၁) ပျင်းရိခြင်း ပျင်းရိခြင်းဆိုတဲ့စကားလေးက တိုပေမယ့် သက်တောင့်သက်သာရှိလွန်းလို့ လူတိုင်းလိုလို သဘောကျလွယ်ပါတယ်။ သက်တောင့်သက်သာရှိတော့ လူတိုင်းလို နှစ်သက်စွဲမြဲလွယ်တာပေါ့။ နှစ်သက်စွဲမြဲလေလေ သင့်ဘဝက သက်သာလေလေနဲ့ တိုးတက်မှုမရှိတော့ဘဲ အလွယ်လမ်းလိုက်သွားမိရင် ဘာနေရာမှာမှ ကိုယ်တိုင်ကြိုးစားဖန်တီးယူဖို့ မစဉ်းစားတတ်တော့ပါဘူး။ သင့်ရဲ့ကိုယ်ရည်ကိုယ်သွေး၊ သင့်ရဲ့စွမ်းရည်အားလုံးကိုဖျက်ဆီးပစ်လိုက်မှာပါ။

၂) စိုးရိမ်စိတ် ဘာကိုမှမကြိုးစားကြည့်ရသေးဘဲ တခုခုဖြစ်မလားဆိုတဲ့စိုးရိမ်ပူပန်စိတ်က သင့်ကို ပူလောင်စေပြီးရောဂါတိုးစေမှာပါ။ အဲဒါအပြင် မလုပ်ခင်ဆိုးကျိုးတွေကိုသာ ကြိုစိုးရိမ်ပြီး ဘာကိုမှတောင်လုပ်ရဲတော့မှာမဟုတ်ပါဘူးနော်။ အဲဒီ့အခါ စွန့်စားမှုမရှိဘဲ မစွန့်စားရဲတာကြောင့် ဘာစွမ်းရည်မှလည်း မတိုးတက်စေတော့ပါဘူး။

၃) ကြောက်လန့်စိတ် ဒါကလည်း အလားတူပါပဲ စွန့်စားရမှကြောက်တဲ့စိတ်နဲ့ မစွန့်စားရဲ၊ တစ်ယောက်တည်းမဖောက်ထွက်ရဲတဲ့စိတ်ကြောင့် အမှားတွေတော့မကြုံပေမယ့်လည်း ဘယ်လိုတိုးတက်အောင်မြင်မှုမျိုးမှလည်း ရဖို့မလွယ်ပါဘူး။

၄) တွေဝေမှု ဘာလုပ်သင့်သလဲ၊ ဒါမှန်လား၊ ဒါမှားနေလား၊ ဒါကသာ လုပ်သင့်တာလား စတဲ့ဇဝေဇဝါဖြစ်တတ်တဲ့စိတ်က အမှားအမှန်ခွဲခြားနိုင်စွမ်းအားနည်းစေပါတယ်။ အဲဒီလို တွေဝေမှုနဲ့တင် အချိန်ကုန်၊ လူလည်းအာရုံနောက်စေပြီး ဆုတ်ယုတ်စေတာပေါ့။

၆) အချစ်စိတ် ဒီစိတ်ကတော့ သွေးပူနေချိန်မှာ အင်မတန်ကို ထိရောက်စွာသက်ရောက်စေနိင်တဲ့စိတ်ပါ။ အချစ်စိတ်လွှမ်းမိုးပြီး လွမ်းတဲ့စိတ်၊ နာကျင်ကြေကွဲတဲ့စိတ် ဖြစ်နေတဲ့အခါ ဘာကိုမှ မလုပ်ချင်မကိုင်ချင်ဖြစ်နေသလို အချစ်ရေးအဆင်ပြေနေချိန်မှာ ဘာမဆိုလုပ်ရဲတဲ့သူရဲကောင်းလို ထင်နေတတ်တာမျိုးမို့ သင့်ဘဝကို ချုပ်ကိုင်နိုင်တဲ့အရာပါပဲ။ ကောင်းသောချုပ်ကိုင်ခြင်းက သင့်ဘဝတိုးတက်စေပေမယ့် မကောင်းတဲ့ခံစားချက်ချုပ်ကိုင်ပါများလာတဲ့အခါ အထိနာနိုင်တာမို့ ဒီစိတ်ကို ကိုယ့်ဟာကိုယ်ထိန်းချုပ်ဖို့လိုပါတယ်။

၅) အားငယ်စိတ် ကိုယ့်တိုင်က ဘာမှမဟုတ်ပါဘူး။ ကိုယ်မှအသုံးမကျတာ၊ ကိုယ်မလုပ်နိုင်ပါဘူး။ စတဲ့စိတ်တွေက သင့်ကို သိမ်ငယ်စေတဲ့အတွက် အစွမ်းအစမဲ့တယ်လို့ ကိုယ့်ကိုယ်ကိုယ်ထင်လာစေပါတယ်။ ကိုယ်တွေးထင်လာသမျှ ဖြစ်လာနိုင်တဲ့အတွက် အကျိုးဆက်ကမကောင်းပါဘူး။ အဲဒါအပြင် ကိုယ့်ကိုယ်ကိုယ်အဲဒီ့အတိုင်းလက်ခံမိလာတတ်တဲ့အတွက် ကိုယ့်ကိုယ်ကိုယ်တကယ်အစွမ်းအစမဲ့သလိုထင်လာတတ်ခြင်းပါပဲ။ အဲဒီ့အခါ မစွန့်စားရဲ၊ တွေဝေ၊ မှားမှာကြောက်တဲ့စိတ် စတဲ့နောက်ဆက်တွဲတွေဝင်လာပါတော့တယ်။

၇) အပျော်အပါးမက်ခြင်း ဒါလည်းအလားတူပါပဲ။ အပျော်အပါးမက်မယ်၊ အပေါင်းအသင်းတွေ၊ ပျော်မယ်၊ သောက်မယ်စားမယ်ဆိုတဲ့စိတ်သာလွှမ်းမိုးနေရင်တော့ သင့်ဘဝပိုပြီး ထိခိုက်၊ ဆုတ်ယုတ်ဖို့သာရှိပါတယ်။ တိုးတက်ရာတိုးတက်ကြောင်းကို လုံးဝအာရုံမရနိုင်တော့ပါဘူး။