စိတ်ဓာတ်ခွန်အား

ဘဝမှာလိုအပ်တဲ့အရာများ

ကျွန်တော်တို့ အားလုံးသိပြီးတဲ့အတိုင်းပါပဲ….ဘဝဆိုတာ တိုက်ပွဲတစ်ခုပါ။ အချိန်တိုင်း တစ်ခုခုကို အနိုင်ရဖို့ ရင်ဆိုင်တိုက်ပွဲဝင်နေရတာပဲမဟုတ်လား။ ကျွန်တော်တို့မွေးကင်းစ အရွယ်တုန်းကကျတော့ စကားပြောတတ်ဖို့ကြိုးစားရတယ်၊ လမ်းလျှောက်တတ်ဖို့ကြိုးစားရတယ်၊ မူလတန်းစတက်ပြန်တော့ ဝလုံးရေးဖို့ ကြိုးစားရပြန်တယ်၊ အဲဒီလိုနဲ့ အထက်တန်းအောင်ဖို့၊ အလုပ်တွေရဖို့၊ သင်တန်းမှာ စာမေးပွဲအောင်ဖို့ ၊ အလုပ်ခွင်မှာ နေရာတစ်ခုရဖို့၊ စသဖြင့် အူဝဲလို့ စအော်ပြီးမွေးလာကတည်းက တခုခုအတွက် အမြဲလိုကြိုးစားရုန်းကန်နေရတာပါပဲ။ အဲဒီ့အခါမှာ ကျွန်တော်တို့တွေရဲ့ ဘဝတစ်လျှောက်လုံးမှာ ကောင်းမွန်စွာရှင်သန်တတ်ဖို့ လိုအပ်တဲ့အရာတွေရှိပါတယ်။ အဲဒီ့အရာတွေက အရေးမကြီးဘူးလို့ ထင်ရပေမယ့် တကယ်တမ်းကျတော့ ငွေနဲ့တောင် လဲပြီးမဝယ်နိုင်ဘဲ အခြားသူတွေဆီကနေလည်း တဆင့်မရနိုင်ဘဲ ကျွန်တော်တို့ကိုယ်တိုင်မွေးမြူကျင့်ကြံရမယ့်အရာတွေပဲဖြစ်ပါတယ်။ အဲဒါကြောင့် ဘဝမှာ လူကောင်းတစ်ယောက်အဖြစ် ရှင်သန်နိုင်ဖို့ တကယ်တမ်းလိုအပ်တဲ့အရာတွေက ဘာတွေဖြစ်မလဲဖတ်ကြည့်လိုက်ပါအုံးနော်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ရုပ်ရှင်သရုပ်ဆောင် Jim Carrey ရဲ့ ဘဝနဲ့ပတ်သက်တဲ့သင်ခန်းစာ ၄ခု

ရုပ်ရှင်သရုပ်ဆောင်ဖြစ်တဲ့ Jim Carrey က သူ့ဘဝမှာ သူလက်ကိုင်ထားပြီး ကျင့်သုံးခဲ့တဲ့ သင်ခန်းစာ လေးခုကို ဝေမျှထားပါတယ်။

လူနေမှုဘဝ စိတ်ဓာတ်ခွန်အား ကိုးကားစာများ

စိတ်ညစ်၊ စိတ်ဓာတ်ကျနေချိန်မှာ ကိုယ့်ကိုကိုယ် စိတ်ဓာတ်ခွန်အား ဘယ်လိုပြန်လည်မြင့်တင်မလဲ။

