၁) ကင်ဆာရောဂါဖြစ်ပွားမှုကိုလျော့ကျစေခြင်း
ငရုတ်ကောင်းအမဲရောင်မှာ ပါဝင်တဲ့ The piperine ဆိုတဲ့ဓာတ်တစ်မျိုးက ကင်ဆာဖြစ်ပွားမှုကို တားဆီးကာကွယ်တယ်လို့ဆိုကြပါတယ်။ Vitamin C, Vitamin A, flavonoids, carotenes နဲ့ အခြား anti-oxidants တွေလည်းပါဝင်တာမို့ ကင်ဆာဖြစ်ပွားစေတဲ့အန္တရာယ်ဖြစ်စေတဲ့ free radicals တွေကို တိုက်ဖျက်ဖယ်ရှားနိုင်တာကြောင့် ကင်ဆာဖြစ်ပွားမှုအန္တရာယ်ကို လျော့ကျစေနိုင်ပါတယ်။

၂) အစာခြေစနစ်ကို ကောင်းမွန်စေခြင်း
The piperine ဆိုတဲ့ဓာတ်ကပဲ အစာကိုကြေလွယ်ဖို့ အစာအိမ်ကိုလှုံ့ဆော်ပေးပါတယ်။ hydrochloric acid တွေပိုပြီးထုတ်လုပ်စေပြီး အစာစားတဲ့အခါ ပိုပြီးကြေလွယ်စေပါတယ်။

၃) အအေးမိနှာစေးခြင်းကိုကုသပေးနိုင်ခြင်း
သဘာဝအရ ပိုးသေစေတဲ့အစွမ်းရှိတာကြောင့် ပြင်ပမှ အအေးပတ်ခြင်း၊ ချောင်းဆိုခြင်းကနေ ကာကွယ်ပေးနိုင်ပါတယ်။ ရေနွေးပူထဲငရုတ်ကောင်းစေ့ထည့်ကာ၊ ယူကလစ်ဆီနဲ့ထည့်ပြီး ရေနွေးငွေ့ကိုရှုရှိုက်ခြင်းက ချောင်းဆိုး၊ နှာစေးခြင်းကို သက်သာစေပါတယ်။

၄) ဝိတ်ထိန်းပေးနိုင်ခြင်း
လတ်ဆတ်တဲ့ငရုတ်ကောင်းကိုစားသုံးမယ်ဆိုရင်တော့ သင့်ခန္ဓာကိုယ်မှာ ပိုလျှံနေတဲ့ရေဓာတ်နဲ့ အဆိပ်အတောက်တွေကို ဖယ်ရှားပေးနိုင်ပါတယ်။ အစာစားချင်စိတ်ကိုလည်းထိန်းချုပ်ပေးနိုင်ပါတယ်။

၅) အရေပြားကျန်းမာစေခြင်း
ငရုတ်ကောင်းကိုအမှုန့်ကြိတ်ထားပြီး ပျားရည်၊ ထောပတ်တို့နဲ့ရောမွှေကာ သင့်မျက်နှာမှာလိမ်းပေးခြင်းက သင့်မျက်နှာအရေးအကြောင်းကိုပြေပျောက်စေနိုင်ပါတယ်။ သင့်အရေပြားသွေးလည်ပတ်မှုကောင်းမွန်စေပြီး အောက်ဆီဂျင်ရရှိစေတာကြောင့် အရေပြားကိုနုပျိုစေပါတယ်။ အရေပြားအရောင်မညီခြင်းများကိုသက်သာစေပါတယ်။

၆) စိတ်ဖိစီးမှုကို ပြေလျော့စေခြင်း
ငရုတ်ကောင်းစားပေးခြင်းဖြင့် စိတ်ဓာတ်ကျရောဂါဖြစ်ပွားမှုအန္တရာယ်ကိုလျော့ကျစေပါတယ်။ ဦးနှောက်ကို လန်းဆန်းတက်ကြွစေအောင် လှုံ့ဆော်ပေးနိုင်ပါတယ်။

https://food.ndtv.com/opinions/black-pepper-benefits-more-than-just-a-spice-1238993 လင့်မှဘာသာပြန်ဖော်ပြခြင်းဖြစ်ပါတယ်။