၁) နှုတ်ခမ်းအတွက် အမှန်တရား
သင့်နှုတ်ထွက်စကားတိုင်းဟာ မှန်ကန်တဲ့စကားတွေသာဖြစ်သင့်တယ်လို့ပြောချင်တာပါ။ နှုတ်ခမ်းက ပြောလိုက်တဲ့စကားတိုင်းဟာ အမှန်တရားဖြစ်နေမယ်ဆိုရင် လိမ်ညာခြင်းမရှိခြင်းက သင့်အတွက် လိပ်ပြာလုံခြင်း၊ ကိုယ့်ကိုယ်ကိုယ်ယုံကြည်မှုရှိခြင်း၊ အခြားသူအတွက်အမှန်ကန်ဆုံးစေမယ်ဆိုရင် အင်မတန်အကျိုးရှိမှာပါ။ သင့်နှုတ်ခမ်းအတွက် အလှဆုံးအလှကုန်ကတော့ လီဆယ်ခြင်းမရှိတဲ့အမှန်တရားသာပဲဖြစ်ပါတယ်။

၂) မျက်လုံးအတွက် စာနာစိတ်
မျက်လုံးကနေမြင်သမျှအရာတိုင်းအတွက် စာနာတတ်တဲ့စိတ်ထားလေးထားလိုက်ရင် သင့်အတွက်လည်း အကျိုးရှိစေ၊ အခြားလူအတွက်လည်း အကျိုးရှိစေမှာပါ။ မျက်လုံးနဲ့မြင်သမျှတိုင်းကို စာနာစိတ်နဲ့မခံစားဘဲအပြစ်ချည်းတွေးနေရင်တော့ သင်လည်းပျော်ရမှာမဟုတ်ပါဘူး။

၃) စကားသံအတွက် ဆုတောင်းစကား
သင့်နှုတ်ကထွက်သမျှစကားတိုင်းဟာ အခြားလူတွေအတွက် ကောင်းစေချင်တဲ့စိတ်စေတနာနဲ့ တောင်းဆုပြုတဲ့စကားသာဖြစ်မယ်ဆိုရင် ကြားရသူအတွက်လည်း ကောင်းသလို၊ သင့်အတွက်လည်းအကျိုးရှိစေလို့ သင့်နုတ်ထွက်စကားသံအတွက် အလှဆုံးက ဆဲရေးတိုင်းထွာတဲ့စကားမျိုးမဟုတ်ဘဲ ကောင်းစေလိုတဲ့စေတနာဖြင့်ဆုတောင်းစကားပါပဲ။

၄) မျက်နှာအတွက် အပြုံး
အပြုံးတစ်ခုဟာ ဒေါသမာန်မာနတွေကို ပြုစားနိုင်ပါတယ်။ အဲဒါကြောင့် သင့်မျက်နှာအတွက် ဟန်ဆောင်ပန်ဆောင် မိတ်ကပ်တွေ၊ မျက်နှာဖုံးတွေမလိုဘဲ စစ်မှန်တဲ့အပြုံးတစ်ခုသာလိုတာပါ။

၅) နှလုံးသားအတွက် ချစ်ခြင်းမေတ္တာ
ချစ်ခြင်းမေတ္တာဆိုတာ ၁၅၀၀ချည်းပဲမဟုတ်ဘဲ ၅၂၈ကဲ့သို့နွေးထွေးသောမေတ္တာမျိုးလည်းအကျုံးဝင်ပါတယ်။ လူတိုင်းကို အကြင်နာတရားနဲ့ဆက်ဆံခြင်းဟာလည်း ချစ်ခြင်းမေတ္တာတရားပါပဲ။ အဲဒါကြောင့် သင့်နှလုံးသားမှာ မုန်းတီးနာကျင်မှုတွေသိမ်းဆည်းမယ့်အစား ချစ်ခြင်းမေတ္တာတွေသာ ဖြန့်ဝေပေးပါ။ အဲဒါသင့်နှလုံးသားအတွက်အလှပဆုံးအလှကုန်ပစ္စည်းပါပဲ။