အဲဒီ့လိုအချိန်မျိုးမှာ “ငါတကယ်လက်လျော့အရှုံးပေးလိုက်တော့မှာလား” ဆိုတဲ့အတွေးမျိုး ပြန်တွေးပြီး ကိုယ့်ကိုယ်ကိုယ် သေချာပြန်ဆန်းစစ်ကြည့်သင့်ပါတယ်။

တကယ်လက်လျှော့လိုက်တော့မယ်ဆိုရင် ခုလက်ရှိအချိန်ထိ ဘယ်လောက်ခရီးရောက်ထားပြီလဲဆိုတဲ့အတွေးမျိုးပြန်တွေးကြည့်လိုက်ပါ။ ကိုယ်တကယ်အားသွန်ခွန်စိုက်ကြိုးစားထားတယ်ဆိုတဲ့အခါ နေရာတစ်ခုကိုတော့ရောက်နေမှာပါပဲ။ အဲဒီ့နေရာကို အပြီးသတ်စွန့်လွှတ်ပြီး ထားခဲ့ရမယ်၊ နောက်ပြန်လှည့်သွားမယ်ဆိုရင် အရာအားလုံးဟာ နံပါတ်တစ်က ပြန်စသလို အစကနေပြန်ဖြစ်သွားတော့မှာပါ။ အဲဒီ့အခါ ဘယ်လောက်တောင် နှမြောတသဖြစ်စရာကောင်းလိုက်မလဲ။
ကိုယ့်ရည်မှန်းချက်အားလုံးကို လွှတ်ချလိုက်ခါနီးအချိန်ဟာ ကိုယ့်ပန်းတိုင်နဲ့ သိပ်မလှမ်းမကမ်းမှာရောက်နေတယ်ဆိုရင်ရော……။ ထိုအတွေးလေးပြန်တွေးကြည့်လိုက်ပါနော်။

“When it looks impossible and you are ready to quit, victory is near!”
Tony Robbins ပြောတဲ့စကားလိုပါပဲ။ မဖြစ်နိုင်ဘူးလို့ ထင်ရပြီး သင်အဆုံးသတ်ဖို့အဆင်သင့်ဖြစ်နေချိန်မှာ အောင်မြင်မှုက သင်နဲ့အနီးလေးမှာဖြစ်နေတတ်ပါတယ်နော်။
တခါတလေမှာ ကိုယ့်ပန်းတိုင်နဲ့လက်တစ်ကမ်းကိုရောက်နေတာကို မသိဘဲ ဇွဲလျော့မိခြင်းက ကိုယ့်ရဲ့ပန်းတိုင်နဲ့လွဲချော်သွားနိုင်ပါတယ်။
ဘယ်လိုဖြစ်ဖြစ် ကိုယ့်ကြိုးစားမှုကြောင့် နောက်ဆုံးမှာ ဇွဲဆုအဖြစ် နေရာတစ်နေရာတော့ ရမှာပါပဲ။
Your Victory is right around the corner. Never give up.
သင့်အောင်မြင်မှုဟာ သင့်အနားရောက်နေပါပြီ၊ အဲဒါကြောင့် သင်အရှုံးမပေးလိုက်ပါနဲ့နော်။