ပျော်ရွှင်သောဘဝ

ကိုယ့်ကိုချစ်တဲ့သူတွေအတွက်သာ ရှင်သန်ပါ။

တခါတလေ ဘဝမှာ အခြားသူတွေကြောင့် နာကျင်ရတာ၊ ခံစားရတာတွေရှိကြမှာပါ။ ဘယ်သူကဘယ်လိုမျိုး ကိုယ့်ကိုထိခိုက်စေသလဲဆိုတာကကို သိဖို့လိုပါတယ်။ ကိုယ့်ကိုနာကျင်စေတဲ့သူတွေက ကိုယ့်ရဲ့အနီးဆုံးလူတွေပဲဖြစ်နေတတ်ပြန်ပါတယ်။ အဲဒီလိုလူမျိုးတွေနဲ့ကြုံရတဲ့အခါမှာ ကိုယ့်ရဲ့အာရုံအားလုံးဟာသူတို့ထံမှာသာ ရှိနေပြီး တခြားကိုယ့်ရဲ့တိုးတက်ရာတိုးတက်ကြောင်းမှာ အာရုံမစိုက်နိုင်တော့ပါဘူး။ အမြဲတမ်း တဝဲ၀ဲတလည်လည်ဖြစ်နေပါတော့တယ်။ နာကျင်လို့လည်းမဆုံးနိုင်အောင်ဖြစ်နေတတ်ပါတယ်။ အဲဒီ့အခါ ကိုယ့်ရဲ့စိတ်ညစ်ညူးမယ်၊ စိတ်ရှုပ်မယ်၊ အချိန်ကုန်မယ်၊ ကိုယ့်ရဲ့ကျန်းမာရေးကိုတောင် ထိခိုက်လာစေနိုင်ပါတယ်။ အဲဒါအပြင် ကိုယ့်ဘဝရဲ့တိုးတက်စရာကိစ္စတွေမှာပါ ပျက်ကွက်သွားနိုင်ပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ဘဝမှာ နေတတ်စေဖို့နည်းလမ်းကောင်းများ

ဘဝမှာရှင်သန်ရတဲ့အခါ လူတိုင်းကကိုယ့်အပူသောကနဲ့ ကိုယ် မတူတဲ့တိုက်ပွဲကိုဝင်နေရတဲ့သူတွေချည်းပါပဲ။ ဒါပေမယ့် လိုအပ်လို့ တိုက်ပွဲဝင်ရတာက အကျိုးရှိပါတယ်။ မလိုအပ်ပဲ အခြားသူတွေကြောင့် ပူလောင်ပြီး မပျော်မရွှင်ဖြစ်နေရတာကတော့ အကျိုးမရှိ၊ အချိန်ကုန်၊ လူမောဖြစ်စေပါတယ်။ အဲဒါကြောင့် ဘဝမှာ နေတတ်စေဖို့ အလွယ်ဆုံးနည်းလမ်းတွေကိုဖော်ပြလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

ရှုံးနိမ့်ချိန်မှာပြန်တွေးသင့်သော အရာများ

အောင်မြင်တဲ့သူမှန်သမျှ ကျရှုံးဖူးတဲ့သူတွေချည်းပါပဲ။ အဲဒီ့လိုပြောတာနဲ့ အမြဲကျရှုံးနေမယ်လို့လည်းတွေးနေလို့မရပြန်ပါဘူး။ အောင်မြင်တိုးတက်တဲ့လူဆိုတာက ကျရှုံးမှုတွေအခါခါကြုံလည်း ကျရှုံးမှုတွေဆီကနေ သူတို့ဘာတွေမှားသွားသလဲဆိုတာကို ပြန်ပြီးသင်ခန်းစာယူ၊ သင်ခန်းစာအခါခါရပြီး မဆုတ်မနစ်ပြန်လည်ကြိုးစားပြီး အောင်မြင်ကိုအောင်မြင်ရမယ်လို့ဆုံးဖြတ်ချက်ချထားတတ်သူတွေဖြစ်ပါတယ်။ အဲဒီ့အတွက် ကျရှုံးချိန်မှာ ကိုယ်ဘာကြောင့်ကျရှုံးရသလဲဆိုတာကို သူတို့ကသေချာသိအောင် ကြိုးစားသူတွေလည်းဖြစ်ပါတယ်။ အဲဒါကြောင့် သင်က သင့်ရည်မှန်းချက်အတွက် အောင်မြင်တဲ့သူဖြစ်ချင်ရင် သင်ရှုံးနိမ့်ချိန်မှာ ပြန်တွေးသင့်တဲ့အရာတွေရှိပါတယ်။

