ကိုယ့်ကိုယ်ကိုယ်လက်ခံပါ။
ကိုယ့်ကိုယ်ကိုယ်သာယှဉ်ပြိုင်ပါ။
လူတော်တော်များများက အခြားသူတွေကိုသာ ကြည့်ပြီး နှိုင်းယှဉ်တတ်ကြပါတယ်။ အခြားသူနဲ့ ပြိုင်ရတာက အင်မတန်လွယ်ပါတယ်။ “သူကတော့ လစာဘယ်လောက်ရပြီ၊” “သူကတော့ ကားဝယ်လိုက်ပြီ” “သူကတော့ ဘာရာထူးဖြစ်နေပြီ” “အမလေး သူကတော့ ဘာအဆင့်မှမရှိပါဘူး” စသဖြင့် အခြားသူတစ်ယောက်ကို မြင်ရတာနဲ့ အခြားသူတစ်ယောက်ကို ဝေဖန်ရတာက အရမ်းကိုလွယ်ပါတယ်။ ကိုယ့်ကိုယ်ကိုယ် မြင်အောင်ပြန်ကြည့်ရတာကျတော့ အင်မတန်ခက်ပါတယ်။ “သူက လစာ… ဘယ်လောက်.ရနေပြီ၊ ငါက ဘာလို့မရသေးတာလဲ” လို့တွေးတာက လူတိုင်းတွေးတတ်ပါတယ်။ ဒါပေမယ့် “သူက အဲဒီလောက်လစာရအောင် အဲဒါနဲ့တန်တဲ့အရည်အချင်းရှိတာကိုး” လို့ ဘယ်သူကမှ သိပ်မတွေးတတ်ကြပါဘူး။
ဦးရေပြားမှာ ဆိုးဝါးစေတဲ့ဗောက်ကို ဖြေရှင်းဖို့ အိမ်တွင်းနည်းလမ်းများ
လူ ၆ယောက်မှာ အနည်းဆုံးတစ်ယောက်ကတော့ ဗောက်ထတတ်ကြပါတယ်။ ဗောက်ထခြင်းဆိုတာက ဆံသားတွေထက် ဦးရေပြားမှာခြောက်သွေ့အက်ကွဲခြင်းကြောင့်ဖြစ်ပါတယ်။ သင့်ဆံသား ကျန်းမာသန်စွမ်းခြင်းက ဦးရေပြားခြောက်သွေ့အက်ကွဲခြင်းပေါ်မှာလည်း မူတည်နေပါသေးတယ်။ ဘယ်လောက်ပဲဖုံးကွယ်ချင်ပေမယ့် ဗောက်ထခြင်းက ဖုံးကွယ်ထားလို့မရနိုင်ပါဘူး။ အဲဒါကြောင့် ဗောက်ထခြင်းကို သက်သာစေမယ့် အိမ်တွင်းနည်းလမ်းအချို့ကိုဖော်ပြပေးလိုက်ပါတယ်။
ဘဝမှာရှင်သန်နေထိုင်ရတဲ့အခါ လူအမျိုးမျိုးစိတ်အထွေထွေမို့ လူပေါင်းစုံနဲ့စရိုက်ပေါင်းစုံကို ရင်ဆိုင်ကြုံတွေ့ရမှာပါ။ အဲဒီလို ရင်ဆိုင်ရတဲ့အခါ ကိုယ့်အပေါ်ကောင်းတဲ့လူရှိသလို၊ ကိုယ့်အပေါ်ဒုက္ခပေးမယ့်သူ၊ ကိုယ့်ကို ပြဿနာတွေပေးမယ့်သူ၊ ကိုယ့်ကိုနစ်နာစေပြီး သူတို့သာ အသာရအောင် အနိုင်ကျင့်တတ်သူတွေကို မလွှဲမသွေ ကြုံရမှာပါ။ အဲဒီ့လိုအခါမျိုးမှာ ကိုယ့်ဘဝကို လက်တွေ့ကျကျ ရင်ဆိုင်တတ်ဖို့၊ ဖြေရှင်းတတ်ဖို့လည်း လိုပါတယ်။ တခါတလေ ကိုယ်က စိတ်ကောင်းထားကူညီလိုက်ပေမယ့် ကိုယ့်ရဲ့စေတနာကို အသုံးချတတ်တဲ့သူမျိုးကိုလည်း ကြုံရမှာမို့ ကိုယ့်အတွက်အကောင်းဆုံးဖြစ်စေမယ့်နည်းလမ်းကို ရွေးချယ်နေထိုင်ရပါလိမ့်မယ်။ အဲဒါကြောင့် လက်တွေ့ကျကျ ဘဝမှာနေထိုင်နိုင်စေမယ့် အကောင်းဆုံးနည်းလမ်းတွေကို ဖော်ပြပေးလိုက်ပါတယ်။
