အခြေခံက ျသောလောကဝတ်မ ျားအပိုင်း (၂)
အခြေခံက ျသောလောကဝတ်မ ျားအပိုင်း (၂) #BecomeABetterPerson #BAWA101
အများအက ျိုးကို ကူညီသယ်ပိုးတာဟာ ကောင်းမွန်တဲ့လုပ်ရပ်တစ်ခုဖြစ်ပါတယ်။ လူသားတွေနေထိုင်နေရာ ဒီကမ္ဘာမြေကြီး ပိုမိုကောင်းမွန်လာဖို့အတွက် လူသားအားလုံးမှာ တာဝန်ကိုယ်စီရှိကြပါတယ်။ အခုဖော်ပြမှာကတော့ ကိုယ်က ျိုးကို မငဲ့ကွက်ပဲ နိုင်ငံတကာမှာ လူမှုအကျိုးပြုလုပ်ငန်းတွေ လုပ်ဆောင်နေကြတဲ့ ခ ျီးက ျူးထိုက်တဲ့ လေးစားဖွယ် အာဂလူသားအချို့နဲ့ သူတို့ရဲ့ လုပ်ဆောင်ချက်တွေကိုအားက ျအတုယူနိုင်ရန်ရှယ်ပေးလိုက်ရပါတယ်။ ၁။ ဉာဏ်ရည်ပိုင်းဆိုင်ရာ အခက်အခဲရှိသူတွေကို အလုပ်ခန့်ထားတဲ့ Bitty & Beau ကော်ဖီဆိုင် မြောက်ဘက် ကာရိုလိုင်းနားက ဝယ်လ်မင်တန်ဆိုတဲ့ မြို့လေးမှာ Bitty & Beau’s Coffee ဆိုတဲ့ ကော်ဖီဆိုင်လေးတစ်ဆိုင်ရှိပါတယ်။ ထူးခြားချက်ကတော့ အဲ့ဒီဆိုင်မှာရှိတဲ့ ဝန်ထမ်း၊ အလုပ်သမားတွေဟာ Down syndrome, Autism, Cerebral Palsy စတဲ့ ဉာဏ်ရည်ပိုင်းဆိုင်ရာ အခက်အခဲရှိသူတွေဖြစ်နေတာပါပဲ။ ဆိုင်ပိုင်ရှင် Amy Wright ကိုယ်တိုင်မှာလဲ Beau နဲ့ Bitty လို့ခေါ်တဲ့ Down syndrome ဖြစ်နေတဲ့ကလေး ၂ ယောက်ရှိပါတယ်။ ဒါကသူမရဲ့ စိတ်ကိုလှုံ့ဆော်ပေးခဲ့ပါတယ်၊ အကူအညီလိုအပ်နေတဲ့ လူမှုအသိုက်အဝန်းတစ်ခုကို သူမဘယ်လိုနည်းနဲ့ ကူညီနိုင်မလဲ။ ဒါနဲ့ ကော်ဖီဆိုင်လေးတစ်ဆိုင်ဖွင့်ဖို့ စိတ်ကူးစရခဲ့ပါတယ်။ ၂၀၁၆ မှာစဖွင့်ခဲ့တဲ့ သူမရဲ့ဆိုင်မှာ အခုဆိုရင် ဉာဏ်ရည်ပိုင်းဆိုင်ရာ အခက်အခဲရှိသူ ၄၀ ခန့်ကို အလုပ်ခန့်ထားနိုင်နေပြီး ကောင်းမွန်စွာ လည်ပတ်နေပါတယ်။ ဉာဏ်ရည်ပိုင်းဆိုင်ရာ ဖွံ့ဖြိုးတိုးတက်မှု အခက်အခဲရှိသူတွေရဲ့ ၇၀% ဟာအလုပ်မရှိကြပါဘူး။ Bitty & Beau’s Coffee Shop ဟာသူတို့အတွက်တော့ မျှော်လင့်ချက်တွေ မွေးဖွေးပေးတဲ့ နေရာတစ်ခုဖြစ်ပါတယ်။ နားခိုရာနေရာတစ်ခုလဲဖြစ်ပါတယ်။ ၂။ တစ်ကိုယ်ရည်သန့်ရှင်းရေးအတွက် ဆပ်ပြာတွေဖြန့်ဝေပေးနေတဲ့ Eco-Soap Bank ကမ်ဘောဒီးယားနိုင်ငံသားအများစုအတွက် ဆပ်ပြာဆိုတာ ဇိမ်ခံပစ္စည်းတစ်ခုလိုပါပဲ၊ သုံးစွဲဖို့ မတတ်နိုင်ကြပါဘူး။ ကေ ျးလက်ဒေသမှာဆို ကလေးငယ်တွေမှာ ရောဂါတွေဖြစ်ကြတယ်၊ လက်ဆေးတဲ့အခါ ဆပ်ပြာမသုံးနိုင်ကြလို့ပါ။ UNICEF ရဲ့စစ်တမ်းအရ ကမ်ဘောဒီးယားမှာ အသက် ၅ နှစ်အောက် ကလေး ၅ ယောက်မှာ ၁ ယောက်က ဝမ်းရောဂါကြောင့် သေဆုံးနေရပါတယ်။ ဒီလိုအခြေအနေတွေကို ၂၀၁၄ ခုနှစ်မှာ ကမ်ဘောဒီးယားကျေးရွာတစ်ခုမှာ လာရောက်ကူညီတဲ့ ကောလိပ်ကျောင်းသား Samir Lakhani တစ်ယောက်တွေ့သွားခဲ့ပါတယ်။ ဒီကျန်းမာရေး ပြသနာတွေကို ဖြေရှင်းနိုင်မယ့် နည်းလမ်းတစ်ခုက အလဟသဖြစ်နေတဲ့ ဟော်တယ်တွေက ဆပ်ပြာတုံးတွေဖြစ်တယ်ဆိုတာလဲ သိလာခဲ့ပါတယ်။ ဒါနဲ့ Eco-Soap Bank ကိုစတင်တည်ထောင်ခဲ့တယ်။ သူ့ရဲ့ လူမှုအကျိုးပြုလုပ်ငန်းကနေ ကမ်ဘောဒီးယားမှာရှိတဲ့ ဟော်တယ်တွေကနေ အလဟသဖြစ်နေတဲ့၊ အသုံးပြုနိုင်သေးတဲ့ စွန့်ပစ် ဆပ်ပြာတုံးတွေကို စုဆောင်းတယ်၊ ပြီးတော့ ပြန်လည်အသုံးပြုနိုင်အောင် ထုတ်လုပ်တယ်၊ နောက်ပြီး လိုအပ်တဲ့နေရာတွေကို ဖြန့်ဝေပေးပါတယ်။ တစ်ကိုယ်ရည်သန့်ရှင်းမှုပြသနာကိုလဲ တစ်ထောင့်တစ်နေရာက ပါဝင်ဖြေရှင်းပေးပြီးသားဖြစ်တယ်၊ သူ့ရဲ့လုပ်ငန်းအတွက် ပြည်တွင်း အမျိုးသမီးအလုပ်သမား ၃၅ အတွက်လဲ အလုပ်ရှာဖွေခန့်ထားပေးနိုင်တယ်၊ ဟော်တယ်တွေမှာ မလိုအပ်ပဲ အမှိုက်ပွနေတာကိုလဲ ရှင်းပေးပြီးသားဖြစ်ပါတယ်။ ခဲတစ်လုံးထဲနဲ့ ငှက် ၃ ကောင်ထိသလိုပါပဲ၊ Eco-Soap Bank ဟာယနေ့မှာဆို လူပေါင်း ၆၅၀,၀၀၀ ကျော်ရဲ့ ကျန်းမာရေးကို အထောက်အကူပြု တိုးတက်စေနိုင်ခဲ့ပြီဖြစ်ပါတယ်။ ၃။ မိဘမဲ့ AIDS ကလေးငယ်တွေရဲ့ ကယ်တင်ရှင် Mama Rosie UNICEF ရဲ့ခန့်မှန်းချက်အရ တောင်အာဖရိကမှာ မိဘမဲ့ကလေးငယ် အရေအတွက်ဟာ ၃.