စွမ်းရည် ပျော်ရွှင်သောဘဝ စိတ်ဓာတ်ခွန်အား

လူဖြစ်ရကျိုးနပ်ပါစေ။

လူဖြစ်ရကျိုးနပ်တယ်ဆိုတာ….ဘာအဓိပ္ပါယ်လဲ။ ထိုအဓိပ္ပါယ်ကိုရော တွေးကြည့်ဖူးပါသလား။ လူသားအဖြစ် လူတစ်ယောက်ရှင်သန်ရတဲ့ဘဝရဲ့ အဓိပါ္ပယ်ကဘာဖြစ်မလဲဆိုတာ စဉ်းစားစရာပါ။ အချိန်တန် လူသားနှစ်ယောက်အိမ်ထောင်ပြု၊ သားသမီးတွေမွေးဖွား၊ ထိုသားသမီးတွေကနေ နောက်ထပ် မိသားစုတွေဖြစ်လာရုံနဲ့ လူ့ဘဝကြီးက သံသရာလည်နေပြီး ဘဝကအဆုံးသတ်သွားတာ အဓိပါ္ပယ်ရှိရဲ့လား။ တစ်နေ့တာအတွက် စားဝတ်နေရေးအဆင်ပြေအောင် ရှာဖွေရုန်းကန်၊ အချိန်တန် ပြေလည်လိုက်မပြေလည်လိုက်နဲ့ ဘဝက ပြီးသွားရင်ကော အဓိပါ္ပယ်ရှိရဲ့လား။

စွမ်းရည် ပျော်ရွှင်သောဘဝ လူနေမှုဘဝ

သင့်အကြောင်းမကောင်းပြောခံရတဲ့အခါ……..

လူတိုင်းမှာ သူတို့ဘဝရဲ့ သက်ဆိုင်ရာအခက်အခဲ၊ အကြပ်အတည်းတွေ၊ ပြဿနာတွေကိုယ်စီကို ရင်ဆိုင်ဖြေရှင်းနေကြတာချည်းပဲဖြစ်ပါတယ်။ ဘဝမှာ အမြဲတမ်းပျော်ရွှင်နေတဲ့သူရယ်လု့ိ မရှိသလို၊ အမြဲတမ်း ငိုကြွေးဝမ်းနည်းနေရတဲ့လူရယ်လို့လည်း မရှိပါဘူး။ မှန်ကင်းတလှည့် ထင်းတစ်လှည့်မို့ ပျော်လိုက်ငိုလိုက်ပါပဲ။ ဒါပေမယ့် လူတိုင်းရဲ့ကိစ္စတိုင်းပြဿနာတိုင်းကိုလည်း ကျွန်တော်တို့အမြဲတမ်း ခရေစေ့တွင်းကျ မသိနိုင်သလို၊ နားမလည်နိုင်ပါဘူး။ လူတိုင်းက တိုက်ပွဲကိုယ်စီတိုက်နေကြတဲ့သူတွေချည်းပါပဲ။ တစ်ခုပဲ သူတို့တိုက်ပွဲကို ကျွန်တော်တို့ခရေစေ့တွင်းကျ မသိနိုင်၊ နားမလည်နိုင်ပါဘူး။ အဲဒါပါပဲ။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

မောင်တစ်ထမ်း မယ်တစ်ရွက်ဆိုတာ…….

မြန်မာလူမျိုးအချို့မှာ လွဲမှားနေတုန်း အယူအဆတစ်ခုရှိပါတယ်။ အဲဒါကတော့ အိမ်မှုကိစ္စမှန်သမျှ အမျိုးသမီးအိမ်ရှင်မအလုပ်ဖြစ်ပြီး စီးပွားရှာတဲ့အလုပ်ကတော့ အိမ်ထောင်ဦးစီးအလုပ်လို့ တရားသေမှတ်ထားကြတာပါပဲ။ အဲဒီ့အယူအဆကိုဆွဲကိုင်ထားတဲ့လူတော်တော်များများက မောင်တစ်ထမ်း မယ်တစ်ရွက်ဆိုတဲ့စကားကို မေ့နေကြဟန်တူပါတယ်။ တကယ်တော့ ထိုစကားရဲ့အဓိပ္ပါယ်က မောင်ကတစ်ထမ်းဆိုရင် မယ်ကလည်း တစ်ရွက်ဆိုတဲ့ တာဝန်ကို ညီတူညီမျှ ယူကြမယ်ဆိုတဲ့အဓိပါ္ပယ်ပါပဲ။ အဲဒီ့လိုအဓိပ္ပါယ်ရကတည်းက အိမ်ထောင်စုတစ်ခုမှာ တာဝန်အားလုံးဟာ ညီတူညီမျှ ရှိတဲ့သဘောပါပဲ။

