ပိုခံစားရတတ်ပါတယ်။ ငါ့ကိုမှ နောက်ကျောဓားနဲ့ထိုးလေခြင်းဆိုပြီး တနုံနုံ ခံစားရမှာပါ။
တကယ်တော့လည်း ကျွန်တော်တို့ကို ဒုက္ခပေးတတ်သူတွေဟာ ကျွန်တော်တို့ ယုံကြည်ပါတယ်ဆိုတဲ့လူတွေပဲဖြစ်နေတတ်ပါတယ်။ ကျွန်တော်တို့ ယုံကြည်တဲ့လူတွေကပဲ ကျွန်တော်တို့ကို လိမ်ညာနိုင်တာပါ။ ကျွန်တော်တို့ ရင်းနှီးပါတယ်ဆိုတဲ့လူတွေကသာ ကျွန်တော်တို့ကို နာကျင်အောင်လုပ် နိုင်တာပါ။ ကျွန်တော်တို့ နဲ့ အဆင်ပြေပါတယ်ဆိုတဲ့လူတွေကပဲ ကျွန်တော်တို့ရဲ့အကြောင်း အလုံးစုံကိသိထားသူတွေမဟုတ်လား။ အဲဒီ့အတွက်ကြောင့်ပဲ ကျွန်တော်တို့ကို နာကျင် စေတာသူတို့ဖြစ်နေသလို။ အဲဒီ့အတွက်ကြောင့်ပဲ ကျွန်တော်တို့ကို ဒုက္ခပေးတာလည်း သူတို့ဖြစ်နေတာပါပဲ။
အဲဒါဆို ကျွန်တော်တို့ လူတိုင်းကို မယုံကြည်ရတော့ဘူးလား။ အဲလိုလည်းမဟုတ်ပါဘူးနော်။ ယုံကြည်လို့ရပါတယ်။
တကယ်တမ်းပြန်တွေးကြည့်ရင် ကျွန်တော်တို့ကို ဒုက္ခပေးသူတွေကို ကျေးဇူးတင်သင့်တဲ့အချက်တွေရှိပါတယ်။ သူတို့ဒုက္ခပေးလို့ အခြေအနေတစ်ခုမှာ ဒုက္ခရောက်နိုင်တယ်ဆိုတာ သိလာနိုင်ပါတယ်။ လူတွေမှာ ကမ္ဘာမီးလောင် သားကောင်ချနင်းတတ်တယ်ဆိုတာ နားလည်လာပြီး ချင့်ချိန်လာတတ်ပါတယ်။
သူတို့ပေးတဲ့ဒုက္ခတွေကြောင့် ပိုပြီး ဒုက္ခကို ခံနိုင်ရည်ရှိလာမယ်။ အခက်အခဲတွေကို ကျော်ဖြတ်နိုင်လာမယ်။ ပိုပြီးရင့်ကျက်လာမယ် စသဖြင့်ပေါ့။
ကိုယ့်ကို ဒုက္ခပေးတဲ့လူတွေကြောင့် နာကျင်ပါ၊ ဝမ်းနည်းပါ၊ ကြေကွဲခံစားပစ်လိုက်ပါ။ ဒါပေမယ့် ဘယ်တော့မှ လဲပြိုကျ အရှုံးမပေးလိုက်ပါနဲ့။

ဒီနေ့မှာ ဒုက္ခဖြစ်နေပေမယ့် မနက်ဖြန်သုခဖြစ်အောင် ပြန်ကြိုးစားပါ။ ဒုက္ခကို တစ်ခါကျော်ဖြတ်ဖူးရင် ပိုရင့်ကျက်လာသလို၊ ဒုက္ခအပေါင်းကိုလည်း ခံနုိင်ရည်ရှိလာပါလိမ့်မယ်။
တကယ်တော့ သင့်ကိုဒုက္ခပေးတဲ့သူတွေကို ကျေးဇူးတင်လိုက်ပါ။ ပိုရင့်ကျက်လာစေပြီး ဒုက္ခကို ကျော်လွှားနိုင်ဖို့ ခွန်အားပေးခဲ့သလို၊ သူတို့ရဲ့မျက်နှာဖုံးတွေကို သင်မြင်လိုက်ရတဲ့အတွက် ရှောင်ရှားနိုင်သွားခဲ့လို့ပေါ့။