အာလူးအစိမ်းရောင်ပြောင်းခြင်းက သဘာဝဖြစ်စဉ်ပါပဲ။ အာလူးတွေက အလင်းရောင်နဲ့ထိတွေ့တဲ့အခါ ကလိုရိုဖီးလ်တွေကို ထုတ်လုပ်ပါတယ်။ အဲဒါကနေ အာလူးရဲ့အခွံအရောင်ပြောင်းစေပြီး အစိမ်းရောင်အဖြစ်ပြောင်းလာစေပါတယ်။ အာလူးအခွံမှာအမည်းရောင်သန်းလာပြီး အရောင်ပြောင်းသွားတော့တာပါပဲ။ ကလိုရိုဖီးလ်ကနေ နေရောင်ခြည်နဲ့ထိတွေ့တဲ့အခါ အလင်းကနေ အပင်အဖြစ်ရှင်သန်ဖို့စွမ်းအင်ကိုရစေပါတယ်။
ရေနဲ့ နေရောင်ခြည်ထိတွေ့ပြီး အပင်အဖြစ်ရှင်သန်ကာ အောက်ဆီဂျင်ကိုထုတ်လွှတ်ပေးတာဖြစ်ပါတယ်။ ဒါပေမယ့် အာလူးမှာတော့ အစိမ်းရောင်ပြောင်းသွားတဲ့အခါ အဆိပ်ဓာတ်တစ်မျိုးဖြစ်တဲ့ solanine ဆိုတဲ့ဓာတ်တစ်မျိုးထွက်လာပါတယ်။
Solanine ဆိုတဲ့ဓာတ်က သင့်အူထဲမှာ မကောင်းတဲ့အကျိုးသက်ရောက်မှုကိုဖြစ်စေနိုင်ပါတယ်။ ပုံမှန်အားဖြင့်တော့ ထိုဓာတ်က အာလူးရဲ့အခွံမှာပါပါတယ်။ အပင်အဖြစ်ပြောင်းတဲ့အခါ ပမာဏများလာတော့တာပါပဲ။ အလင်းနဲ့ထိတွေ့တာများလေ ထိုဓာတ်ထုတ်လုပ်မှုများလေပါပဲ။ အစိမ်းရောင်ရှိနေခြင်းက ထိုဓာတ်များလာတာကို ပြသနေတဲ့လက္ခဏာတစ်မျိုးပါပဲ။ အစိမ်းရောင်ပြောင်းနေတဲ့အာလူးကိုစားမိတဲ့အခါ အော့အန်ခြင်း၊ အော်ကလီဆန်ခြင်း၊ ခေါင်းကိုက်ခြင်းတို့ဖြစ်ပေါ်စေနိုင်ပါတယ်။ ထိုထက်ပြင်းထန်တဲ့အခါ ကိုယ်လက်အကြောသေခြင်း၊ ကိုမာဖြစ်ခြင်းသာမက အသက်သေဆုံးသည်အထိဖြစ်နိုင်ပါတယ်။
အဲဒါကြောင့် အာလူးကို အခွံနွှာလိုက်တဲ့အခါ အစိမ်းရောင်ပြောင်းနေတဲ့အာလူးကို ချက်ပြုတ်စားသောက်တာမျိုးမလုပ်သင့်ပါဘူး။#BAWA101
https://www.healthline.com/nutrition/green-potatoes လင့်မှဘာသာပြန်ဖော်ပြခြင်းဖြစ်ပါတယ်။