၇ သန်းကျော်ရှိပါတယ်။ ၎င်းတို့ထဲက ကလေးငယ်တစ်ဝက်ခန့်ရဲ့ မိဘတွေဟာ AIDS နဲ့သေဆုံးခဲ့သူတွေ ဖြစ်ပါတယ်။ ဒီကလေးငယ်တွေကို ဘယ်သူကကြည့်ရှုစောင့်ရှောက်ပေးမှာလဲ။ Rosie Mashale ဟာကျောင်းဆရာမဟောင်းတစ်ဦး ဖြစ်ပါတယ်။ ကိတ်ပ်တောင်းမြို့ကို ပြောင်းရွှေ့နေထိုင်တဲ့အချိန်မှာ မြောင်းကြိုမြောင်းကြားတွေထဲမှာ အစာရှိလိုရှိငြား လိုက်ရှာနေကြတဲ့ ကလေးငယ်လေးတွေကို စိတ်ထိခိုက်စွာ တွေ့ခဲ့ရတယ်။ ဒီလိုနဲ့ သူမတတ်နိုင်သလောက် ကလေးငယ်တွေကို စောင့်ရှောက်ပေးရင်းနဲ့ သူမရဲ့ အိမ်ဟာ နေ့ကလေးထိန်းဂေဟာလေးတစ်ခု ဖြစ်လာခဲ့ပါတယ်။ ၂၀၀၀ ခုနှစ်မှာတော့ သူမရဲ့အိမ်ရှေ့မှာ လာရောက်စွန့်ပစ်ထားခံရတဲ့ ကလေးငယ်လေးကို တွေ့ခဲ့တယ်၊ ၂ နှစ် ၃ နှစ်ခန့်သာရှိပါဦးမယ်။ ဒီလိုနဲ့ မိဘမဲ့ကလေးစောင့်ရှောက်ရေး ဂေဟာကိုပါ စတင်တည်ထောင်ဖြစ်ခဲ့ပါတယ်။ ဒီနေ့အချိန်မှာဆိုရင် Rosie Mashale နဲ့ သူမရဲ့အဖွဲ့ဟာ အစွန့်ပစ်ခံ AIDS ကလေးငယ် ၅၀၀၀ ကျော်ကို စောင့်ရှောက်ကူညီပေးနိုင်ခဲ့ပြီဖြစ်ပါတယ်။ ၄။ ကလေးငယ်တွေအတွက် ပိုမိုကောင်းမွန်တဲ့ လူမှုဝန်းကျင်တစ်ခုဖန်တီးပေးနေတဲ့ Harlem Grown စိုက်ခင်း Tony Hillery ဟာလွန်ခဲ့တဲ့ ၆ နှစ်ခန့်က နယူးယော့ခ်မြို့၊ ဟာလမ်မက ပုဂ္ဂလိကကျောင်းတစ်ခုမှာ သင်ကြားရေးပိုင်း လုပ်အားပေးအနေနဲ့ ဝင်ရောက်ကူညီခဲ့ဖူးပါတယ်။ ကလေးငယ်တော်တော်များများရဲ့ မိသားစုတွေဟာ ဆင်းရဲနွမ်းပါးကြပါတယ်။ တစ်နေ့တော့ မူလတန်းကျောင်းသားလေးတစ်ဦးကို ခရမ်းချဉ်သီးဘယ်ကသီးလဲလို့မေးလိုက်တဲ့အခါ စူပါမားကတ်ကသီးတယ်လို့ပြန်ပြောတော့ သူအံ့သြသွားခဲ့ပါတယ်။ ကလေးငယ်တော်တော်များဟာ လတ်ဆတ်တဲ့ ဟင်းသီးဟင်းရွက်တွေကို မတတ်နိုင်ကြသလို ပိုဆိုးတာက ဟင်းသီးဟင်းရွက်တွေ ဘယ်ကရတယ်ဆိုတာကိုပါ မသိတာဖြစ်ပါတယ်။ ဟင်းသီးဟင်းရွက်နဲ့ အသီးအနှံတွေကိုလဲ ကွဲကွဲပြားပြား မသိကြပါဘူး။ ဒါနဲ့ ကေ ျာင်းမ ျက်စောင်းထိုးမှာရှိတဲ့ စွန့်ပစ်ထားတဲ့ ဥယ ျာဉ်ဟောင်းတစ်ခုကို အသုံးချဖို့ အကြံရသွားပါတယ်။ လိုအပ်တဲ့ စီစဉ်မှုတွေ ပြုလုပ်ပြီးနောက်မှာ သီးနှံစိုက်ခင်းအဖြစ် ပြောင်းလဲလိုက်ပြီး Harlem Grown ဆိုတာဖြစ်ပေါ်လာပါတယ်။ ယနေ့မှာဆိုရင် Harlem Gorwn စိုက်ခင်း ၁၀ ခုအထိရှိလာပြီဖြစ်ပါတယ်။ Tony Hillery နဲ့သူ့ရဲ့ဝန်ထမ်းတွေက ကလေးငယ်တွေကို သီးနှံစိုက်ပျိုးနည်းတွေ သင်ပေးတယ်၊ ဟင်းချက်နည်းတွေလဲ သင်ကြားပေးပါတယ်။ Harlem Grown ဟာသီးနှံစိုက်ခင်းတစ်ခုဆိုတာထက် ပိုပါတယ်၊ ဒါဟာ ကလေးငယ်တွေအတွက် ပိုမိုကောင်းမွန်တဲ့ လူမှုဝန်းကျင်တစ်ခုကို တည်ဆောက်ပေးနေတာဖြစ်ပါတယ်။ ဒီအစီအစဉ်ကနေ နှစ်စဉ် ကလေး ၄၀၀၀ ကျော်ကို ကောင်းမွန်တဲ့ ပညာရေးသင်ကြားမှုတွေနဲ့ ချိတ်ဆက်ပေးနေလျက်ရှိပါတယ်။ ၅။ အိမ်ခြေယာမဲ့တွေအတွက် ရွေ့လျားကိုယ်လက်သန့်စင်ခန်း Lava Mae Lava Mae ဆိုတာ စပိန်ဝေါဟာရဖြစ်ပါတယ်၊ “Wash me” လို့အဓိပ္ပါယ်ရပါတယ်။ ဆန်ဖရန်စစ္စကိုမှာ ထောင်ချီတဲ့ အိမ်ခြေမဲ့တွေအတွက် ကိုယ်လက်သန့်စင်ခန်းအရေအတွက်က ၂၀ ထက်နည်းပါတယ်။ ကျန်းမာရေးအတွက် အခြေခံလိုအပ်ချက်ဖြစ်တဲ့ ကိုယ်လက်သန့်စင်ခြင်းကိုတောင် လုပ်ဖို့ခက်ခဲနေတဲ့ ဒီလူမှုအသိုက်အဝန်းအတွက် တစ်စုံတစ်ခုလုပ်ပေးရမယ်ဆိုတာ Doniece Sandoval အတွေးရခဲ့ပါတယ်။ ဒါနဲ့ ၂၀၁၃ ခုနှစ်မှာ မြို့ပတ်ဘတ်စ်ကားဟောင်းတွေကို ရွေ့လျားကိုယ်လက်သန့်စင်ခန်းတွေအဖြစ် အသွင်ပြောင်းပြီး Lava Mae လို့ခေါ်တဲ့ အိမ်ခြေမဲ့တွေ ကိုယ်လက်သန့်စင်နိုင်မယ့် အစီအစဉ်ကို စတင်ခဲ့ပါတယ်။ ကိုယ်လက်သန့်စင်တာအပြင် ဆံပင်ညှပ်တာ၊ အဝတ်အစားထောက်ပံ့ပေးတာ၊ ကျန်မာရေးစောင့်ရှောက်မှု စတာတွေကိုပါ ထောက်ပံံ့ပေးလျက်ရှိပါတယ်။ အခကျေးငွေမယူတဲ့ ဒီ Lava Mae အစီအစဉ်ဟာ လက်ရှိအချိန်ထိ အိမ်ခြေမဲ့ပေါင်း ၄,၀၀၀ ကျော်အတွက် ကိုယ်လက်သန့်စင်ဖို့နေရာ ထောက်ပံ့ပေးနိုင်ခဲ့ပါပြီ။ အခုဆိုရင် ဆန်ဖရန်စစ္စကိုမှာသာမက လော့စ်အိန်ဂျလိစ်နဲ့ ဆီလီကွန်ဗယ်လီမှာပါ ရွေ့လျားကိုယ်လက်သန့်စင်ခန်းတွေထားရှိပြီး အိမ်ခြေယာမဲ့တွေအတွက် ကျန်းမာရေးစောင့်ရှောက်မှုတွေ ပေးလျက်ရှိပါတယ်။ #Inspiration #BaWa101 ? ( BaWa101 ) Original Source of Translation : “CNN Heroes,” cnn.com Photo Credit : CNN
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
နိုင်ငံတကာမှအားကျစရာကောင်းသောထင်ရှားသည့် Blogger ၁၀ ယောက်အကြောင်း
