ပျော်ရွှင်သောဘဝ

အဆိုးတွေချည်းတွေးမိနေတဲ့အခါ ………….

အပေါင်းအသင်းတွေကြားထဲမှာ တစ်ခုခုမကောင်းတာပြောမိရင် “Positive thinking မရှိဘူး….” ဆိုပြီး ပြောတတ်တာမျိုး ကြားဖူးမှာပါ။ ကိုယ်တိုင်လည်း အခြားတစ်ယောက်ကို ပြောဖူးမှာပါ။ တနည်းအားဖြင့် အကောင်းဘက်ကမြင်တတ်တဲ့အတွေးမျိုးပေါ့။ ဖြစ်ရပ်တစ်ခုအပေါ်မှာ အမြဲနှစ်ဖက်အမြင်ရှိတယ်လို့ အကောင်းဘက်ကတွေးတတ်အောင်ဘယ်လိုကျင့်မလဲဆိုတဲ့ပို့စ်မှာ ရေးဖူးပါတယ်။ အကြမ်းဖျင်းအားဖြင့် တွေးလို့ရတာ နှစ်မျိုးပေါ့။ အကောင်းဘက်ကတွေးတာရယ်၊ အဆိုးဘက်ကတွေးတာရယ်ပါ။ ဥပမာ။ သင်ကရုံးနောက်ကျနေတယ်၊ သင်စီးလာတဲ့ဘတ်စ်ကားက ပြိုင်မောင်းတော့ ရုံးကို စောပြီးတောင်ရောက်သွားသေးတယ်ဆိုရင် ဘတ်စ်ကားပြိုင်မောင်းခြင်းက မကောင်းတဲ့ဘက်ကကြည့်ရင် အန္တရာယ်ရှိနိုင်တယ်၊ ကောင်းတဲ့ဘက်ကကြည့်တော့ ပြိုင်မောင်းတဲ့အတွက် သင့်ရုံးကိုအချိန်မှီထက် စောတောင်ရောက်သွားသေးတယ်ဆိုတာမျိုးပေါ့။ (ဘတ်စ်ကား ပြိုင်မောင်းခြင်းက အမြဲကောင်းတယ်လို့ဆိုလိုချင်တာမဟုတ်ပါဘူးနော်)

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

သင့်အလုပ်ခွင်မှာ ပျော်ရွှင်စေမယ့် နည်းလမ်း ၆ခု

အလုပ်ခွင်မှာ မတူညီတဲ့ စိန်ခေါ်မှုတွေ ရင်ဆိုင်ရနိုင်ပါတယ်။ ဒါမှမဟုတ်ရင်လည်း အလုပ်ခွင်ကို ထိခိုက်စေတဲ့ မတူညီကြတဲ့ ရိုက်ခတ်မှုတွေအမျိုးမျိုးလည်း ကြုံတွေ့နိုင်ပါတယ်။ ကျွန်တော်တို့ရဲ့ တစ်နေ့တာအချိန်သုံးပုံတစ်ပုံကို အလုပ်ခွင်မှာကုန်ဆုံးနေရတာမို့ ထိုအချိန်ပိုင်းအတွင်းမှာ ပျော်ရွှင်နေတာပိုကောင်းပါတယ်။ ပိုပြီးလည်း အလုပ်တွေပြီးမြောက်နိုင်သလို၊ ပိုပြီးအောင်မြင်နိုင်တာပေါ့။ အောက်မှာဖော်ပြထားတဲ့အချက် ၆ချက်က အလုပ်ခွင်မှာ ပျော်ရွှင်ဖို့နဲ့ အနှောင့်အယှက်တွေကို ကျော်လွှားနိုင်ပါလိမ့်မယ်။

ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ

လက်တွဲဖော်အဖြစ်မရွေးသင့်သော မိန်းကလေးအမျိုးအစားများ

လက်တွဲဖော်အဖြစ်မရွေးသင့်သော ယောကျာ်းလေးအမျိုးအစားတွေဖော်ပြခဲ့ပြီးပြီမို့ ဒီတစ်ခါတော့ လက်တွဲဖော်အဖြစ်မရွေးသင့်တဲ့မိန်းကလေးအမျိုးအစားတွေကိုဖော်ပြပေးသွားမှာပါ။ လက်ခုပ်ဆိုတာ နှစ်ဖက်တီးမှ မြည်တာဖြစ်သလိုပဲ ကိုယ်နဲ့ ဘဝတစ်ခုလုံးအတူလက်တွဲမယ့်သူကိုလည်း အမှားနည်းမယ်၊ ပြုပြင်ချင်စိတ်ရှိမယ့်သူမျိုးကိုရွေးချယ်ဖို့လိုသလို၊ ကိုယ်တိုင်လည်း အမှားနည်းဖို့လိုသလို၊ အမှားတွေကိုပြုပြင်ချင်စိတ်ရှိဖို့လိုပါတယ်နော်။ အဲဒါမှ သာယာတဲ့အိမ်ထောင်ရေးတစ်ခုဖြစ်ပြီး ဘဝကိုရေရှည်လက်တွဲနိုင်မှာပါ။ လက်တွဲဖော်အဖြစ်မရွေးသင့်တာ ဘယ်လိုမိန်းကလေးတွေဖြစ်မလဲ တစ်ချက်ဖတ်ကြည့်လိုက်ပါအုံး။

ပျော်ရွှင်သောဘဝ လူနေမှုဘဝ

ကလေးတွေကို ရိုက်ပြီးဆုံးမသင့်လား မဆုံးမသင့်ဘူးလား။

ကျွန်တော်တို့ မိဘများ သားသမီးကို ဆုံးမပုံက ဘယ်သူကစတင်လိုက်လဲတော့မသိပါဘူး။ ပြောစကားနားမထောင်ရင် နာနာသာ ရိုက်….ဆိုပြီး ပြောတတ်ကြပါတယ်။ ကျောင်းအပ်တာက အစ ဘယ်ဆရာက ရိုက်သလဲ၊ လက်သံပြောင်သလဲ၊ ထိုကဲ့သို့ လက်သံပြောင်မှ ရိုက်မှ ကြောက်ပြီး ကလေးက ပြုပြင်မယ်၊ လိမ္မာမယ်ဆိုတဲ့အတွေးအခေါ်မျိုးရှိတတ်ကြတာပါပဲ။ ကျွန်တော်တို့လည်း ငယ်စဉ်က အရိုက်ခံခဲ့ရတာပါပဲ။ ဒါပေမယ့် အရိုက်ခံရလို့များ ထိုကိစ္စကို မလုပ်ဘဲနေမိလား…..ဆိုတော့ မနေပါဘူး။ ရိုက်တာကိုတော့ ကြောက်ပါတယ်၊ ဒါပေမယ့် လုပ်ချင်တာလည်း လုပ်လိုက်ရမှ ကျေနပ်မိတာပါပဲ။ ကလေးရဲ့သဘာဝက ကိုက စူးစမ်းချင်တာပါ။ လူ့လောကထဲကို ရောက်လာတာကလည်း လူကြီးထက်ကို နောက်ကျတယ်မဟုတ်လား။ အဲဒီ့တော့ သူ့ပတ်ဝန်းကျင်မှာ သူသိချင်တာတွေ၊ သူစူးစမ်းချင်တာတွေ အများကြီးမှ အများကြီးဖြစ်နေတာပါ။

