၀မ်းချုပ်စေသော အစားအစာများ

ဝမ်းချုပ်ခြင်းဆိုတာက တနည်းအားဖြင့် အူမကြီးလှုပ်ရှားမှု တစ်ပတ်မှာ ၃ကြိမ်ထက်နည်းတဲ့အတွက်ဖြစ်တာလို့ သတ်မှတ်နိုင်ပါတယ်။အရွယ်ရောက်ပြီးသူရဲ့ ၂၇%နှုန်းဟာ လေပွခြင်း၊ အစာအိမ်ထဲမှ ဂတ်စ်တွေထုတ်ခြင်း ပြဿနာကို ရင်ဆိုင်ကြရပါတယ်။ အဓိကကတော့ အစားအစာကြောင့်ပါပဲ ။အချို့သောအစားအစာတွေက ဝမ်းချုပ်ခြင်းကို သက်သာစေပြီး အချု့ိကတော့ ပိုဆိုးစေပါတယ်။ ဝမ်းချုပ်ခြင်းကို ပိုဆိုးစေသော အစားအစာတွေကတော့


၁) နို့ထွက်ပစ္စည်းများ
နို့ထွက်ပစ္စည်းတွေဟာ အခြားသောအစားအစာတွေထက် ပိုပြီးဝမ်းချုပ်စေပါတယ်။ လသား၊ တစ်နှစ်-နှစ်နှစ်ကလေးတွေမှာပိုဆိုးပါတယ်။ နွားနို့မှာတွေ့ရတဲ့ ပရိုတင်းဓာတ်ကြောင့်ပါ။ မကြာသေးမီကလေ့လာချက်အရ အသက် ၁နှစ်မှ ၁၂နှစ်အတွင်း ကလေးတွေမှာ နွားနို့သောက်ခြင်းကြောင့် ဝမ်းချုပ်ခြင်းပိုဆိုးလာတယ်လို့တွေ့ရပါတယ်။ နွားနို့အစား ပဲနို့်ကို ပြောင်းသောက်ခိုင်းလိုက်တဲ့အခါမှာတော့ ဝမ်းချုပ်ခြင်းသက်သာစေတာကိုတွေ့ရပါတယ်။

၂) အသင့်စားအစားအစာ
အသင့်စားအစားအစာတွေက ဝမ်းချုပ်ခြင်းကိုပိုဆိုးစေပါတယ်။
အဆီများပြီး အမျှင်ဓာတ်ပါဝင်မှုနည်းတဲ့အတွက် အစာခြေခြင်းကို နှေးကွေးစေပါတယ်။ အသင့်စားအစားအစာဖြစ်တဲ့ ကွတ်ကီး၊ ချောကလက်၊ ရေခဲမှုန့်တွေအစား အမျှင်ဓာတ်ကြွယ်ဝတဲ့ အသီးအနှံတွေ၊ ဟင်းသီးဟင်းရွက်တွေအစားထိုးသင့်ပါတယ်။

၃) ဆီကြော်
ဆီကြော်မုန့်တွေနဲ့ အသင့်စားအစားအစာတွေက အတူတူပါပဲ ။ အမျှင်ဓာတ်ပါဝင်မှုလုံးဝမရှိဘဲ အဆီပါဝင်မှုသာများတာကြောင့် အစာခြေဖို့ရာအခက်အခဲဖြစ်စေပါတယ်။ အဲဒီ့အတွက် သရေစာအဖြစ်စားချင်တယ်ဆိုရင် အသီးအနှံတွေကို အစားထိုးစားပေးသင့်ပါတယ်။

၄) အရက်
အရက်ကလည်း ဝမ်းချုပ်စေပါတယ်။ အရက်အများကြီးသောက်ခြင်ဟာ ခန္ဓာကိုယ်က မကြာခဏသွားပြီး ရေဓာတ်ဆုံးရှုံးမှုဖြစ်စေပါတယ်။ ရေဓာတ်ဆုံးရှုံးခြင်းက ရေလုံလောက်စွာမသောက်တဲ့လူလိုပါပဲ၊ အူမကြီးလုပ်ဆောင်ဖို့ရာ မလွယ်ကူစေတာကြောင့် ဝမ်းချုပ်စေပါတယ်။

၅) အနီရောင်အသားများ
အနီရောင်အသားများမှာ ဝမ်းချုပ်ခြင်းကိုဖြစ်စေတဲ့အကြောင်းရင်း ၃ခုရှိပါတယ်။ အမျှင်ဓာတ်ပါဝင်မှုနည်းခြင်းက အစာတွေရွေ့လျားဖို့အဆင်မချောစေပါဘူး။ ပုံမှန်လူတစ်ယောက်ရဲ့နေ့စဉ်ရနိုင်တဲ့အမျှင်ဓာတ်ပမာဏကိုပါ လျှော့ချပစ်နိုင်ခြင်းကြောင့်လည်း ပိုဆိုးသွားပါတယ်။ အဲဒါကြောင့် ထမင်းစားချိန်မှာ အသားများများစားခြင်းက အသီးအရွက်တွေက အမျှင်ဓာတ်တွေကိုပါလျှော့ချပစ်နိုင်ပါတယ်။ အဲဒါအပြင် အနီရောင်အသားတွေမှာ အဆီပါဝင်မှုလည်းပိုများပါတယ်။ အဲဒီ့အကြောင်းတွေကြောင့် ဝမ်းချုပ်ခြင်းကိုပိုဖြစ်စေပါတယ်။

၆) ပေါင်မုန့်
ဂျုံ၊ နှံစားပြောင်း ကနေထုတ်ထားတဲ့ ပေါင်မုန့်ဖြူ၊ ဆန်လုံးဖြူ၊ ပါစတာစတာတွေက အမျှင်ဓာတ်နည်းတာကြောင့် ဝမ်းချုပ်စေပါတယ်။

၇) ကဖင်း
ကဖင်းဓာတ်ပါဝင်တဲ့သောက်စရာတွေကလည်း အရက်လိုပါပဲ ၊ ရေဓာတ်ကိုခမ်းခြောက်စေနိုင်တဲ့အတွက် ရေဓာတ်ချို့တဲ့သောအခါ အူမကြီးလုပ်ဆောင်ချက်နှေးကွေးစေပြီး ဝမ်းချုပ်စေပါတယ်။

အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။