၁)ကိုယ့်တန်ဖိုးကိုသိပါ။ ကိုယ့်က ဘယ်နေရာမှာ စိတ်ပါဝင်စားသလဲ၊ ဘယ်နေရာမှာထူးချွန်နိုင်သလဲ၊ ကိုယ့်တန်ဖိုးကဘာလဲဆိုတာ သိမှသာ ကိုယ်အောင်မြင်နိုင်မယ့်အလုပ်ခွင်နေရာကိုသိမှာပါ။ ကိုယ်က စာရေးတာဝါသနာပါပေမယ့် စားပွဲထိုးဝင်လုပ်နေရတယ်ဆိုရင် အဆင်မပြေပါဘူး။ ကိုယ့်အတွက် ဝါသနာပါရာနဲ့ကိုက်ညီတဲ့အရည်အချင်းဖြစ်အောင်အမြဲကြိုးစားနေပြီး အခါင့်အရေးကိုလေ့လာနေရပါမယ်။ အဆင်သင့် အခွင့်အရေးရလာတဲ့အခါ ကိုယ့်လေ့ကျင့်ထားတဲ့အရည်အသွေးနဲ့ကိုက်ညီတဲ့အခါမှာတော့ ကိုယ့်အတွက် တန်ဖိုးရှိတဲ့နေရာတစ်နေရာရလာမှာပါ။ အဲဒါကြောင့် ကိုယ့်တန်ဖိုးကိုသိပြီး အရည်အချင်းတိုးတက်လာအောင်သွေးထားဖို့လိုပါတယ်။

၂) Comfort zone ထဲကနေရုန်းထွက်ပါ။ သင့်ကို ဆုတ်ယုတ်စေတာက Comfort zone ပါပဲ။ သက်တောင့်သက်သာနေရတဲ့အခြေအနေကို သာယာမိတဲ့အခါ တိုးတက်ဖို့အတွက် တိုက်ပွဲဝင်ရမှာကို ကြောက်လန့်လာတတ်ပါတယ်။ အဲဒီ့အခါ ရှောင်ပြေးဖို့ကြိုးစားခြင်းက သင့်ကို ပိုပြီး တိုးတက်မှုနဲ့ဝေးကွာစေပါတယ်။ အဲဒါကြောင့် လက်ရှိသင်က Comfort zone ထဲမှာဆိုရင် ရုန်းထွက်ဖို့ ကြိုးစားလိုက်ပါ။

၃) ဖိအားတွေကိုခံနိုင်ရည်ရှိပါ။ ဖိအားတွေဆိုတာက သင့်ရဲ့အလုပ်ခွင်က ရလာမယ့်ဖိအားကိုဆိုလိုတာပါ။ အလုပ်ခွင်မှာ တိုးတက်ချင်တယ်ဆိုရင် အလုပ်ခွင်ကနေ ရလာမယ့်ဖိအားအမျိုးမျိုးကိုလည်း ခံနိုင်ရည်ရှိရမယ်ဆိုတာမေ့ထားလို့မရပါဘူး။

၄) အတင်းပြောတတ်သူတွေကိုရှောင်ပါ။ အလုပ်ခွင်မှာ အတင်းပြောတတ်တဲ့လူတွေကို အတတ်နိုင်ဆုံးရှောင်သင့်ပါတယ်။ အတင်းပြောတဲ့အခါ တဖက်လူရဲ့အဆိုးကိုသာ မြင်ပြီးပြောတာဖြစ်တဲ့အတွက် ကိုယ့်စိတ်ထဲအဆိုးမြင်စိတ်များလာစေတဲ့အပြင် ကိုယ့်ရဲ့အချိန်ကုန်စေပါတယ်။ အတင်းပြောမယ့်အစား ကိုယ့်အတွက်အကျိုးရှိရာတစ်ခုခုကိုသာ လုပ်လိုက်မယ်ဆိုရင် လုပ်ငန်းခွင်တိုးတက်ဖို့အထောက်အကူဖြစ်စေမှာပါနော်။

၅) လိုအပ်တဲ့အကူအညီတောင်းတတ်ပါစေ။ ဘာတာဝန်ပေးပေး လိုအပ်တာတွေကို မတောင်းဆိုတတ်ဘဲ ဟုတ်ကဲ့လုပ်တတ်ရုံနဲ့မရပါဘူး။ သေချာနားမလည်တဲ့တာဝန်ဆိုလည်း ရဲရဲဝင့်ဝင့်ပြန်ပြီးမေးသင့်၊ ထောက်သင့်တာထောက်ရမှာပါ။ ကိုယ့်အတွက် ဝန်လေးလွန်းတဲ့အရာဆိုရင်လည်း အကူအညီတောင်းသင့်ရင် တောင်းဖို့ ဝန်လေးနေလို့မဖြစ်ပါဘူး။

၆) စေတနာအပြည့်နဲ့လမ်းညွှန်ပေးတတ်သူကိုရှာပါ။ အလုပ်ခွင်မှာ ကိုယ့်အပေါ်စိတ်ရင်းနဲ့ ဖေးမကူညီတတ်သူဆိုတာလည်း လိုအပ်ပါတယ်။ အထူးသဖြင့် ကိုယ့်အပေါ် သူသိ,တတ်ထားသမျှ အပြန်အလှန် သေချာသွန်သင်ပြောပြပေးမယ့်လူမျိုးကို ရှာသင့်ပါတယ်။ ကိုယ်မသိတာရှိရင်လည်း မေးမြန်းပြီး ပြုပြင်သင့်တာပြုပြင် သင်ယူသင့်တာသင်ယူရမှာပါ။

၇) အမြဲမပြတ်လေ့လာသင်ယူပါ။ အမြဲမပြတ်လေ့လာသင်ယူဖို့ကတော့ အလုပ်ခွင်မှာအောင်မြင်လိုသူတိုင်းလုပ်ရမယ့်အချက်တွေပါပဲ။ ကိုယ့်ဝင်ရဲ့အလုပ်ခွင်အတွက် တကယ်အသုံးဝင်မယ့်အရာဆိုရင် အမြဲတမ်းလေ့လာသင်ယူနေမှာသာ တိုးတက်လာတဲ့အရာတွေကို မျက်ခြေမပြတ်လိုက်နိုင်မှာဖြစ်ပါတယ်။ #BAWA101