ကလေးပြုစုပျိုးထောင်ခြင်း ပျော်ရွှင်သောဘဝ လူနေမှုဘဝ

ပေးသူနဲ့ ယူသူ

လောကမှာ ပေးတဲ့လက်ကသာ အမြတ်ဆုံးလို့ ဖတ်ဖူးပါတယ်။ ဒါပေမယ့် ပေးနိုင်တိုင်းလည်း ပေးကမ်းတိုင်းလည်း အမြတ်ဆုံးလို့ ယူဆလို့မရနိုင်ပါဘူး။ ပေးတဲ့သူရဲ့စိတ်ရင်းပေါ်မူတည်ပြီးမှ မွန်မြတ်တယ်၊ မွန်မြတ်ခြင်းမရှိဘူးရယ်လို့ ကွဲလွဲသွားနိုင်ပါတယ်။ အဲဒီလိုပါပဲ ယူတဲ့သူမှာလည်း လိုချင်တပ်မက်တဲ့စိတ်နဲ့ တကယ်လိုအပ်လို့ မဖြစ်မနေယူရမယ့်စိတ်ပေါ်မူတည်ပြီး တန်ဖိုးထားခြင်း မထားခြင်းရယ်လို့ ကွဲလွဲသွားနိုင်ပြန်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

တက္ကသိုလ်တက်နေရင်းအလုပ်လုပ်ခြင်းရဲ့ကောင်းကျိုးများ

တက္ကသိုလ်နေရင်းနဲ့ အလုပ်လုပ်ခြင်းက အကျိုးအများကြီးရှိတယ်ဆိုတာ သိပါရဲ့လား။ တစ်ချို့လူငယ်တွေမှာ တက္ကသိုလ်တက်နေရင်းနဲ့ တစ်ဖက်က အလုပ်ဝင်လုပ်ရလို့ တက္ကသိုလ်ကျောင်းသားဘဝကို အပြည့်အဝမခံစားရတာမှန်ပေမယ့် တကယ်တော့ ကောင်းကျိုးတွေက တက္ကသိုလ်အချိန်ပြည့်တက်နေတဲ့သူတွေထက် များပါတယ်။ (တက္ကသိုလ်အချိန်ပြည့်တက်နေတဲ့သူတွေက မကောင်းဘူးဆိုလိုချင်တာမဟုတ်ပါဘူး။ တကယ်ကြိုးစားသင်ယူရင် အချိန်ကုန်ရကျိုးနပ်တာပါပဲ)

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ကလေးတွေကို အမှန်အတိုင်းပြောပေးပါ။

လူကြီးတော်တော်များများက ကလေးကို မအိပ်မှာစိုးလို့ “ဒေဝေါကြီးလာမှာမို့ အိပ်တော့” ဆိုပြီး ခြောက်လန့်တာမျိုး၊ အရုပ်ပူဆာလို့ မဝယ်ပေးချင်တဲ့အခါမျိုးမှာ “ အဲလိုအတင်းမပူဆာနဲ့ ညကျ အကောင်ကြီးက လာဆွဲမှာ” ဆိုတာမျိုးနဲ့ ကလေးတွေကို လိမ်ညာတာမျိုးမြင်ဖူးပါတယ်။ အဲဒါမျိုးက ကလေးငယ်တုန်းမှာ ကလေးကို ပြောပြလည်း နားမလည်သေးလို့ သူကြောက်အောင်ခြောက်လိုက်မယ်၊ တနည်းအားဖြင့်လိမ်လိုက်မယ်၊ ကြောက်သွားတဲ့အခါ ငြိမ်သွားတာကို လိုချင်တာကြောင့် လူကြီးတွေလုပ်လေ့ရှိပါတယ်။ ထိုအရွယ်လေးကတည်းက ကလေးကိုနားမလည်ဘူးထင်တတ်တာကနေမှ အစ၊ နည်းနည်းလေး အရွယ်ရောက်လာတဲ့အခါကျတော့ ဒေဝေါလည်းမကြောက်၊ ငရဲကြီးမယ်ဆိုတာလည်း မကြောက်တတ်တော့ပါဘူး။ အဲဒီ့အချိန်ကျမှ ငယ်စဉ်က ကြောက်ရင်ငြိမ်အောင်လိမ်ခဲ့သမျှက မဟုတ်မှန်းသိသွားတဲ့အခါ ထိန်းချုပ်ရခက်သွားပြန်ပါတယ်။

