ဘဝရဲ့အမှန်တရားများ(၃)
ဘဝမှာ ပျော်ရွှင်နေတဲ့လူတွေကိုကြည့်ပြီးလည်း သူတို့ဘဝက ကိုယ့်ထက်သာယာပျော်ရွှင်နေရပါလားဆိုပြီး ကိုယ့်ကိုယ်ကိုယ်လည်းအားမငယ်လိုက်ပါနဲ့။ ကိုယ့်ထက် အဆင့်အတန်းမြင့်မြင့်နဲ့လိုတရနေတဲ့လူတွေကိုမြင်တိုင်းလည်း သူတို့ဘဝက သာယာလိုက်တာလိုတရပဲလို့ တန်းမထင်လိုက်ပါနဲ့။ ကိုယ့်ထက် အောင်မြင်နေတဲ့လူတိုင်းကိုတွေ့တိုင်းလည်း ကိုယ်သာအသုံးမကျတာပါလားလို့ ကိုယ့်ကိုယ်ကိုယ်လည်းအပြစ်မတင်လိုက်ပါနဲ့အုံး။ ဘဝမှာ လူတိုင်းလိုလိုဟာ မတူညီတဲ့တိုက်ပွဲတွေကို ဆင်နွှဲနေကြတဲ့လူတွေချည်းပါပဲတဲ့။ တိုက်ပွဲချင်းမတူလို့ တိုက်ပုံတိုက်နည်းချင်းသာ ကွာရင်ကွာသွားပါလိမ့်မယ်။ လူတိုင်းရဲ့ဘဝမှာ ကိုယ်မမြင်နိုင်တဲ့အခက်အခဲ၊ အကြပ်တည်း၊ အနှောင့်အယှက်နဲ့ စိတ်ရှုပ်စရာစိတ်ညစ်စရာတော့ ရှိနေကြတဲ့လူချည်းပါပဲနော်။ အဲဒါကြောင့် ကိုယ်လက်ရှိရရှိပိုင်ဆိုင်ထားတဲ့ဘဝကိုသာ အကောင်းဆုံးဖြစ်အောင်ကြိုးစားဖို့အရေးကြီးပါတယ်။ အဲဒါသည်လည်း ဘဝရဲ့အမှန်တရားတွေထဲက တစ်ခုပါပဲနော်။ #BAWA101