နိုင်ငံတကာမှာ အောင်မြင်ကျော်ကြားနေတဲ့ Blogger တွေများစွာရှိပါတယ်။ ခရီးသွား၊ အစားအသောက်၊ စီးပွားရေး၊ စိတ်ဓာတ်တက်ကျဖွယ်၊ ဗဟုသုတရဖွယ် စသည်ဖြင့် နယ်ပယ်အသီးသီးမှာ ထူးချွန်စွာ စာရေးသားနေကြသူတွေပါ။ ဒီအထဲကမှ လေးစားအားကျစရာကောင်းတဲ့ ထင်ရှားတဲ့ Blogger (၁၀) ယောက်ကို ရွေးချယ်ဖော်ပြပေးလိုက်ပါတယ်။ ၁။ Gary Vaynerchuk (GaryVaynerchuk.com) နယူးယောက်ခ်မြို့က Blogger တစ်ဦးဖြစ်တဲ့ Gary Vaynerchuk ဟာ ဝိုင်နဲ့ပတ်သတ်တဲ့ အကြောင်းအရာတွေကို တင်ဆက်တဲ့ ဗီဒီယိုဘလော့ဂ်တစ်ခုဖြစ်တဲ့ Wine Library TV မှာအစီအစဉ်တင်ဆက်သူအဖြစ်နဲ့ အင်တာနက်ပေါ်မှာ နာမည်ကျော်ကြားလာခဲ့တာဖြစ်ပါတယ်။ အွန်လိုင်းဗီဒီယိုဘလော့ဂ်ကနေတဆင့် သူ့ရဲ့ကိုယ်ပိုင် ဝိုင်လုပ်ငန်းကို ၁ နှစ်ကို ဒေါ်လာ ၃ သန်းတန်ဖိုးကနေ ဒေါ်လာသန်း ၆၀ တန်ဖိုးရှိ ဝိုင်လက်ကားရောင်းချတဲ့ လုပ်ငန်းကို အောင်မြင်စွာ တည်ထောင်နိုင်ခဲ့ပါတယ်။ ဒေါ်လာသန်းကြွယ်တန်ဖိုးရှိ ကိုယ်ပိုင်အမှတ်တံဆိပ်တစ်ခုကို တည်ဆောက်နိုင်ခဲ့ပြီး ရောင်းအားအကောင်းဆုံး စာရေးဆရာလဲ ၂ ကြိမ်တိုင်တိုင် ရွေးချယ်ခံထားရသူပါ။ ကမ္ဘာ့အကြီးမားဆုံးအမှတ်တံဆိပ်တွေနဲ့ လက်တွဲလုပ်ကိုင်လ ျှက်ရှိတဲ့ Vayner Media အမည်ရ အွန်လိုင်းမားကတ်တင်းအေဂျင်စီကို ပူးတွဲထူထောင်သူလဲဖြစ်ပါတယ်။ Gary Vaynerchuk ဟာဆိုရင် ကမ္ဘာ့နာမည်ကျော် The Wall Street Journal, GQ, Time Magazine စတဲ့မဂ္ဂဇင်းဂ ျာနယ်တွေမှာ ထည့်သွင်းဖော်ပြခြင်းခံထားရပြီး Late Night Show with Conan O’Brien နဲ့ The Ellen Degeneres Show လိုနာမည်ကျော် ရုပ်သံအစီအစဉ်တွေမှာ ပါဝင်ဖူးသူ နာမည်ကေ ျာ် Blogger တစ်ယောက်ပဲဖြစ်ပါတယ်။ ၂။ Rand Fishkin (SEOmoz.org) ကော်လိပ်ကေ ျာင်းမပြီးခင် ကေ ျာင်းမှထွက်ခဲ့တဲ့ Rand Fiskin ကမိသားစုပိုင် ဝက်ဘက်ဆိုဒ်တည်ဆောက်ပေးတဲ့ ကုမ္ပဏီတစ်ခုအတွက် အလုပ်လုပ်ပေးနေရင်းကနေ ၂၀၁၄ မှာ SEO (Search Engine Optimization) အကြောင်းကို ဘလော့ဂ်စတင်ရေးသားခဲ့ပါတယ်။ တစ်ဆက်ထဲမှာပဲ SEO နဲ့ပတ်သတ်ပြီး အကြံပေးဝန်ဆောင်မှုတွေကိုလဲ လုပ်ဆောင်နေခဲ့ပါတယ်။ နောက်ပိုင်းမှာတော့ SEOmoz ဘလော့ဂ်ဟာ အကြံပေးဝန်ဆောင်မှုလုပ်ငန်းကနေ ထွက်ခွာလိုက်ပြီးတော့ SEO ဆော့ဖ်ဝဲဖန်တီးမှုကို အာရုံစိုက်လုပ်ဆောင်လာခဲ့ပါတယ်။ အွန်လိုင်းရှာဖွေမှုတွေမှာ ပညာရေးဆိုင်ရာ သင်ထောက်ကူအရင်းအမြစ်တွေ ပိုမိုပြည့်စုံလာအောင်လဲ ပါဝင်ဆောင်ရွက်ခဲ့ပါတယ်။ Rand Fishkin ပိုင်ကုမ္ပဏီဟာ တစ်လချင်းစီကို ဒေါ်လာသန်းချီဝင်ငွေရှိနေတဲ့ အောင်မြင်နေတဲ့ လုပ်ငန်းတစ်ခုပါ။ ၂၀၁၂ ခုနှစ်မှာ ဒေါ်လာ ၁၈ သန်းအထိတန်ကြေးမြင့်တက်ခဲ့ပါတယ်။ ရရှိထားတဲ့အမြတ်ငွေကို အခြားကုမ္ပဏီတွေကို ဝယ်ယူရာမှာ အသုံးပြုခဲ့တယ်။ လက်ရှိမှာ Rand Fishkin ဟာသူ့ရဲ့ကုမ္ပဏီကို အောင်မြင်စွာ လည်ပတ်လျက်ရှိပြီးတော့ သူ့ရဲ့ဘလော့ဂ်မှာလဲ ပို့စ်တွေဆက်လက်တင်ပေးလျက်ရှိပါတယ်။ ၃။ Pat Flynn (SmartPassiveIncome.com) Pat Flynn ဟာကမ္ဘာပေါ်မှာ လေးစားအားကျဖို့ အကောင်ဆုံး Blogger တစ်ဦးဖြစ်ပါတယ်။ အလုပ်ကထွက်လိုက်ရပြီးနောက်၊ ဘလော့ဂ်စတင်ရေးသားပြီး နှစ်အနည်းငယ်အကြာမှာတင် သူရဲ့မိသားစုကို ထောက်ပံ့ပေးဖို့ တာဝန်ကိုယူခဲ့ရပါတယ်။ သူတည်ဆောက်ခဲ့တဲ့ ဝက်ဘက်ဆိုဒ်တွေနဲ့ အွန်လိုင်းငွေရှာ လုပ်ငန်းတွေရဲ့ တိုးတက်မှုကို မှတ်သားထားဖို့အတွက် SmartPassiveIncome.com ဆိုတဲ့ ဝက်ဘက်ဆိုဒ်တစ်ခုကို တည်ဆောက်ခဲ့ပါတယ်။ အဲ့ဒီအချိန်ကစပြီး သူ့ရဲ့ပွင့်လင်းမြင်သာရှိမှုနဲ့ ရိုးသားမှုတို့ကြောင့် စာဖတ်သူအရေအတွက်တွေ ခိုင်ခိုင်မာမာကို ရရှိခဲ့ပါတယ်။ ယနေ့အချိန်ထိ Pat Flynn ကသူ့ရဲ့လစဉ်ရရှိငွေတွေကို စာဖတ်သူတွေကို မ ျှဝေပေးနေဆဲပဲဖြစ်ပါတယ်။ ဒါတွေက စာဖတ်သူတွေအတွက် စိတ်ဓာတ်ခွန်အားတွေ ဖြစ်စေပါတယ်။ လက်ရှိအချိန်မှာတော့ စက်ရုံအလုပ်ရုံ ဆွေးနွေးပွဲတွေကို ပုံမှန်တက်ရောက်ရင်း သူ့ရဲ့ စာဖတ်ပရိတ်သတ်တွေနဲ့လဲ အဆက်အသွယ်မပြတ်စေပဲ မိသားစုကိုလဲ အချိန်ပေးကာ နေထိုင်လျက်ရှိပါတယ်။ ပြီးခဲ့တဲ့ ၆ လမှာ Pat Flynn ရဲ့ပျမ်းမ ျှဝင်ငွေဟာ တစ်လကို ဒေါ်လာ ၅ သောင်းဝန်းက ျင်ရှိပါတယ်။ ၄။ Brian Clark (Copyblogger.com) Brian Clark က Copyblogger ဝက်ဘက်ဆိုဒ်ကိုတည်ထောင်သူဖြစ်ပါတယ်။ စွန်းဦးတီထွင် စီးပွားရေးလုပ်ငန်းရှင်တွေ ပိုမိုကောင်းမွန်တဲ့ copywriter, content marketer တွေဖြစ်ဖို့ သင်ယူနိုင်မယ့်နေရာတစ်ခုအဖြစ် ၂၀၀၆ ခုနှစ်မှာ ဘလော့ဂ်ကို စတင်ခဲ့ပါတယ်။ အမိုက်စား အကြောင်းအရာတွေတင်ဆက်ပေးနိုင်တာကြောင့် အောင်မြင်လာခဲ့တဲ့ Copyblogger ဟာဆိုရင်ယနေ့ဆိုရင် ပုံမှန်ဝင်ရောက်ကြည့်ရှုသူပေါင်း ၁ သိန်းကျော်ရှိနေပြီဖြစ်ပါတယ်။ Copyblogger Media ကိုလဲတည်ထောင်ထားပြီး Scribe, Synthesis, Premise, StudioPress စတဲ့ ဆော့ဖ်ဝဲကုမ္ပဏီခွဲများစွာကိုလဲ ဖွင့်လှစ်နိုင်ခဲ့ပါတယ်။ Brain Clark ရဲ့အောင်မြင်မှုနောက်ကွယ်က အကြောင်းတရားကတော့ သူ့ရဲ့စာတွေကို ပုံမှန်စောင့်ဖတ်လေ့ရှိပြီး သူ့ရဲ့ကုမ္ပဏီက တည်ဆောက်လိုက်တဲ့ မားကတ်တင်းဆော့ဖ်ဝဲတွေကို ဝယ်ယူအားပေးတဲ့ သစ္စာရှိစာဖတ်သူတွေပဲဖြစ်ပါတယ်။ Brain Clark ဟာသူ့ရဲ့ Copyblogger ဝက်ဘ်ဆိုဒ်ကို သေချာစီမံလုပ်ဆောင်လျက် ရှိပါတယ်။ ၅။ Andrew Sullivan (thedishdaily.com) Andrew Sullivan ကသူ့ရဲ့ဘလော့ဂ် The Daily Dish ကို ၂၀၀၀ ခုနှစ်အကုန်မှာ စတင်ခဲ့ပါတယ်။ ၂၀၀၃ ခုနှစ် နှစ်လယ်ရောက်တဲ့အချိန်မှာတော့ လစဉ်ပုံမှန်ဝင်ရောက်ကြည့်ရှုသူ ၃ သိန်းကျော်ရှိနေပြီဖြစ်ပါတယ်။ ဒီနှစ်မှတော့ Andrew Sullivan ကသူ့ရဲ့ ဘလော့ဂ်မှာ အချိန်ပြည့်အလုပ်လုပ်နိုင်ဖို့အတွက် TIME, The Atlanic, The Daily Beast စတဲ့ဆိုဒ်တွေမှာ ဘလော့ဂ်တွေရေးနေတာကို ရပ်ဆိုင်းခဲ့ပါတယ်။ ၂၀၁၃ ခုနှစ်မှာဆိုရင် စာဖတ်သူတွေကို တစ်လကို ဒေါ်လာ ၂၀ ကျပ်နှုန်းကောက်ခံနေတာကနေ ဒေါ်လာသန်း ၃ သိန်း ၃ သောင်းကျော်အထိ ဝင်ငွေပြန်လည်ရရှိထားပြီးဖြစ်ပါတယ်။ ၆။ Harvey Levin (TMZ.com) Harvey Levin ဟာ အမေရိကန်ရှေ့နေ၊ တရားဥပဒေရေးရာ ဆန်းစစ်အကဲဖြတ်သူ၊ ဘလော့ဂ်ဂါနဲ့ ဆယ်လီဘရစ်တီ သတင်းထောက်တစ်ဦးဖြစ်ပါတယ်။ သူ့ရဲ့ ဝက်ဘ်ဆိုဒ် TMZ ဟာဆိုရင် အောင်မြင်ကျော်ကြားသူတွေရဲ့ သတင်းနဲ့ ကောလဟာလတွေကို ဖော်ပြပေးလျက်ရှိတာကြောင့် နာမည်ကျော်ကြားပါတယ်။ ကိုယ်ပိုင် ရုပ်သံအစီအစဉ်လဲရိုက်ကူးထုတ်လွှင့်လျက်ရှိပြီး CNN, FOX နဲ့အခြား မီဒီယာတွေမှာ အောင်မြင်ကျော်ကြားသူတွေရဲ့ သတင်းကိစ္စတွေနဲ့ပတ်သတ်ပြီး ဧည့်သည်အဖြစ် မကြာခဏပါဝင်လျက်ရှိပါတယ်။ Harvey Levin ဟာသူ့ဘလော့ဂ်ရဲ့ နာမည်ကျော်ကြားမှုကို အသုံးချပြီး ကိုယ်ပိုင်အမှတ်တံဆိပ်တစ်ခုကို အောင်မြင်စွာတည်ဆောက်ထားပါတယ်။ ၇။ Michael Arrington (TechCrunch.com) Michael Arrington ကအရင်က ကယ်လီဖိုးနီးယားပြည်နယ်မှာ နည်းပညာပိုင်းဆိုင်ရာ ရောင်းဝယ်မှုတွေကို ကြားကကိုယ်စားလှယ်လုပ်ပေးသူ ရှေ့နေတစ်ယောက်ပါ။ Startup လုပ်ငန်းအပေါ်သူ့ရဲ့ စိတ်ပါဝင်စားမှုကို ရှာဖွေတွေ့ရှိခဲ့ပြီးနောက်မှာ TechCrunch.comလို့အမည်ရတဲ့ နည်းပညာဘလော့ဂ်တစ်ခုကို စတင်ဖို့ဆုံးဖြတ်ခဲ့ပါတယ်။ သူ့ရဲ့ဘလော့ဂ်မှာ ကမ္ဘာတစ်ဝန်းက ရှေ့လျှောက်အောင်မြင်လာနိုင်ခြေရှိတဲ့ အကောင်းဆုံး နည်းပညာကုမ္ပဏီတွေနဲ့ စွန့်ဦးတီထွင်စီးပွားရေးလုပ်ငန်းရှင်တွေကို သူ့ရဲ့ထင်မြင်ချက်နဲ့ ယှဉ်ပြီးတော့ ဖော်ပြထားပါတယ်။ နည်းပညာပိုင်းဆိုင်ရာနယ်ပယ်မှာ လူဖတ်အများဆုံး ဘလော့ဂ်တစ်ခုဖြစ်လာပြီးနောက်မှာ TechCrunch.com ကို AOL က ဒေါ်လာသန်း ၃၀ နဲ့ဝယ်ယူခဲ့ပါတယ်။ Michael Arrington ကဒီငွေကိုအသုံးပြုပြီး ရင်းနှီးမြုပ်နှံသူအနေနဲ့ သူ့ရဲ့ကိုယ်ပိုင် ရင်းနှီးမြုပ်နှံမှုလုပ်ငန်း CruchFund ကိုတည်ထောင်ခဲ့တယ်၊ နည်းပညာကုမ္ပဏီတွေမှာ ရင်းနှီးမြုပ်နှံမှုတွေ လုပ်ခဲ့ပါတယ်။ ယနေ့အခါမှာဆိုရင် Michael Arrington ဟာနည်းပညာနယ်ပယ်မှာ အရေးပါသူတစ်ယောက်အဖြစ် သတ်မှတ်ခံထားရပါတယ်။ ၈။ Tim Ferriss (Fourhourworkweek.com/blog) Tim Ferriss ကသူ့ရဲ့ ဘလော့ဂ်ပို့စ်တွေကနေ ခိုင်မာတဲ့အွန်လိုင်း စာဖတ်ပရိတ်သတ်ကို ပိုင်ဆိုင်ထားသူတစ်ယောက်ဖြစ်ပါတယ်။ သူရေးသားခဲ့တဲ့ 4 Hour Work စာအုပ်ဟာဆိုရင် ရောင်းအားအကောင်းဆုံး စာအုပ် အချိန်တိုအတွင်းမှာ ဖြစ်လာခဲ့ပါတယ်။ အခြားရောင်းအားအကောင်းဆုံး မှတ်တမ်းဝင်ခဲ့တဲ့ စာအုပ် ၂ အုပ်ကိုလဲ ထပ်မံထုတ်လုပ်ထားခဲ့ပါတယ်။ Tim Ferriss က ကမ္ဘာတစ်ဝှမ်းမှာ စာရေးုခြင်းနဲ့ပတ်သက်ပြီး သင်ကြားပို့ချမှုတွေ မကြာခဏလုပ်လေ့ရှိပါတယ်။ စွန့်ဦးတီထွင်စီးပွားရေးလုပ်ငန်းရှင်တွေအနေနဲ့ ကမ္ဘာရဲ့ဘယ်နေရာကမဆို လက်ပ်တော့ပ်ရှိရုံနဲ့ အလုပ်လုပ်နိုင်တယ်ဆိုတဲ့ အင်တာနက်လူမှုနေထိုင်ပုံစံကို ရေပန်းစားအောင်စတင်ခဲ့သူအဖြစ် သတ်မှတ်ခြင်းခံထားသူပါ။ ၉။ Timothy Sykes (TimothySykes.com) Timothy Skykes ကသူ့မှာရှိတဲ့ Bar-Mitzvah ငွေဒေါ်လာ ၁ သောင်း ၂ ထောင်ကနေ ဒေါ်လာ ၁ သန်းကျော်ရရှိအောင် ပြုလုပ်ခဲ့တာကို မှတ်တမ်းတင်တဲ့သဘောမျိုးနဲ့ ဘလော့ဂ်ရေးတာကို စတင်ခဲ့တာဖြစ်ပါတယ်။ Penny စတော့ခ် ရောင်းဝယ်ဖလှယ်ရာမှာ အောင်မြင်စွာလုပ်ဆောင်နိုင်မှုတွေကြောင့် အင်တာနက်ပေါ်မှာ နာမည်ကျော်ကြားလာခဲ့ပါတယ်။ ထောင်ပေါင်း ရာချီတဲ့ ဝင်ရောက်ကြည့်ရှုသူတွေကြောင့် Profit.ly လိုမျိုး အင်တာနက်မှာကုန်စည်ရောင်းဝယ်ဖလှယ်သူတွေကို နည်းစနစ်တွေသင်ကြားပေးတဲ့ ကုမ္ပဏီတွေတိုးချဲ့နိုင်ခဲ့ပါတယ်။ Timothy Sykes ကို ABC, CNN, FOX နဲ့ CNBC တို့လို မီဒီယာတွေမှာ စတော့ခ်ဈေးကွက်နဲ့ ပတ်သတ်ပြီးမကြာခဏဆိုသလို ပါဝင်လေ့ရှိတာကို တွေ့မြင်နိုင်ပါတယ်။ ၁၀။ Darren Rowse (Problogger.com) Darren Rowse ကဘလော့ဂ်ရေးတာကို ဝါသနာတစ်ခုအနေနဲ့ စတင်ခဲ့တာပါ။ ဓာတ်ပုံပညာရပ်ဆိုင်ရာအကြောင်းတွေ၊ Oympics ပွဲတော်အကြောင်းတွေကို တင်ရင်းနဲ့ အခြား Blogger တွေကိုကူညီပေးနိုင်ဖို့ ရည်ရွယ်ပြီး Problogger ကိုစတင်တည်ထောင်ဖြစ်ခဲ့ပါတယ်။ အချိန်ပြည့်ဘလော့ဂ်ရေးသူအဖြစ် လုပ်ကိုင်နေပြီး ကြော်ငြာလုပ်ငန်းတွေ၊ ဆက်စပ်အစီအစဉ်တွေနဲ့ e-book ရောင်းချမှုတွေကနေ ဝင်ငွေရရှိနေသူဖြစ်ပါတယ်။ Forbes ရဲ့ ၂၀၁၇ ခုနှစ် အင်တာနက်ဆယ်လီဘရစ်တီစာရင်းမှာလဲ ထည့်သွင်းဖော်ပြခြင်းခံခဲ့ရပါတယ်။ Darren Rowse ဟာလက်ရှိအချိန်မှာတော့ သြစတြေးလျနိုင်ငံ မယ်လ်ဘုန်းမြို့မှာ သူ့ရဲ့မိသားစုနဲ့အတူ နေထိုင်နေပြီးတော့ ဘလော့ဂ်ရေးတာကို အဓိကအသက်မွေးဝမ်းကြောင်းလုပ်ငန်းအဖြစ် လုပ်ကိုင်နေပါတယ်။ ? ( BaWa101 ) Translation from Original Source : “Top 10 most inspirational bloggers in the world,” lifehack.org ပုံမ ျားကိုအွန်လိုင်းမှကူးယူဖော်ပြထားပါသည်။
ခေါင်းဆောင်ကောင်းနှင့်ခေါင်းဆောင်ညံ့တို့၏ကွာခြားချက် ၈ ချက်
ခေါင်းဆောင်ကောင်းနဲ့ ခေါင်းဆောင်ညံ့တို့ရဲ့ ကွားခြားချက် (၈) ခ ျက်ကို ဖော်ပြပေးလိုက်ပါတယ်။ ကိုယ့်ရဲ့ အလုပ်ခွင်ထဲမှာဒီလို ခေါင်းဆောင်ကောင်းမ ျားနဲ့ တွေ့ နေရတယ်၊ တွေ့ခဲ့ဖူးတယ်ဆိုရင်သူတို့ကိုဒီပို့စ်အောက်မှာမန်းရှင်းခေါ်ပြီးမုန့်ကျွေးခိုင်းလိုက်ပါဦး ဟီးဟီး ၁။ ခေါင်းဆောင်ကောင်းတွေက ကိုယ့်လက်အောက်ငယ်သားရဲ့ တိုးတက်နိုင်စွမ်းကို မြင်ပါတယ်၊ ဒီ့ထက် တိုးတက်လာဖို့ ကူညီဖေးမပေးကြတယ်။ ခေါင်းဆောင်ညံ့တွေကတော့ ကိုယ့်ဝန်ထမ်းရဲ့ အားနည်းချက်၊ အမှားတွေကိုသာ အမြဲရှာဖွေလေ့ရှိကြပါတယ်။ ၂။ ခေါင်းဆောင်ကောင်းတွေမှာ အကောင်းမြင်စိတ်ရှိကြပါတယ်။ အခြားသူတွေကိုလဲ အမြဲအားပေးလှုံ့ဆော်လေ့ရှိပါတယ်။ ခေါင်းဆောင်ညံ့တွေကတော့ အဆိုးမြင်စိတ်ရှိသူတွေပါ။ မကောင်းမြင်တတ်ပြီး တစ်ခုခုဆို ကိုယ့်အဖွဲ့သားတွေကို အပြစ်တင်လေ့ရှိပါတယ်။ ၃။ ခေါင်းဆောင်ကောင်းတွေက ဝန်ထမ်းကောင်းမှ လုပ်ငန်းကောင်းမယ်ဆိုတာကို သိရှိနားလည်ကြတယ်။ ဒီ့အတွက် ကောင်းမွန်တဲ့ဝန်ထမ်းတွေ၊ အရည်အချင်းပြည့်မှီတဲ့ ဝန်ထမ်းတွေဖြစ်လာဖို့ အလေးထားပါတယ်။ ခေါင်းဆောင်ညံ့တွေကတော့ ကိုယ့်လက်အောက်ငယ်သားရဲ့ တိုးတက်မှုကို မလိုလားဘူး။ လုပ်ငန်းအက ျိုးအမြတ်များဖို့ကိုသာ ရှေ့တန်းတင်သူတွေ ဖြစ်ပါတယ်။ ၄။ ခေါင်းဆောင်ကောင်းဆိုတာ ကိုယ့်ဝန်ထမ်းနဲ့ အကိုက်ညီဆုံးဖြစ်မယ့် နေရာကိုပို့ပေးတယ်၊ လုပ်ဆောင်ခ ျက်တွေကောင်းမွန်လာဖို့ အခွင့်အလမ်းတွေ ဖန်တီးပေးတယ်။ ခေါင်းဆောင်ညံ့တွေကတော့ အခြားသူတွေကို အသုံးခ ျပြီး ကိုယ်က ျိုးရှာတယ်၊ ကိုယ့်ရဲ့အက ျိုးစီးပွားမ ျားပြားဖို့အတွက် လက်အောက်ငယ်သားတွေကို အသုံးခ ျသူတွေဖြစ်ပါတယ်။ ၅။ ခေါင်းဆောင်ကောင်းတွေက ဝန်းထမ်းတွေရဲ့ အသံကို နားထောင်တယ်။ ကိုယ့်လက်အောက်ငယ်သားတွေ ဘာဖြစ်ချင်လဲ၊ သူတို့ရဲ့ ဆန္ဒကို အလေးထားတယ်၊ ပွင့်ပွင့်လင်းလင်းပြောဆိုခွင့် ပြုပါတယ်။ ခေါင်းဆောင်ညံ့တွေကတော့ ပွင့်လင်းမြင်သာမှုမရှိပါဘူး။ ဆရာအလုပ်ခံရမှာမကြိုက်ဘူး၊ ကိုယ်ကပဲ အပေါ်စီးကနေချင်တယ်။ ကိုယ်ဖြစ်ချင်တာပဲ ကိုယ်လုပ်တတ်သူတွေပါ။ ၆။ ခေါင်းဆောင်ကောင်းတွေက ပြောင်းလဲမှုရှိမှ တိုးတက်မယ်ဆိုတာကို နားလည်ကြတယ်။ ဒီ့အတွက် အကြံဉာဏ်အသစ်တွေ၊ အတွေးအခေါ်အသစ်တွေကို အားပေးတယ်။ ခေါင်းဆောင်ညံ့တွေကတော့ ပြောင်းလဲမှုလုပ်ရမှာကို ကြောက်တယ်၊ စွန့်စားမှုမလုပ်ရဲသူတွေ ဖြစ်ပါတယ်။ ၇။ ခေါင်းဆောင်ကောင်းတွေက လူတစ်ယောက်ရဲ့ လုပ်နိုင်စွမ်းမှာ ကန့်သတ်ချက်ရှိတယ်ဆိုတာကို သိတဲ့အတွက် သင့်တော်တဲ့သူတွေကို သင့်တော်တဲ့တာဝန်တွေ ခွဲဝေပေးပါတယ်။ ခေါင်းဆောင်ညံ့တွေကတော့ အရာရာကို ကိုယ်တိုင်ပဲ စီမံချင်ကြပါတယ်။ ဆုံးဖြတ်ချက်အကုန်လုံးကို ကိုယ့်လက်ထဲမှာပဲ ဆုပ်ကိုင်ထားချင်ကြပါတယ်။ ၈။ ခေါင်းဆောင်ကောင်တွေက တော်တဲ့သူ၊ အရည်အချင်းရှိတဲ့သူကို ချီးမြှောက်ဖို့ ဝန်မလေးကြဘူး။ ဝန်ထမ်းတွေရဲ့ ကြိုးစားအားထုတ်မှုကို အသိအမှတ်ပြုသူတွေဖြစ်တယ်။ ခေါင်းဆောင်ညံ့တွေမှာတာ့ ဘယ်ဝန်ထမ်းမျိုးမဆို ပြန်အစားထိုးလို့ရတယ်ဆိုတဲ့ အတွေးမျိုးရှိပါတယ်။ ဒါကြောင့် ဝန်ထမ်းတွေကို တန်ဖိုထားလေ့မရှိပါဘူး။ ? ( BaWa101 ) Translated from Original Article “8 big differences between great leaders and bad leaders,” lifehack.org Photo Credit: lifehack.org
စိတ်ကြံ့ ခိုင်သောလူတို့ ပြုလုပ်လေ့မရှိသည့်အလေ့အထ ၁၃ ခု
ပေ ျာ်ရွှင်က ျန်းမာတဲ့သူတစ်ယောက်ဖြစ်ဖို့ဆိုရင် ကိုယ်ခန္ဓာက ျန်းမာသန်စွမ်းဖို့လိုသလို စိတ်ဓာတ်ပိုင်းဆိုင်ရာလဲ ကြံ့ ခိုင်သန်မာဖို့ လိုအပ်ပါတယ်။ သူငယ်ချင်းတို့ စိတ်ဓာတ်ကြံ့ခိုင်တဲ့သူတွေဖြစ်လာအောင် ဒီဆောင်းပါးလေးက အထောက်အကူပြုနိုင်မယ်လို့ မေ ျှာ်လင့်ရင်းနဲ့ စိတ်ဓာတ်ကြံ့ခိုင်မာတဲ့သူတွေ မပြုလုပ်တဲ့ အခ ျက် (၁၃) ခ ျက်ကိုရှာဖွေ ဖော်ပြပေးလိုက်ပါတယ်။
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
ကျရှုံးမှုကိုအံ့တုခဲ့သောအောင်မြင်သည့်အားကစားသမားများ၏ဖြစ်ရပ်မှန် ဇာတ်လမ်းများ
ဘဝမှာ တစ်ကြိမ်တစ်ခါတော့ လူတိုင်း ရှုံးနိမ့်ခဲ့ကြဖူးပါလိမ့်မယ်။ အခုလက်ရှိမှာ အောင်မြင်ကျော်ကြားနေသူတွေဟာ အမြဲအောင်မြင်နေခဲ့တယ်လို့ သင်ထင်ရင်တော့ မှားသွားပါလိမ့်မယ်။ အောင်မြင်မှုကြီးလေလေ သူကြုံတွေ့ခဲ့ရတဲ့ ရှုံးနိမ့်မှုတွေ များလေလေပါပဲ။ အခုပြောပြမှာကတော့ ကျရှုံးမှုကို အံတုပြီး အောင်မြင်လာခဲ့တဲ့ နာမည်ကျော် အားကစားသမား (၅) ယောက်ရဲ့ ဖြစ်ရပ်မှန် ဇာတ်လမ်းတွေ ဖြစ်ပါတယ်။ Kieran Behan (ဘားဂျွမ်း ကစားသမား) သင်သာ တစ်သက်လုံး လမ်းလျှောက်နိုင်မှာ မဟုတ်တော့ဘူးလို့ အပြောခံရမယ်ဆိုရင် စိတ်ထဲဘယ်လို ခံစားရမလဲ? Kieran Behan ကတော့အဲ့လို အပြောခံခဲ့ရပါတယ်။ အသက် ၁၀ နှစ်အရွယ်မှာ ပေါင်ထဲက ကင်ဆာအကျိတ်လုံးကို ဖယ်ရှားဖို့ ခွဲစိတ်မှု ပြုလုပ်ခဲ့ရတယ်။ ခွဲစိတ်မှုက ဆိုးရွားခဲ့ပါတယ်။ သူ့ရဲ့ ပေါင်က နာ့ဗ်ကြောတွေ ထိခိုက်ပျက်စီးသွားခဲ့တာပေါ့။ ဒီ့မတိုင်ခင်အထိက သူဟာ ဂျွမ်းဘားကို အရူးအမူးနှစ်ခြိုက်ပြီး အိုလံပစ် ချန်ပီယံဖြစ်ဖို့ လေ့ကျင့်နေခဲ့တဲ့ ကလေးငယ်တစ်ဦးပါ။ ဒါပေမယ့် အခုလို လက်တွန်းလှည်းပေါ်မှာပဲ ထိုင်နေရတော့မယ့် ဘဝမှာ သူ့ရဲ့အိပ်မက်က ဘယ်လိုလုပ် ဖြစ်လာနိုင်တော့မှာလဲ။ လူအတော်များများက ဒီလိုပဲ တွေးမိကြပါလိမ့်မယ်။ ဒီအထဲမှာ သူကိုယ်တိုင်တော့ မပါဝင်ခဲ့ပါဘူး။ ပြန်လည်ကျန်းမာလာဖို့ အချိန်အတော်ကြာခဲ့တယ်။ လက်တွန်းလှည်းပေါ်မှာ ၁၅ လကြာ နေခဲ့ရပြီးနောက်မှာတော့ Gym ကိုပြန်သွားနိုင်ခဲ့တယ်။ ဒါပေမယ့် လအနည်းငယ်အကြာမှာပဲ လေ့ကျင့်နေရင်းနဲ့ ဦးခေါင်းကို ပြင်းပြင်းထန်ထန် ထိခိုက်မိပြီး ဦးနှောက်ဒဏ်ရာ ရခဲ့ပါတယ်။ ဘယ်လောက်တောင် ဆိုးလဲဆိုရင် မျက်တောင်ခတ်ရင်တောင်မှ မိုက်ခနဲဖြစ်သွားပြီး သတိမေ့သွားလေ့ရှိပါတယ်။ ကျောင်းကို တစ်နှစ်နားခဲ့ရတယ်။ ဒါပေမယ့် ဂျွမ်းဘားကစားဖို့ကတော့ သူ့စိတ်ထဲမှာ ရှိနေဆဲပါ။ ဒီအခေါက်ကတော့ ပိုခက်ခဲပါတယ်။ ဦးခေါင်းဒဏ်ကို ပြန်သက်သာလာအောင် အရင်ပြန်ကျန်းမာအောင် ကြိုးစားခဲ့ရတယ်။ ကျောင်းတက်တဲ့အခါ လမ်းလျှောက်တုတ်နဲ့ပေါ့။ အခန်းဖော်တွေရဲ့ လှောင်ပြောင်မှုတွေက နားထဲမှာ ပြည့်လို့။ မတော်တဆမဖြစ်ခင် အခြေအနေကို ပြန်ရဖို့ ၃ နှစ်တိတိ ပြန်ကြိုးစားခဲ့ရပါတယ်။ ဒီကြားထဲမှာ လေ့ကျင့်မှုတွေက ချောမွေ့နေတာတော့ မဟုတ်ခဲ့ဘူး။ အရိုးကျိုးတာတွေ အရိုးအက်သွားတာတွေ များစွာ ခံစားခဲ့ရတယ်။ အဆိုးဆုံးကတော့ ဥရောပချန်ပီယံပြိုင်ပွဲအတွက် ရွေးချယ်ခံရချိန်မှာပဲ ဒူးခေါင်းကြေတဲ့ ဒဏ်ရာ ထပ်ရခဲ့တာပါ။ ဒီတစ်ခါမှာတော့ Kieran Behan ကိုယ်တိုင် စိတ်ဓာတ်တော်တော် ကျသွားခဲ့ပါတယ်။ သူလက်လျှော့ခါနီးအထိ ဖြစ်သွားခဲ့တယ်။ ဒါပေမယ့် သူ့ရဲ့ အားကစားကို ချစ်တဲ့စိတ်ကြောင့်ပဲ လက်မလျှော့ဖြစ်ခဲ့ပါဘူူး။ သူ့ရဲ့ ဇွဲလုံ့လကြောင့် ၂၀၁၁ ခုနှစ်မှာ Challenge World Cup Floor ချန်ပီယံဖြစ်လာခဲ့ပါတယ်။ ဆက်လက်ပြီးတော့ ၂၀၁၂ ခုနှစ် လန်ဒန်အိုလံပစ်မှာ ပါဝင်ဖို့ လက်ရွေးစင်အဖြစ် နောက်ဆုံးတော့ ရွေးချယ်ခံခဲ့ရပါတယ်။ ဆိုးရွားလှတဲ့ နာကျင်မှု၊ ဒဏ်ရာတွေနဲ့ စိတ်ဓာတ်ကျဖွယ် အခြေအနေအားလုံးကို ကျော်ဖြတ်ခဲ့ပြီးနောက်မှာတော့ Kieran Behan ဟာသူ့ရဲ့ အိပ်မက်ကို လက်တွေ့အကောင်အထည် ဖော်နိုင်ခဲ့ပါတယ်။ ဇွဲလုံ့လနဲ့ စိတ်ဓာတ်ပြင်းပြမှုရဲ့ အကောင်းဆုံး နမူနာ စံပြအားကစားသမားတစ်ယောက်ပါပဲ။ Michael Jordan (ဘတ်စကတ်ဘော ကစားသမား) အားကစားကြိုက်နှစ်သက်သူတိုင်း Micahel Jordan ဆိုတဲ့နာမည်ကို ကြားဖူးကြမှာပါ။ ဘတ်စကတ်ဘောသမိုင်းတစ်လျှောက် အကောင်းဆုံး ကစားသမားအဖြစ် ချီးကျူးခံရသူပေါ့။ ကမ္ဘာပေါ်မှာ နာမည်အကျော်ကြားဆုံးနဲ့ အအောင်မြင်ဆုံး အားကစားသမားတစ်ဦး ဖြစ်ပါတယ်။ Michael Jordan ကတော့ သူ့ရဲ့ အောင်မြင်မှုတွေအားလုံးဟာ သူ့ရဲ့ကျရှုံးမှုတွေနေ အရင်းတည်လာတယ်လို့ ပြောပါတယ်။ ရှုံးနိမ့်မှုတွေက စိတ်ပျက်လက်ပျက်ဖြစ်စေမယ့်အစား သူ့ကို ပိုကြိုးစားဖို့ တွန်းအားတွေ ပေးခဲ့တယ်။ ကမ္ဘာ့အတော်ဆုံး ဘက်စကတ်ဘော ကစားသမားဟာ ငယ်စဉ်ဘဝတုန်းက အရည်အချင်းရှိတယ်လို့တောင် သတ်မှတ် မခံခဲ့ရသူပါ။ အထက်တန်းကျောင်း ဘက်စကတ်ဘောအသင်းကနေ ချန်လှပ်ထားခံခဲ့ရပါတယ်။ သူရဲ့ ရှုံးနိမ့်မှုတွေအားလုံးကို သူမှတ်ထားလေ့ရှိတယ်၊ ဒီအထဲမှာ ပွဲပေါင်း ၃၀၀ ရှုံးခဲ့ပြီး အရေးကြီးတဲ့ အနိုင်ရမှတ်အတွက် ၂၆ ကြိမ်တိတိ သူ့ရဲ့ပစ်သွင်းမှု လွဲချော်ခဲ့ဖူးတာတွေ ပါဝင်ပါတယ်။ ချန်ပီယံအများစုအနေနဲ့ ရှုံးနိမ့်သွားတာကြောင့် ဆက်မကြိုးစာချင်ကြတော့ဘူး၊ ဒါပေမယ့် Michael Jordan မှာတော့ အတွေးတစ်ခုထဲပဲရှိခဲ့တယ်၊ ဆက်ကြိုးစားဖို့။ သူပြောဖူးတဲ့စကားတစ်ခွန်းရှိပါတယ်။ “ကြောက်ရွံ့မှုက လူတစ်ချို့အတွက် အတားအဆီးဖြစ်ကောင်း ဖြစ်မယ်။ ဒါပေမယ့် ကျွန်တော့်အတွက်တော့ မဟုတ်ဘူး၊ အထင်မှားမှု ပုံရိပ်ယောင်တစ်ခု သက်သက်ပဲ။ ရှုံးသွားတာက နောက်ထပ်ကြုံလာမယ့် အခွင့်အရေးအတွက် အခုထက်ပိုကြိုးစားဖို့ အမြဲတွန်းအားပေးတယ်။” Bethany Hamilton (ရေလွှာလှိုင်းစီး ကစားသမား) Hawaii မှာကြီးပြင်းလာခဲ့တာမို့ Bethany Hamilton တစ်ယောက် အသက် ၇ နှစ်အရွယ်မှာထဲက ရေလွှာလှိုင်းစစီးတတ်နေပြီဆိုတာ ထူးခြားတယ်တော့ မဟုတ်ပါဘူး။ ဒါပေမယ့် ကံမကောင်းစွာနဲ့ ၂၀၁၃ ခုနှစ်မှာ သူမရဲ့ ဘယ်ဘက်လက် ငါးမန်းကိုက်ခံခဲ့ရပြီး ပြတ်သွားခဲ့ပါတယ်။ ပြန်လည်ကျန်းမာလာတဲ့အချိန်မှာ သူမကိုယ်သူမ ကတိ ၂ ခုပေးခဲ့တယ်၊ ပထမတစ်ခုက ကံဆိုးတာကို ငြီးညူအပြစ်တင်မနေဘူးဆိုတဲ့ ကတိနဲ့ ဒုတိယတစ်ခုက သူမ ရေလွှာလှိုင်းပြန်စီးကိုစီးနိုင်ရမယ်ဆိုတဲ့ ကတိပါ။ သူမနေရာမှာ တစ်ခြားတစ်ယောက်ဆို လက်လျှော့လိုက်နိုင်ပါတယ်၊ တော်ပြီ၊ ငါဆက်မလုပ်တော့ဘူး၊ ဒီလိုတွေးကောင်းတွေးမိနိုင်ပါတယ်။ Bethany Hamilton ကတော့ပြတ်သားသူပါ၊ ပြန်လည်ကျန်းမာလာပြီး ၂၆ ရက်အကြာမှာပဲ ပင်လယ်ထဲပြန်ရောက်နေပါပြီ။ အခုဆိုရင် ကမ္ဘာ့ထိပ်ဆုံး အမျိုးသမီး ရေလွှာလှိုင်းစီး ကစားသမား ၅၀ ထဲမှာ Bethany Hamilton ပါဝင်နေပါတယ်။ NSSA National Championships ရဲ့ Explorer Women’s Division မှာလဲ ပထမဆုကို သူမရယူနိုင်ခဲ့ပါတယ်။ လက်တစ်ဖက်ထဲနဲ့ ရေလွှာလှိုင်း ကစားသမားအဖြစ် အောင်မြင်လာဖို့ သူမ အခက်အခဲများစွာ ကျော်ဖြတ်ခဲ့ရတာပါ။ လက်တစ်ဖက်ထဲနဲ့ ဟန်ချက်ညီအောင် ထိန်းဖို့ဆိုတာ အတော်မလွယ်တဲ့ ကိစ္စတစ်ခုပါ။ စိတ်ရှုပ်ထွေးစရာ အခိုက်အတန့်တွေ အများအပြားရှိခဲ့ပါတယ်။ ဒါပေမယ့် ဒီမတော်တဆမှုက သူမကို ခက်ခဲတဲ့အချိန်တွေကို ဖြတ်ကျော်ဖို့အတွက် လိုအပ်တဲ့ စိတ်ဓာတ်ခွန်အားကို ပေးခဲ့တယ်၊ အထူးသဖြင့် ကြောက်စရာကောင်းတဲ့ အခြေအနေတွေမှာ အကြောက်တရားကို ဘယ်လိုရင်ဆိုင်ရမလဲဆိုတာ သူမကောင်းကောင်းကြီး သဘောက်ပေါက်နားလည်သွားခဲ့ပါတယ်။ မသန်စွမ်းကလေးငယ်များစွာအတွက် Bethany Hamilton ဟာတကယ့်ကို စံပြလူသားတစ်ဦးပါပဲ။ သူမကိုယ်တိုင် ဦးစီးတည်ထောင်ထားတဲ့ Friends of Bethany အသင်းအဖွဲ့ကနေတဆင့် ခြေလက်အင်္ဂါ ဆုံးရှုံးသွားရတဲ့ လူငယ်များကို ကူညီထောက်ပံ့ပေးလျက်ရှိပါတယ်။ Muhammad Ali (လက်ဝှေ့သမား) “စွန့်စားမှုတွေပြုလုပ်ဖို့ သတ္တိမရှိသူတစ်ယောက်ဟာ ဘဝမှာ ဘာအောင်မြင်မှုမှ ရလိမ့်မယ် မဟုတ်ဘူး။” ရောမမြို့က ၁၉၆၀ ပြည့်နှစ် ကစားပွဲတွေမှာ Gloden Glove နဲ့ အိုလံပစ်ရွှေတံဆိပ်တွေကို ရယူနိုင်ခဲ့သူ ကမ္ဘာ့အကြီးကျယ်ဆုံး လက်ဝှေ့သမားအဖြစ် သတ်မှတ်ခံရတဲ့ နာမည်ကျော် လက်ဝှေ့သမားကြီး Muhammad Ali ပြောခဲ့တဲ့စကားပါ။ သူ့ရဲ့ လက်ဝှေ့သမားဘဝနဲ့ အားကစားကနေ လူပေါင်းများစွာကို လွှမ်းမိုးနိုင်ခဲ့ပါတယ်။ လက်ဝှေ့ကြိုးဝိုင်းကနေ အနားယူပြီးနောက်ပိုင်းမှာတော့ သူ့ရဲ့ဘဝကို ပရဟိတလုပ်ငန်းတွေနဲ့ လူမှုအကျိုးပြုလုပ်ငန်းတွေမှာ နှစ်မြုပ်ခဲ့တယ်။ အထူးသဖြင့် သူကိုယ်တိုင် ခံစားခဲ့ရတဲ့ Parkinson ရောဂါနဲ့ပတ်သက်ပြီးတော့ ကူညီထောက်ပံ့မှုတွေ လုပ်ခဲ့ပါတယ်။ စွန့်စားမှုဆိုတာ သူ့အတွက်တော့ အသစ်အဆန်းကိစ္စ မဟုတ်ပါဘူး။ အသက် ၁၂ နှစ်အရွယ်မှာ သူ့ရဲ့ စက်ဘီးအခိုးခံရပြီးနောက်မှာ နောင်သူခိုးတွေကို ရင်ဆိုင်ဖို့ လက်ဝှေ့သင်ဖို့ကို စိတ်ပိုင်းဖြတ်ခဲ့ပါတယ်။ အားကစားသမား အများစုဟာ အကောင်းဆုံးမဖြစ်မှာဆိုတဲ့ ကြောင့်ကြစိတ်နဲ့ ငါရှုံးနိမ့်သွားခဲ့ရင်ဆိုတဲ့ ကြောက်စိတ်တွေရဲ့ လွှမ်းမိုးခြင်းကို ခံရပါတယ်။ ဒါက သူတို့ရဲ့ အစွမ်းအစတွေ အပြည့်အဝမပေါ်လာစေတဲ့ အတားအဆီးတစ်ခုပါပဲ။ အမှားလုပ်မိမှာကို ကြောက်ကြတယ်၊ အနိုင်ကလွဲလို့ ကျန်တဲ့ရလဒ်ကို အရှုံးလို့ ယူဆတတ်ကြတယ်။ Muhammad Ali ကတော့ လိုအပ်တဲ့ စွန့်စားမှုတွေကို ပြုလုပ်ဖို့ ဘယ်တော့မှ တွန့်ဆုတ်တတ်ခဲ့သူ မဟုတ်ပါဘူး။ ဒါကြောင့်လဲ မျိုးဆက်သစ်တွေရဲ့ ရင်ထဲမှာ အခုအချိန်ထိ စံပြအားကစားတစ်ယောက်အနေနဲ့ ရှိနေသေးတာဖြစ်ပါတယ်။ Michael Phelps (ရေကူး အားကစားသမား) Michael Phelps ဟာကမ္ဘာ့အကောင်းဆုံး အိုလံပစ် ရေကူးသမား တစ်ဦးဖြစ်ပါတယ်။ အိုလံပစ်ပြိုင်ပွဲတစ်ခုထဲမှာ ရွှေတံဆိပ်ဆု ၈ ခုကို ကစားသမားတစ်ယောက်ထဲက ရယူနိုင်မယ်လို့ ဘယ်သူတွေက တွေးခဲ့ဖူးမှာလဲ။ ဘယ်သူမှ တွေးထင်မထားတဲ့ ကိစ္စကို သူကအမှန်တကယ် လုပ်ပြသွားခဲ့ပါတယ်။ အိုလံပစ် ဆုတံဆိပ် ၁၉ ခုကိုရယူထားနိုင်ခဲ့ပြီး ၁၅ ခုကရွှေတံဆိပ်တွေ ဖြစ်ပါတယ်။ အံ့သြစရာကောင်းတဲ့တစ်ချက်က Michael Phelps ဟာငယ်စဉ်တုန်းက ADHD (Attention disorder/ hyperactivity disorder) လို့ခေါ်တဲ့ ဦးနှောက်လုပ်ဆောင်မှု မူမမှန်တာကို ကုသခဲ့ရသူ တစ်ဦးပါ။ လူအများစုက ထင်ကြတာက ADHD သမားတွေကို အာရုံမစူးစိုက်နိုင်သူတွေ၊ စိတ်လိုက်မာန်ပါလုပ်တတ်သူတွေ၊ ဂနာမငြိမ်ဖြစ်နေတတ်သူတွေလို့ ယူဆထားကြပါတယ်။ ဒါပေမယ့် တစ်ချိန်ထဲမှာ ADHD သမားတွေဟာ သူတို့ စိတ်ပါဝင်စားတဲ့အရာတစ်ခုအပေါ်ကို လုံးဝသေချာ အာရုံစူးစိုက်နိုင်စွမ်းကိုလဲ ပိုင်ဆိုင်ထားပါတယ်။ ဒီအချက်ကို Michael Phelps ကအပြည့်အဝအသုံးချနိုင်ခဲ့တယ်၊ ADHD ကိုအပြုသဘောအနေနဲ့ အသုံးချလို့ကမယ့် နည်းကိုရှာဖွေပြီး သူ့ရဲ့ရေကူး အားကစားမှာ လက်တွေ့အသုံးချခဲ့ပါတယ်။ အတော်ဆုံးဆိုတဲ့ ရေကူးသမားတွေကို အနိုင်ယူပြခဲ့တဲ့ Michael Phelps ဟာစိတ်ပိုင်းဆိုင်ရာ ချို့ယွင်းချက်၊ တခြားအားနည်းချက်ရှိသူတွေအတွက် တကယ်ကို စံပြကောင်းတစ်ဦးပါ။ သူ့အောင်မြင်မှုရဲ့ နောက်ထပ်လျှို့ဝှက်ချက်တစ်ခုကတော့ ပြိုင်ပွဲမစခင်မှာထဲက အနိုင်ရမယ့်ပုံရိပ်ကို စိတ်ထဲမှာ ပုံဖော်ကြည့်လေ့ရှိတာပါ၊ ဒီအမူအကျင့်ကို သူအသက် ၇ နှစ်အရွယ်ထဲက စတင်ပြုလုပ်ခဲ့တာဖြစ်ပါတယ်။ အမှန်တကယ် စိတ်ပါဝင်စားပြီဆိုရင် မအောင်မြင်စရာ ဘာကန့်သတ်မှတ်ချက်မှ ရှိမနေပါဘူးဆိုတာကို Michale Phelps ကသက်သေထူပြသွားခဲ့ပါတယ်။ အခုပြောပြပေးလိုက်တဲ့ အားကစားသမားတွေရဲ့ နာမည်ကို စိတ်ဓာတ်ကျစရာကြုံတိုင်း၊ ငါဆက်မကြိုးစားတော့ဘူးကွာ၊ လက်လျှော့လိုက်တော့မယ်လို့ အတွေးပေါ်တိုင်း သတိရေပေးပါ။ ဒီဆောင်းပါးလေးကနေ စာဖတ်သူတွေ စိတ်ဓာတ်ခွန်အား တစ်စုံတစ်ရာ ရရှိခဲ့မယ်ဆိုရင် ရေးသားရကျိုး နပ်ပါပြီ။ Source: “The stories of these 5 athletes will motivate everyone of you,” llifehack.org မှဘာသာပြန်ဖော်ပြထားပါသည်။ ပုံမ ျားကိုအွန်လိုင်းမှကူးယူဖော်ပြထားပါသည်။
စကားလုံး ၃ လုံးထဲဖြင့် တိုတိုရှင်းရှင်းနှင့်ဘဝအတွက်အလွန်အရေးပါသောတိုက်တွန်းအကြံပြုချက်များ။
စကားလုံး ၃ လုံးထဲဖြင့် တိုတိုရှင်းရှင်းနှင့်ဘဝအတွက်အလွန်အရေးပါသောတိုက်တွန်းအကြံပြုချက်များ။#BAWA101
စကားလုံး ၃ လုံးထဲဖြင့် တိုတိုရှင်းရှင်းနှင့်ဘဝအတွက်အလွန်အရေးပါသောတိုက်တွန်းအကြံပြုခ ျက်မ ျား - ၂
စကားလုံး ၃ လုံးထဲဖြင့် တိုတိုရှင်းရှင်းနှင့်ဘဝအတွက်အလွန်အရေးပါသောတိုက်တွန်းအကြံပြုခ ျက်မ ျား - ၂
လိမ်ညာမှုနှင့်ပါတ်သက်သောအဆိုအမိန့်ကောက်နှုတ်ခ ျက်မ ျား #DontLie
လိမ်ညာမှုနှင့်ပါတ်သက်သောအဆိုအမိန့်ကောက်နှုတ်ခ ျက်မ ျား #DontLie