ကလေးပြုစုပျိုးထောင်ခြင်း ပျော်ရွှင်သောဘဝ လူနေမှုဘဝ

သက်ကြီးရွယ်အိုတွေအတွက် စားသုံးသင့်တဲ့အဓိက အစားအစာ ၁၀မျိုး

အောက်မှာဖော်ပြပေးထားတဲ့အစားအစာ ၁၀မျိုးက လူကြီးတွေအတွက် အထူးကောင်းမွန်တဲ့အာဟာရဓာတ်တွေများပြားစွာပါဝင်ပါတယ်။ အိုမင်းရင့်ရော်ခြင်းနဲ့ အသက်အရွယ်ကြီးရင့်မှုကြောင့်ဖြစ်လာနိုင်တဲ့ ရောဂါအမျိုးမျိုးရဲ့အန္တရာယ်ကနေ ကာကွယ်ဖို့ အထောက်အကူဖြစ်စေနိုင်ပါတယ်။

ကျန်းမာရေး အစားအစာ ပျော်ရွှင်သောဘဝ ကိုးကားစာများ

တာဝန်သိတတ်ပါစေ။

တာဝန်သိတတ်ပါစေ….ဆိုတဲ့စကားလုံးက ပြောရလွယ်ပေမယ့် သေချာစောင့်ထိန်းဖို့တော့ ခက်ခဲတဲ့အထဲမှာ ပါပါတယ်။ အဲဒါဆိုရင် တာဝန်သိတတ်ခြင်း….ဆိုတာ ဘာလဲ လို့မေးစရာရှိပါတယ်။ အလုပ်မှာ အလုပ်ရှင်သူဌေးလုပ်သူက လစာပေးပြီးခိုင်းထားတဲ့အလုပ်ကသာ တာဝန်မဟုတ်ပါဘူးနော်။ လူတိုင်းမှာ ကိုယ်ပိုင်တာဝန်၊ ဘဝပေးတာဝန်၊ လူပီသဖို့တာဝန် စသည်ဖြင့် တာဝန်ယူတတ်ရင် အများကြီးပါပဲ။ ဒါပေမယ့် တာဝန်သိတတ်သူမှသာ ထိုတာဝန်ကို တာဝန်ယူရကောင်းမှန်းသိတာမျိုးပါ။

စွမ်းရည် ပျော်ရွှင်သောဘဝ လူနေမှုဘဝ

သတ္တိရှိခြင်း နဲ့ ရဲဝင့်ခြင်း၊ မိုက်ရူးရဲဆန်ခြင်း နဲ့ ရိုင်းစိုင်းခြင်း

သတ္တိရှိခြင်းဆိုတာကို အမျိုးမျိုးအဓိပါ္ပယ်သတ်မှတ်တတ်ကြပါတယ်။ ငယ်စဉ်က အတန်းထဲမှာ အတန်းပိုင်ဆရာမက “ဒီသင်္ချာပုစ္ဆာကိုဘယ်သူထွက်ပြီး တွက်ပြမလဲ…..” ဆိုရင် အားလုံးက ငြိမ်နေစဉ်မှာ ထပြီး အရှေ့ကိုထွက်လို့ ဆရာမရဲ့သချာၤပုစ္ဆာကိုတွက်ပြသူကို သတ္တိရှိသူဟု သတ်မှတ်ကြမှာပါ။ ဒါဆိုရင် အရွယ်ရောက်လာတဲ့အခါမှာကော….၊ ကလေးဘဝတုန်းကတော့ သူများမလုပ်ရဲတာကို ရဲရဲဝင့်ဝင့်လုပ်ရဲတဲ့သူကို သတ္တိရှိလိုက်တာလို့ ပြောတတ်ကြပေမယ့် အရွယ်ရောက်လာတဲ့အခါမှာတော့ ထိုအဓိပ္ပါယ်တစ်ခုတည်းကို သတ္တိရှိတာပါလို့ အပြည့်အဝပြောနိုင်တော့မယ်မထင်ပါဘူး။

