၁) မျက်လုံးကျန်းမာရေးကို ကောင်းမွန်စေခြင်း
ဖရုံသီးဟင်းတစ်ခွက်စာက သင့်ရဲ့တစ်နေ့တာမှာ လိုအပ်နေတဲ့ ဗီတာမင်အေ ပမာဏထက်များတဲ့ပမာဏကိုတောင် ရနိုင်ပါသေးတယ်။ ဗီတာမင်အေကြောင့် အမြင်အာရုံကောင်းစေပါတယ်။ အထူးသဖြင့် အလင်းရောင်မှိန်တဲ့အခါ အားစိုက်ကြည့်ခြင်းကြောင့် မျက်ကြည်လွှာထိခိုက်ခြင်းကို ကာကွယ်ဖို့ ကူညီပေးနိုင်ပါတယ်။
အဲဒါအပြင် ဖရုံသီးမှာ ကာရိုတီးနွိုက်တွေဖြစ်တဲ့ ဘီတာကရိုတင်းနဲ့ အယ်ဖာကရိုတင်းဓာတ်တွေပါဝင်တဲ့အတွက် အသက်အရွယ်ကြောင့်အမြင်အာရုံချို့ယွင်းခြင်းနဲ့ မျက်လုံးတိမ်စွဲရောဂါများဖြစ်ပွားမှု အန္တရာယ်ကနေ လျော့ကျစေနိုင်ပါတယ်။ ကောင်းမွန်တဲ့ antioxidants တွေကြောင့် မျက်ကြောလွှာကိုကာကွယ်ပေးနိုင်ပါတယ်။
၂) ခုခံနိုင်စွမ်းတိုးစေခြင်း
ဖရုံသီးက အာဟာရဓာတ်တွေဖြစ်တဲ့ ဗီတာမင် အေ၊ စီ ၊ အီး၊ ကာရိုတီးနွိုက်၊ သံဓာတ်၊ မဂ္ဂနီဆီယမ်နဲ့အခြားဓာတ်တွေကို သိုလှောင်ရာဖြစ်ပါတယ်။ ဗီတာမင်အေက ရောဂါဖြစ်ပွားမှုကိုဆန့်ကျင်နိုင်တဲ့ တစ်ရှူးတွေအတွက် မရှိမဖြစ်လိုအပ်ပါတယ်။ ဘီတာကရိုတင်းကလည်း ခုံခံစွမ်းအားကိုလှုံ့ဆော်ပေးနိုင်တဲ့သတ္တိရှိပါတယ်။ ဗီတာမင်စီက ခုခံစွမ်းအားတိုးစေတဲ့ဓာတ်ဖြစ်ပြီး ကူးစက်မှုတွေကိုတိုက်ဖျက်နိုင်ပါတယ်။ ဖရုံသီးမှာပါဝင်တဲ့ အခြားသော သတ္တုဓာတ်တွေက ခုခံစွမ်းအားတိုးစေပါသေးတယ်။ ဖရုံစေ့ဟာ ဇင့်ဓာတ်ကြွယ်ဝပြီး ခုခံစွမ်းအားအတွက်ကောင်းပါတယ်။
၃) အစာခြေစနစ်ကောင်းမွန်စေခြင်း
အမျှင်ဓာတ်ကြွယ်ဝလို့ ဖရုံသီးက အစာချေစနစ်အတွက်ကောင်းမွန်ပါတယ်။ အမျှင်ဓာတ်က သင့်ခန္ဓာကိုယ်အစာခြေလွယ်ဖို့ကူညီနိုင်ပြီး အာဟာရဓာတ်တွေကို စုပ်ယူလွယ်စေပါတယ်။ အစာခြေလမ်းကြောင်းက အစာတွေကိုရွေးလျားဖို့ကူညီပေးပြီး ဝမ်းချုပ်ခြင်းကိုကာကွယ်ပေးနိုင်ပါတယ်။ ရေဓာတ်ကိုစုပ်ယူနိုင်ပြီး ဝမ်းလျောခြင်းကိုလည်း ထိန်းချုပ်နိုင်ပါတယ်။ မမှည့်သေးတဲ့ဖရုံသီးနဲ့ အမှည့်လွန်ဖရုံသီးကိုတော့ မစားသင့်ပါဘူး။
