၁) အဓိကအာဟာရဓာတ်တွေပါဝင်ပါတယ်။
ဗီတာမင်အေနဲ့စီ ကြွယ်ဝစွာပါဝင်ပါတယ်။ ဗီတာမင်အေက အမြင်အာရုံ၊ အရေပြားနဲ့ ခုခံစွမ်းအားအတွက်အကျိုးရှိစေပြီး ဗီတာမင်စီကတော့ အစွမ်းထက်တဲ့ antioxidant တမျိုးပါပဲ။
ပင်မှည့်သီးမှာ ဗီတာမင်အေ၊ ပိုတက်ဆီယမ်၊ မဂ္ဂနီဆီယမ်၊ ဗီတာမင်စီ၊ ကယ်လဆီယမ်၊ သံဓာတ်၊ အမျှင်ဓာတ်တွေအပြင် ဖော့စဖောရတ်၊ ဗီတာမင် ဘီဆစ်နဲ့ niacin ဓာတ်တွေပါဝင်ပါတယ်။

၂) antioxidant တွေပါဝင်ပါတယ်။
Antioxidants တွေအများအပြားပါဝင်ပါတယ်။ ခန္ဓာကိုယ်က ဖရီးရယ်ဒီကယ်တွေကို တိုက်ဖျက်နိုင်တဲ့ကွန်ပေါင်းတွေဖြစ်ပါတယ်။ ခန္ဓာကိုယ်ရဲ့စနစ်တွေကို ကျန်းမာစေဖို့စီမံပေးနိုင်ပါတယ်။ သွေးစီးဆင်းလည်ပတ်မှု၊ ဦးနှောက်နဲ့ အာရုံကြောကစနစ်စတာတွေအတွက် အထူးကောင်းမွန်စေပါတယ်။ ခန္ဓာကိုယ်တွင်းရောင်ရမ်းခြင်းနဲ့ cellular stress တွေလျော့ကျစေပါတယ်။ ထိုနှစ်မျိုးလုံးက ခန္ဓာကိုယ်တွင်းမှာ ရောဂါဖြစ်ပွားခြင်းနဲ့ဆက်စပ်နေပါတယ်။ ဥပမာ၊ နှလုံးရောဂါနဲ့ အင်ဇီုင်းမားရောဂါကဲ့သို့ရောဂါမျိုးတွေဖြစ်ပွားခြင်း။

၃) အမျှင်ဓာတ်ကြွယ်ဝစွာပါဝင်ပါတယ်။
ပင်မှည့်သီးအတွင်းမှာ အစေ့တွေနဲ့ ပျော့ဖတ်လေးတွေပါဝင်ပါတယ်။ ထိုပျော့ဖတ်လေးတွေမှာ အမျှင်ဓာတ်များစွာပါဝင်ပါတယ်။ အမျှင်ဓာတ်က အစာခြေစနစ်အတွက်ကောင်းမွန်စေပြီး အစာခြေစနစ်ကို ပုံမှန်ဖြစ်အောင်ထိန်းညှိုပေးနိုင်ပါတယ်။ အူကျန်းမာစေပြီး ဝမ်းချုပ်ခြင်းကိုကာကွယ်ပေးနိုင်ပါတယ်။ အူမကြီးဆိုင်ရာရောဂါတွေမဖြစ်ပွားအောင်လည်း ကူညီနိုင်ပါတယ်။
American Heart Association ရဲ့ လေ့လာချက်အရ အမျှင်ဓာတ်က ကိုလက်စထရောကိုလျော့ကျစေပြီး နှလုံးကျန်းမာရေးကို ကောင်းမွန်စေပါတယ်။ အမေရိကက လူအများစုမှာ အမျှင်ဓာတ်လုံလောက်စွာမရကြပါဘူး။၂၀၀၈ခုနစ်လေ့လာချက်အရ အမျှင်ဓာတ်ကို ပျမ်းမျှအားဖြင့် အသက် ၁၉မှ၃၀အတွင်း အမျိုးသားတွေမှာ ၃၃.၆ ဂရမ်ခန့်ရသင့်ပြီး အမျိုးသမီးတွေကတော့ ၂၈ဂရမ်ခန့်ရသင့်ပါတယ်။

