(ဒါပေမယ့် ဒီအစားအစောတွေစားပေးပြီး ဆိုင်ရာဆရာဝန်နဲ့မပြသလို့ကလည်း မဖြစ်ပါဘူးနော်)
၁) ရေနွေးကြမ်း
နှာစေး၊ ဖျားနာချိန်မှာ ရေများသောက်သောက်ပေးဖို့လိုအပ်ပါတယ်လို့ ဆရာဝန်တွေက ညွှန်ကြားကြပါတယ်။ ရေအေးထက် ရေ‌နွေးကြမ်းပူနွေးနွေးလေးသောက်ပေးတာက ပိုပြီး သက်သာစေနိုင်ပါတယ်။ လည်ပင်းနာခြင်း၊ အာခေါက်ခြောက်ြခင်းနဲ့ နှုတ်ခမ်းခြောက်သွေ့ခြင်းတွေကိုလည်း သက်သာစေနိုင်ပါတယ်။

၂) ကြက်စွပ်ပြုတ်
ကြက်စွပ်ပြုတ်ကတော့ ကိုယ်ခံအားကို ပြန်လည်ဖြည့်တင်းပေးနိုင်တာမို့ ဖျားနာချိန်မှာမဖြစ်မနေသောက်သင့်ပါတယ်။ ကြက်စွပ်ပြုတ်ထဲ ဂျင်း၊ ကြက်သွန်ဖြူ၊ မုန်လာဥလေးတွေထည့်ပေးရင် ပိုပြီး အားဖြစ်စေပါတယ်။ ကြက်သွန်ဖြူ၊ ဓျင်းကလည်း ကိုယ်ခံအားကိုအထောက်အကူပြုစေပြီး ဘက်တီးရီးယားတွေကို သေစပါတယ်။

၃) ထောပတ်သီး
ထောပတ်သီးမှာ monounsaturated fat ကြွယ်ဝပြီး နေမကောင်းချိန်မှာ လိုအပ်နေတဲ့ vitamins, သတ္တုဓာတ်တွေကို ရစေတာကြောင့် စားပေးသင့်ပါတယ်။

၄) ဆော်လမွန်ငါး
omega-3 fatty acids နဲ့ vitamin D ပါဝင်တာကြောင့် နေမကောင်းချိန်မှာ ဆော်လမွန်ငါး ကိုစားပေးသင့်ပါတယ်။

၅) ငှက်ပျောသီး
soluble fiber ပါဝင်ခြင်းကြောင့် ဝမ်းပျက်ခြင်းကို သက်သာစေနိုင်ပြီး နေမကောင်းအားအင်ကုန်ခမ်းနေချိန်မှာ အာဟာရပြည့်ဝစေတာမို့ စားပေးသင့်ပါတယ်။

၆) အုန်းစိမ်းရည်
ရေဓာတ်ပြည်လည်ဖြည့်တင်းပေးဖို့အတွက် လိုအပ်တဲ့ glucose နဲ့ electrolyte ပါဝင်တာကြောင့် နေမကောင်းချိန်မှာ သောက်ပေးသင့်ပါတယ်။
အစာလည်းဆေး၊ ဆေးလည်းအစာ ဆိုသလိုနေမကောင်းချိန်မှာ ကိုယ့်ရဲ့အာဟာရကိုပြန်လည်ဖြည့်တင်းပေးနိုင်တဲ့အာဟာရကိုသိထားတဲ့အခါ ကိုယ့်အတါက် အရသာရှိမယ်ထင်တာလေးတွေနဲ့ ပြန်လည်သုံးသပ်ပြိး စားပေးနိုင်အောင်လို့ဖော်ပြလိုက်ပါတယ်။ သို့ပေမယ့် ဒီအစားအစာတွေကိုစားပေးခြင်းအားဖြင့် သင့်ရဲ့နေမကောင်းခြင်းကိုအရှင်းပျောက်စေမယ်လို့ ဆိုလိုတာမဟုတ်ပါဘူး။ သက်ဆိုင်ရာဆရာဝန်ထံမှာ ဆေးကုသမှုခံယူပြီး အာဟာရပြည့်ဖို့အတွက်သာ အားအင်ပြန်လည်ဖြည့်တင်းပေးနိုင်တဲ့အစားအစာတွေကိုဖော်ပြပေးထားခြင်းဖြစ်ပါတယ်။