ဖရုံသီးရဲ့အရည်က အစာအိမ်အချဉ်ပေါက်ခြင်းကိုကုသပေးနိုင်ပါတယ်။ ဖရုံသီးအရည်တစ်ခွက်ကို ပျားရည်နည်းနည်းထည့်ပြီး တစ်နေ့မှာ ၃ကြိမ်သောက်ခြင်းက သက်သာစေနိုင်ပါတယ်။ အစားမစာခင် မိနစ်၃၀အလိုမှာသောက်သင့်ပါတယ်။
၄) ကိုယ်အလေးချိန်လျော့ကျဖို့ကူညီပေးနိုင်ခြင်း
ကယ်လိုရီနည်းပါးပြီး အမျှင်ဓာတ်များစွာပါဝင်မှုကြောင့် အစာခံအောင်ထိန်းပေးပါတယ်။ အဲဒါက သင့်ရဲ့အစာစားချင်စိတ်ကိုထိန်းချုပ်ပေးနိုင်ပါတယ်။ ပိုတက်ဆီယမ်ကြွယ်ဝလို့ ပိုလျှံနေတဲ့ဆားဓာတ်နဲ့ရေဓာတ်ကို ဖယ်ရှားပေးလို့ ဝိတ်ကျစေနိုင်ပါတယ်။
၅) အရေပြားကျန်းမာရေးအတွက်ကောင်းပြီး ငယ်ရွယ်နုပျိုစေနိုင်ခြင်း
ဗီတာမင်အေက အရွယ်တင်နုပျိုစေပြီး အရေပြားကျန်းမာရေးအတွက်ကောင်းစေပါတယ်။ ဘီတာကရိုတင်းက နေရောင်ခြည်ကြောင့် အရေပြားပျက်စီးခြင်းကို လျော့ကျစေဖို့ကူညီပေးနိုင်ပါတယ်။ ဗီတာမင် စီနဲ့အီးက အရေပြားကျန်းမာရေးကိုကောင်းမွန်စေပါတယ်။ ကောလိပ်ဂျင်ထုတ်လုပ်မှုကို မြင့်တင်ပေးနိုင်ပြီး အရေပြားအရောင်ပိုကြည်လင်ဖို့ ကူညီပေးနိုင်ပါတယ်။ ဗီတာမင်ဘီ ဖိုက်နဲ့ pantothenic acid က အရေပြားမှာ အမဲစက်ထွက်ခြင်းကို လျော့ကျစေပါတယ်။
၆) ယောင်ရမ်းခြင်းကိုလျော့ကျစေနိုင်ခြင်း
ကာရိုတီးနွိုက်က အသားအရေဖူးရောင်နီရဲခြင်းတွေကို သက်သာစေပါတယ်။ နာတာရှည်ကျန်းမာရေးအခြေအနေတွေကို လျော့ကျစေပြီး ကင်ဆာ၊ နှလုံးရောဂါနဲ့ အမျိုးအစား၂ဆီးချိုရောဂါနဲ့ အဆစ်ရောင်ရောဂါကိုသက်သာစေနိုင်ပါတယ်။
သွေးလွှတ်ကြောနံရံတွေမှာ ကိုလက်စထရောတွေစုပုံခြင်းကိုကာကွယ်ဖို့ကူညီပေးနိုင်ပါတယ်။ အယ်ဖာကရိုတင်းက အရွယ်မတိုင်မီအိုမင်းရင့်ရော်ခြင်းကို နှေးစေပြီး ယောင်ရဲနေတဲ့အနာတွေကို သက်သာစေနိုင်ပါတယ်။ ဗီတာမင်အီးကြောင့် ကင်ဆာနဲ့ အင်ဇိုင်းမားဖြစ်ပွားစေတဲ့အန္တရာယ်ကိုလည်းပဲ သက်သာစေနိုင်ပါတယ်။
၇) ကိုယ်ဝန်ဆောင်ချိန်အတွက်သင့်တော်ခြင်း
