အလွယ်ကူဆုံး အချိန်စီမံခန့်ခွဲနည်းလမ်း
Work hard ဖြစ်ဖို့ထက် work smart ဖြစ်ဖို့လိုတယ်ဆိုတာ ဒီနေ့ခေတ်မှာ ပိုပြီး သဘောပေါက်လာကြပါပြီ ။ အဲဒါအပြင် ဒီနေ့ခေတ်မှာ ဘယ်သူမှ အလုပ်တစ်ခုတည်းကို တရားသေလုပ်နေတယ်ဆိုတာမရှိကြတော့ဘဲ တစ်ပြိုင်တည်း ပေါ့ပေါ့ပါးပါးနဲ့ အလုပ်နှစ်မျိုး သုံးမျိုးလောက် အေးဆေး လုပ်နိုင်ကြတဲ့ခေတ်ဖြစ်ပါတယ်။ ပြောချင်တာ အလုပ်လည်း ပိုပြီး ပိုပြီးမြောက်သလို၊ ဝင်ငွေလည်း သုံးလေးခုရနေကြတဲ့သူတွေ များလာပါပြီ။ အဓိက အကြောင်းကတော့ work smart ဖြစ်ကြလို့ပါပဲ။ ဟုတ်ပြီ….အဲဒါဆိုရင် work smart ဖြစ်ဖို့အတွက် အဓိက အကျဆုံးကတော့ time management ဆိုတာ လူတိုင်းသိကြမှာပါ။ ပြောတော့သာ လွယ်တာ time management ဆိုတာ တကယ်လုပ်ကြည့်ရင်မလွယ်ပါဘူး။ အဓိကကတော့ ကိုယ့်ရဲ့စိတ်ကို ကန့်သတ် ထိန်းချုပ်နိုင်စွမ်းပါပဲ။ ကိုယ်သတ်မှတ်ထားတဲ့စည်းကမ်းကို ကိုယ်တိုင်သေချာလိုက်နာနိုင်မယ်ဆိုရင် time management လုပ်နိုင်သွားသလို၊ ကိုယ့်ရဲ့အလုပ်တွေလည်း ပိုပြီး များများပြီးစေနိုင်ပါတယ်။ အဲဒါကြောင့် time management ဘယ်လိုမျိုးလုပ်မလဲဆိုတာလေး ဖော်ပြပေးလိုက်ပါတယ်။
ကိုယ်ဘယ်နေရာတွေမှာ အချိန်အများဆုံးကုန်ဆုံးမိနေသလဲ။ ဥပမာ။ ဖေ့ဘုတ်….လိုမျိုး လူမှုကွန်ရက်ပေါ်မှာ မက်ဆေ့လေးပဲဖတ်လိုက်ပါအုံးမယ်….ဆိုပြီး ဖွင့်လိုက်တာ တစ်နာရီကို မသိလိုက်ဘဲ ကုန်သွားသလား၊ နေ့တစ်ဝက်ကုန်သုံးသလား စသဖြင့်ပေါ့။ ထိုအချိန်များများ အလကားသုံးပစ်မိနေတဲ့ နေရာကိုတွေ့ပြီဆိုရင်တော့ ကိုယ့်စိတ်ကိုထိန်းချုပ်ဖို့ကြိုးစားပါ။ ငါ..ဒီနေ့ ဒီအလုပ်တွေပြီးဖို့ သတ်မှတ်ထားတယ်၊ ဒီအလုပ်တွေ မပြီးမချင်း ဖေ့ဘုတ်မသုံးဘူး….စသဖြင့် ကိုယ့်ကိုကိုယ်သတ်မှတ်ထားပြီး သေချာလိုက်နာပါ။
၂) အလုပ်ချိန်နဲ့ ကိုယ်ပိုင်အချိန်ခွဲခြားလိုက်ပါ။