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
သင့်ဘဝအတွက် သင့်ကိုယ်သင်သတိပေးသင့်သောအချက် (၆) ချက်
ကိုယ့်ဘဝကို အကောင်းဆုံးရှင်သန်နိုင်ဖို့ အတွက် ကိုယ့်ကိုယ်ကိုယ်အမြဲသတိပေးသင့်တဲ့အချက်တွေရှိပါတယ်။ တခါတလေ ထိုအချက်တွေကို မေ့နေခြင်းက သင့်ကိုစိတ်ညစ်၊ စိတ်ဓာတ်ကျပြီး လမ်းပျောက်သလိုဖြစ်စေပါလိမ့်မယ်။ အဲဒါကြောင့် အောက်ကအချက်လေးတွေကို မေ့သလိုဖြစ်လာတိုင်း ကိုယ့်ကိုယ်ကိုယ်ပြန်သတိပေးဖို့ဖော်ပြပေးလိုက်ပါတယ်။
တစ်ယောက်တည်းအချိန်ဖြုန်းခြင်းရဲ့ကောင်းကျိုးများ
များသောအားဖြင့် တစ်ယောက်တည်းဖြစ်နေတယ်ဆိုရင် လူအချို့က မနှစ်သက်တတ်ကြပါဘူး။ “ငါတစ်ယောက်တည်း ပျင်းတယ်” “ ဘယ်သူမှမရှိလို့ ဘာလုပ်ရမှန်းမသိဘူး” “တစ်ယောက်တည်းဖြစ်နေတာ သနားပါတယ်” တို့ စသဖြင့် တစ်ယောက်တည်းသမားဖြစ်နေရင်ကို အလိုလိုသနားစရာကောင်းနေသလိုလို ပြောတတ်ကြပါသေးတယ်။ တကယ်တော့ “lonely” ဆိုတာက ယူတတ်ရင် အကျိုးအများကြီးရှိနိုင်ပါတယ်။ “freedom” ဆိုတဲ့လွတ်လပ်မှုတောင်ရနိုင်သေးရဲ့။ အဲဒီ့တော့ တစ်ယောက်တည်းဖြစ်နေတဲ့အခါ ဘယ်လိုကောင်းကျိုးတွေရမလဲဆိုတာဖတ်ကြည့်လိုက်ပါအုံးနော်။
Facebook ကို အကျိုးရှိအောင်ဘယ်လိုသုံးကြမလဲ။
ဒီနေ့ခေတ်မှာ နည်းပညာအဆင့်မြင့်လာသလို လူမှုကွန်ရက် (Social network) ကလည်း လူတိုင်းနီးပါးလို တယ်။ မြန်မာနိုင်ငံမှာ Jan 2020 ထိကောက်ယူထားတဲ့စစ်တမ်းအရ ဖေ့ဘုတ်အသုံးပြုသူပမာဏ 94.9%ရှိပါတယ်လို့ Social Media Stats Myanmar မှာဖော်ပြထားပါတယ်။ အဲဒါကြောင့် မြန်မာပြည်မှာဆိုရင်တော့ အခြားလူမှုကွန်ရက်တွေထက် ဖေ့ဘုတ်အသုံးပြုသူအများဆုံးလို့ပြောနိုင်ပါတယ်။ ဒါပေမယ့် ဖေ့ဘုတ်ကို အထာကျကျ မသုံးတတ်ရင်ဘေးဖြစ်နိုင်သလို၊ သေချာလေးစနစ်တကျသုံးတတ်မယ်၊ လေ့လာတတ်မယ်ဆိုရင်တော့ ဖေ့ဘုတ်ကနေ ပညာအမျိုးမျိုးရနိုင်သလို၊ အများကြီးလည်းတိုးတက်လာစေနိုင်ပါတယ်။ အဲဒါကြောင့် facebook ကို ဘယ်လိုအကျိုးရှိအောင်အသုံးချမလဲဆိုတာလေးဖော်ပြပေးလိုက်ပါတယ်နော်။
သင့်ရဲ့relationships အတွက် ရှောင်ကျဉ်သင့်သောအချက်များ