ဘဝမှာ အသက်ရှင်ရပ်တည်ရုန်းကန်ဖို့ကြိုးစားနေသမျှ ကာလပတ်လုံးမှာ စိတ်ပျော်စရာ၊ စိတ်ညစ်စရာ၊ ဝမ်းနည်းစရာ၊ စိတ်ဓာတ်ကျစရာစသဖြင့် ကြုံမြဲကြုံရမှာပါပဲ။ ဘဝဆိုတာက အမြဲလိုတသတ်မတ်တည်း မရှိဘဲ တက်လိုက်ကျလိုက်နဲ့မို့ အမြဲတမ်းအဆင်ပြေချောမွေ့နေတယ်ဆိုတာရှိမှာမဟုတ်ပါဘူး။ အမြဲတမ်းလည်း ကြမ်းတမ်းပြီး အခက်အခဲတွေနဲ့ချည်း ကြုံနေရမှာလည်း မဟုတ်ပါဘူး။ အဆင်ပြေနေတဲ့အခြေအနေမျိုးက ဘယ်သူ့ကိုမှ မထိခိုက်စေပေမယ့် အဆင်မပြေတာတွေကြုံလာတဲ့အခါမှာတော့ ပုထုဇဉ်လူသားတွေပီပီ စိတ်ညစ်မှု၊ စိတ်ဆင်းရဲမှုတွေ ဖြစ်ပေါ်ခံစားရတော့တာပါပဲ။

စွမ်းရည် ကျန်းမာရေး ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

လူတွေနဲ့ပတ်သက်ပြီး ပြောင်းလဲသင့်တဲ့ခံယူချက်များ

တခါတလေမှာ ကျွန်တော်တို့ရဲ့အကျင့်က ကိုယ်နဲ့ပတ်သက်နေတဲ့ပတ်ဝန်းကျင် ၊ အသိုင်းအဝန်းက လူတွေရဲ့ ကိုယ်နဲ့သိပ်မအပ်စပ်တဲ့အကျင့်စရိုက်တွေကို ပြုပြင်ချင်စိတ်ဖြစ်တတ်ကြပါတယ်။ တခါတလေကျရင် အဲဒီလိုလူတွေရဲ့ အကျင့်တွေကြောင့် အာရုံနောက်ရတတ်ပါတယ်။ ကိုယ်တိုင်မှာလည်း ကိုယ့်ကြောင့်အခြားသူတွေ အာရုံနောက်ရတဲ့အကျင့်မျိုးရှိနေရင် ပွင့်လင်းစွာ မေးမြန်းပြီး ပြုပြင်သင့်ပါတယ်။ ဒါပေမယ့် တချို့လူတွေကျတော့ ကိုယ်တိုင်လည်းပြုပြင်ရကောင်းမှန်းမသိသလို၊ ကိုယ့်ကြောင့် အခြားသူတွေကို စိတ်ပိုင်းဆိုင်ရာအရ အနှောင့်အယှက်ပေးမှန်းမသိပေးနေတာမျိုးဖြစ်သွားတတ်ပါတယ်။ ဥပမာ ။ သင့်ကိုကြည့်ပြီး သင့်အသားအရေကို ရှုတ်ချတဲ့လူမျိုး၊ သင့်ခန္ဓာကိုယ်ကို ကြည့်ပြီး ရှုတ်ချတဲ့သူမျိုး၊ လူကိုမြင်တာနဲ့ လခဘယ်လောက်ရလဲတန်းမေးတတ်တဲ့သူမျိုး၊ လူတစ်ဖက်သားကို ချီးကျူးချင်စိတ်မဟုတ်ဘဲ အပြုသဘောမျိုးမဟုတ်ဘဲ အပျက်သဘောမျိုးနဲ့ တဖက်လူရဲ့ခံစားချက်ကိုထည့်မစဉ်းစားဘဲ ပုတ်ခတ်တတ်တဲ့သူမျိုးတွေကို ကြုံဖူးကြမှပါ။ အဲဒီလိုလူတွေနဲ့ ကြုံဆုံလာရတာများတဲ့အခါ သင့်မှာ အလိုလိုနေရင်း စိတ်ညစ်ညူးတတ်သလို၊ တစ်ခါနှစ်ခါသည်းခံနိုင်ပေမယ့် အခါပေါင်းများစွာ ထိပ်တိုက်ဖြစ်လာတဲ့အခါ သည်းခံနိုင်စွမ်းလျော့ကျလာစေသလို၊ သူတို့ရဲ့ပုတ်ခတ်တဲ့စကား၊ အဆိုးမြင်တဲ့စကားတွေကြောင့် သင့်ဘဝရဲ့အမြင်တွေကိုပါ ထိခိုက်လာနိုင်ပါတယ်။ အဲဒီလိုလူတွေကို ဘယ်လို ရင်ဆိုင်ကြမလဲ။ ဒါမှမဟုတ် အဲဒီလိုလူမျိုးနဲ့ပတ်သက်တဲ့ ကိုယ့်ရဲ့ခံယူချက်တွေကို ဘယ်လိုပြောင်းလဲပစ်မလဲဆိုတာ ဖတ်ကြည့်လိုက်ပါနော်။

