၁) အိပ်မပျော်ခြင်းရောဂါကို သက်သာစေပါတယ်။
ကန်စွန်းရွက်စားခြင်းက အိပ်မပျော်ခြင်းရောဂါကို သက်သာစေပါတယ်။ sedatives ဆိုတဲ့ဓာတ်ပေါင်းတစ်ခုပါဝင်မှုကြောင့် အိပ်ချင်စိတ်ဖြစ်ပေါ်စေပြီး နှစ်ခြိုက်စွာအိပ်ပျော်စေပါတယ်။ selenium နဲ့ zinc ပါဝင်မှုကြောင့် အာရုံကြောတွေပြေလျော့စေပြီး အကြောအခြင်တွေပြေလျော့စေပါတယ်။

၂) ဝမ်းချုပ်ခြင်းကိုကာကွယ်နိုင်ပြီး အဆိပ်ပြေစေပါတယ်။
ကန်စွန်ရွက်မှာအဆိပ်အတောက်ပြေစေတဲ့အစွမ်းသတ္တိရှိပါတယ်။ အစာအိမ်နာခြင်းကနေ အရေပြားအထိ အသုံးဝင်ပါတယ်။ ဝမ်းချုပ်ခြင်းကို ကာကွယ်နိုင်ပြီး အမျှင်ဓာတ်ကြွယ်ဝစွာပါဝင်ပါတယ်။

၃) သံဓာတ်ပါဝင်ပါတယ်။
အစိမ်းရောင်အရွက်မှာ သံဓာတ်ပါဝင်ပြီး သံဓာတ်ကြောင့်သွေးအားနည်းခြင်းကို ကာကွယ်ပေးပါတယ်။

၄) ဆီးချိုရောဂါကို သက်သာစေပါတယ်။
ကန်စွန်းရွက်ကိုစားသုံးခြင်းဖြင့် သွေးထဲပိုလျှံနေတဲ့သကြားဓာတ်တွေကို စုပ်ယူနိုင်ပါတယ်။ အဲဒါကြောင့် ဆီးချိုသမားတွေအတွက် ကောင်းမွန်စေပါတယ်။

၅) ခုခံအားတိုးစေပါတယ်။
ဗီတာမင်စီကြွယ်ဝပါတယ်။ ခုခံအားတိုးစေပါတယ်။ တုတ်ကွေးဖြစ်ပေါ်ခြင်းကို ဆန့်ကျင်တိုက်ဖျက်နိုင်ပါတယ်။.

၆) အမြင်အာရုံကောင်းမွန်စေပါတယ်။
ဗီတာမင်အေလည်းပါဝင်မှုကြောင့် အမြင်အာရုံအတွက်ကောင်းပါတယ်။ ဗီတာမင်အေက antioxidant ကဲ့သို့ အသုံးဝင်တဲ့အတွက် မျက်ကြည်လွှာပျက်စီးခြင်းကို ကာကွယ်ပေးနိုင်ပါတယ်။

၇) ကိုယ်ဝန်ဆောင်အတွက် ကောင်းမွန်ပါတယ်။
အစိမ်းရောင်အရွက်ဖြစ်တဲ့အတွက် ကိုယ်ဝန်ဆောင်တွေစားသုံးပေးနိုင်ပါတယ်။ ဆီးချိုရောဂါဖြစ်ပွားခြင်းကို ကုသပေးဖို့ အထောက်အကူဖြစ်စေပါတယ်။

၈) အသည်းအတွက်အထောက်အကူဖြစ်စေပါတယ်။
အသည်းပျက်စီးခြင်းကို ကာကွယ်ပေးနိုင်ပါတယ်။ ကန်စွန်းရွက်မှာ အဆိပ်အတောက်ပြေစေတဲ့အစွမ်းသတ္တိရှိပြီး antioxidants တွေလည်း ပါဝင်တာမို့ အသည်းအတွက်ကောင်းမွန်စေပါတယ်။
ကန်စွန်းရွက်က ဈေးလည်းသက်သာပြီး ဝယ်ရလည်း လွယ်ကူပါတယ်။ ကျန်းမာရေးအတွက်လည်း အကျိုးရှိစေပါတယ်။ ကိုက်လန်ကဲ့သို့ သင့်မိသားစုကျန်းမာရေးအတွက် အကျိုးများစေတဲ့အရွက်တစ်မျိုးပဲဖြစ်ပါတယ်။
https://www.thealthbenefitsof.com/9-health-benefits-of-wat…/ လင့်မှ ဘာသာပြန်ဖော်ပြခြင်းဖြစ်ပါတယ်။