ဖရုံသီးနဲ့ ဖရုံစေ့က ကိုယ်ဝန်ဆောင်အတွက်သင့်တော်ပြီး များစွာသော အာဟာရဓာတ်တွေပါဝင်တာကြောင့် သန္ဓေသားဖွံ့ဖြိုးမှုအတွက် အထောက်အကူဖြစ်စေပါတယ်။ အစာခြေစနစ်ကိုကောင်းမွန်စေတဲ့အတွက် ဗိုက်အောင့်ဗိုက်နာခြင်းတွေအတွက်သက်သာစေနိုင်ပါတယ်။
ဖရုံသီးမှာပါတဲ့ သံဓာတ်က ညအချိန်အိပ်မပျော်တဲ့ရောဂါကို ကာကွယ်နိုင်ပါတယ်။ ခန္ဓာကိုယ်ကို အောက်ဆီဂျင်ဓာတ်တွေပို့ဆောင်ပေးပြီး လမစေ့မီ ကလေးစောမွေးခြင်းကိုလည်း ကာကွယ်ပေးနိုင်ပါတယ်။ ဒါပေမယ့် ဗိုက်ထဲမှာမသက်မသာဖြစ်စေနိုင်တာမို့ အလွန်အကျွံတော့မစားသင့်ပါဘူး။
၈) ကိုယ်ကာယလေ့ကျင့်ခန်းမတိုင်မီ စားဖို့သင့်တော်ခြင်း
ဖရုံသီး၊ ကန်စွန်းဥနဲ့ သခွားမွှေးတွေက လေ့ကျင့်ခန်းအတွက်ကောင်းမွန်တဲ့အစားအစာဖြစ်ပါတယ်။ ကာဗွန်ဟိုက်ဒရိတ်ကို စီမံပေးနိုင်တာမို့ အသီးတွေနဲ့မတူဘဲ ကြွက်သားတွေထဲကို ကလိုင်ကိုဂျင်ထပ်ဖြည့်ပေးနိုင်ပါတယ်။
၉) သွေးဖိအားလျော့ကျစေခြင်း
ပိုတက်ဆီယမ်ကြွယ်ဝတဲ့အတွက်ကြောင့် သွေးတိုးခြင်းကို ထိန်းချုပ်ဖို့ကူညီပေးနိုင်ပါတယ်။ ဗီတာမင်စီက သွေးဖိအားကိုလျော့ကျစေနိုင်ပါတယ်။ ချက်ပြုတ်ထားတဲ့ဖရုံသီးတစ်ခွက်စာက ဗီတာမင်စီ ၂၀ရာခိုင်နှုန်းပါဝင်ပါတယ်။ ဗီတာမင်အေကလည်း နလုံး၊ အဆုတ်နဲ့ ကျောက်ကပ်ရဲ့လုပ်ဆောင်ချက်တွေကို မြင့်တင်ပေးနိုင်ပါတယ်။ အမျှင်ဓာတ်ကြောင့် ကိုလက်စထရောပမာဏကို ထိန်းသိမ်းပေးနိုင်ပါတယ်။ အဲဒါကြောင့်လေဖြတ်ခြင်းနဲ့နှလုံးရောဂါဖြစ်ပွားမှုအန္တရာယ်ကို လျော့ကျစေနိုင်ပါတယ်။
၁၀) သန္ဓေသားဖွံ့ဖြိုးမှုကို အထောက်အကူဖြစ်စေခြင်း
ဗီတာမင်ဘီကွန်ပလက်ကြောင့် သန္ဓေသားကို ဖွံ့ဖြိုးဖို့ကူညီပေးနိုင်ပါတယ်။ ဗီတာမင်အီး ၊ antioxidant တွေကလည်းပဲ သန္ဓေသားကို ကျန်းမာဖို့ကူညီပေးနိုင်ပါတယ်။ အဆိပ်ဖြစ်စေတဲ့ ကွန်ပေါင်းတွေမှ ကာကွယ်ပေးနိုင်ပါတယ်။ ဖရုံစေ့မှာ အိုမီဂါသရီးဖက်တီးအက်ဆစ်ပါဝင်ပါတယ်။
https://www.top10homeremedies.com/kitchen-ingredients/top-10-health-benefits-pumpkins.html လင့်မှာဘာသာပြန်ဖော်ပြခြင်းဖြစ်ပါတယ်။#BAWA101