စွမ်းရည် လူနေမှုဘဝ စိတ်ဓာတ်ခွန်အား

ရည်မှန်းချက်ရှိသူနဲ့မရှိသူကြားခြားနားချက်

ရည်မှန်းချက်ရှိခြင်းက ဘဝအတွက် ဘယ်လိုအရေးပါသလဲဆိုတာမျိုးဖော်ပြပေးခဲ့ဖူးပါတယ်။ တကယ်တော့ ရည်မှန်းချက်ရှိခြင်းက ဘဝကို ရှင်သန်ဖို့အဓိပ္ပါယ်ရှိစေသလို၊ မျှော်လင့်ချက်အသစ်တွေပေါ်ပေါက်လာစေပါတယ်။ အင်အားအသစ်တွေလည်းဖြစ်ပေါ်စေပါတယ်။ အဲဒါနဲ့ခြားနားစွာ ရည်မှန်းချက်မရှိတဲ့သူတွေရဲ့ဘဝကျပြန်တော့ အင်မတန်လွတ်လပ်ပေါ့ပါးပါတယ်။ ဒါပေမယ့် ဘဝက အဓိပါ္ပယ်မဲ့လှပါတယ်။ ရည်မှန်းချက်ရှိသူနဲ့မရှိသူရဲ့ခြားနားချက်ကိုဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ကိုယ်ရည်ကိုယ်သွေးတိုးတက်ဖို့က ဘာကြောင့်အရေးကြီးတာလဲ။

ကိုယ်ရည်ကိုယ်သွေးတိုးတက်အောင်ကြိုးစားခြင်းဆိုတာက မိမိကိုယ်တွင်းမှာပဲ မိမိကိုယ်ကို ရင်းနှီးမြုပ်နှံခြင်းဖြစ်ပါတယ်။ “The more you learn the more you earn” များများသင်ယူခြင်းက များများရင်းနှီးမြုပ်နှံခြင်းပါပဲလို့ warren buffett က ပြောဖူးပါတယ်။ အဲဒါကြောင့် များများသင်ယူပြီး သင့်ကိုသင်ထံမှာ ရင်းနှီးမြုပ်နှံလေလေ သင့်အရည်အချင်းတွေတိုးတက်လေလေပါ။ ကိုယ်ပိုင်အရည်အချင်းတွေ တိုးတက်လာတဲ့လူတစ်ယောက်ရဲ့ဘဝကလည်း တိုးတက်လာမယ်ဆိုတာ အသေအချာပါပဲ။ ကိုယ်တိုင်ဘာအရည်အချင်းမှမရှိဘဲ အလကားနေရင်း အချောင်ရပြီး ကိုယ့်ဘဝကြီးတိုးတက်သွားတယ်ဆိုတာ မဖြစ်နိုင်ပါဘူး။ ဖြစ်လာခဲ့လျှင်လည်း အချိန်ကြာကြာမတည်တံ့နိုင်ပါဘူးနော်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ဘဝရဲ့နာကျင်စရာတွေကို လွှတ်ချခဲ့လိုက်ပါ။