စွမ်းရည် ပျော်ရွှင်သောဘဝ လူနေမှုဘဝ

သံဓာတ်ချို့တဲ့သောအခါ ပြသတဲ့လက္ခဏာများ

သံဓာတ်က သွေးထဲမှာ ဟေမိုဂလိုပင် (Haemoglobin ) ထုတ်လုပ်ဖို့အတွက် လိုအပ်တဲ့ဓာတ်ဖြစ်ပါတယ်။ ဟေမိုဂလိုပင်က သွေးကြောမျှင်လေးတွေထဲမှတဆင့် ခန္ဓာကိုယ်တစ်ခုလုံးကို အောက်ဆီဂျင်ရောက်စေဖို့အတွက် ကူညီပေးနိုင်တဲ့ သွေးနီဥဆဲလ်အစိတ်အပိုင်းဖြစ်ပါတယ်။ သံဓာတ်က ၂မျိုးရှိပြီး Heme iron နဲ့ non-heme iron ဖြစ်ပါတယ်။ Heme iron က အနီရောင်အသားတွေထဲမှာ အများဆုံးတွေ့ရှိရပြီး ခန္ဓာကိုယ်က စုပ်ယူရပိုလွယ်စေပါတယ်။ အသား၊ ငါးနဲ့ ဝက်သားတွေထဲမှာ အများဆုံးပါရှိပါတယ်။ non-heme iron ကတော့ အသီးအနှံတွေထဲမှာ အများဆုံးပါဝင်ပါတယ်။ အသီးအနှံတွေ၊ ကောက်ပဲသီးနှံတွေနဲ့ အစေ့အဆံတွေမှာ အများဆုံးတွေ့ရပါတယ်။ ခန္ဓာကိုယ်က စုပ်ယူဖို့ ခက်ခဲပါတယ်။ သံဓာတ်ချို့တဲ့သောအခါမှာ သိရှိနိုင်ဖို့ ပြသတတ်တဲ့လက္ခဏာများကို ဖော်ပြပေးလိုက်ပါတယ်။

ကျန်းမာရေး အစားအစာ ပျော်ရွှင်သောဘဝ ကိုးကားစာများ

ရုပ်ရည်ချောမောလှပမှု၊ ကြိုးစားမှု၊ အရည်အချင်းနဲ့ ငွေကြေး

လူတစ်ယောက်အတွက် ရုပ်ရည်ချောမောလှပမှုက အရေးကြီးပါသလား။ ဒီမေးခွန်းကို ဆယ်ကျော်သက်အရွယ်လောက်မှာဆိုရင်တော့ ရုပ်ရည်လှပမှုက အရေးကြီးတယ်လို့ဖြေမိမယ်ထင်ပါတယ်။ မိန်းကလေးတွေကော ၊ ယောကျာ်းလေးတွေက ထိုအရွယ်မှာ ဆန့်ကျင်ဘက်လိင်ကိုစတင်စိတ်ဝင်စားတဲ့အချိန်ဖြစ်တာမို့ အရမ်းလည်း လှချင်ပချင်တဲ့အရွယ်ဖြစ်နေတာကိုး။ ဒါပေမယ့် ကိုယ့်ရဲ့မလှပတဲ့ရုပ်ရည်အတွက်၊ အပေါ်ယံအရေပြားအတွက်လည်း စိတ်ထိခိုက်မဆုံးဖြစ်နေစရာမလိုပါဘူး။ ရုပ်ရည်ဆိုတာ အပေါ်ယံအမြင်တွေပါပဲ။ ကိုယ်က အများငေးကြည့်ရလောက်တဲ့ရုပ်ရည်မျိုးမပိုင်ဆိုင်ထားပေမယ့် လူအများအားကျရလောက်အောင်၊ အထင်ကြီးလေးစားအောင် လုပ်လို့ရပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား