အောက်ပါအချက်တွေကတော့ အာဟာရပညာရှင် Sally ရဲ့ဆောင်းတွင်းမှာဘယ်လိုစားသောက်ရမလဲဆိုတဲ့သတိပေးချက်တွေပဲဖြစ်ပါတယ်။
၁) ဗီတာမင်စီကြွယ်ဝတဲ့အသီးအနှံနဲ့ ဟင်းသီးဟင်းရွက်များစားပေးပါ။
ငရုတ်ပွ၊ ခရမ်းချဉ်သီး၊ ကန်စွန်းဥကဲ့သို့ အစားအစာတွေနဲ့ ချဉ်သောအသီးတွေက ဗီတာမင်စီကြွယ်ဝတာကြောင့် သင့်ရဲ့ အစားအစာထဲမှာ ထည့်သွင်းစားသုံးပေးသင့်ပါတယ်။ ဗီတာမင်စီက သင့်ရဲ့ကိုယ်ခံအားကောင်းစေပြိး စွမ်းအင်တိုးစေပါတယ်။ ပုံမှန်လေ့ကျင့်ခန်းလုပ်တယ်ဆိုရင် မဖြစ်မနေစားပေးသင့်ပါတယ်။
၂) ဇင့်ပါတဲ့အစားအစာတွေစားပေးပါ။
ဆောင်းရာသီက တုတ်ကွေးနဲ့အအေးမိခြင်းကဲ့သို့ ဗိုင်းရပ်တွေကူးစက်ခံရနိုင်တာမို့ ခုခံအားစနစ်ကောင်းမွန်နေဖို့လိုအပ်ပါတယ်။ ဇင့်ပါဝင်တဲ့အစားအစာတွေက သင့်ရဲ့ခုခံအားစနစ်အတွက်အရေးပါပါတယ်။ ဟင်းနုနယ်၊ ပဲအမျိုးမျိုး၊ ကမာစတဲ့စားစရာတွေမှာဇင့်ဓာတ်ကြွယ်ဝစွာပါဝင်ပါတယ်။
၃) သံဓာတ်ကြွယ်ဝသောအစားအစာများစားပေးပါ။
အသား၊ အစိမ်းရောင်ဟင်းသီးဟင်းရွက်များက သံဓာတ်ကြွယ်ဝပါတယ်။ ခုခံအားတိုးစေပါတယ်။
၄) ငါး၊ ဥအမျိုးမျိုးနဲ့ ချိစ်တွေစားပေးပါ။
ဆောလမွန်ငါးနဲ့ ကော့ဒ်ပင်လယ်ငါး၊ နို့၊ ဥအမျိုးမျိုးနဲ့ ချိစ်တွေက ဗီတာမင်ဘီတွဲကြွယ်ဝပါတယ်။ ဗီတာမင်ဘီတွဲကြွယ်ဝတဲ့အစားအစာတွေက ခုခံအားကောင်းစေပြီး မောပန်းလွယ်ခြင်းကို သက်သာစေပါတယ်။
၅) အမြစ်ပါတဲ့ဟင်းသီးဟင်းရွက်များနဲ့ စွပ်ပြုတ်များ စားပေးပါ။
အချိုဓာတ်ပါဝင်တဲ့အမြစ်ပါဟင်းသီးဟင်းရွက်တွေကို စွပ်ပြုတ်လုပ်ပြီး သောက်သုံးပေးနိုင်ပါတယ်။ ဂျင်းနဲ့ ကြက်သွန်ဖြူပါဝင်တဲ့စွပ်ပြုတ်မျိုးကိုလည်း သောက်သုံးပေးနိုင်ပါတယ်။
http://home.bt.com/lifestyle/health/healthy-eating/winter-diet-to-stay-healthy-11364216640411လင့်မှာဘာသာပြန်ဖော်ပြခြင်းဖြစ်ပါတယ်။