လူတစ်ယောက်ကိုသင်ယုံကြည်လို့ရတယ်ဆိုတာဘယ်လိုသိနိုင်ပါသလဲ။

ယုံကြည်မှုဆိုတာ တန်ဖိုးရှိပါတယ်။ ကိုယ်ကလူတစ်ယောက်အပေါ်ကို ယုံကြည်မှုမရှိဘူးဆိုရင် အဲ့ဒီလူနဲ့ ပြောရဆိုရ၊ ပေါင်းသင်းဆက်ဆံရတာတွေ ဘယ်လိုမှ အဆင်မပြေတော့ပါဘူး။ ဒါကြောင့် ကိုယ်တိုင်ကလဲ ယုံကြည်ထိုက်သူတစ်ယောက်ဖြစ်ဖို့လိုသလို ကိုယ့်အပေါင်းအသင်းမိတ်ဆွေတွေဟာလဲ ယုံကြည်ထိုက်သူတွေဖြစ်ဖို့ လိုအပ်ပါတယ်။ ဒါဆိုရင် လူတစ်ယောက်က ယုံကြည်ရနိုင်သူ ဟုတ်တယ်၊ မဟုတ်ဘူးဆိုတာကို ဘယ်လိုသိနိုင်မှာလဲ။ အခုဖော်ပြပေးသွားမယ့် အချက် (၉) ကိုအခြေခံပြီး ဆုံးဖြတ်နိုင်ပါတယ်။


၁။ စစ်မှန်တယ်
စစ်မှန်တဲ့ ပင်ကိုယ်စရိုက်လက္ခဏာရှိတဲ့ သူမျိုးပေါ့။ အမူအကျင့်ကောင်းတွေရှိတယ်။ ဘယ်သူ့ကိုမှ အထက်စီးကနေ ဆက်ဆံလေ့မရှိဘူး၊ ဘယ်သူ့အပေါ်ကိုမှ ရောက်ဖို့မကြိုးစားဘူး။ ပြောရဆိုရ ပေါင်းသင်းဆက်ဆံရတာ ကောင်းတယ်။ ဒီလိုလူမျိုးကို သင်ယုံကြည်နိုင်ပါတယ်။
၂။ စိတ်အပြောင်းအလဲမမြန်ဘူး
လူတိုင်းမှာ အဆင်မပြေတဲ့နေ့ဆိုတာ ရှိပါတယ်။ ဒါပေမယ့် ဖြစ်ပျက်နေတဲ့ အခြေအနေတွေတိုင်းမှာ လိုက်ပြီး စိတ်ပြောင်းလဲနေမယ့်အစား ကောင်းသောစကားကို ဆိုတယ်၊ ကောင်းသော အပြုအမူတွေကိုသာ ဝေမျှတယ်၊ ခြုံပြောရရင် အကောင်းမြင်စိတ်ရှိသူပါ။ ဉာဏ်နဲ့ယှဉ်တဲ့ ဆုံးဖြတ်ချက်တွေကို ချမှတ်တတ်ကြပါတယ်။
၃။ သိက္ခာရှိသူ
မှန်တာကို ပြောရဲလုပ်ရဲသူဆိုရင် ယုံကြည်ထိုက်သူပါပဲ။ ကိုယ်ကျင့်သိက္ခာပြည့်စုံသူတစ်ယောက်ဟာ လူကြည့်ကောင်းရုံ ဟန်မဆောင်တတ်ပါဘူး။ တစ်ယောက်ထဲရှိနေချိန်မှာလဲပဲ တစ်သတ်မတ်ထဲမှာ နေထိုင်တတ်ပါတယ်။
၄။ ကိုယ်ချင်းစာတရားရှိတယ်
ငါသာသူ့နေရာမှာဆိုရင် ဆိုပြီးအခြားသူနေရာက ဝင်နေကြည့်ပေးလေ့ရှိပါတယ်။ ကိုယ့်အတ္တကိုယ်ရှေ့တန်းမတင်ဘူး၊ စာနာတတ်တယ်၊ အခြားသူတွေအတွက် တွေးပေးတတ်ပါတယ်။
၅။ ကြင်နာတယ်
ကိုယ့်အတွက် အဆင်ပြေမှသာ ပေါင်းသင်းတဲ့ သူမျိုးမဟုတ်ပါဘူး။ ကူညီနိုင်တာရှိရင် ကူညီပေးဖို့ အသင့်ရှိတယ်၊ ကြင်နာသနားစိတ်အခံ ရှိသူပါ။
၆။ ဗဟုသုတ ကြွယ်ဝတယ်
အမြဲတမ်းသင်ယူနေတယ်၊ တိုးတက်မှုကို ရှာဖွေနေတယ်။ ကိုယ့်ကိုယ်ကို ဘယ်တော့မှ အတော်ဆုံးဖြစ်သွားပြီလို့ မတွေးတတ်ဘူး၊ သင်ယူစရာတွေများစွာ ကျန်သေးတယ်ဆိုတာကို သိတယ်။ ကိုယ်သိထားတာတွေကိုလဲ ပြန်လည် ဝေမျှပေးတတ်ပါတယ်။
၇။ ကူညီတတ်သူ
ကိုယ်တိုင်လဲ ကူညီတယ်၊ လိုအပ်တဲ့ အတွေ့အကြုံ၊ ဗဟုသုတရှိနေသူတွေ၊ ကူညီပေးနိုင်သူတွေနဲ့ ချိတ်ဆက်ပေးတယ်။ ယုံကြည်ထိုက်သူဆိုတာပြောရရင် တံတားတစ်စင်းနဲ့သူပါတယ်။
၈။ နှိမ့်ချတယ်
ကိစ္စတစ်ခုအောင်မြင်သွားတိုင်း ကိုယ်တစ်ယောက်ထဲ တော်လို့မဟုတ်ဘူးဆိုတာကို သိထားတယ်၊ အခြားသူတွေရဲ့ ကြိုးစားမှုကို အသိအမှတ်ပြုတယ်၊ နေရာပေးတယ်။ ကိုယ့်ကိုယ်ကို နှိမ့်ချတတ်ပါတယ်။
၉။ အချိန်ပေးတယ်
ကိုယ့်ရဲ့ ကူညီမှု၊ အကြံဉာဏ်လိုအပ်နေသူတွေအတွက် အချိန်ပေးတယ်။ ကိုယ်တတ်နိုင်တဲ့နည်းလမ်းနဲ့ ကူညီဖေးမပေးတတ်ကြတယ်။
အဲ့ဒီလိုအခ ျက် ၉ ခ ျက်နဲ့ ပြည့်စုံတဲ့သူ၊ ကိုယ်နဲ့ လည်းအံဝင်ခွင်က ျဖြစ်တဲ့မိတ်ဆွေမ ျိုးတွေပိုင်ဆိုင်ထားတယ်ဆိုရင်တော့သင်ဟာတစ်ကယ်ကံကောင်းတဲ့သူတစ်ယော်ပဲဖြစ်ပါတယ်။ အားလုံးပဲဒီလိုမိတ်ဆွေကောင်းတွေအမ ျားကြီးပိုင်ဆိုင်နိုင်ပါစေလို့ဆုမွန်ကောင်းတောင်းပေးလိုက်ပါတယ်။
? ( BaWa101 )
Source: “9 traits of trustworthy people,” success.com
ပုံကိုအွန်လိုင်းမှကူးယူဖော်ပြထားပါသည်။

အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။