များသောအားဖြင့် အလုပ်ချိန်မှာ လူမှုကွန်ရက်ပေါ်မှာပဲ အချိန်တွေကုန်သွားပြီး အလုပ်ချိန်အတွင်းမှာ အလုပ်မပြီးလို့ ကိုယ်ပိုင်အချိန်မှာ မပြီးတဲ့အလုပ်တွေကို ပြန်ပြီး ဆက်လုပ်နေရတာမျိုးပေါ့။ အဲဒါမျိုးဖြစ်သွားတဲ့အခါ အလုပ်ချိန်မှာလည်း မသိလိုက်မသိဘာသာကုန်ဆုံးသွားသလို ကိုယ့်ရဲ့ကိုယ်ပိုင်အချိန်မှာလည်း အားလပ်ချိန်မှာ တခြားတခုခုလုပ်ဖို့အချိန်ပဲ့သွားတတ်ပါတယ်။ အဲဒီလိုမဖြစ်ရအောင် ကိုယ့်ကိုကိုယ် သေချာ အချိန်သတ်မှတ်ပါ။ အလုပ်ချိန်တွင်းမှာ အကြွေးမကျန်အောင် အလုပ်ပြီးဆုံးအောင်လုပ်မယ်လို့ ဆုံးဖြတ်ပြီးသေချာလိုက်နာပါ။
၃) လုပ်စရာအရေးကြီးငယ်အလိုက် တစုတစည်းတည်း စာရင်းလုပ်ပါ။
မနက်အလုပ်စပြီဆိုတာနဲ့ လုပ်စရာအရေးကြီးငယ်အလိုက် တစုတစည်းတည်း စာရင်းလုပ်ထားလိုက်ပါ။ ပြီးတာနဲ့ စာရင်းအတိုင်း စတင်အလုပ်ပါ။ အလုပ်မပြီးမချင်း တခြားအာရုံပျက်စရာတွေကို ထည့်မတွေးပါနဲ့။ လုပ်လည်း မလုပ်မိအောင် ကိုယ့်ကိုကိုယ်ထိန်းပါ။
၄) အလုပ်တစ်ခုချင်းကို အချိန်သတ်မှတ်ပြီးလုပ်ပါ။
စာရင်းထဲက အလုပ်ကိုစတင်လုပ်ဆောင်ပြီဆိုတာနဲ့ အလုပ်တစ်ခုကို အချိန်ဘယ်လောက်မှာ ပြီးအောင်
လုပ်မယ်လို့ ကိုယ့်ကိုကိုယ်သတ်မှတ်လိုက်ပါ။ အဲဒီ့အခါ အလုပ်တစ်ခုပြီးအောင် အာရုံစိုက်နေပါလိမ့်မယ်။
၅) မစောင့်ပါနဲ့။
တစ်စုံတစ်ခုဖြစ်ဖြစ်၊ တစ်ယောက်ယောက်ကြောင့်ဖြစ်ဖြစ် အလုပ်တစ်ခုကို လုပ်ဖို့ တန့်နေရတယ်ဆိုရင် ထိုအလုပ်ပြီးဖို့ စောင့်မနေဘဲ နောက်အလုပ်တစ်ခုကို ဆက်လုပ်သွားပါ။ ပထမအလုပ်ကို ပြန်စလုပ်ဖို့အဆင်သင့်ဖြစ်ပြီဆိုမှ ပြန်လုပ်ပါ။ အဲဒါဆိုရင် စောင့်နေရတဲ့အတွက် အချိန်အလကားမကုန်စေတော့ပါဘူး။ သဘောတရားကိုက အလုပ်တစ်ခုကို ဆက်လုပ်ဖို့ အခြားသောအကြောင်းအရာတွေကို စောင့်နေလိုက်ရင် နောက်အလုပ်ဆက်လို့ဖို့ စိတ်အာရုံလည်း ပျံ့လွင့်သလို၊ အာရုံစူးစိုက်မှုလည်း ပျက်စီးသွားစေပါတယ်။ အဲဒါကြောင့် ဘယ်လိုအကြောင်းအရာရှိရှိ စောင့်မနေပါနဲ့။ လုပ်စရာရှိတဲ့အလုပ်တစ်ခုခုကို ကျော်ပြီး ဆက်လုပ်ထားလိုက်ပါ။
ကဲ….ခုပဲ အထက်က နည်းလမ်းတွေကို လက်တွေ့အကောင်အထည်ဖော်ကြည့်လိုက်ပါနော်။ တကယ်လုပ်ကြည့်ရင် တကယ်အကျိုးရှိတာကို သင်လက်တွေ့သိလာပါလိမ့်မယ်။