လူတိုင်းလိုလိုက ကိုယ်ချစ်ရတဲ့သူနဲ့ အဆင်ပြေတဲ့ ဆက်ဆံရေးတစ်ခုတည်ဆောက်ချင်ကြတာချည်းပါပဲ။ လူတစ်ကိုယ် စိတ်တစ်မျိုးမို့ အကြိုက်ချင်းမတူသလို၊ စိတ်ချင်းကလည်း ထပ်တူမကျနိုင်ပါဘူး။ အဲဒီ့အခါ အဆင်မပြေကတောက်ကဆဖြစ်တာမျိုးတော့ ရှိတတ်ကြပါတယ်။ ဒါပေမယ့် တခါတရံဖြစ်တာက ပြဿနာလို့ ယူဆလို့မရပါဘူးနော်(လူတိုင်းအမြင်မှမတူကြတာကိုး) ။ နှစ်ဦးနှစ်ဖက် အပြန်အလှန်ချစ်ခင်ကြပေမယ့် အမြဲလို ကတောက်ကဆဖြစ်နေတယ်ဆိုရင်တော့ ချစ်ရက်နဲ့လမ်းခွဲတဲ့အဆင့်ရောက်ရမှာပါ။ အဲဒါကြောင့် သင်တို့ရဲ့ ဆက်ဆံရေးမှာ ဘာတွေကြောင့်အဆင်မပြေဖြစ်စေသလဲဆိုတာ ဒီပုံလေးတွေဖတ်ကြည့်ပြီး ကိုယ့်ချစ်သူကိုပြင်စေချင်တဲ့အချက်လေးတွေ မန့်ရှင်းခေါ်ကြည့်လိုက်ပါအုံး ကဲ….သင်တို့ဆက်ဆံရေးထဲမှာကော ဘယ်လိုအချက်တွေပါနေသလဲဆိုတာ ပြန်ဆန်းစစ်ကြည့်လိုက်ပါအုံး။ အဆင်ပြေသော RS ဖြစ်ကြပါစေနော်။ #BAWA101
ယုံကြည်မှုတိုးစေတဲ့ အလွယ်ဆုံးနည်းလမ်းများ
ကိုယ့်ကိုယ်ကိုယ်ယုံကြည်မှုတိုးခြင်းက လိုအပ်တဲ့အရာတစ်ခုပါပဲ။ ကိုယ့်ကိုယ်ကိုယ်ယုံကြည်မှုအားနည်းတဲ့လူအဖို့ ဘယ်နေရာမှာမဆို တွန့်ဆုတ်နေမှာဖြစ်ပြီး ကိုယ့်မှာရှိတဲ့အစွမ်းအစတွေကိုလည်း ထုတ်ပြရဲမှာမဟုတ်လို့ အောင်မြင်ဖို့နောက်ကျနိုင်ပါတယ်။ ကိုယ့်ကိုယ်ကိုယ်ယုံကြည်မှုရှိဖို့ အလွယ်ဆုံးအချက်လေးတွေကို ဖော်ပြပေးလိုက်ပါတယ်။
သင့်ရဲ့စွမ်းရည်ကို ဘယ်လိုမြင့်တင်မလဲ။
လူတစ်ယောက်မှာ အပြင်ပန်း ရုပ်ဝတ္ထုပစ္စည်းတွေက မတည်မြဲနိုင်ပါဘူး။ ကိုယ့်ရဲ့ဦးနှောက်ထဲမှာ သိမ်းထားမယ့် ပညာကသာ ကိုယ်သွားတဲ့နေရာတိုင်းပါလာမှာဖြစ်ပါတယ်။ ဘယ်သူကမှ ကိုယ့်ရဲ့ပညာစွမ်းရည်ကိုမဖျက်စီးနိုင်ပါဘူး။ အဲဒါကြောင့် ကိုယ့်ရဲ့စွမ်းရည်မြင့်လာဖို့ ကိုယ့်ရဲ့ပညာကိုသာ အမြဲတိုးနေအောင်ကြိုးစားရမှာဖြစ်ပါတယ်။ ပညာဆိုတာ ဘွဲ့လက်မှတ်တွေတသီကြီးရတာမျိုးကိုပဲ ပြောချင်တာမဟုတ်ပါဘူး။ အတတ်ပညာလည်း အကျုံးဝင်ပါတယ်။ တချိန်မှာ ကိုယ့်အတွက် ပြန်ပြီး အသုံးချဝင်ငွေတိုးစေမယ့် ပညာမျိုးပါ။ တနည်းအားဖြင့် ကိုယ့်ရဲ့စွမ်းရည်ပါ။ ကိုယ့်ရဲ့စွမ်းရည်တိုးလာလေလေ ကိုယ့်ရဲ့ဝင်ငွေလည်း တိုးလာလေလေပါပဲ။ ရောက်ရှိနေတဲ့နေရာကနေ ပိုပြီးမြင့်မားတဲ့နေရာရောက်ဖို့ သင့်စွမ်းရည်က အခြေခံပါပဲ။ အဲဒါကြောင့် သင့်ရဲ့စွမ်းရည်ကို ဘယ်လိုမြင့်တင်မလဲ ဆိုတာလေးဖော်ပြပေးလိုက်ပါတယ်။
