၁) ရေဓာတ်ပြည့်၀ပါစေ
သင့်ခန္ဓာကိုယ်ထဲမှာ ရေဓာတ်ပြည့်နေခြင်းက သင့်အဆုတ်ကိုချွဲတွေရှင်းစေပါတယ်။ သင့်ခန္ဓာကိုယ်အလေးချိန်ရဲ့ တစ်၀က်ခန့် သောက်ပေးသင့်တယ်လို့ဆိုပါတယ်။ ဥပမာ ပေါင်ချိန် ၁၅၀ရှိတဲ့အမျိုးသမီးဟာ ရေ ၇၅ပေါင်ခန့်သောက်သင့်ပါတယ်။ (တစ်ရက်ကို ‌ရေ ၉ခွက်ခန့်)

၂) အဆုတ်အားကောင်းစေတဲ့အစားအစာတွေစားပေးပါ
အဆုတ်အားကောင်းစေတဲ့အစားအစာဖြစ်တဲ့ အသီးအရွက်၊ အသီးအနှံ၊ နဲ့ ကိုယ်ခံအားကောင်းစေတဲ့ အစားအစာတွေ၊ အိုမီဂါသရီးကြွယ်၀တာတွေစားပေးသင့်ပါတယ်။ ပန်းပွင့်စိမ်း၊ လိမ္မော်သီး၊ ဖရုံသီး၊ ကြက်သွန် ၊ အစေ့အဆံ ၊ ပန်းသီး စတဲ့အသီးအနှံတွေပေါ့။ အဆုတ်အားကောင်းတဲ့အစားအစာတွေက သင့်အသက်ရှူလမ်းကြောင်းရောင်ရမ်းတာကို လျော့ကျစေပါတယ်။

၃) လေ့ကျင့်ခန်းလုပ်ပါ
အသက်ရှူလေ့ကျင့်ခန်းမျိုးလုပ်ပေးခြင်းက သင့်သွေးလည်ပတ်မှူအားကောင်းစေပြီး သွေးထဲကတဆင့် အောက်ဆီဂျင် ရစေပြီး သင့်ခန္ဓာကိုယ်အစိတ်အပိုင်းတွေဆီ ရောက်ဖို့လွယ်ကူစေပါတယ်။

၄) ဆေးလိပ်လျော့သောက်ပါ/ ဆေးလိပ်ဖြတ်ပါ
ဆေးလိပ်သောက်ခြင်းက သင့်ရဲ့အဆုတ်ကို ပိုဆိုး၀ါးစေနိုင်တာမို့ အဆုတ်အားနည်းတဲ့သူတွေအနေနဲ့ ဆေးလိပ်ဖြတ်တာမျိုး ဆေးလိပ်လျော့သောက်တာမျိုးလုပ်သင့်ပါတယ်။

၅) အိမ်တွင်း သန့် ရှင်းရေးအလေးထားပါ
အိမ်တွင်းမှာ သန့်ရှင်းရေးကိုပို အလေးထားသင့်ပါတယ်။ခုချိန်က ပြင်ပက ရောဂါပိုးမွှားတွေအိမ်ထဲပါလာတာမျိုးမဖြစ်နိုင်အောင် အိမ်တွင်းသန့်ရှင်းရေးကို ဂရုစိူက်ပါ။ ပိုးသတ်ဆေးဖြန်းတာမျိုး တစ်နေ့ ၂ ခါ ခန့် ဖုန်ရှင်းတာ၊ အိမ်တွင်းသန့်ရှင်းအောင် လုပ်သင့်ပါတယ်။

၆) အာခံတွင်းသန့် ရှင်းရေးဂရုစိုက်ပါ
အဆုတ်ကျန်းမာရေးအတွက် အာခံတွင်းသန့်ရှင်းရေးကလည်း အရေးကြီးပါတယ်။ အာခံတွင်းထဲမှာ ရောဂါပိုးမွှားတွေကိန်းအောင်းနေခြင်းက သင့်ရဲ့အသက်ရှူလမ်းကြောင်းကနေတဆင့် အဆုတ်ထိ ၀င်ရောက်နိုင်ပါတယ်။ အဲဒါကြောင့် အာခံတွင်းကို ရေ‌နွေးနဲ့ပလုတ်ကျင်းပေးတာမျိုး ၊ ဆားရည်ငုံပေးတာမျိုးလည်းလုပ်ပေးနိုင်ပါတယ်။

၇) Social Distancing လုပ်ပါ
အဓိကကတော့ ဒီကာလမှာ လူစုလူ‌ဝေးအတတ်နိုင်ဆုံးရှောင်ကျဥ်တာကောင်းပါတယ်။ အိမ်ထဲက ကိစ္စမရှိရင် အပြင်မထွက်တာပိုကောင်းပါတယ်။ အဆုတ်အားနည်းသူတွေဆို ရောဂါကူးစက်ဖို့ ပိုလွယ်ကူနိုင်တာမို့ အတတ်နိုင်ဆုံး Social Distancing လုပ်ပါ။ မတတ်သာလို့အပြင်ထွက်ရမယ်ဆိုရင် mask/ face shield ၂ခုလုံးတပ်ပါ။ handgel ဆောင်သွားပါ။ လက်ကိုစနစ်တကျဆေးကြောပါ။ လူများတဲ့နေရာကို ရှောင်ပြီး လူပါးတဲ့နေရာရွေးပါ။ အနည်းဆုံး ၆ပေလောက်ခြားပါ။