ဘဝက ငိုတလှည့် ရယ်တခါပါပဲတဲ့။ လူတိုင်းလူတိုင်းက ဘဝမှာ တခုမဟုတ်တခုတော့ နာကျင်စရာခံစားမှုကို ကြုံဖူးကြမှာပါ။ ဘဝဆိုတာက မွေးလာကတည်းက အူဝဲဆိုတဲ့ငိုသံနဲ့စခဲ့ပြီး သေခြင်းတရားနဲ့သာ အဆုံးသတ်ရတာမို့ ဘယ်သူကများ မနာကျင်မခံစားဖူးတဲ့သူရှိပါ့မလဲနော်။ နာကျင်တယ်ဆိုတဲ့နေရာမှာ ချစ်သူထားခဲ့တာ၊ မိဘမရှိတာ၊ ကိုယ့်ဘဝက အခြားသူတွေထက်ကို နိမ့်ကျနေတယ်လို့ထင်မြင်နေတာ စသဖြင့် အားလုံးနီးပါး အကျုံးဝင်ပါတယ်။ ဒါပေမယ့်ထိုနာကျင်စရာတွေကို အမြဲတစေ ထမ်းပိုးထားပြီး ရောက်နေတဲ့နေရာမှတင်ကြေကွဲနေလို့တော့ ဘယ်ကိုမှရှေ့ဆက်နိုင်မှာမဟုတ်ပါဘူး။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ကိုယ်ရည်ကိုယ်သွေးတိုးတက်ဖို့ လက်တွေ့ကျင့်သုံးသင့်သောနည်းလမ်းများ

သင်ကတစ်စုံတစ်ယောက်အဖြစ်နဲ့ တိုးတက်အောင်မြင်တဲ့သူဖြစ်ချင်လား။ အဲဒါဆိုရင် သင့်ကိုယ်သင်တိုးတက်ဖို့အတွက်နည်းလမ်းတွေရှာဖွေဖို့၊ လက်တွေ့ကျင့်သုံးဖို့လိုပါတယ်။ တကယ်လိုက်နာကျင့်သုံးမယ်ဆိုရင် သင်လည်း အောင်မြင်တိုးတက်တဲ့တစ်စုံတစ်ယောက်ဖြစ်လာနိုင်စွမ်းရှိပါတယ်။ ကိုယ်ရည်ကိုယ်သွေးတိုးတက်လာဖို့က စိတ်ဆန္ဒပြင်းပြထက်သန်ဖို့ပဲလိုပါတယ်။ ကိုယ့်ရည်ကိုယ်သွေးတိုးတက်အောင်ကြိုးစားခြင်းက ဘယ်တော့မှမဆုံးနိုင်တဲ့ခရီးတစ်ခုလိုပါပဲ။ သင်သွားနိုင်လေ ခရီးရောက်လေပါ။ ဒါပေမယ့် ကိုယ်ရည်ကိုယ်သွေးတိုးတက်လာတဲ့သူတစ်ယောက်က ကောင်းကျိုးတွေအများကြီးရှိသလို၊ အခြားသူတစ်ယောက်ထက်လည်း တစ်နေရာမဟုတ်တစ်နေရာမှာတော့ အမြဲသာနေတတ်ပါတယ်။

စွမ်းရည် လူနေမှုဘဝ စိတ်ဓာတ်ခွန်အား

အဆုံးသတ်ကိုစတွေးပါ။

အဆုံးသတ်ကနေ စတွေးဖူးလား။ ဒီစကားက နည်းနည်းထူးဆန်းသလိုဖြစ်နေမှာပါ။ ဘယ်တော့မဆို အစကနေ စဉ်းစားနေကျတာ ထုံးစံလိုဖြစ်နေတော့ အဆုံးသတ်ကို စတွေးခိုင်းတာက အံ့သြစရာကြီးဖြစ်နေမှာပါ။ တကယ်လည်း အဆုံးသတ်ကနေ စစဉ်းစားခြင်းကနေ ရလာနိုင်တဲ့ရလဒ်က အံ့သြစရာကောင်းပါတယ်။