၄) glycemic index လျော့ကျစေပါတယ်။
ပင်မှည့်သီးက glycemic index (GI) ကိုလျော့ကျစေပါတယ်။ ပင်မှည့်သီးစားပြီးတဲ့နောက် သွေးထဲကသကြားဓာတ်ကိုမြင့်မားခြင်းကို လျော့ကျစေနိုင်ပါတယ်။ အဲဒါကြောင့် ဆီးချိုသမားတွေအတွက်သင့်တော်ပါတယ်။

၅) အင်ဆူလင်တိုးစေပါတယ်။
GI ပမာဏကို လျေ့ာကျစေတဲ့အတွက် ဆီးချိုသမားတွေအတွက်သင့်တော်ပါတယ်။ အချို့သောလေ့လာချက်တွေအရ ပင်မှည့်သီးမှာ အင်ဆူလင်ပမာဏကိုတိုးစေတယ်လို့တွေ့ရပါတယ်။ အင်ဆူလင်တိုးခြင်းက ဆီးချိုရောဂါကဲ့သို့ ရောဂါဖြစ်ပွားမှုကို လျော့ကျဖို့ကူညီပေးပါတယ်။

၆) ခုခံအားစနစ်ကိုတိုးစေပါတယ်။
ဗီတာမင်စီက ခုခံအားစနစ်ကိုတိုးမြင့်ပေးနိုင်ပါတယ်။ သံဓာတ်စုပ်ယူမှုပိုအားကောင်းလာစေပါတယ်။ ခန္ဓာကိုယ်တွင်း ကူးစက်မှုတွေကို တိုက်ဖျက်စေနိုင်ပါတယ်။

၇) နှလုံးကျန်းမာစေပါတယ်။
ပိုတက်ဆီယမ်ပါဝင်ပြီး ဆိုဒီယမ်နည်းပါးတဲ့အတွက် နှလုံးကျန်းမာရေးအတွက်ကောင်းမွန်စေပါတယ်။
ပင်မှည့်သီးရဲ့အစေ့မှာ အမျှင်ဓာတ်ပါဝင်တာကြောင့် သွေးကြောတွေထဲမှာ ကိုလက်စထရောမြင့်မားခြင်းကိုလျော့ကျစေပါတယ်။ အမျှင်ဓာတ်မြင့်မားစွာပါဝင်ခြင်းက နှလုံးရောဂါဖြစ်ပွားမှုအန္တရာယ်ကို ကာကွယ်နိုင်ပါတယ်။
ပင်မှည့်သီးစားခြင်းအားဖြင့် သွေးဖိအားကိုလည်း ထိန်းချုပ်ပေးနိုင်ပါတယ်။ ဆိုဒီယမ်နည်းပြီး ပိုတက်ဆီယမ်များခြင်းက သွေးဖိအားကို လျော့ကျစေပါတယ်။

၈) စိုးရိမ်ပူပန်မှုကိုလျော့ကျစေပါတယ်။
မဂ္ဂနီဆီယမ်ကြွယ်ဝခြင်းကြောင့် စိုးရိမ်ပူပန်ခြင်း၊ ဖိစီးမှုများခြင်းကို လျော့ကျစေပါတယ်။ ၂၀၀၇ခုနစ်လေ့လာတွေ့ရှိချက်အရ မဂ္ဂနီဆီယမ်က လူတွေရဲ့စိုးရိမ်မှုကိုလျှော့ချဖို့ကူညီပေးနိုင်ပါတယ်။
ပင်မှည့်သီးကို ရေနဲ့သကြားနဲ့ရောပြီးဖျော်သောက်နိုင်သလို၊ အခြားသောအသီးဖျော်ရည်တွေထဲလည့်ထည့်သွင်းသောက်သုံးနိုင်ပါတယ်။ ဒိန်ချဉ်ထဲလည်း ထည့်နိုင်ပါတယ်။
ဘေးထွက်ဆိုးကျိုးများ
လူအတော်များများနဲ့တော့ စားသုံးဖို့အဆင်ပြေပြီး အချို့သောလူတွေမှာတော့ ပင်မှည့်သီးနဲ့ဓာတ်မတည့်တာမျိုးဖြစ်နိုင်ပါတယ်။ ဓာတ်မတည့်မှုကဲ့သို့ လက္ခဏာမျိုးပြလာရင်တော့ မစားသုံးသင့်ပါဘူး။
https://www.medicalnewstoday.com/articles/324383.php#nutrients လင့်မှဘာသာပြန်ဖော်ပြခြင်းဖြစ်ပါတယ်။