၁) အိမ်ကနေ Mask ၊ Face Shield ၊ လက်အိတ်စွပ်သွားပါ။
အိမ်ကထွက်ကတည်းက Mask ၊ လက်အိတ်စွပ်သွားတာ ပိုစိတ်ချရပါတယ်။ အဲဒါမှ လူအများထိတွေ့နေရတဲ့ ပစ္စည်းတွေကိုကိုင်တွယ်တဲ့အခါ လက်အိတ်စွပ်မှ စိတ်ချရမှာဖြစ်ပါတယ်။ အိမ်ကထွက်တာနဲ့ သတိအနေအထားနဲ့မို့ တစ်ယောက်နဲ့တစ်ယောက် စကားပြောတာပဲဖြစ်ဖြစ်၊ အခြားတစ်ယောက် နှာစေးချောင်းဆိုးတာပဲဖြစ်ဖြစ်၊ စိတ်ချရအောင် mask တပ်ထားရမှာဖြစ်ပါတယ်။

၂) နာရီနဲ့ အခြား accessories တွေကို အိမ်မှာ ချွတ်ခဲ့ပါ။
ရုံးသွားတဲ့အခါ ပြင်ပက မမြင်နိုင်တဲ့ပိုးမွှားတွေက သင့်ရဲ့ နာရီနဲ့ အခြား accessoriesတွေမှာ ခိုအောင်းနေနိုင်ပါတယ်။ အဲဒါကြောင့် သင့်ရဲ့ နာရီနဲ့ အခြား accessories တွေကို အိမ်မှာ ချွတ်ထားခဲ့ပါ။

၃) ဆံပင်ရှည်ကို စည်းနှောင်သွားပါ။
အထူးသဖြင့် မိန်းကလေးတွေဆံပင်ရှည်ကို ထုံးဖွဲ့သွားတာပိုကောင်းပါတယ်။ ဆံပင်မှာ ပိုးမွှားတွေကပ်ညှိနေတာမျိုးကို ကာကွယ်နိုင်ဖို့အတွက် မဖြစ်မနေ စည်းနှောင်ထားသင့်ပါတယ်။

၄) ရုံးကိုရောက်တာနဲ့ လက်ဆေးပါ။
ရုံးကိုရောက်ရောက်ခြင်း ဘာပစ္စည်းမှမကိုင်ခင် လက်ကိုအရင်ဆေးပါ။ (လက်အိတ်မစွပ်ထားလျှင်) အများသုံးပစ္စည်းတွေကို တစ်ရှုးအသုံးပြုပြီး ကိုင်တွယ်ပါ။ လက်ပြန်ဆေးပါ။

၅) ကိုယ့်စားပွဲပေါ်က ပစ္စည်းတွေကို သီးသန့်ထား သန့်ရှင်းရေးလုပ်ပါ။
ကိုယ့်ရဲ့စာရေးစားပွဲကိုသန့်ရှင်းပါ၊ စာရေးကိရိယာတွေ ကိုယ့်အတွက်သီးသန့်ထားပါ။ ကွန်ပျူတာ ကီးဘုတ်တွေကို Hand Gel နဲ့ဂွမ်းနဲ့ဆွတ်ပြီး သန့်ရှင်းရေးလုပ်ပါ။ ကိုယ်ပိုင် သောက်ရေခွက်သီးသန့်ထားပါ။ တစ်နေ့တစ်ခါ Hand Gel နဲ့ ဂွမ်းသုံးပြီး ကိုယ့်ရဲ့စားပွဲကို သန့်ရှင်းရေးလုပ်ပါ။

၆) စားပွဲခုံ (သို့) လူတစ်ယောက်နဲ့တစ်ယောက် ‌ခြောက်ပေခန့်ခြားပါ။
ကိုယ့်စားပွဲကို အခြားတစ်ယောက်နဲ့ ခြောက်ပေခန့်ခြားမှာ သတ်မှတ်ထားပါ။ တစ်ရုံးလုံး ထိုကဲ့သို့ ဆောင်ရန်ရှောင်ရန်ကို လိုက်နာဖို့ စည်းကမ်းသတ်မှတ်ထားပါ။

၇) အများသုံးပစ္စည်းတွေ ကိုင်ပြီးတိုင်းလက်ဆေးပါ။
လက်အိတ်မစွပ်ဖြစ်လျှင် သတိလေးနဲ့ အများသုံးပစ္စည်းတွေကိုင်ပြီးတိုင်း လက်ဆေးဖို့မမေ့ပါနဲ့။
စီမံရေးရာဌာနပဲဖြစ်ဖြစ်၊ တာဝန်ရှိသူကို ရုံးတွင်း စည်းကမ်းလိုက်နာဖို့ သတ်မှတ်ပေးဖို့ ခွင့်တောင်းပါ။ တစ်ယောက်ကအစ အားလုံး သတိထားလိုက်နာကြပါစေ။