စိတ်ဓာတ်ခွန်အား

ဆူးခင်းလမ်းကိုလျှောက်နေတာ သင်တစ်ယောက်တည်းလား။

ဘဝဆိုတာ တိုက်ပွဲပါပဲဆိုတဲ့စာသားကို အမြဲလိုကြားဖူးနေကျဖြစ်ပေမယ့် တကယ်တမ်း ဘဝမှာ မပြည့်စုံခြင်းတွေ၊ အခက်အခဲတွေ၊ အကြပ်အတည်းတွေ ရင်ဆိုင်လာရတဲ့အခါ ဘဝဆိုတာတိုက်ပွဲပါပဲလို့ လက်မခံနိုင်လောက်အောင် ဖြစ်ဖူးကြမှာပါ။ ဘာလို့များ ဒီလောက်ခက်ခဲရတာလဲ။ ဘာလို့များ ကိုယ့်ကျမှ ကြုံရတာလဲ။ ဘာလို့များ ကိုယ့်အလှည့်ကျမှ အဆင်ပြေချောမွေ့ခြင်းတွေနဲ့ ပက်ပင်းမတိုးနိုင်ဘဲ အကြပ်အတည်းတွေဖြစ်နေရတာလဲ စတဲ့အတွေးတွေက သင့်ခံစားချက်တွေကို ပိုဆိုးစေနိုင်ပါတယ်။ တကယ်တော့ လူတိုင်းက ခက်ခဲကြမ်းတမ်းတဲ့ဘဝခရီးလမ်းကို လျှောက်လှမ်းနေကြတဲ့သူတွေချည်းပါပဲ။

စွမ်းရည် ပျော်ရွှင်သောဘဝ စိတ်ဓာတ်ခွန်အား

အမေရိကန် လူမည်း စာရေးဆရာမ Toni Mဝrrison (1931 Feb 18 to 2019 August 5)

