတ်ရှုပ်ထွေးစေပါတယ်။ အိပ်ရေးဝတဲ့အခါမှာတော့ စိတ်ခံစားချက်ကြည်လင်လန်းဆန်းနေစေပြီး ဘာလုပ်လုပ်အဆင်ပြေနေတယ်လို့ထင်မြင်လာစေပါတယ်။

၇) ဆီးချိုလျော့ကျစေပါတယ်။
အချို့သောလေ့လာချက်တွေအရအိပ်ရေးဝဝအိပ်စက်ခြင်းဟာ ခန္ဓာကိုယ်က ကလူးကို့စ်ပမာဏကို ထိန်းပေးတာကြောင့် ဆီးချိုရောဂါကို လျော့ကျစေပြီးထိန်းချုပ်ပေးနိုင်တယ်လို့ဆိုပါတယ်။

၈) နှလုံးကျန်းမာစေပါတယ်။
စိတ်ဖိစီးမှုကိုလျော့ကျစေတာကြောင့် ခန္ဓာကိုယ်ကတင်းမာမှုတွေကိုပြေလျော့စေတာကြောင့် ခန္ဓာကိုယ်တွင်းရောင်ရမ်းနေတာတွေကိုလည်းပြေပျောက်စေတာကြောင့် နှလုံးထိခိုက်မှုကို နည်းပါးစေပါတယ်။ နှလုံးရောဂါဖြစ်ပွားနိုင်ချေကို နည်းစေပါတယ်။

အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။