ဆရာကျကျ အချိန်ကိုစီမံခန့်ခွဲပြီး အထာကျကျ အလုပ်တွေပြီးစီးနိုင်ဖို့ လျှို့ဝှက်ချက် ၅ခု

အလုပ်တွေအရမ်းလည်း မများဘဲနဲ့ကို အလုပ်တွေရှုပ်နေဖူးလား။ ဘာတွေလုပ်မိလို့လုပ်မိနေမှန်းမသိဘဲ အလုပ်တွေရှု့ပ်၊ စိတ်တွေရှုပ် အလုပ်လည်းမပြီးဖြစ်ဖူးကြမှာပါ။ အဓိကကတော့ အချိန်ကို သေချာစီမံခန့်ခွဲပြီး အချိန်နဲ့အလိုက် အလုပ်ကိုလည်း စီမံခန့်ခွဲဖို့လိုနေလို့ပါပဲ။ အဲဒါကြောင့် အချိန်ကိုလည်း အကောင်းဆုံးစီမံနိုင်ပြီး အလုပ်တွေလည်း ပြီးစီးနိုင်ဖို့ နည်းလမ်းလေးတွေဖော်ပြပေးလိုက်ပါတယ်။ work hard မဖြစ်ဘဲ work smart ဖြစ်ဖို့ လိုက်နာကြည့်လိုက်ပါအုံး။


၁) ရှုပ်ထွေးနေတာတွေကို အရင်ရှင်းပါ။
သင့်အလုပ်စားပွဲမှာ စုပုံနေတာတွေ ၊ ရှု့ပ်ထွေးနေတာတွေကို ရှင်းလိုက်တဲ့အခါ သင့်အမြင်အာရုံမှာ ရှင်းလင်းသွားလို့ စိတ်လည်း ရှင်းသွားစေပါတယ်။ ပိုပြီး စိတ်ကြည်လင်လာလို့ အလုပ်လုပ်ရတာပိုပြီး မြန်ဆန်လာသလိုခံစားရမှာပါ။ အဲလိုပဲ အိမ်မှာလည်း ရှုပ်ပွနေတာတွေ၊ စုပုံနေတာတွေကို ရှင်းလိုက်ပါ။ ပြီးတော့ သင့်ကို အာရုံနှောက်စေတဲ့ စိတ်ရှုပ်စရာကိစ္စတွေကိုလည်း သင့်စိတ်ထဲကနေ ရှင်းထုတ်ပြစ်လိုက်ပါ။ စိတ်တည်ငြိမ်စေတဲ့အရာတွေကိုလုပ်ပါ။ သင့်စိတ်ကြည်လင်နေတဲ့အခါ အချိန်ကိုစီမံခန့်ခွဲပြီး အလုပ်လုပ်ခြင်းက ပိုထိရောက်စေပါတယ်။

၂) Plan သတ်မှတ်ပါ။
သင်မပြီးဆုံးသေးဘဲ အရင်ဆုံးပြုလုပ်ရမယ့်အရေးကြီးအလုပ်တွေကို ဦးစားပေးပါ။ နောက်မှ တဆင့်ချင်းအရေးကြီးရာတွေကို နံပါတ်စဉ်တပ်သွားလိုက်ပါ။ အဲဒါက သင့်ဦးနှောက်ထဲမှာလည်း အလုပ်နဲ့ပတ်သက်ပြီး ရှင်းလင်းစွာ ဘယ်နေ့မှာ ဘယ်အလုပ်ပိုအရေးကြီးတယ်ဆိုတာ မြင်သာသွားပါလိမ့်မယ်။ အရေးကြီးတာကိုသိသွားတဲ့အတွက် ပိုလည်း အာရုံစိုက်နိုင်လာပါတယ်။

၃) ပြီးဆုံးရမယ့် ပန်းတိုင်သတ်မှတ်ပါ။
ဒီနေ့တော့ မနက်ဖြန်အပြီးပေးရမယ့်အလုပ် ၃ခု ပြီးအောင်လုပ်ကိုလုပ်မယ်။ ဒီနေ့တော့ ဘယ်နှစ်ခုကို မဖြစ်မနေပြီးအောင်လုပ်မယ် စသည်ဖြင့် ကိုယ့်ကိုကိုယ်သတ်မှတ်လိုက်တဲ့အခါ အလကား ဖေ့ဘုတ်သုံးနေမယ့်အစား၊ ထိုအချိန်မှာ အလုပ်ကိုပြီးအောင်လုပ်ဖို့ အာရုံစိုက်လာပါလိမ့်မယ်။ သင့်ကိုသင်ပြိုင်နေသလိုဖြစ်သွားတဲ့အတွက် အခြားအာရုံနှောက်စရာတွေနဲ့ အခြားအာရုံပျံ့လွှင့်စရာတွေကို မစဉ်းစားနိုင်တော့ပါဘူး။ ကိုယ်ပြီးအောင်လုပ်မယ့်အလုပ်ကိုသာ အာရုံရှိနေတော့တာပါပဲ။

၄) ထိရောက်မှုရှိဖို့ အဓိကပါ။
ဘယ်အလုပ်တွေတော့ ပြီးအောင်လုပ်မယ်ဆိုပြီး သတ်မှတ်ထားတာကို တကယ်ဖြစ်အောင်လုပ်နိုင်ခြင်းက ထိရောက်ခြင်းပါပဲ။ ထိရောက်မှုရှိဖို့က အဓိကပါ။ အဲဒါမှ အချိန်ကုန်ရကျိုးနပ်သလို၊ သင့်အလုပ်လည်း ပြီးသင့်တာပြီး၊ အရေးကြီးတာအရင်ဆုံး အဆုံးသတ်နိုင်သွားမှာပါ။ အဲလိုမဟုတ်ဘဲ အလုပ်တွေအများကြီးပြီးဖို့ အာရုံထားမိရင်တော့ သင့်အလုပ်က ထိရောက်မှာမဟုတ်ဘဲ ဟိုစပ်စပ်ဒီစပ်စပ်ဖြစ်နေရင် သင့်အတွက် အရေးကြီးတာတွေလည်း ပြီးမှာမဟုတ်ပါဘူး။ အဲဒါကြောင့်အလုပ်အများကြီးပြီးဖို့ အာရုံမထားပါနဲ့၊ လုပ်သမျှ အလုပ် ထိရောက်စွာပြီးဆုံးဖို့သာ အဓိကပါ။

၅) အာရုံစူးစိုက်ပါ။
အာရုံစူးစိုက်မှု အားကောင်းဖို့က အရေးကြီးပါတယ်။ ဘာလို့လဲဆိုတော့ အလုပ်တော့ အရေးကြီးလို့ လုပ်နေပေမယ့် သေချာအာရုံစူးစိုက်မှုမရှိရင် အမှားများနိုင်သလို၊ လုပ်နေရင်းနဲ့မှ အခြားမပြီးသေးတဲ့အလုပ်တစ်ခုကို အာရုံပြောင်းသွားတာမျိုးဖြစ်နိုင်ပါတယ်။ အဲဒီ့အခါ ပထမအရေးကြီးတဲ့အလုပ်လည်းမပြီး၊ ဒုတိယအလုပ်ကလည်း လုပ်လက်စ ဘယ်အလုပ်မှ လက်စမသတ်နိုင်တော့ပါဘူး။ အဲဒါကြောင့် ကိုယ်လုပ်နေတဲ့အလုပ်ကို သေချာအာရုံစူးစိုက်မှုရှိဖို့၊ အခြားကို အာရုံမရောက်ဖို့က အရေးကြီးပါတယ်။

ဒီလျှို့ဝှက်ချက် ၅ခုကို တစ်ခုချင်းသေချာလိုက်နာကြည့်ခြင်းဖြင့် သင့်ရဲ့အလုပ်တွေကို အမြန်ဆုံးနဲ့ ပေါ့ပေါ့ပါးပါး လက်စသတ်နိုင်တာတွေ့ရမှာပါ။ #BAWA101

အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။