Toni Mဝrrison က အမေရိကန်လူမျိုး လူမည်းစာရေးဆရာမတစ်ယောက်ဖြစ်ပါတယ်။ နာမည်ရင်း Chloe Ardelia Wofford ဖြစ်ပြီး ၁၉၃၁ခုနစ် ဖေဖော်ဝါရီ ၁၈ရက်မှာ Lorain ၊ Ohio၊ U.S. မှာမွေးဖွားခဲ့ပါတယ်။ ဝတ္ထုရေးစာရေးဆရာ၊ အယ်ဒီတာ၊ ပါမေက္ခတစ်ယောက်ဖြစ်ပြီး သူမရဲ့ပထမဆုံးဝတ္ထု The Bluest Eye ကို ၁၉၇၀ခုနစ်မှာ ပုံနှိပ်ဖြစ်ခဲ့ပါတယ်။ သူမရဲ့ဝတ္ထုတွေက ဆိုလိုရင်းထိမိသလို စကားပြောတွေရှင်းလင်းပါတယ်။ အာဖရိကန် အမေရိကန်လူမျိုးတွေရဲ့ စရိုက်သဘာဝကို ပီပြင်စွာရေးဖွဲ့နိုင်သူတစ်ယောက်ဖြစ်ပါတယ်။ သူမရဲ့နာမည်ကြီး ဝတ္ထုတွေကတော့ The Bluest Eye , Song of Solomon , နဲ့ Beloved တို့ဖြစ်ပါတယ်။ ၁၉၉၃ ခုနစ်မှာ စာပေဆိုင်ရာနိုဘယ်ဆုကို ရရှိခဲ့ပြီး ၁၉၈၇ ခုနစ်မှာလည်း ပူလစ်ဇာဆုကို Beloved ဝတ္ထုကြောင့် ထပ်မံရရှိခဲ့ပါတယ်။ ၂၀၀၁ခုနစ်မှာ အမေရိကန်ရဲ့အကျော်ကြားဆုံးအမျိုးသမီးအယောက် ၃၀ထဲမှာ ပါဝင်ခဲ့ပါတယ်။ ၂၀၁၂ခုနစ်မှာ အမေရိကန်သမ္မတ Barack Obama ချီးမြင့်ခဲ့တဲ့ Presidential Medal of Freedom ဆိုတဲ့ဆုကိုလည်း ရရှိခဲ့ပြန်ပါတယ်။ ၂၀၁၆ ခုနစ်မှာလည်း PEN/Saul Bellow Award for Achievement in American Fiction ဆိုတဲ့ဆုကိုလည်း ထပ်မံရရှိခဲ့ပါသေးတယ်။ Mဝrrison ရေးသားခဲ့တဲ့ ဝတ္ထုအကြောင်းအရာတွေက ကြီးကျယ်ပြီးအဓိပ္ပါယ်လေးနက်မှု၊ အရေးအသား လက်ရာမြောက်အောင် ရေးဖွဲတတ်မှု၊ အမေရိကန်လူမျိုး လူမည်းတွေအကြောင်းကို အသေးစိတ်ကျကျ၊ ကြွယ်ဝစွာရေးသားတတ်မှုတို့ကြောင့် ထင်ရှားကျော်ကြားခဲ့ခြင်းဖြစ်ပါတယ်။ သူမဝတ္ထုတွေရဲ့အဓိက အကြောင်းအရာတွေကတော့ လူမည်းအမေရိကန်လူမျိုးအတွေ့အကြုံတွေပဲဖြစ်ပါတယ်။ မမျှတတဲ့လူမှုဝန်းကျင်မှာ သူမရဲ့ဇာတ်ကောင်တွေက သူတို့ကိုယ်သူတို့ခက်ခဲစွာ ပုံဖော်နေရတဲ့အကြောင်းကို အပျော်လေးတွေရောပြီးကဗျာဆန်ဆန် ထည့်သွင်းရေးသားထားတာဖြစ်ပါတယ်။ သူမရေးသားခဲ့တဲ့အထဲက လူသိများထင်ရှားတဲ့ကောက်နုတ်ချက်တစ်ချို့ကတော့- “ You wanna fly, you got to give up the shit that you weighs to down” သင်ပျံသန်းချင်တယ်ဆိုရင် သင့်ကိုအောက်ကျအောင်ဆွဲချမယ့် လေးပင်တဲ့အရာတွေကို လွှတ်ချနိုင်ရမယ်။ “If you surrendered the air. you could ride it” လေဟုန်စီးချင်တယ်ဆိုရင် လေထဲမှာ အလိုက်သင့်မျောပါနိုင်ဖို့လိုတာပေါ့။ “You are Your best thing” သင့်ကိုယ်သင်အတွက် အကောင်းဆုံးသောအရာက သင်ကိုယ်တိုင်ပါပဲ။ “something that is love is never lost” ကိုယ်ချစ်ခင်နှစ်သက်တဲ့တစ်စုံတစ်ခုက ဘယ်တော့မှဆုံးရှုံးသွားမှာ မဟုတ်ပါဘူး။ အမေရိကန်သမ္မတ Barack Obama ကတော့ “ Mဝrrison ရဲ့ဝတ္ထုတွေရဲ့ ဇာတ်လမ်းတွေက မလှပဘူး ထင်ရပေမယ့် အဓိပ္ပါယ်အများကြီးရှိပါတယ်။ ကျွန်တော်တို့ရဲ့ ကိုယ်ချင်းစာတရားတွေနဲ့ အသိတရားတွေကို အများကြီးဖော်ထုတ်ပေးနိုင်ခဲ့ပါတယ်။” လို့ ရေးသားဖော်ပြခဲ့ပါတယ်။ လူဖြူ ၊လူမည်းဆိုတာထက် နိုင်ငံသားအခွင့်အရေးအပေါ် ဦးတည်ပြီး ရေးသားဖော်ပြခဲ့တာမို့ တန်ဖိုးရှိပြီး တော်တဲ့စာရေးဆရာတစ်ယောက်ဖြစ်တယ်လို့လည်း ချီးကျူးဖော်ပြခဲ့ပါတယ်။ ပြောရရင်တော့ Toni Morrison က သူမကျင်လည်ရာပတ်ဝန်းကျင်က လူမည်းအမျိုးသမီးတွေရဲ့ဘ၀ အတွေ့အကြုံတွေကို နို်င်ငံသားအခွင့်အရေးအပေါ်ဦးတည်ရေးသားခဲ့တာမို့ လူမည်းတွေရဲ့ဘဝကို အခြားသူတွေပိုပြီး သိရှိနားလည်သွားသလို၊ လူမည်းတွေအပေါ်မှာလည်း ကိုယ်ချင်းစာစိတ်ဖြစ်ပေါ်လာစေခဲ့ပါတယ်။ လူဖြူလူမည်းကြားဆက်ဆံရေးကို အဆင်ပြေတိုးတက်လာစေအောင် သူတတ်ကျွမ်းရာစာပေရေးသားခြင်းအားဖြင့် ကြိုးစားအားထုတ်ခဲ့သူတစ်ယောက်လည်း ဖြစ်ပါတယ်။ အမျိုးသားကဏ္ဍကို တိုးတက်စေတဲ့ စာရေးဆရာအဖြစ်သတ်မှတ်ခံခဲ့ရတဲ့ Toni Morrison က အသက် ၈၈နှစ် ၂၀၁၉ သြဂုတ်လ ၁၅ရက်နေ့မှာ New York မြို့မှာ ကွယ်လွန်ခဲ့ပါတယ်။ Toni Morrison ကွယ်လွန်သွားခဲ့ပေမယ့် သူမရဲ့ရည်ရွယ်ချက်ကောင်းနဲ့ရေးသားခဲ့တဲ့တန်ဖိုးရှိတဲ့စာပေတွေကတော့ အမေရိကန်လူမျိုးတွေကြားထဲမှာသာမက တစ်ကမ္ဘာလုံးကလူသားတွေရင်ထဲမှာ ဆက်လက်ရှင်သန်နေအုံးမှာပဲဖြစ်ပါတယ်။ Toni Morrison – Wikipedia မှ ကောက်နုတ်ဖော်ပြခြင်းဖြစ်ပါတယ်။

