၁) antioxidant ကြွယ်ဝခြင်း
reactive oxygen species (ROS) တွေပေါများတာကြောင့် နှလုံးရောဂါ၊ လေဖြတ်ခြင်း၊ အရိုးအဆစ်နာကျင်ခြင်းနဲ့ကင်ဆာရောဂါကဲ့သို့ရောဂါတွေကို သက်သာစေနိုင်ပါတယ်။ သဘာ၀ antioxidant အရင်းမြစ်ဖြစ်တယ်လို့ဆိုပါတယ်။

၂) အမျှင်ဓာတ်ကြွယ်ဝခြင်း
အမျှင်ဓာတ်ကြွယ်ဝပြီးအဆီဓာတ်နည်းပါးခြင်းကြောင့် အစာခြေလွယ်ပြီး ဝမ်းချုပ်ခြင်းကိုသက်သာစေပါတယ်။

၃) ရေဓာတ်ကြွယ်ဝခြင်း
ရေဓာတ် 92% ခန့်ပါဝင်တာကြောင့် ရေဓာတ်ခမ်းခြောက်သူများ ၊ ဆီးမကောင်းသူများ၊ ယူရစ်အက်ဆစ်များသောကြောင့် ဆီးပူသောသူများကို သက်သာစေနိုင်ပါတယ်။

၄) နှလုံးသွေးကြောဆိုင်ရာရောဂါများဖြစ်ပွားမှုအန္တရာယ်မှကာကွယ်နိုင်ခြင်း
ကြွက်တွေမှာလေ့လာချက်အရ နှလုံးခုန်နှုန်းကိုပုံမှန်ဖြစ်စေပြီး နှလုံးအားကောင်းစေပါတယ်။ နှလုံးရောဂါဖြစ်ပွားမှုအလားအလာကို နည်းပါးစေပါတယ်။

၅) ဘက်တီးရီးယားတွေကို သေစေနိုင်ခြင်း
ဝမ်းဗိုက်အတွင်းရှိသန်တွေကိုသေစေတယ်လို့လေ့လာတွေ့ရှိချက်အရသိရပြီး မှိုနဲ့ဘက်တီးရီးယားတွေကို တိုက်ဖျက်နိုင်တယ်လို့လည်းဖော်ပြကြပါတယ်။

အသည်းကအဆိပ်အတောက်တွေလည်းကင်းစေပါတယ်။ သတိထားရမှာကတော့ ဗူးသီး၊ ဗူးညွှန့်ကို ကျက်အောင်ချက်ပြုတ်စားသောက်ရမှာဖြစ်ပါတယ်။ အစိမ်းစားပါက အစာအိမ်နဲ့အူများကို အန္တရာယ်ဖြစ်စေနိုင်ပါတယ်။