ပျော်ရွှင်သောဘဝ

ဆိုးဝါးတဲ့နေ့တွေမှာ သင့်စိတ်ခံစားချက်တွေပိုကောင်းလာစေမယ့် နည်းလမ်းများ

သင့်ရဲ့ စိတ်ခံစားချက်တွေကို အမြဲလို သတိထားနေဖို့လိုပါတယ်။ ကျွန်တော်တို့ရဲ့နေ့စဉ်ဘဝမှာ လှုပ်ရှားရုန်းကန်နေရတာ၊ အခက်အခဲတွေရင်ဆိုင်နေရတာ၊ ပြဿနာတွေဖြေရှင်းနေရတာ စတာတွေအမျိုးမျိုး ကြုံတွေ့နေရတာပါပဲ။ အဲဒါကြောင့် သင့်ခံစားချက်တွေက အမြဲလို အကောင်းဘက်ကချည်းဖြစ်နေမှာ မဟုတ်ပါဘူး။ သင့်စိတ်ခံစားချက်တွေက မကောင်းတဲ့အခါ သင့်ရဲ့လုပ်နိုင်စွမ်းရည်ပေါ်ကို သက်ရောက်မှုရှိလာပါတယ်။ အဲဒါကြောင့် သင့်စိတ်ခံစားချက်တွေကောင်းမှာ သင့်ရဲ့အလုပ်အကိုင်၊ သင့်မိသားစု၊ သင့်ပတ်ဝန်းကျင်၊ သင့်ရဲ့ပေါင်းသင်းဆက်ဆံရေးနဲ့ သင့်ရဲ့ကျန်းမာရေးအပေါ်မှာပါ သက်ရောက်မှုကောင်းရနိုင်မှာပါ။ သင့်ရဲစိတ်ခံစားချက်တွေဆိုးဝါးနေတဲ့နေ့မျိုးမှာ ဘယ်လိုမျိုး သင့်ရဲ့စိတ်ခံစားချက်ကို ပြန်လည်မြင့်တင်သင့်သလဲဆိုတာ စိတ်ဝင်စားဖို့ကောင်းပါတယ်နော်။ တခုချင်းဖတ်ပြီး လိုက်လုပ်ကြည့်လိုက်ပါအုံး။

စွမ်းရည် ကျန်းမာရေး ပျော်ရွှင်သောဘဝ

သင့်ရည်မှန်းချက်ကို ဘယ်လိုရှာဖွေနိုင်မလဲ။

ဘဝမှာ ရှင်သန်နေရတာ ဘာအတွက်လဲဆိုတဲ့ အဓိပ္ပါယ်ကိုတောင်မသိတော့လောက်အောင် သင့်ဘဝမှာ အဓိပါ္ပယ်ပျောက်ဆုံးနေပြီလား။ တစ်ရက်ပြီးတစ်ရက် အဓိပါ္ပယ်မဲ့စွာ ကုန်ဆုံးသွားခြင်းကနေ တစ်နှစ်ပြီး တစ်နှစ်ကုန်ဆုံးတာက လွယ်ပါတယ်။ ကုန်ဆုံးသွားတဲ့အချိန်တွေမှာ တန်ဖိုးရှိစွာကုန်ဆုံးခြင်း ဟုတ်ရဲ့လားဆိုတာ ကိုယ့်ကိုကိုယ်ပြန်မေးသင့်ပါတယ်။ တန်ဖိုးမဲ့စွာ အဓိပါ္ပယ်မဲ့ကုန်ဆုံးမိနေတယ်ဆိုရင်တော့ သင့်မှာ ရည်မှန်းချက်ပျောက်ဆုံးနေလို့ပါ။ သင့်မှန်းထားတဲ့ ရည်မှန်းတစ်ခုသာရှိနေမယ်ဆိုရင် ထိုရည်မှန်းချက်ကို ရောက်အောင်သွားဖို့ ကြိုးစားမှု၊ ဖန်တီးမှု၊ အားထုတ်မှုတွေနဲ့တင် သင့်ဘဝမှာ ပျင်းဖို့တောင်အချိန်မရနိုင်ပါဘူး။ သင်ကြိုးစားထားသမျှလေးတွေ အရာထင်လာတဲ့အခါ သင့်ဘဝက အရမ်းကိုအဓိပါ္ပယ်ရှိသလို ခံစားရပါလိမ့်မယ်။ အဲဒါဆိုရင် ရည်မှန်းချက်ကို ဘယ်လိုရှာဖွေရမလဲ။ သင့်ဘဝကို အဓိပ္ပါယ်ရှိခြင်းများစွာနဲ့ ပြောင်းလဲပစ်နိုင်မယ့် အကြံပြုချက်အချို့ဖော်ပြထားပါတယ်။

စွမ်းရည် ပျော်ရွှင်သောဘဝ လူနေမှုဘဝ ကိုးကားစာများ

ဆရာကျကျ အချိန်ကိုစီမံခန့်ခွဲပြီး အထာကျကျ အလုပ်တွေပြီးစီးနိုင်ဖို့ လျှို့ဝှက်ချက် ၅ခု

အလုပ်တွေအရမ်းလည်း မများဘဲနဲ့ကို အလုပ်တွေရှုပ်နေဖူးလား။ ဘာတွေလုပ်မိလို့လုပ်မိနေမှန်းမသိဘဲ အလုပ်တွေရှု့ပ်၊ စိတ်တွေရှုပ် အလုပ်လည်းမပြီးဖြစ်ဖူးကြမှာပါ။ အဓိကကတော့ အချိန်ကို သေချာစီမံခန့်ခွဲပြီး အချိန်နဲ့အလိုက် အလုပ်ကိုလည်း စီမံခန့်ခွဲဖို့လိုနေလို့ပါပဲ။ အဲဒါကြောင့် အချိန်ကိုလည်း အကောင်းဆုံးစီမံနိုင်ပြီး အလုပ်တွေလည်း ပြီးစီးနိုင်ဖို့ နည်းလမ်းလေးတွေဖော်ပြပေးလိုက်ပါတယ်။ work hard မဖြစ်ဘဲ work smart ဖြစ်ဖို့ လိုက်နာကြည့်လိုက်ပါအုံး။

ပျော်ရွှင်သောဘဝ လူနေမှုဘဝ

ပိုပြီးအကောင်းမြင်တတ်လာစေဖို့နဲ့ ပိုပြီးပျော်ရွှင်လာစေဖို့ အမြန်ဆုံးနည်းလမ်း ၅ချက်

လူသားတိုင်းမှာ ကိုယ့်ကိုကိုယ် ထိန်းသိမ်းဖို့အတွက် နဂိုမူလ ပင်ကိုယ်အသိစိတ်ရှိကြပါတယ်။ ၁) အနာဂတ်မှာဖြစ်လာမှာပါ ၂) အနာဂတ်က ကျွန်တော်တို့ဘဝရဲ့အစိတ်အပိုင်း တစ်ခုသာ ဖြစ်ပါတယ်။ ထိုအတွေးနှစ်ခုကို လူတိုင်းက သိထားပြီးဖြစ်ပေမယ့် မကောင်းတဲ့ဖြစ်ရပ်တစ်ခုခုကြုံလာရတဲ့အခါ ထိုမကောင်းတဲ့ဖြစ်ရပ်ကသာ သင့်ကို လွှမ်းမိုးထားပါတော့တယ်။ ပိုကောင်းတဲ့ကိစ္စတွေကို အာရုံမစိုက်နိုင်တော့ဘဲ မကောင်းတဲ့ကိစ္စကိုသာ ပိုအာရုံစိုက်ဖြစ်သွားကြပါတယ်။ အဲဒီအခါ စိတ်ညစ်မယ်၊ စိတ်ဖိစီးမယ်၊ အစားမစားချင် ခွေခေါက်နေမယ်၊ အခြား ကျန်းမာရေးနဲ့ပတ်သက်တဲ့ဆိုးကျိုးတွေဖြစ်လာပါတော့တယ်။ အဲဒါကြောင့် သင့်ရဲ့စိတ်နဲ့ သင့်ရဲ့ဦးနှောက်ကို ပိုပြီးအကောင်းမြင်တတ်တဲ့လူတစ်ယောက်ဖြစ်လာအောင် ပြုပြင်ကျင့်ယူသင့်ပါတယ်။ တကယ်လည်း လိုက်နာကျင့်သုံးကြည့်ရင် တဖြေးဖြေးချင်း တိုးတက်လာတဲ့သင့်ရဲ့စိတ်ကို သင်ကိုယ်တိုင်သိလာပါလိမ့်မယ်။

စွမ်းရည် ပျော်ရွှင်သောဘဝ လူနေမှုဘဝ

ဘဝမှာ နေပျော်ဖို့အတွက် နှလုံးသွင်းသင့်သော အကြံပြုချက်လေးများ

ဘဝမှာ နေပျော်ဖို့အတွက် နှလုံးသွင်းသင့်သော အကြံပြုချက်လေးများ

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

သင့်ရဲ့စိတ်ခံစားချက်တွေကိုဘယ်လိုထိန်းချုပ်မလဲ။

ကျွန်တော်တို့နေ့စဉ်လူနေမှုဘဝမှာ ခံစားအချက်လိုက်ပေါက်ကွဲနေလို့မဖြစ်နိုင်ပါဘူး။ ကျွန်တော်တို့ခံစားချက်တွေကို ထိန်းချုပ်နိုင်ခြင်းက ဆက်ဆံရေးမှာအောင်မြင်ခြင်းပါပဲ။ အဲဒါဆိုရင် သင့်ခံစားချက်ကိုဘယ်လိုထိန်းချုပ်နိုင်မလဲ။

စွမ်းရည် ပျော်ရွှင်သောဘဝ လူနေမှုဘဝ ကိုးကားစာများ

သင်လိုချင်တဲ့ပန်းတိုင်ကို ရောက်ဖို့ လွှတ်ချသင့်တဲ့အရာများ

အမှန်တကယ်လွတ်လပ်ခြင်းဆိုတာက သင်နေချင်သလိုဘဝမျိုးနဲ့ နေထိုင်ရခြင်းဖြစ်ပြီး သင်နှစ်သက်တဲ့၊ သင့်ကိုလည်း တကယ်နှစ်သက်သူများဖြင့်သာ ဘဝကို အချိန်ကုန်ဆုံးရခြင်းပါပဲ။ ကျွန်တော်တို့ အများစုအားဖြင့်တော့ အမှန်တကယ်လွတ်လပ်တဲ့ဘဝက ဝေးကွာလှတဲ့အိပ်မက်တစ်ခုလိုပါပဲ။ မလိုချင်တဲ့ဘဝမျိုးနဲ့လည်း အသက်ရှင်ရပ်တည်နေရတာမျိုး ရှိပါတယ်။ ကျွန်တော်တို့က တကယ်လိုချင်တဲ့ဘဝမျိုးကို ဖုံးကွယ်ထားတတ်ပါတယ်။ ဘာဖြစ်လို့လည်းဆိုတော့ အမှန်တရားက ခါးသီးလွန်းလို့ပါ။ အဲဒါကြောင့် သင်တကယ်လိုချင်တဲ့ဘဝမျိုးနဲ့ရှင်သန်ချင်တယ်ဆိုရင် သင့်လိုချင်တဲ့ဘဝကို သေချာသိဖို့လိုပါတယ်။ ပြီးရင် သင့်ကိုသင်သတ်မှတ်ထားတဲ့နည်းလမ်းတွေနဲ့ ရှင်သန်ဖို့ကြိုးစားပါ။ ကိုယ်လိုချင်တဲ့ဘဝကို ရဖို့ သင်လွှတ်ချသင့်တဲံအရာတွေကို ဒီဆောင်းပါးမှာ ဖတ်ကြည့်လိုက်ပါ။

စွမ်းရည် ပျော်ရွှင်သောဘဝ စိတ်ဓာတ်ခွန်အား

စိတ်ဓာတ်ခိုင်မာတဲ့အမျိုးသမီးတွေရဲ့ လက္ခဏာ ၅ချက်

စိတ်ဓာတ်ခိုင်မာတဲ့အမျိုးသမီးဆိုတာ ဘယ်လိုလူမျိုးလဲ။ အခြေခံအားဖြင့်တော့ အခြားသူများရဲ့ အကူအညီ၊ အထောက်အပံ့ကို မယူဘဲ ကိုယ့်ဟာကိုယ်ရပ်တည်နိုင်တဲ့သူမျိုး၊ ဘဝမုန်တိုင်းဒဏ်ကို ကြံ့ကြံ့ခံနိုင်တဲ့သူမျိုးကို ပြောနိုင်ပါတယ်။ အထူးသဖြင့် အဆိုးတွေဘယ်လောက်ကြုံကြုံ လဲကျတိုင်းပြန်ထဖို့ ကိုယ့်ကိုကိုယ်ယုံကြည်အားကိုးတဲ့သူမျိုးပဲဖြစ်ပါတယ်။ ဘယ်သူရဲ့ အားပေးမှုကိုမှ မျှော်လင့်နေတာမျိုးမဟုတ်ဘဲ သူတို့ကိုယ်တိုင် ဘဝကို ရင်ဆိုင်တိုက်ပွဲဝင်ရဲသူတွေပါ။ သူတို့ရဲ့လက္ခဏာတွေကတော့

စွမ်းရည် ပျော်ရွှင်သောဘဝ လူနေမှုဘဝ

မိမိကိုယ်ကိုအဆိုးမြင်ခြင်းက ဘယ်လောက်ဆိုးဝါးစေသလဲ။

မိမိကိုယ်ကို အဆိုးမြင်ခြင်းဆိုတာ ဘာလဲ။ တကယ်တော့ မိမိကိုယ်ကိုအဆိုးမြင်ခြင်းက ဆိုးဝါးပါတယ်။ မိမိကိုယ်ကို အဆိုးမြင်ခြင်းက ဘယ်ကနေစဖြစ်လာသလဲဆိုရင် ကိုယ့်ကိုကိုယ်အထင်မကြီးတဲ့စိတ်၊ မလေးစားတဲ့စိတ်ကနေ စတင်ဖြစ်ပေါ်လာပါတယ်။ ကိုယ့်ကိုကိုယ်အထင်မကြီးဘဲ မလေးစားတဲ့စိတ်ဆိုတာက ကိုယ်လုပ်နေတဲ့အလုပ်တွေ( အထူးသဖြင့် ကိုယ်နေ့စဉ်ပြုမူနေတဲ့ အပြုအမူ၊ ဆက်ဆံရေး) စတာတွေနဲ့ အဓိက ပတ်သက်နေပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ကြင်နာတတ်တဲ့မိခင်တစ်ယောက်ဖြစ်စေဖို့ နည်းလမ်း ၅သွယ်

မိခင်တစ်ယောက်ဖြစ်ဖို့အကောင်းဆုံးအကြံပေးစကားမျိုး ကြားဖူးပါသလား။ ဒီဆောင်းပါးမှာတော့ အကောင်းဆုံးမိခင်တစ်ယောက်ဖြစ်နိုင်မယ့်နည်းလမ်းလေးတွေဖော်ပြပေးချင်ပါတယ်။ သင့်ရဲ့သားသမီးလေးတွေကို စိတ်ဓာတ်ခွန်အားပေးပြီး သူတို့ကို ချစ်ခင်ကြောင်းပြပါ။ သူတို့ကိုယ်သူတို့ယုံကြည်မှုရှိအောင် ကြိုးစားပေးခြင်းက ကြင်နာတတ်တဲ့မိခင်ကောင်းတစ်ယောက်ဖြစ်ဖို့ လိုအပ်တဲ့အချက်ပါပဲ။ မိခင်တိုင်းလိုလိုက အလုပ်သိပ်များတတ်သူတွေပါ။ အဲဒါကြောင့်ကိုပဲ အော်တတ်တဲ့မိခင်၊ ဆူတတ်တဲ့မိခင်၊ ပွစိပွစိလုပ်တတ်သူ၊ အဖြစ်ပြောင်းသွားတတ်ကြပါတယ်။ ဒါပေမယ့် အားလုံးလိုလိုကတော့ ကြင်နာတတ်သူတွေချည်းပါပဲ။ ဟုတ်ပါပြီ အဲဒါဆိုရင် ကြင်နာတတ်တဲ့မိခင်ဖြစ်ဖို့က သင့်ရဲ့စကားလုံးလေးတွေ၊ သင့်ရဲ့အပြုအမူလေးတွေကို သတိထားရွေးချယ်လိုတာနဲ့ ဖြစ်လို့ရပါတယ်။ ဘယ်လိုလုပ်ကြည့်ရမလဲ ဖတ်ကြည့်လိုက်ပါနော်။

ကလေးပြုစုပျိုးထောင်ခြင်း ပျော်ရွှင်သောဘဝ ကိုးကားစာများ

သင့်ကလေးကို ရိုးသားဖို့ဘယ်လိုသင်ပေးမလဲ။

ကလေးကိုသင်ကြားပေးသင့်သော အလေ့အကျင့်ကောင်း ၅ချက်ဆိုတဲ့ဆောင်းပါးမှာ ကလေးတွေကို ရိုးသားမှုရှိအောင် သင်ပေးဖို့ ပါဝင်ပါတယ်။ တကယ်လည်း ရိုးသားမှုရှိခြင်းက လူကြီးတစ်ယောက်ရိုးသားမှုကိုတန်ဖိုးထားတတ်စေဖို့ ကလေးဘဝကတည်းက သွန်သင်ထားမှရမှာဖြစ်ပါတယ်။ အဲဒါကြောင့် ကလေးကို ရိုးသားမှုဆိုတာ တန်ဖိုးကြီးကြောင်း၊ ရိုးသားမှုကို ငွေဖြင့်ဝယ်လို့မရနိုင်ဘဲ ရိုးသားစွာဘဝကိုရှင်သန်ဖြတ်သန်းသင့်ကြောင့် သင်ထားသင့်ပါတယ်။ သင့်ကလေးကို ပေးနိုင်မယ့်အဖိုးတန်ဆုံးလက်ဆောင်အဖြစ် ရိုးသားတတ်ဖို့သင်ပေးပါ။ ကလေးတစ်ယောက်ကို ရိုးသားမှုရှိစေဖို့ အခြေခံအနေနဲ့ကတော့ အမှန်အတိုင်းပြောတတ်ဖို့ သင်ပေးခြင်းပါပဲ။ ဘယ်လိုသင်ပေးသင့်သလဲဆိုတာ ဖတ်ကြည့်လိုက်ပါအုံး

စွမ်းရည် ကလေးပြုစုပျိုးထောင်ခြင်း ပျော်ရွှင်သောဘဝ လူနေမှုဘဝ

ခွင့်လွှတ်တတ်ပါစေ။

လူတိုင်းရဲ့ဘဝမှာ နာကျည်းစရာတွေ ကြုံခဲ့ဖူးမှာပါ။ နာကျည်းစရာတွေကို ပြန်တွေးမိတိုင်းလည်း နာကျည်းအောင်လုပ်ခဲ့ဖူးသူကို ပြန်ပြီး နာကျင်မိသွားပါလိမ့်မယ်။ အဲဒီ့အခါ ဒဏ်ရာအဟောင်းတွေက အသစ်တွေပြန်ဖြစ်ပြီး ပြန်နာကျင်ရပါလိမ့်မယ်။ တကယ်တော့ နာကျင်မှုဆိုတာက နာကျင်အောင် လုပ်တဲ့သူထက် ခံစားရတဲ့သူကမှ ပိုပြီး နားလည်မှာထင်ပါတယ်။ ဘာဖြစ်လို့လဲဆိုတော့ ပြုသူအသစ် ဖြစ်သူအဟောင်းဆိုတဲ့ စကားအတိုင်းပါပဲ၊ ပြုလုပ်သူက သူတစ်ပါးဘယ်လောက်နာကျင်သွားမှန်းမခံစားနိုင်ပါဘူး၊ ပြုသူအတွက် အားလုံးကိုမေ့ပျောက်သွားချိန်မှာတောင် ခံစားလိုက်ရတဲ့သူအတွက်ကတော့ ပြန်တွေးမိတဲ့အချိန်တိုင်းဒဏ်ရာအဟောင်းလို ပြန်တွေးတိုင်း တမြေ့မြေ့ခံစားနေရဆဲမို့လို့ပါ။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား