ပျော်ရွှင်သောဘဝ

ဘယ်လိုခွင့်လွှတ်မလဲ ။

ခွင့်လွှတ်ပေးလိုက်ပါ….ဆိုတဲ့စကားက သင်ကြားဖူးနေကျ စကားဖြစ်မှာပါ။ ဘာသာတရားအရလည်း ခွင့်လွှတ်ခြင်းက အေးချမ်းပါတယ်ဆိုတာမျိုး ကြားဖူးမှာပါ။ ဟုတ်ပြီ…အဲဒါဆိုရင် ခွင့်လွှတ်ခြင်းက တကယ်ကော အေးချမ်းရဲ့လား။ မှန်ရဲ့လား။ တကယ်မှန်ပါတယ်။ ခွင့်လွှတ်ပေးတတ်တဲ့သူတွေက ပိုပြီး ကျန်းမာသလို၊ ပိုပြီးလည်း ပျော်ရွှင်နိုင်ကြပါတယ်။

စွမ်းရည် ပျော်ရွှင်သောဘဝ လူနေမှုဘဝ

မေမေတွေအတွက် Me Time Ideas

Me time ဆိုတာ လူတိုင်းလိုအပ်တဲ့အရာပါပဲ။ အထူးသဖြင့်တော့ မေမေတွေအတွက် ပိုလိုအပ်မှာပါ။ တစ်နေ့တာလုံး အိမ်မှုကိစ္စမှန်သမျှနဲ့ သားသမီးဝေယျာဝစ္စ၊ အမျိုးသားဝေယျာဝစ္စ၊ အခြားအတူနေ မိဘတွေရှိရင်လည်း ထိုလူတွေရဲ့ဝေယျာဝစ္စ စသဖြင့် အကုန်လုံးအတွက်သာ ခေါင်းထဲထည့်ရပြီး ရှုပ်ယှက်ခတ်နေတတ်ပါတယ်။ တစ်အိမ်လုံးကလူတွေရဲ့ကိစ္စအ၀၀ကိုသာ ခေါင်းထဲထည့်ရပြီး ကိုယ့်အတွက်တော့ တခါမှ မစဉ်းစားဘူးတဲ့ အိမ်ရှင်မတွေ အများကြီးပါပဲနော်။

ကျန်းမာရေး ပျော်ရွှင်သောဘဝ လူနေမှုဘဝ

အသက် ၃၀ မတိုင်မီ မဖြစ်မနေ လုပ်သင့်တဲ့အရာ ၃ခု

ကျွန်တော်တို့ရဲ့ဘဝမှာ ကျွန်တော်တို့မကြိုက်တဲ့၊ မနှစ်သက်တဲ့အရာတွေတော်တော်များများကို လုပ်ဆောင်ရင်းအချိန်ဖြုန်းနေကြရပါတယ်။ အဲဒါကြောင့် ဘဝရဲ့အသက် ၃၀မပြည့်မီမှာ သင့်အတွက်တကယ်အကျိုးရှိပြီး သင့်ကိုစစ်မှန်တဲ့ပျော်ရွှင်မှု တကယ့်အနှစ်သာရပေးနိုင်တဲ့အရာမျိုးအတွက် အချိန်ပေးသင့်ပါတယ်။ ခရီးထွက်ခြင်းက သင့်ရဲ့စိတ်ဖိစီးမှုတွေကနေ ခဏတဖြုတ်လွတ်မြောက်စေနိုင်ပါတယ်။ စိတ်ဖိစီးမှုတွေကနေ လွတ်မြောက်ခြင်းက သင့်အတွက်ခွန်အားအသစ်၊ လန်းဆန်းမှုအသစ်တွေနဲ့ သင့်ဘဝရဲ့နောက်ထပ်နေ့ရက်တွေကို ဆက်လျှောက်လှမ်းဖို့ စိတ်ဓာတ်တက်ကြွစေနိုင်ပါတယ်။ အဲဒီ့လိုပါပဲ သင့်ဘဝမှာ ငွေကြေးအတွက်ချည်း ကြိုးစားနေရပြီး ငွေနောက်သာလိုက်နေရလို့ သင်ဖြစ်ချင်နေတဲ့ရည်မှန်းချက်တွေမလုပ်လိုက်ရတာမျိုးမဖြစ်ရအောင် သင်ဖြစ်ချင်တဲ့ရည်မှန်းချက်တွေနောက်ကိုလည်း အချိန်တစ်ခုပေးရင်း လိုက်သင့်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

စိတ်ညစ်စရာကောင်းတဲ့နေ့တိုင်းမှာ သင်မှတ်ထားရမယ့်စကားတစ်ခွန်း

“ဘဝက တိုတိုလေးပါ။ သင့်ကို ရယ်မောစေပြီး သင့်ကိုချစ်ခင်တဲ့သူတွေနဲ့သာ အချိန်ဖြုန်းပါ"

ပျော်ရွှင်သောဘဝ လူနေမှုဘဝ

ပျော်ရွှင်တဲ့မိခင်တွေရဲ့လုပ်နေကျအကျင့် ၁၀မျိုး

ပျော်ရွှင်ခြင်းဆိုတာက အခြေအနေနဲ့အချိန်အခါအရဖြစ်ပေါ်တတ်တာလား။ တကယ်တော့ ပျော်ရွှင်မှုဆိုတာက ကိုယ့်စိတ်ထဲအဓိက ဖြစ်တည်နေတာလို့ အခါပေါင်းများစွာ ဖတ်ခဲ့ဖူးကြမှာပါ။ တဖက်ကကြည့်ရင် ကျွန်တော်တို့ရဲ့ရွေးချယ်မှု၊ ကျွန်တော်တို့ရဲ့အပြုအမူတွေက ကျွန်တော့်အတွက်ပျော်ရွှင်ခြင်း၊ မပျော်ရွှင်ခြင်းဆိုတာဖြစ်လာနိုင်ပါတယ်။ မိခင်တွေမှာတော့ ဖခင်တွေထက်ကို စိတ်ဖိစီးမှု၊ တာဝန်၊ အလုပ်၊ ငွေကြေး၊ သားသမီးအရေ စတဲ့ဖိစီးမှုတွေပိုများနေတတ်ပါတယ်။ အဲဒါကြောင့် ပျော်စရာကောင်းတဲ့မိခင်တွေမှာတွေ့ရလေ့ရှိတဲ့အကျင့် ၁၀မျိုးကို ဖော်ပြပေးလိုက်ပါတယ်။ တခါတလေမှာ ကြီးကျယ်တဲ့အရာတွေမဟုတ်ဘဲ ပြောင်းလဲမှုအသေးလေးတွေ လုပ်လိုက်ခြင်းကပဲ ပျော်ရွှင်မှုဆီဦးတည်သွားနိုင်ပါတယ်။ အောက်မှာ ဖော်ပြထားတဲ့ အကျင့် ၁၀မျိုးကိုဖတ်ကြည့်လိုက်ပါအုံး။

စွမ်းရည် ကျန်းမာရေး ကလေးပြုစုပျိုးထောင်ခြင်း ပျော်ရွှင်သောဘဝ စိတ်ဓာတ်ခွန်အား ကိုးကားစာများ

သင့်ရဲ့ EQ တိုးတက်စေဖို့ နည်းလမ်း ၅ ချက်

Emotional intelligence (EQ or EI) ဆိုတာက သင့်ရဲ့စိတ်ခံစားချက်ကို စီမံနိုင်တဲ့စွမ်းရည်သာမက အခြားသူများရဲ့စိတ်ခံစားချက်ကိုလည်း နားလည်သဘောပေါက်တဲ့စွမ်းရည်လည်းဖြစ်ပါတယ်။ ဒီနေ့ခေတ်မှာ EQ ကိုအဓိကထားပြီးကြည့်လာကြပါပြီ။ EQ ကောင်းခြင်းက ကျွန်တော်တို့ရဲ့ ရုပ်ပိုင်းဆိုင်ရာအရရော၊ စိတ်ပိုင်းဆိုင်ရာအရရောအပေါ်အကျိုးသက်ရောက်မှုရှိပါတယ်။ စိတ်ဓာတ်တက်ကြွမှု၊ ဦးဆောင်နိုင်မှု၊ ကျန်းမာရေးတဲ့အကြောင်းအရာအမျိုးမျိုးအပေါ် သက်ရောက်မှုရှိနေတာဖြစ်ပါတယ်။ EQ ကောင်းဖို့အတွက် ကျွန်တော်တို့လေ့ကျင့်ယူလို့ရပါတယ်။ အချိန်ယူပြီး ဖြေးဖြေးချင်းလေ့ကျင့်ယူနိုင်ပါတယ်။ EQ အတွက် ဘယ်လိုလေ့ကျင့်မလဲဆိုတဲ့နည်းလမ်း ၅ချက်ဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ

တစ်နေ့တာလုံး သင် မဖြစ်မနေ စိတ်ထဲမှတ်ထားရမယ့်အရာများ

တစ်နေ့တာလုံးမှာ မလုပ်ချင်ပေမယ့်လုပ်ရတာရှိမယ်၊ လုပ်ချင်ပေမယ့် မလုပ်နိုင်တာရှိမယ်၊ ဖြစ်ချင်ပေမယ့်မဖြစ်နိုင်သေးတာတွေရှိမယ်၊ စားဝတ်နေရေးအရ မဖြစ်မနေလုပ်ရတဲ့အလုပ်တွေရှိမယ်၊ ပေါင်းသင်းဆက်ဆံရေးမှာလည်း ကိုယ်မမြင်ချင်မတွေ့ချင်ပေမယ့်တွေ့ဆုံဆက်ဆံနေရတာရှိမယ်။ ကိုယ့်အပေါ် ကောင်းစေချင်တဲ့လူတွေရှိသလို၊ ကိုယ့်အပေါ်မကောင်းတဲ့လူတွေလည်း ကြုံရမှာပါပဲ။ အဲဒါကြောင့် အောက်ကဖော်ပြထားတဲ့အချက်လေးတွေကို မနက်ခင်းတိုင်း ၊ အိပ်ရာက နိုးထလို့ တစ်နေ့တာ စတင်တိုင်း သင့်အတွင်းစိတ်ထဲကနေ နက်နက်ရှိုင်းရှိုင်းမှတ်သားထားပါ။ သင်တစ်နေ့တာမှာ ပိုပြီး အဆင်ပြေစေပါလိမ့်မယ်။

စွမ်းရည် ပျော်ရွှင်သောဘဝ စိတ်ဓာတ်ခွန်အား

အသည်းကွဲချိန်မှာ သင်ပြန်တွေးသင့်တဲ့အရာများ

လောကမှာ လူတိုင်းနီးပါး အချစ်နဲ့မကင်းကြသလို၊ အသည်းလည်း ကွဲဖူးကြတာချည်းပါပဲ။ လူတစ်ယောက်နဲ့ လူတစ်ယောက် ချစ်မိသွားတဲ့အခါ အခြားသောအချက်တွေကိုသိပ်မတွေးမိတတ်ကြတဲ့အတွက် အချစ်မှာ မျက်စိမပါဘူးလို့ ပြောတတ်ကြပါတယ်။ ဒါပေမယ့် ချစ်စိတ်အနည်ထိုင်သွားတဲ့အချိန်မှာတော့ ကျန်တဲ့အတွေးတွေ ဝင်လာပါတယ်။ အဲဒီ့အခါမှာ ကျန်တဲ့အတွေးတွေကနေတဆင့် အကျင့်စရိုက်တွေ၊ အပြုအမူတွေ၊ စရိုက်ဓလေ့တွေ၊ နေထိုင်မှုပုံစံတွေ၊ စကားအပြောအဆိုတွေ စသဖြင့် အများကြီးစဉ်းစားတတ်လာရာကနေ ကိုယ်နဲ့ မအပ်စက်နိုင်တဲ့ ပုံစံမျိုးလို့ မြင်လာတဲ့အခါ လမ်းခွဲတာမျိုးဖြစ်နိုင်ပါတယ်။ ဒါမှမဟုတ် ချစ်သူကနေ အချစ်သစ်တွေ့သွားလို့ ကိုယ့်ကိုထားခဲ့တာမျိုးလည်း ဖြစ်နိုင်ပါတယ်။ အဲဒါကြောင့် ကိုယ်ချစ်သူနဲ့ကိုယ်လမ်းခွဲလို့ ကိုယ်က အသည်းကွဲရတဲ့အခါ သင်ပြန်တွေးသင့်တဲ့အရာတွေရှိပါတယ်။ အဲဒီ့အရာလေးတွေပြန်တွေးလိုက်တဲ့အခါ သင့်ရဲ့ချစ်သူပြစ်ထားခဲ့ခြင်းဆိုပြီး နာကျင်နေတဲ့နာကျင်မှုတွေသက်သာဖို့အထောက်အကူဖြစ်စေမှာပါ။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

အခြားသူကိုထိခိုက်မှုမရှိစေဘဲ အမှန်တရားကို ပြောနိုင်မယ့်နည်းလမ်း ၇မျိုး

တခါတလေ ကိုယ်ကတော့ စေတနာနဲ့ပြောလိုက်တဲ့မှန်သောစကားဖြစ်ပေမယ့် တဖက်လူက မကြိုက်တာမျိုး၊ ကိုယ်ပြောလိုက်တဲ့စကားကို နာကျင်သွားတာမျိုး လူတိုင်းလို ကြုံဖူးကြမယ်ထင်ပါတယ်။ အဲဒါကြောင့်လည်း မှန်လွန်းတဲ့လူ ရွာပြင်ထုတ်ခံရတယ် ဆိုတဲ့စကားဖြစ်လာပုံရပါတယ်။ တကယ်လည်း ကိုယ်ကအမှန်ပြောလိုက်ပေမယ့် တဖက်လူက မခံမရပ်နိုင်အောင် လက်မခံနိုင်ဖြစ်သွားတတ်ပါတယ်။ အဲဒါဆိုရင် မှန်တာကို မပြောရတော့ဘူးလား။ အဲလိုလည်း မဟုတ်ပါဘူး။ မှန်ရာကိုတော့ ပြောရဲရမှာပေါ့၊ ပြောခွင့်လည်းရှိရမှာပေါ့။ အဲဒါဆို မှန်တဲ့စကားကို တဖက်လူမနာကျင်အောင် ထိခိုက်မှုမရှိအောင် ဘယ်လိုပြောမလဲဆိုတာ ဒီဆောင်းပါးလေးဖတ်ကြည့်လိုက်ပါနော်။

စွမ်းရည် ပျော်ရွှင်သောဘဝ လူနေမှုဘဝ

စိတ်ပိုင်းဆိုင်ရာအရ ခံနိုင်ရည်ရှိစေဖို့ လုပ်သင့်တဲ့အဆင့် ၄ ဆင့်

အောင်မြင်မှုဆိုတာက ကျရှုံးမှုကိုကျော်ဖြတ်ပြီးဖြစ်လာနိုင်တာပါ။ ကျရှုံးမှုကို အကြိမ်ပေါင်းများစွာကြုံလာရတဲ့အခါ ခံနိုင်ရည်ဖြစ်လာပါတယ်။ ခံနိုင်ရည်ရှိလာဖို့အတွက် စိတ်ပိုင်းဆိုင်ရာက သင့်ရဲ့လုပ်ဆောင်ချက်တွေအပေါ် လမ်းညွှန်ပေးနိုင်တာဖြစ်ပါတယ်။ အဲဒီ့တော့ ကျရှုံးမှုကိုပွေ့ဖက်နိုင်ဖို့ သင့်စိတ်ပိုင်းဆိုင်ရာအရ ခံနိုင်ရည်ရှိဖို့လိုပါတယ်။

စွမ်းရည် ပျော်ရွှင်သောဘဝ လူနေမှုဘဝ

ကိုယ်ကျင့်တရားပျက်စီးစေသောအကြောင်းအရာများ

လူနဲ့တိရိစ္ဆာန်ကို ခြားနားထားတဲ့စည်းက ကိုယ်ကျင့်တရားရယ် တရားဓမ္မရယ်ပဲဖြစ်ပါတယ်။ တိရိစ္ဆာန်အတွက်ကတော့ ကိုယ်ကျင့်တရားကိုစောင့်ထိန်းစရာမလိုသလို တရားဓမ္မဆိုတာကိုလည်း နားမလည်နိုင်ပါဘူး။ လူကတော့ လူရယ်လို့ဖြစ်လာရင် ကိုယ်ကျင့်တရားကို စောင့်ထိန်းရပါမယ်၊ တရားဓမ္မကို လုံးဝနားမလည်ဘူးဆိုတာထက်တော့ အနည်းအကျဉ်းနားလည်ပြီး ကိုယ်ကိုးကွယ်ရာဘာသာတရားကို လုပ်တတ်ကြပါတယ်။ ဒါပေမယ့် ဒီနေ့လို နည်းပညာတွေ၊ အတတ်ပညာတွေ၊ ပညာတွေ တိုးတက်လွန်းတဲ့ခေတ်မှာ ထိုကဲ့သို့ တိုးတက်လာခြင်းတွေရဲ့ ဘေးထွက်ဆိုးကျိုးအဖြစ်ကတော့ ငွေကိုလိုအပ်ခြင်းနဲ့ ကိုယ်ကျင့်တရားကို စောင့်ထိန်းဖို့ မကြိုးစားခြင်းပဲဖြစ်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

နာကျင်မှုတွေခံစားရတဲ့အခါ သင်ပြန်ပြီးတွေးသင့်တဲ့အရာများ

ဘဝဆိုတာက အမြဲအဆင်ပြေချောမွေ့နေတာမဟုတ်ပါဘူး။ အဆင်မပြေမှု၊ အခက်အခဲ ၊ နာကျင်မှု၊ ကျရှုံးမှု၊ ပြိုလဲကြေကွဲမှု ပေါင်းစုံကို သင်ကြုံတွေ့ခံစားရမှာပါ။ ဘဝဆိုတာ တိုက်ပွဲတွေကို နိုင်အောင်တိုက်နေရတာပါပဲ။ တိုက်ပွဲတစ်ခုကို နိုင်အောင်တိုက်နိုင်သွားတဲ့အခါ သင်လည်း နောက်ထပ် level တစ်ခုကို တက်သွားသလိုပါပဲ။ တိုက်ပွဲတွေကတော့ ပြီးဆုံးမှာမဟုတ်ပါဘူး။ level တစ်ခုရောက်လာလေလေ ပိုခက်တာတွေကြုံလာနိုင်လေလေပါ။ ပိုခက်လာတာကို သင်ပိုပြီးကျော်ဖြတ်နိုင်လေလေ သင့်စွမ်းရည်ပိုတိုးတက်လာစေတာပေါ့။ ဥပမာ။ အလုပ်ပြုတ်တာ၊ ကိုယ်လိုချင်တဲ့အလုပ်ကို အင်တာဗျူးမှာတင် ပြုတ်သွားတာ၊ ကိုယ့်ချစ်သူက ထားခဲ့တာ၊ ကိုယ်ယုံကြည်မှုကို အလွဲသုံးစာလုပ်ခံရတာ၊ သင့်ကိုနှီမ်တာ၊ အနိုင်ကျင့်ခံရတာ စတာတွေပေါ့။ အဲဒါကြောင့် သင့်မှာ နာကျင်မှုတွေခံစားနေရပါလား….လို့ တွေးထင်နေချိန်မှာ သင်ပြန်တွေးသင့်တဲ့အရာတွေရှိပါတယ်။ အဲဒီ့အရာလေးတွေကို ပြန်တွေးကြည့်လိုက်တဲ့အခါ သင့်နာကျင်မှုတွေ လျော့နည်းလာပါလိမ့်မယ်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား