ပျော်ရွှင်သောဘဝ

ငွေမပေါပေမယ့် အေးချမ်းပြီးပျော်စရာကောင်းတဲ့ဘဝဖြစ်ဖို့ကျင့်သုံးရမယ့်အကျင့်များ

ငွေက ကျွန်တော်တို့ဘဝတွေအတွက် အရေးကြီးဆုံးမဟုတ်ပေမယ့် လိုအပ်တဲ့အထဲမှာပါပါတယ်။ ဒါပေမယ့်ငွေနောက်ချည်းလိုက်နေပြန်ရင်လည်း ဘဝရဲ့ပျော်ရွှင်စရာကောင်းတဲ့အချိန်တွေ အလကားဖြစ်ကုန်တတ်ပါတယ်။ အဲဒီ့တော့ ဘဝမှာ ငွေကိုလည်း လိုအပ်သလောက်ရှာဖွေပါ။ ဘဝရဲ့အနှစ်သာရတွေအတွက်လည်း အချိန်ပေးပါ။ ငွေကိုလိုအပ်သလောက်ဆိုတာက ကိုယ့်အတွက် ရှိသင့်ရှိထိုက်တာလေးနဲ့ရောင့်ရဲတင်းတိမ်တတ်ဖို့ ပြောချင်တာပါ။ အဲဒီလိုမဟုတ်ရင်တော့ အသစ်ပေါ်သမျှတိုင်းကိုလိုချင်လိုက်၊ ငွေနောက်လိုက်လိုက်နဲ့ ဘဝက ငွေကခိုင်းသမျှ လုပ်နေရတဲ့ဘဝဖြစ်သွားမှာပါပဲ။ အဲဒါကြောင့်ကျိကျိတက်ငွေပုံပေါ်ချမ်းသာနေတိုင်းလည်း ဘဝက ပျော်စရာကောင်းနေမှာမဟုတ်ပါဘူး။ ငွေမချမ်းသာလို့လည်း စိတ်ထိခိုက်ဝမ်းနည်းနေစရာမလိုပါဘူး။ ငွေမပေါပေမယ့် အေးချမ်းပြီးပျော်စရာကောင်းတဲ့ဘဝဖြစ်ဖို့က စိတ်ထားတတ်ဖို့ပဲလိုပါတယ်။

စွမ်းရည် ပျော်ရွှင်သောဘဝ လူနေမှုဘဝ

အသက်ရှင်နေခြင်းက ဘဝကိုပြန်ပြီးတိုက်ပွဲဝင်ဖို့ အကောင်းဆုံအခွင့်အရေးပါပဲ။

ဘဝမှာ စိတ်ဓာတ်ကျနာကျင်မှုတွေ ဆိုးဆိုးဝါးဝါးခံစားဖူးကြမှာပါ။ ဖြေရှင်းရခက်တဲ့ပြဿနာတွေ၊ ခံစားလို့မဆုံးတဲ့နာကျင်မှုတွေ၊ အမြဲတမ်းလွယ်ကူချောမွေ့စွာ မဖြစ်မြောက်လာနိုင်တဲ့ အိပ်မက်တွေ စသဖြင့် အများကြီး ကြုံရမှာပါ၊ ကြုံနေရအုံးမှာဖြစ်သလို နောက်ထပ်လည်း ကြုံလာရအုံးမှာပါပဲ။ ဦးဇော်ဇော်ပြောသလိုပေါ့…..လူရယ်လို့ ဖြစ်လာရင် အခက်အခဲဆိုတာ ရှိမှာချည်းပါပဲတဲ့။ အခက်အခဲတွေကြုံလာရလို့ လူ့ဘဝကို အရှုံးပေးဖို့တောင် စဉ်းစားတဲ့အချိန်ရှိဖူးမှာပါ။ အခက်အခဲကနေ ဖြေရှင်းစရာအဖြေရှာရင်း စိတ်ဖိစီးမှုဖြစ်လာမယ်၊ စိတ်ဖိစီးမှုကို အချိန်တိုင်းတွေးတောနေရင်း စိတ်ညစ်သထက်ညစ်လာမယ်၊ တဖြေးဖြေး စိတ်ဓာတ်ကျမယ်၊ နောက်ဆုံး အသက်ရှင်နေခြင်းသည် အလကားပဲလို့ အတွေးရောက်လာမိတဲ့အချိန်မျိုး ရှိဖူးမှာပါ။ တကယ်တော့ ကျွန်တော်တို့အတွက် အခက်အခဲဆိုတာကို ဖြေရှင်းဖို့ အဖြေတစ်ခုအမြဲရှိပြီးသားပါ။ အဲဒီ့အဖြေကို ကျွန်တော်တို့ ရှာမတွေ့သေးတာပဲဖြစ်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

အိမ်ထောင်ရေးဖောက်ပြန်ရသည့်အခြေခံအကြောင်းရင်းများ

အိမ်ထောင်ရေးဖောက်ပြန်ခြင်းက အဆိုးဝါးဆုံးဖြစ်ရပ်တစ်ခုထဲက တစ်ခုပါပဲ။ ကိုယ့်ကျင့်တရားဖောက်ပြန်ခြင်းတွေထဲက တစ်ချက်လည်း ဖြစ်ပါတယ်။ အိမ်ထောင်ရေးဖောက်ပြန်ခြင်းကြောင့် မိသားစုဘဝပြိုကွဲရသလို သားသမီးရှိနေခဲ့ရင်လည်း သားသမီးတွေရဲ့ စိတ်ပိုင်းဆိုင်ရာအရ နာကျင်ကြေကွဲရတတ်ပါတယ်။ ဖောက်ပြန်ခံရသူအနေနဲ့လည်း ရင်ထဲမှာ နာကျင်မှုခံစားရမှာဖြစ်သလို အရှက်ရခြင်း၊ ဆောက်တည်မရခြင်း၊ စတာတွေခံစားရမှာပါ။ ဖောက်ပြန်သူဘက်ကကြည့်ပြန်တော့လည်း ဘယ်လိုအကြောင်းပြချက်တွေရှိနေမလဲ၊ တဏှာရာဂသက်သက်အတွက်ဖောက်ပြန်ခြင်းမျိုးလား….။ အခြားသော လူမှုရေး၊ စီးပွားရေး၊ အလုပ်အကိုင်၊ ငွေကြေးအခြေအနေတွေကြောင့်များဆိုတာလည်း ကျွန်တော်တို့မသိနိုင်ပါဘူး။ ဒါပေမယ့် အိမ်ထောင်ရေးတစ်ခုမှာ အမျိုးသမီးဖြစ်စေ၊ အမျိုးသားဖြစ်စေ မဖောက်ပြန်ဖို့ သေချာစောင့်ထိန်းတာသာ အကောင်းဆုံးပါပဲ။ ကိုယ့်ရဲ့တခဏစိတ်အလိုလိုက်တဲ့စိတ်ကြောင့် ခံစားရမယ့်သူတွေက တစ်ယောက်မကပါဘူး။ မိသားစုနှစ်စုစာဖြစ်နေတတ်ပါတယ်။ အဲဒါကြောင့် အိမ်ထောင်ရေးဖောက်ပြန်မှုဖြစ်ရတဲ့ အခြေခံအကြောင်းရင်းအချို့ကို စဉ်းစားပြီးရေးသားဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

ပျော်ရွှင်မှုဆိုတာ သင့်စိတ်အတွင်းမှာသာရှိတာပါ။

လူတစ်ယောက်နဲ့တစ်ယောက် ရှင်သန်ခဲ့ရတဲ့ဘဝမတူတဲ့အတွက်ကြောင့် အတွေးအခေါ်ယူဆပုံခြင်းလည်း မတူကြပါဘူး။ အဲဒါကြောင့် အောင်မြင်မှုနဲ့ ပျော်ရွှင်မှုကိုလည်း သတ်မှတ်ပုံခြင်း တူကြမှာမဟုတ်ပါဘူး။ ကိုယ်ဖြတ်သန်းခဲ့ရတဲ့ဘဝမှာ အရမ်းဆင်းရဲချို့တဲ့ဖူးခဲ့သူတွေအတွက်တော့ ငွေကြေးချမ်းသာခြင်းက သူတို့အတွက် ပျော်ရွှင်ခြင်းနဲ့အောင်မြင်ခြင်းဖြစ်ချင်ဖြစ်နေမှာပါ။ မိဘမဲ့အဖြစ်ရှင်သန်ခဲ့ရသူအဖို့ မိဘအစုံအလင်ရှိခြင်းက ပျော်စရာကောင်းတဲ့ဘဝလို့ မှတ်ယူချင်မှတ်ယူနေမှာပါ။ ငွေတွေချမ်းသာပြီး လူမသိသူမသိမနေချင်တဲ့သူအတွက်တော့ လူတွေကြားထဲထင်ပေါ်ကျော်ကြားခြင်းက အောင်မြင်မှုနဲ့ပျော်ရွှင်မှုအဖြစ်သတ်မှတ်ချင်သတ်မှတ်ထားမှာပါ။

စွမ်းရည် ပျော်ရွှင်သောဘဝ လူနေမှုဘဝ

တကိုယ်ကောင်းဆန်တာလား၊ ကိုယ့်ကိုကိုယ်ချစ်တာလား။

ကိုယ့်ကိုကိုယ်ချစ်ခင်ခြင်းဆိုတာက ကိုယ့်မှာရှိထားလေးတွေနဲ့ အဆင်ပြေအောင်နေတာ၊ ကိုယ့်ကိုကိုယ်ပျော်ရွှင်အောင်နေထိုင်တာ၊ ကိုယ့်ကျန်းမာရေးကို အလေးထားတာ၊ ကိုယ်ချစ်တဲ့သူတွေကို အလေးထားတာ၊ ကိုယ့်ကိုကိုယ်လှပသပ်ရပ်အောင် နေထိုင်တာ စတာတွေပဲဖြစ်ပါတယ်။ ကိုယ့်ကိုကိုယ်ချစ်ခင်ခြင်းက ကိုယ့်ကိုပိုပြီးပျော်ရွှင်စေသလို အခြားသူများကိုလည်း မထိခိုက်၊ မနစ်နာစေပါဘူး။ ကိုယ့်ကိုပိုပြီး ကျန်းမာစေသလို၊ ပိုပြီးလည်း လှပပျော်ရွှင်နိုင်ပါတယ်။ လူ့လောကမှာ အသက်ရှင်နေရတာကို ပိုပြီး တန်ဖိုးထားတတ်လာတဲ့သဘောပေါ့။

စွမ်းရည် ပျော်ရွှင်သောဘဝ လူနေမှုဘဝ

စိတ်ညစ်၊ စိတ်ဓာတ်ကျနေချိန်မှာ ကိုယ့်ကိုကိုယ် စိတ်ဓာတ်ခွန်အား ဘယ်လိုပြန်လည်မြင့်တင်မလဲ။

ဘဝမှာ အသက်ရှင်ရပ်တည်ရုန်းကန်ဖို့ကြိုးစားနေသမျှ ကာလပတ်လုံးမှာ စိတ်ပျော်စရာ၊ စိတ်ညစ်စရာ၊ ဝမ်းနည်းစရာ၊ စိတ်ဓာတ်ကျစရာစသဖြင့် ကြုံမြဲကြုံရမှာပါပဲ။ ဘဝဆိုတာက အမြဲလိုတသတ်မတ်တည်း မရှိဘဲ တက်လိုက်ကျလိုက်နဲ့မို့ အမြဲတမ်းအဆင်ပြေချောမွေ့နေတယ်ဆိုတာရှိမှာမဟုတ်ပါဘူး။ အမြဲတမ်းလည်း ကြမ်းတမ်းပြီး အခက်အခဲတွေနဲ့ချည်း ကြုံနေရမှာလည်း မဟုတ်ပါဘူး။ အဆင်ပြေနေတဲ့အခြေအနေမျိုးက ဘယ်သူ့ကိုမှ မထိခိုက်စေပေမယ့် အဆင်မပြေတာတွေကြုံလာတဲ့အခါမှာတော့ ပုထုဇဉ်လူသားတွေပီပီ စိတ်ညစ်မှု၊ စိတ်ဆင်းရဲမှုတွေ ဖြစ်ပေါ်ခံစားရတော့တာပါပဲ။

ကျန်းမာရေး ပျော်ရွှင်သောဘဝ လူနေမှုဘဝ

ရွေးချယ်ပြီးချစ်တတ်ပါစေ။

ခေါင်းစဉ်ကိုဖတ်မိတဲ့အခါ အတွေးတစ်မျိုးတွေးမိသွားနိုင်ပါတယ်။ အချစ်ဆိုတာမျိုးက ဘယ်သူ့ကိုတော့ချစ်မယ်၊ ဘယ်လိုလူမျိုးကိုတော့ မချစ်နိုင်ဘူးလို့ ဘယ်လောက်ပဲ ကြိုတင်တွေးထားပါစေ။ ကိုယ်မသိလိုက်တဲအချိန်လေး တခဏတွင်းမှာပင် သင့်စိတ်ထဲမှာ သင်ချစ်ချင်တဲ့လူကို ချစ်မိပြီးသားဖြစ်နေတတ်ပါတယ်။ ကိုယ်ချစ်မယ်ဆိုပြီး လူတစ်ယောက်ကို စည်းတွေဘောင်တွေနဲ့ ကန့်သတ်ထားပေမယ့် တကယ်တမ်း ချစ်မိသွားတဲ့အခါမှာတော့ ကိုယ်သတ်မှတ်ထားတဲ့စံတွေနဲ့ ကိုက်ညီခြင်း ၊ မကိုက်ညီခြင်း ကို ထည့်မတွေးနိုင်တော့အောင် အျစ်က မျက်စိကန်းသွားစေပါတယ်။

စွမ်းရည် ပျော်ရွှင်သောဘဝ လူနေမှုဘဝ

ဘဝမှာ သင်ကိုယ်တိုင်တည်ဆောက်ယူရမယ့်စိတ်ထားများ

“I am the master of my fate; I am the captain of my soul.” William Ernest Henley ကဗျာဆရာကြီးက ကိုယ့်ဘဝရဲ့ပဲ့ကိုင်ရှင်က ကိုယ်တိုင်ပဲဖြစ်ပြီး ကိုယ့်ဘဝရဲ့အနာဂတ်ကိုလည်း ကိုယ်ပဲပိုင်တယ်လို့ ပြောထားပါတယ်။ ဘဝမှာ တခါတလေ ကိုယ့်ပယောဂကြောင့်မဟုတ်ဘဲ အခြားသူတွေကြောင့် ဒါမှမဟုတ် ကိုယ်တိုင်ပြုပြင်ပြောင်းလဲဖန်တီးပေးလို့မရတဲ့အခြေအနေမျိုးတွေကို ကြုံလာတတ်ပါတယ်။ လူရယ်လို့ဖြစ်လာတာနဲ့ အသက်ဝိဉာဉ်မချုပ်ငြိမ်းခင်ထိ အခက်အခဲဆိုတာ ရှိနေအုံးမှာပါပဲ။ အဲဒီလိုအခြေအနေမျိုးမှာ ထိုစာသားလေးကို ရွတ်ကြည့်လိုက်ပါ။ သင့်ရဲ့မသိစိတ်ထဲမှာကော၊ သိစိတ်ထဲမှာကော ခွန်အားတွေတိုးလာသလို ခံစားရပါလိမ့်မယ်။ တကယ်တော့ ကျွန်တော်တို့ရဲ့ဘဝကို ကိုယ်တိုင်ကလွဲပြီး ဘယ်သူကမှ မကူညီ မဖေးမနိုင်ပါဘူး။ အဲဒီ့အတွက် အခက်အခဲတွေနဲ့ကြုံလာတိုင်း တစုံတယောက်က လာပြီး ကူညီပေးမှာ ၊ ကယ်ဆယ်ပေးမှာကို ထိုင်စောင့်နေတာထက် ကိုယ့်ကိုကိုယ်ကယ်တင်ဖို့သာ ကြိုးစားသင့်ပါတယ်။ အဲဒါကြောင့် ဘဝမှာ သင်ကိုယ်တိုင်တည်ဆောက်ယူရမယ့်စိတ်ထားတွေကို ဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ

ယောကျာ်းကောင်းတစ်ယောက်က သူ့ချစ်သူအပေါ် ဘယ်တော့မှမလုပ်တဲ့ အမူအကျင့်၁၀ ခု

ယောကျာ်းကောင်းတစ်ယောက်က relationship တစ်ခုမှာ ဘယ်လောက်ပဲစိတ်ပျက်ပါစေ၊ သူတို့မလုပ်တဲ့အကျင့်တွေရှိပါတယ်။ သူတို့ကိုယ်သူတို့လည်း ဆိုးဝါးတဲ့အမူအကျင့်တွေမလုပ်ဖို့ စည်းကမ်းသတ်မှတ်ထားတတ်ပါတယ်။ အဲဒီ့တော့ ယောကျာ်းကောင်းတစ်ယောက်က ဘယ်လိုအပြုအမူမျိုးတွေမလုပ်ဘူးလဲဆိုတာ ဖတ်ကြည့်လိုက်ပါအုံး။

စွမ်းရည် ပျော်ရွှင်သောဘဝ လူနေမှုဘဝ

အဆိုးမြင်တတ်တဲ့ပတ်ဝန်းကျင်ကနေ ရုန်းထွက်ဖို့မကြောက်ပါနဲ့။

ကျွန်တော်တို့အမြဲဖတ်နေကျ အကောင်းမြင်စိတ်ရှိဖို့၊ ဘဝကိုတိုးတက်စေဖို့ စတဲ့ဆောင်းပါးတွေမှာ ပါနေကျအချက်တစ်ချက်ရှိပါတယ်။ အဲဒါက အဆိုးမြင်တတ်တဲ့ပတ်ဝန်းကျင်ကို ရှောင်ပါဆိုတာပါပဲ။ အဆိုးမြင်တတ်တဲ့ပတ်ဝန်းကျင်ကို ဘာကြောင့်ရှောင်ခိုင်းရပါသလဲ။ အဆိုးမြင်တဲ့ပတ်ဝန်းကျင် ကိုယ့်အပေါ်မှာ ဘယ်လောက်တောင် လွှမ်းမိုးမှုရှိနေသလဲဆိုတာ စဉ်းစားစရာပါပဲ။ အဆိုးမြင်တဲ့ပတ်ဝန်းကျင်နဲ့ ကိုယ့်ရဲ့အတွေးတွေက ပတ်သက်မှုရှိနေပါတယ်။

စွမ်းရည် ပျော်ရွှင်သောဘဝ လူနေမှုဘဝ

ဘဝမှာလိုအပ်တဲ့အရာများ

ကျွန်တော်တို့ အားလုံးသိပြီးတဲ့အတိုင်းပါပဲ….ဘဝဆိုတာ တိုက်ပွဲတစ်ခုပါ။ အချိန်တိုင်း တစ်ခုခုကို အနိုင်ရဖို့ ရင်ဆိုင်တိုက်ပွဲဝင်နေရတာပဲမဟုတ်လား။ ကျွန်တော်တို့မွေးကင်းစ အရွယ်တုန်းကကျတော့ စကားပြောတတ်ဖို့ကြိုးစားရတယ်၊ လမ်းလျှောက်တတ်ဖို့ကြိုးစားရတယ်၊ မူလတန်းစတက်ပြန်တော့ ဝလုံးရေးဖို့ ကြိုးစားရပြန်တယ်၊ အဲဒီလိုနဲ့ အထက်တန်းအောင်ဖို့၊ အလုပ်တွေရဖို့၊ သင်တန်းမှာ စာမေးပွဲအောင်ဖို့ ၊ အလုပ်ခွင်မှာ နေရာတစ်ခုရဖို့၊ စသဖြင့် အူဝဲလို့ စအော်ပြီးမွေးလာကတည်းက တခုခုအတွက် အမြဲလိုကြိုးစားရုန်းကန်နေရတာပါပဲ။ အဲဒီ့အခါမှာ ကျွန်တော်တို့တွေရဲ့ ဘဝတစ်လျှောက်လုံးမှာ ကောင်းမွန်စွာရှင်သန်တတ်ဖို့ လိုအပ်တဲ့အရာတွေရှိပါတယ်။ အဲဒီ့အရာတွေက အရေးမကြီးဘူးလို့ ထင်ရပေမယ့် တကယ်တမ်းကျတော့ ငွေနဲ့တောင် လဲပြီးမဝယ်နိုင်ဘဲ အခြားသူတွေဆီကနေလည်း တဆင့်မရနိုင်ဘဲ ကျွန်တော်တို့ကိုယ်တိုင်မွေးမြူကျင့်ကြံရမယ့်အရာတွေပဲဖြစ်ပါတယ်။ အဲဒါကြောင့် ဘဝမှာ လူကောင်းတစ်ယောက်အဖြစ် ရှင်သန်နိုင်ဖို့ တကယ်တမ်းလိုအပ်တဲ့အရာတွေက ဘာတွေဖြစ်မလဲဖတ်ကြည့်လိုက်ပါအုံးနော်။

စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား

ယောကျာ်းလေးများ သူတို့ရဲ့ချစ်သူကိုချစ်ရက်နဲ့ ထားခဲ့ရတဲ့အကြောင်းရင်း

အချစ်က ဆွေးနွေးရခက်ပြီ အေဖြေရှာရခက်ပါတယ်။ ဘာကြောင့် အမျိုးသားတွေက အမျိုးသမီးတွေကို ချစ်ရက်နဲ့ထားခဲ့တာလဲ။ အမျိုးသားတွေအတွက်က အမျိုးသမီးတွေထက် ပိုပြဿနာက ဆွေးနွေးရပိုခက်မယ်ထင်ပါတယ်။ အမျိုးသားတွေအတွက် ဘယ်လိုချစ်မိသွားသလဲဆိုတာကို ရှင်းပြရခက်သလို၊ တခါတလေမှာလည်း ဘာမှမဟုတ်တဲ့အကြောင်းအရာလေးကနေ ချစ်မိသွားနိုင်သလို၊ ဘာမှမဟုတ်ဘူးလို့ ထင်ရတဲ့အကြောင်းအရာလေးတွေနဲ့တင် စိတ်ကုန်စိတ်ပျက်ပြီး ချစ်သူကိုထားခဲ့တာမျိုးလည်းဖြစ်တတ်ပါတယ်။ အကြမ်းဖျင်းအားဖြင့် ယောက်ျားလေးတွေက သူတို့ရဲ့ချစ်သူကိုချစ်ပေမယ့် ထားခဲ့ရတဲ့အကြောင်းရင်းတွေကို ဖတ်မိသလောက်ဖော်ပြပေးလိုက်ပါတယ်။

စွမ်းရည် ပျော်ရွှင်သောဘဝ လူနေမှုဘဝ