စွမ်းရည် စိတ်ဓာတ်ခွန်အား ကိုးကားစာများ

စာဖတ်ပြီး ဘာလို့ မတိုးတက်တာလဲ။

“ကိုယ့်ဘဝကြီးတိုးတက်ချင်တယ်....အဲဒါကြောင့် တက်ကျမ်းတွေချည်းဖတ်တယ်” ဆိုတဲ့ လူငယ်လေးတွေမြင်ဖူးပါတယ်။ နောက်တော့ စိတ်ပျက်လက်ပျက်ပြောတာကြားရပြန်ပါတယ်။ တက်ကျမ်းတွေချည်းဖတ်ပေမယ့် ထင်သလောက်လည်း မတိုးတက်လာပါဘူးဆိုတာမျိုးတွေပါ။ ကျွန်တော်တို့ သိထားတာတော့ “စာဖတ်သောလူမျိုးက တိုးတက်သည်။ တိုးတက်သောလူမျိုးသည် စာဖတ်ကြသည်” ဆိုတဲ့စကားနဲ့အလားတူတဲ့စကားတွေပါ။ စာဖတ်လို့ တိုးတက်သွားပြီး ဘဝမှာ အဆင်ပြေအောင်မြင်သွားတဲ့လူမျိုးပဲ ကြုံဖူးပါတယ်။ စာဖတ်ပြီး ဘာမှမတိုးတက်ပါဘူး….ဆိုတဲ့လူမျိုးနဲ့တွေ့တော့ စာဖတ်ခြင်းကပဲ မှားနေသလိုလိုဖြစ်နေပြန်ပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား