English
မြန်မာ
သင်မဖြစ်မနေ စွန့်ခွာသင့်တဲ့လူတွေရှိကိုရှိပါတယ်နော်။ အားနာလို့၊ သံယောဇဉ်ကြီးလို့၊ အရင်းအချာဖြစ်နေလို့ စသဖြင့် အကြောင်းတရားအမျိုးမျိုးကို ထောက်ငဲ့ပြီး သင်မစွန့်ခွာခြင်းဟာ သင့်ကိုသာ ထိခိုက်စေမှာဖြစ်ပါတယ်။ အဲဒါကြောင့် ကိုယ့်ကိုထိခိုက်စေတဲ့သူတွေကို သင်ကစတင်စွန့်ခွာသင့်စွန့်ခွာရမှာပါပဲ။ အဲဒါက သင့်ကိုယ်သင်ကယ်ဆယ်ခြင်းတစ်မျိုးပါပဲ။ ဘယ်လိုလူတွေကို စွန့်ခွာသင့်သလဲဆိုတာ ဖတ်ကြည့်လိုက်ပါအုံးနော်။
ဘဝမှာ ကိုယ်တိုင်ရွေးချယ်ခွင့်မရှိသောအရာများ
ကျွန်တော်တို့တွေ လူသားအဖြစ်မွေးဖွားလာတဲ့အခါမှာ ကိုယ်တိုင်မရွေးချယ်နိုင်ဘဲ ဖြစ်လာရတဲ့အခြေအနေတချို့ရှိပါတယ်။ အဲဒီ့အခြေအနေတွေက ကျွန်တော်တို့မှမဟုတ်ဘဲ အခြားဘယ်သူကမှလည်း တရားသေမှတ်ထားလို့ မရဘဲ ၊ ကိုယ်အတွက်ကောင်းခြင်းအဖြာဖြာဖြစ်လာအောင်ဆိုပြီး မရွေးချယ်နိုင်ပါဘူး။ ဒါပေမယ့် အဲဒီ့လို မရွေးချယ်နိုင်တဲ့အခြေအနေတွေကို သိရှိပြီး ကိုယ်ပြုပြင်နိုင်တာ၊ ကိုယ်ရွေးချယ်နိုင်တာကို ပြန်ပြီးအားစိုက်လုပ်ဆောင်ဖို့လိုအပ်ပါတယ်။ အကောင်းဆုံးကိုမရွေးချယ်နိုင်ခဲ့ဘူးဆိုရင်တောင် အကောင်းဆုံးဖြစ်လာအောင် အားထုတ်ကြိုးစားလို့တော့ရနိုင်တယ်ဆိုတာ မမေ့လိုက်ပါနဲ့နော်။
ချစ်ခြင်းမေတ္တာနဲ့ မတန်တဲ့သူကို ပြတ်သားစွာ စွန့်လွှတ်ပါ။
စွန့်လွှတ်ခြင်းဆိုတဲ့စကားက ယေဘုယျအားဖြင့် ကိုယ့်ဆီက တစ်စုံတစ်ရာကို ပိုင်ဆိုင်ခွင့်ဆုံးရှုံးသွားရတာမျိုးပေါ့။ တခါတလေကျတော့ စွန့်လွှတ်ခြင်းတွေမှာ ကိုယ့်ဆန္ဒမပါဘဲ ဖြစ်ပေါ်လာရတာမျိုးရှိပါတယ်။ တခါတရံကျပြန်တော့ ကိုယ်တိုင်ကိုက လိုလားစွာ စွန့်လွှတ်ပစ်ဖို့လိုပါတယ်။ ဘယ်လောက်နာကျင်ပါစေပေါ့။ ကိုယ့်အတွက် စွန့်လွှတ်ဖြစ်မှ ပိုကောင်းလာမယ့်အရာမျိုးတွေအတွက်ပါ။ အဲဒီ့အထဲမှာမှ ခုပြောပြပေးချင်တဲ့စွန့်လွှတ်ခြင်းက ချစ်ခြင်းတရားအားဖြင့်စွန့်လွှတ်ခြင်းမျိုးပါ။ ချစ်ခြင်းတရားအားဖြင့် စွန့်လွှတ်ခြင်းက သူနဲ့ကိုယ်နဲ့ချစ်နေရက်နဲ့ မဖြစ်သင့်တဲ့အခြေအနေတွေကြောင့် စွန့်ကိုစွန့်မှရမှာမို့ စွန့်လွှတ်ခြင်းမျိုး၊ နှစ်ဖက်လုံးနာကျင်နေရတယ်ပေါ့။
ကိုယ့်သမိုင်းကိုသာ အကောင်းဆုံးဖြစ်အောင်ရေးပါ။
ကိုယ့်သမိုင်းကို အကောင်းဆုံးဖြစ်အောင်ရေးတယ်ဆိုတာ ဘာကိုဆိုလိုတာပါလဲ။ ကိုယ်သေဆုံးသွားတဲ့အခါ ကိုယ့်ကိုယ်ဘယ်သူလူမျိုးအဖြစ်နဲ့လူတွေကို သတ်မှတ်ကြသလဲ။ ကိုယ့်ကိုယ်ဘယ်လိုမျိုးတန်ဖိုးသတ်မှတ်ကြသလဲဆိုတာ ကိုယ့်သေပြီးတဲ့အခါ ကျန်ခဲ့ရမယ့်ကိုယ့်သမိုင်းပါ။ ထိုသမိုင်းလှဖို့အတွက်က ငွေတွေအများကြီးနဲ့ဆိုင်ပါသလား။ စည်းစိမ်ဥစ္စာတွေအများကြီးနဲ့ဆိုင်ပါသလား။ တကယ်တော့ မဆိုင်ပါဘူးနော်။ ကိုယ်သေဆုံးသွားတဲ့အခါ ကိုယ်ဘယ်လောက်ချမ်းသာပါတယ်ဆိုတာလည်း ချန်ခဲ့ရမှာပါပဲ။ ကိုယ်ဘယ်လောက်ဆင်းရဲတယ်ဆိုတာလည်း ဘယ်သူကမှ အချိန်အတော်ကြာအောင် မှတ်မိမှာမဟုတ်နိုင်ပါဘူး။
သင်လုပ်နိုင်တာကိုသာ အာရုံစိုက်ပါ။
ဒီစကားလေးက ကြားလိုက်ရင် ဘာမှမထူးဆန်းသလို ခံစားရပါတယ်။ ဒါပေမယ့် သေချာတွေးကြည့်ရင်တော့ အဓိပါ္ပယ်ရှိတာသိလာမှာပါ။ တခါတလေမှာ ကျွန်တော်တို့တွေက ဘဝရှင်သန်ရုန်းကန်မှုတွေကြားထဲ နစ်နေရင်းနဲ့ ကိုယ်မလုပ်နိုင်တာတွေကိုသာ မြင်တတ်ကြပါတယ်။ အကြောင်းရင်းကတော့ အပြစ်မြင်ရတာ လွယ်သကိုး။ တခုခုဆိုရင် “မင်းက ဘယ်လိုလုပ်ဖြစ်နိုင်ပါ့မလဲ။ ဟိုက သူဌေးသားကွ” “နိုင်ငံခြားက ဘွဲ့ဘယ်ယူနိုင်ပါ့မလဲ၊ မင်းကို ဘယ်သူကကျောင်းထားပေးမှာမို့လို့လဲ” “မင်းလားဖြစ်မှာ……ဘယ်နေရာမှာများ ငွေပေါနေလို့လဲ” စသဖြင့် မဖြစ်နိုင်ဘူးဆိုတဲ့ ရှု့ထောင်ကနေ မြင်ဖို့ကလွယ်ပါတယ်။ တနည်းအားဖြင့် အဆိုးဘက်ကနေမြင်ဖို့လွယ်တယ်ပေါ့။ အဲဒီ့အခါမှာ ဘာဖြစ်လာသလဲဆိုရင် အဆိုးတွေကိုမြင်ခြင်း တနည်းအားဖြင့် ကိုယ်မတတ်နိုင်တာ၊ ကိုယ်မစွမ်းဆောင်နိုင်တာကိုသာ မြင်တဲ့အတွက် စိတ်ပျက်ပြီး လက်လျှော့ချင်စိတ်ဖြစ်လာပါတယ်။ အဲဒီ့အခါ မတတ်နိုင်ဘူးလို့ထင်တဲ့စိတ်အတိုင်းပဲ မကြိုးစားကြည့်တော့ဘဲ တကယ်မဖြစ်မြောက်လာတော့ပါဘူး။
သင့်ကိုယ်သင်ပြောင်းလဲလိုက်မှဖြစ်မှာပါ။
"အခွင့်အရေးတွေကြောင့် ပိုကောင်းတဲ့ဘဝကို ရလာနိုင်တာမဟုတ်ပါဘူး။ သင့်ကိုယ်သင်ပြောင်းလဲခြင်းကသာ ပိုကောင်းတဲ့ဘဝကို ရလာနိုင်တာပါ။" #quotesoftheday #BAWA101
ပိုပြီးကောင်းမွန်တဲ့ဘဝဖြစ်လာစေဖို့ သင်ရင်ဆိုင်သင့်တဲ့စိန်ခေါ်မှုများ
စိန်ခေါ်မှုတွေကသင့်ဘဝကိုပိုပြိးတိုးတက်လာစေပါတယ်။ စိန်ခေါ်မှုတွေကိုအနိုင်ယူဖို့ကြိုးစားရင်းသင့်စွမ်းရည်တွေတိုးတက်လာမယ်၊ ပိုပြီးအဆင်ပြေအောင်ကြိုးစားလာမယ်၊ ပိုပြီးသန်မာလာပါလိမ့်မယ်။ အဲဒါကြောင့် သင့်ဘဝကို ပိုပြီးကောင်းမွန်တဲ့အခြေအနေတစ်ခုဖြစ်ချင်ရင် သင့်ကိုသင်စိန်ခေါ်သင့်ပါတယ်။ အဲဒီ့ထဲကမှ သင်ဘဝပိုမိုကောင်းမွန်လာစေဖို့ သင်ရင်ဆိုင်သင့်တဲ့စိန်ခေါ်မှုတွေကိုဖော်ပြပေးလိုက်ပါတယ်။
ကိုယ့်ကိုယ်ကိုယ်ဘယ်လိုပိုချစ်ကြမလဲ။
ကိုယ့်ကိုယ်ကိုယ်ချစ်ခင်ခြင်းဆိုတာဘာလဲ။ အကျဉ်းချုပ်ဆိုရမယ်ဆိုရင်တော့ ကိုယ့်ကိုယ်ကိုယ်ချစ်ခင်ခြင်း (self-love) ဆိုတာက ခွင့်လွှတ်တတ်ခြင်း၊ ကိုယ့်ကိုယ်ကိုယ်အရှိအတိုင်းလက်ခံတတ်ခြင်း၊ ကိုယ့်ကိုယ်ကိုယ်လေးစားခြင်းဆိုတာတွေပါဝင်ပါတယ်။ သင့်ကိုသင်ချစ်ခင်တတ်လာတဲ့အခါ သင့်ကိုယ်သင်ဂရုစိုက်လာမယ်၊ သင့်ရဲ့အကန့်အသတ်၊ သင့်ရဲ့လုပ်နိုင်စွမ်းကို သင်ရိုးသားမယ်၊ သင့်ရဲ့လိုအပ်ချက်ကို သင်နားထောင်မယ်၊ သင့်ရဲ့အိပ်မက်တွေကိုအလေးထားမယ်၊ သင့်ရဲ့ပျော်ရွှင်မှုကိုအလေးထားမယ်၊ သင့်ရဲ့ကျန်းမာရေးကိုဂရုစိုက်မယ်၊ သင့်ကိုယ်သင်အလေးထားတတ်လာတဲ့အခါ အခြားသူများကိုလည်း အလေးထားရကောင်းမှန်းသိလာပါလိမ့်မယ်။ ကိုယ့်ကိုယ်ကိုယ်ချစ်ခင်တတ်လာရင် အခြားသူတွေကိုလည်း ချစ်ခင်ရကောင်းမှန်းနားလည်လာပါတယ်။ ကိုယ်ချင်းစာတတ်လာပါတယ်။
၂၀၂၀တစ်နှစ်လုံး အကျိုးရှိစွာ ကုန်ဆုံးနိုင်စေဖို့ ကိုယ့်ကိုယ်ကိုယ်သတိပေးသင့်တဲ့အကျင့်များ
နှစ်ဟောင်းမှာတုန်းက အချိန်တွေအလကားကုန်ဆုံးခဲ့ပြီး ကိုယ့်ဘဝဘာမှမတိုးတက်လာဘူးဆိုရင် ထားခဲ့လိုက်ပါတော့။ ပြန်တွေးပြီး နှမြောတသဖြစ်နေလို့ အပိုပါပဲ။ ပြန်တွေးပြီး ပူပန်နေခြင်းက ခုလက်ရှိအချိန်ပါ ထပ်ကုန်ဖို့ပဲရှိပါတယ်။ အဲဒါကြောင့် ခုနှစ်သစ်တစ်နှစ်လုံးကို အကျိုးရှိစွာ ကုန်ဆုံးနိုင်စေဖို့ သင့်ကိုသင်သတိပေးသင့်တဲ့အကျင့်တွေကို ဖော်ပြပေးလိုက်ပါတယ်။
အခြားသူများကြောင့် စိတ်မရှုပ်ရစေဖို့ ၂၀၂၀ကို ယူဆောင်မလာသင့်တဲ့အကျင့်များ
ဘဝမှာ အခြားသူတွေရဲ့ကိစ္စတွေ၊ ပြဿနာတွေ၊ အခက်အခဲတွေကြားထဲမှာ ကြားညှပ်ဖူးကြမှာပါ။ တခါတလေ ကိုယ့်ကြောင့်မဟုတ်ဘဲ အခြားသူကြောင့်ဖြစ်တတ်တဲ့ပြဿနာတွေကို စေတနာနဲ့တော့ ကူညီပေးလိုက်တာပါပဲ၊ ဒါပေမယ့် စေတနာက ဝေဒနာဖြစ်သွားတာမျိုလည်း ကြုံရတတ်ပါတယ်။ အဲဒီ့အခါ ကိုယ့်ရဲ့စေတနာကိုတန်ဖိုးမထားသူမျိုး၊ စေတနာထားမှန်းသိလို့ ခုတုံးလုပ်သွားတာမျိုး၊ ကိုယ့်ကိုအသုံးချသွားတာမျိုးခံရတတ်ပါတယ်။ နှစ်ဟောင်းမှာ ထိုပြဿနာမျိုးတွေကြုံခဲ့မယ်ဆိုရင်နှစ်သစ်မှတော့ မယူဆောင်လာသင့်တော့ပါဘူး။ ကိုယ့်အတွက်အကျိုးမရှိနိုင်တဲ့ပြဿနာအဟောင်းတွေ၊ ကိုယ့်ကိုဒုက္ခပေးမယ့်သူတွေကို အတတ်နိုင်ဆုံးရှောင်ကျဉ်သင့်ပါတယ်။ အဲဒါက ကိုယ့်ကိုယ်ကိုယ်လေးစားခြင်းဖြစ်ပြီး၊ ကိုယ့်ကိုယ်ကိုယ်ချစ်ခင်ခြင်းပါပဲ။ အဲဒီ့အတွက် အခြားသူများကြောင့် စိတ်မရှုပ်ရစေဖို့ ၂၀၂၀ကို ယူဆောင်မလာသင့်တဲ့အကျင့်ဆိုးတွေကို ဖော်ပြပေးလိုက်ပါတယ်။
သင့်ကိုယ်ပိုင်အလင်းရောင်က သင့်တန်ဖိုးပါပဲ
"သင်က သင့်ကိုယ်ပိုင်အလင်းရောင်နဲ့ တောက်ပနေတာဆိုရင် ဘယ်သူကမှ သင့်ရဲ့တောက်ပမှုကို မရပ်တန့်နိုင်ပါဘူး။" #quoteoftheday #BAWA101
ဆေးကုလို့မရသော ရောဂါတွေရှိပါတယ်။ အဲဒီ့ရောဂါမျိုးက ကိုယ်တိုင် ကိုယ့်ကိုယ်ကိုယ်ပြုပြင်ဆင်ခြင်မှရနိုင်တဲ့ကုနိုင်မယ့်ရောဂါမျိုးဖြစ်ပါတယ်။ ကုရာနတ္ထိဆေးမရှိဆိုသလိုပေါ့။ သင့်မှာကော အောက်မှာဖော်ပြထားတဲ့ရောဂါတွေထဲက တစ်ခုခုရှိနေခဲ့ရင်အမြန်ကုသဖို့ တိုက်တွန်းလိုက်ရပါတယ်။