လက်ရှိမှာဆိုရင် ထိုင်း၊ ဂျပန်၊ ထိုင်ဝမ်၊ ဟောင်ကောင်နဲ့ အမေရိကန်နိုင်ငံတို့မှာ အဆိုပါ ရောဂါသံသယရှိလူနာတွေနဲ့ ရောဂါပိုးရှိသူတွေကို စစ်ဆေးတွေ့ရှိထားပါတယ်။ ဇန်နဝါရီလ ၂၄ရက်ဒီနေ့မှာဆိုရင် ထိုရောဂါပိုးကူးစက်ခံရသူ ၈၃၀ဦးနဲ့ သေဆုံးသူဦးရေ ၂၅ဦးထိရှိလာပြီလို့ တရုတ်အစိုးရမှ ထုတ်ပြန်ကြော်ငြာထားပါတယ်။
ကိုရိုနာဗိုင်းရပ်စ်ကြောင့် ဖြစ်နိုင်တဲ့ ပြင်းထန်အဆုတ်ရောင်ရောဂါရဲ့လက္ခဏာတွေကတော့….
ဖျားနာခြင်း၊ နှာချေခြင်း၊ ချောင်းဆိုးခြင်း၊ အသက်ရှုကြပ်ခြင်းကဲ့သို့ တုတ်ကွေးဆန်သောလက္ခဏာများဖြစ်ပွားနိုင်ပါတယ်။
ကျန်းမာရေးဝန်ကြီးဌာနကထုတ်ပြန်ထားသော ကော်ရိုနာဗိုင်းရပ်စ် (သို့) ဝူဟန်ဗိုင်းရပ်စ်(Novel Coronavirus ) ကူးစက်ခြင်းမခံရစေဖို့ လုပ်ဆောင်သင့်သောနည်းလမ်းများကတော့ အောက်ပါအတိုင်းဖြစ်ပါတယ်။
- ဖျားနာခြင်း၊ ချောင်းဆိုးခြင်း၊ နှာချေခြင်းစတဲ့အသက်ရှုလမ်းကြောင်းဆိုင်ရာ ရောဂါလက္ခဏာခံစားနေရသူတွေနဲ့ နီးကပ်စွာနေထိုင်ခြင်းမှရှောင်ကျဉ်
ရန်
- လူဦးရေ ထူထပ်သောနေရာများကို သွားလာလှုပ်ရှားခြင်းကို ရှောင်ကျဉ်ရန်
- နှာစေး၊ ချောင်းဆိုးတဲ့အခါ နှာခေါင်းနဲ့ပါးစပ်ကို လုံခြုံအောင် ကာကွယ်နိုင်ဖို့ လုံခြုံတဲ့အဝတ်စ၊ လက်ကိုင်ပုဝါ၊ နှာခေါင်းစည်းတွေနဲ့ အသုံးပြုရန်
- တိရိစ္ဆာန်တွေကို တိုက်ရိုက်ထိတွေ့ကိုင်တွယ်ခြင်းမပြုလုပ်ရန်
- လူနာနဲ့ထိတွေ့ထားတဲ့အရာဝတ္ထုတွေကို ထိတွေ့ကိုင်တွယ်ပြီးတိုင်း၊ လူနာနဲ့တိုက်ရိုက်ထိတွေ့ပြီးတဲ့အခါတိုင်း စနစ်တကျလက်ဆေးရန်
- ကျန်းမာရေးဝန်ထမ်းများအနေနဲ့လည်း လူနာနဲ့ထိတွေ့ကိုင်တွယ်ရတဲ့အချိန်တိုင်း မိမိကိုယ်ကို ရောဂါပိုးကူးစက်ခြင်းမရှိစေရန် Infection Prevention and Control အားအထူးလိုက်နာရန်
- အပြည်ပြည်ဆိုင်ရာလေဆိပ်များဆီသို့ လေကြောင်းခရီးမှတဆင့် ဝင်ရောက်လာသော ပြည်တွင်းပြည်ပခရီးသည်များအနေဖြင့်လည်း ကျန်းမာရေးနှင့်အားကစားဝန်ကြီးဌာနမှထုတ်ပြန်ထားသော အပြည်ပြည်ဆိုင်ရာ ခရီးသွားများအတွက် ကျန်းမာရေးဆိုင်ရာအကြံပေးချက် (Travel Advice) တို့ကိုလိုက်နာရန်ပဲဖြစ်ပါတယ်။
ကျန်းမာရေးနဲ့အားကစားဝန်ကြီးဌာန၏တရားဝင်ကြော်ငြာချက်များကိုသိရှိနိုင်ရန် အောက်ပါလင့်မှ ဝင်ရောက်ကြည့်ရှုနိုင်ပါတယ်။
https://www.facebook.com/MyanmarCDC/