ပျော်ရွှင်သောဘဝ လူနေမှုဘဝ

စိတ်နဲ့တန်တဲ့ဘဝဆိုတာ……

“သူ့စေတနာသူ့အကျိုးပေးလိမ့်မယ်…..” ဆိုတဲ့စကားမျိုးကို လူတော်တော်များများပြောတတ်ကြပါတယ်။ သေချာပြန်စဉ်းစားကြည့်လိုက်မယ်ဆိုရင် လူတိုင်းဟာ သူတို့စိတ်နဲ့တန်တဲ့ဘဝကို သူတို့ရကြတယ်ဆိုတာ တကယ်မှန်တဲ့စကားပါပဲ။ လူတစ်ယောက်နဲ့တစ်ယောက် ပေါင်းသင်းဆက်ဆံတဲ့အခါ အတွင်းစိတ်ကိုသိဖို့အင်မတန်ခက်ခဲပါတယ်။ ရေရှည်ပေါင်းသင်းကြည့်မှသာ ထိုလူရဲ့အတွင်းစိတ်ကို တဖြည်းဖြည်းတရိပ်ရိပ် သိလာနိုင်တာဖြစ်ပါတယ်။ အဲဒီ့အခါမှ ဒီလူမျိုးဟာ ကိုယ့်ကို ထိခိုက်စေလိုတဲ့စိတ်ရှိတာလား၊ ကိုယ့်အပေါ်စေတနာထားတာလား၊ တကယ့်စိတ်ရင်းမှန်တဲ့လူမျိုးလားဆိုတာကို တရေးရေးသိလာနိုင်တာဖြစ်ပါတယ်။ များသောအားဖြင့် ပေါင်းသင်းဆက်ဆံတတ်တဲ့အခါမှာ လူနှစ်မျိုးပဲရှိပါတယ်။ လူကောင်းရယ်လူဆိုးရယ်ပါပဲတဲ့။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ဘာကြောင့်အမြဲတမ်းအရှုံးသမားဖြစ်နေရတာလဲ။

သင်ကိုယ့်သင် ထိုမေးခွန်းမျိုးမေးဖူးပါသလား။ တကယ်တော့ သင့်မှာ ကျရှုံးမှုတွေမကြာခဏကြုံတွေ့နေရတယ်ဆိုရင် ထိုမေးခွန်းမျိုး သင့်ကိုယ်သင်ပြန်မေးသင့်ပါတယ်။ သင့်ကိုယ်သင်သာအသိဆုံးဖြစ်မှာမို့ အခြားသူတွေက သင့်ထက်ပိုပြီး သင့်စိတ်ကို၊ သင့်အကြောင်းကို မသိနိုင်ပါဘူး။ အဲဒါကြောင့် သင့်ကိုသင်ပြန်မေးပါ။ သင့်ကိုယ်သင်မလိမ်ပါနဲ့။ အမှန်အတိုင်း ကိုယ့်ရဲ့ပစ်ချက်ကိုမြင်အောင်ကြည့်သင့်ပါတယ်။ အကြမ်းဖျင်းအားဖြင့် သင့်ကိုသင်ပြန်ပြီးမေးနိုင်မယ့် အချက်လေးတွေကို ဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

စွန့်ခွာသင့်သောလူ (၄) မျိုး

သင်မဖြစ်မနေ စွန့်ခွာသင့်တဲ့လူတွေရှိကိုရှိပါတယ်နော်။ အားနာလို့၊ သံယောဇဉ်ကြီးလို့၊ အရင်းအချာဖြစ်နေလို့ စသဖြင့် အကြောင်းတရားအမျိုးမျိုးကို ထောက်ငဲ့ပြီး သင်မစွန့်ခွာခြင်းဟာ သင့်ကိုသာ ထိခိုက်စေမှာဖြစ်ပါတယ်။ အဲဒါကြောင့် ကိုယ့်ကိုထိခိုက်စေတဲ့သူတွေကို သင်ကစတင်စွန့်ခွာသင့်စွန့်ခွာရမှာပါပဲ။ အဲဒါက သင့်ကိုယ်သင်ကယ်ဆယ်ခြင်းတစ်မျိုးပါပဲ။ ဘယ်လိုလူတွေကို စွန့်ခွာသင့်သလဲဆိုတာ ဖတ်ကြည့်လိုက်ပါအုံးနော်။

ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ဘဝမှာ ကိုယ်တိုင်ရွေးချယ်ခွင့်မရှိသောအရာများ

ကျွန်တော်တို့တွေ လူသားအဖြစ်မွေးဖွားလာတဲ့အခါမှာ ကိုယ်တိုင်မရွေးချယ်နိုင်ဘဲ ဖြစ်လာရတဲ့အခြေအနေတချို့ရှိပါတယ်။ အဲဒီ့အခြေအနေတွေက ကျွန်တော်တို့မှမဟုတ်ဘဲ အခြားဘယ်သူကမှလည်း တရားသေမှတ်ထားလို့ မရဘဲ ၊ ကိုယ်အတွက်ကောင်းခြင်းအဖြာဖြာဖြစ်လာအောင်ဆိုပြီး မရွေးချယ်နိုင်ပါဘူး။ ဒါပေမယ့် အဲဒီ့လို မရွေးချယ်နိုင်တဲ့အခြေအနေတွေကို သိရှိပြီး ကိုယ်ပြုပြင်နိုင်တာ၊ ကိုယ်ရွေးချယ်နိုင်တာကို ပြန်ပြီးအားစိုက်လုပ်ဆောင်ဖို့လိုအပ်ပါတယ်။ အကောင်းဆုံးကိုမရွေးချယ်နိုင်ခဲ့ဘူးဆိုရင်တောင် အကောင်းဆုံးဖြစ်လာအောင် အားထုတ်ကြိုးစားလို့တော့ရနိုင်တယ်ဆိုတာ မမေ့လိုက်ပါနဲ့နော်။

ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ချစ်ခြင်းမေတ္တာနဲ့ မတန်တဲ့သူကို ပြတ်သားစွာ စွန့်လွှတ်ပါ။

စွန့်လွှတ်ခြင်းဆိုတဲ့စကားက ယေဘုယျအားဖြင့် ကိုယ့်ဆီက တစ်စုံတစ်ရာကို ပိုင်ဆိုင်ခွင့်ဆုံးရှုံးသွားရတာမျိုးပေါ့။ တခါတလေကျတော့ စွန့်လွှတ်ခြင်းတွေမှာ ကိုယ့်ဆန္ဒမပါဘဲ ဖြစ်ပေါ်လာရတာမျိုးရှိပါတယ်။ တခါတရံကျပြန်တော့ ကိုယ်တိုင်ကိုက လိုလားစွာ စွန့်လွှတ်ပစ်ဖို့လိုပါတယ်။ ဘယ်လောက်နာကျင်ပါစေပေါ့။ ကိုယ့်အတွက် စွန့်လွှတ်ဖြစ်မှ ပိုကောင်းလာမယ့်အရာမျိုးတွေအတွက်ပါ။ အဲဒီ့အထဲမှာမှ ခုပြောပြပေးချင်တဲ့စွန့်လွှတ်ခြင်းက ချစ်ခြင်းတရားအားဖြင့်စွန့်လွှတ်ခြင်းမျိုးပါ။ ချစ်ခြင်းတရားအားဖြင့် စွန့်လွှတ်ခြင်းက သူနဲ့ကိုယ်နဲ့ချစ်နေရက်နဲ့ မဖြစ်သင့်တဲ့အခြေအနေတွေကြောင့် စွန့်ကိုစွန့်မှရမှာမို့ စွန့်လွှတ်ခြင်းမျိုး၊ နှစ်ဖက်လုံးနာကျင်နေရတယ်ပေါ့။

ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ဒုတိယအကြိမ်အဖြစ် ပြန်မရနိုင်တော့တဲ့ တန်ဖိုးရှိသောအရာများ

ဘဝမှာ နှစ်ကြိမ်ပြန်မရနိုင်တဲ့ အရာတွေရှိပါတယ်။ ထိုအရာတွေကို ရဖို့ ငွေဘယ်လောက်ပုံပေးပေး ပြန်မရနိုင်ဘူးဆိုတာ သိကြမှာပါ။ တခါတလေကျတော့ ငွေက တန်ဖိုးကြီးတယ်ဆိုပြီး ငွေနောက်လိုက်နေခြင်းဟာ ကိုယ်မသိလိုက်ဘဲ ကိုယ်အတွက် တန်ဖိုးရှိတဲ့အရာတချို့ကို စွန့်လွှတ်ပြီးသားဖြစ်နေတတ်ပါသေးတယ်။ တခါတလေကျပြန်တော့လည်း အမှတ်တမဲ့ကို တန်ဖိုးမထားမိနေတာမျိုးတွေပေါ့။ အဲဒါကြောင့် ကိုယ်အမှတ်တမဲ့မေ့နေမိတဲ့အရာတွေကို သတိရသွားစေဖို့ သတိပေးဖော်ပြလိုက်ပါတယ်။

ပျော်ရွှင်သောဘဝ လူနေမှုဘဝ