ဘဝကမှန်းထားသလိုဖြစ်မလာတဲ့အခါ……
ဘဝက ပုံစံခွက်ထဲက ရေလိုဖြစ်ပါတယ်။ ဖန်ခွက်ထဲ ထည့်ထားရင် ရေက ဖန်ခွက်ရဲ့ပုံစံအလိုက် ပြောင်းလဲနေမှာဖြစ်ပါတယ်။ ရောမရောက်ရင် ရောမလိုကျင့်ရမှာဖြစ်ပါတယ်။ အမြဲတမ်း ပုံသေကားချဖြစ်နေမယ်လို့ ဘယ်သူကမှမပြောနိုင်ပါဘူး။ ဒီနေ့ အဆင်ပြေနေပေမယ့်မနက်ဖြန် အဆင်ပြေချင်မှပြေတော့မှာပါ။ ဒီနေ့ ပျော်ရွှင်နေရပေမယ့် နောက်နေ့ ဝမ်းနည်းစရာတွေကြုံချင်ကြုံရနိုင်ပါတယ်။ ဒီနေ့ရှင်ဘုရင်ဖြစ်နေနိုင်ပေမယ့်မနက်ဖြန် သူဖုန်းစားဘဝလည်းရောက်သွားနိုင်တာပါပဲ။ အဲဒါကြောင့် ဘဝမှာ ဘယ်အရာကိုမှ တသတ်မတ်တည်း မသတ်မှတ်နိုင်ပါဘူး။
"လူတွေက သင့်ကိုမနှစ်သက်မှာကို တွေးပူမနေပါနဲ့။ လူတော်တော်များများက သူတို့ကိုယ်သူတို့ နှစ်သက်ဖို့တောင် ခက်ခဲနေတတ်ကြပါတယ်" #BAWA101
အမြဲချနင်းခံရတဲ့ဘဝက လွတ်မြောက်ဖို့ဆိုရင်……
ဘဝမှာ တပါးသူရဲ့အသုံးချခံဖြစ်ခဲ့ဖူးလား။ တပါးသူရဲ့အသုံးချခံဖြစ်ရတဲ့အခါ ဘယ်လောက်ခံစားခဲ့ရဖူးလဲ။ ကိုယ်ခံစားနေရတဲ့အခါ ဘယ်သူကမှ ဖေးမနားလည်ပေးမယ့်သူမရှိဘူးဆိုတဲ့ခံစားချက်ကို နားလည်တဲ့အတွက် တပါးသူကို ကိုယ်ချင်းစာပေးလိုက်တဲ့အခါကျမှ သူများချနင်းတာခံလိုက်ရတဲ့အခါ ခံစားချက်ကို အင်မတန်ကိုဆိုးဝါးပါတယ်နော်။ တခါခံရလိုက်၊ နောက်တခါ သနားလိုက်၊ ကိုယ်ချင်းစာလိုက်နဲ့ သနားတတ်တဲ့ကိုယ်ချင်းစာတတ်တဲ့သူတွေက ပိုပြီး ချနင်းခံရတတ်ပါတယ်။ အဲဒါကြောင့် အမြဲချနင်းခံရတဲ့ဘဝက လွတ်မြောက်ဖို့ဆိုရင် လုပ်သင့်တဲ့အချက်တွေကို ဖော်ပြပေးလိုက်ပါတယ်။
မိဘနဲ့သားသမီးကြား ဆက်ဆံရေးကို အဆင်မပြေစေသောအကြောင်းရင်းများ
မိဘနဲ့သားသမီးကို အဆင်မပြေစေတဲ့အကြောင်းရင်းတွေကတော့ အများကြီးပါပဲ။ ဒါပေမယ့် ညှိုနှိုင်းပြီး အပြန်အလှန်ဆွေးနွေးကြရင် အဆင်ပြေနိုင်ပါတယ်။ ခက်တာက အဆင်မပြေတဲ့မိသားစုတော်တော်များများက ညှိုနှိုင်းလို့မရတာပဲဖြစ်ပါတယ်။ အမှန်တော့ သားသမီးကလည်း သားသမီးအလျောက် ထိန်းသိမ်းသင့်တာကိုထိန်းသိမ်းပြီး မိဘစကားလိုက်နာသင့်တာကိုလိုက်နာ၊ မိဘကလည်း မိဘဆိုပြီး တစ်ဖက်စောင်းနင်းမလုပ်ဘဲ သားသမီးကိုနားလည်ပေးသင့်တာကိုနားလည်ပေးမယ်ဆိုရင် အဆင်ပြေကြမှာပါ။ အဲဒါကြောင့် ဘယ်လိုဆက်ဆံမှုမျိုးတွေက မိဘနဲ့သားသမီးကြားအဆင်မပြေစေသလဲဆိုတာဖတ်ကြည့်ပြီး ဆင်ခြင်နိုင်အောင် ဖော်ပြပေးလိုက်ပါတယ်။မိဘနဲ့သားသမီးကြား ဆက်ဆံရေးကို အဆင်မပြေစေသောအကြောင်းရင်းများ
စိတ်ဓာတ်ပိုင်းဆိုင်ရာအားဖြင့် ပိုပြီးဆွဲဆောင်မှုရှိဖို့ လုပ်ကြည့်သင့်တဲ့အကျင့်များ
လူတိုင်းက ရုပ်ပိုင်းဆိုင်ရာပိုပြီးချောမောလှပတယ်လို့ထင်ရတဲ့လူတွေကို ပိုပြီး စိတ်ဝင်တစားရှိတတ်ကြပါတယ်။ ဒါပေမယ့်လည်း ရုပ်ပိုင်းဆိုင်ရာ စွဲဆောင်မှုရှိသည်ဖြစ်စေ၊ ဆွဲဆောင်မှုမရှိသည်ဖြစ်စေ ရုပ်ပိုင်းဆိုင်ရာကိုလည်း ပြုပြင်ပြောင်းလဲလို့ရနေပါပြီ။ ခုခေတ်မှာ ရုပ်ပိုင်းဆိုင်ရာအတွက် ပြုပြင်နိုင်မယ့်နည်းလမ်းပေါင်းများစွာရှိနေသလို ပိုပြီးဆွဲဆောင်မှုရှိလာအောင် ကြိုးစားနိုင်လာပါပြီ။ ရုပ်ပိုင်းဆိုင်ရာအရ ချောမောလှပနေပေမယ့် စိတ်ဓာတ်ပိုင်းဆိုင်ရာက လေးစားအားကျစရာမကောင်းရင်လည်း ဆွဲဆောင်မှုမရှိပြန်ပါဘူး။ အဲဒါကြောင့် ပိုဉာဏ်ကောင်းပြီး ပိုဆွဲဆောင်မှုရှိတဲ့လူတွေရဲ့အကျင့်လေးတွေကို ဖော်ပြပေးလိုက်ပါ။
ခုလက်ရှိအချိန်မှာ သင်ဒါတွေလုပ်နေရင် သင်နောက်ကောက်ကျသွားနိုင်ပါတယ်။
ခေါင်းစဉ်ကိုမြင်လိုက်တာနဲ့ ဘယ်လိုခံစားသွားရပါသလဲ။ ဒီစာကိုဖတ်နေတဲ့အချိန်မတိုင်မီမှာ သင်ဘာတွေလုပ်နေမိသလဲ။ လူတိုင်းက တစ်နေ့မှာ ၂၄နာရီမျှမျှတတရကြပါတယ်။ ဒါပေမယ့် အောင်မြင်တဲ့သူရယ်၊ ထူးချွန်ထက်မြက်ပြီး ကျော်ကြားတဲ့သူရယ်၊ ဘဝမှာပိုပြီးအဆင်ပြေတဲ့သူရယ် စသဖြင့် အများကြီးကွာခြားသွားပါတယ်။ ဘာကြောင့်ပါလဲ။ သင်ကကော ဘယ်လိုလူထဲမှာပါသလဲ။ သင်ဖြစ်ချင်တာတွေမဖြစ်သေးဘူး၊ သင်လုပ်ချင်တာတွေမဖြစ်မြောက်သေးဘူးဆိုရင် ခုလက်ရှိအချိန်မှာ သင်ဒီအချက်တွေလုပ်နေမိလို့လားလို့ ကိုယ့်ကိုယ်ကိုယ်ပြန်ဆန်းစစ်သင့်ပါတယ်။
အသက် ၃၀ အရွယ်မှာ သင်နားလည်သွားမည့် ဘဝသင်ခန်းစာများ
အသက်အရွယ်ရလာလေ ဘဝကိုရှုမြင်ပုံတွေက ပြောင်းလဲလာလေလေပါပဲ။ သင်ခန်းစာတွေလည်း ယူတတ်ရင်ယူတတ်သလို အများကြီးရလာပါတယ်။ အသက် ၃၀ဆိုတဲ့အရွယ်က အတော်အသင့် ရင့်ကျက်သင့်သလောက်ရင့်ကျက်နေပြီးဖြစ်လို့ ဘဝကို တည်ငြိမ်စွာရင်ဆိုင်နိုင်တဲ့အရွယ်လည်းဖြစ်နေလောက်ပါပြီ။ အဲဒါကြောင့် အအအသက် ၃၀ အရွယ်ခန့်အရောက်မှာ အသက် ၂၀ကျော်အရွယ်က နားမလည်နိုင်ခဲ့တဲ့တချို့သောအကြောင်းအရာတွေ၊ တချို့သော ပြဿနာတွေ၊ တချို့သော ကိစ္စတွေကိုတော့ ဒီအသက်အရွယ်မှာ နားလည်နိုင်သွားပါပြီ။ အဲဒါအပြင် အသက် ၂၀အရွယ်မှာ အကြီးအကျယ်ခံစားခဲ့ရတဲ့ကိစ္စတွေက ဒီအသက်အရွယ်အရောက်မှာတော့ ဘာမှမဟုတ်တော့တာကိုလည်း သင်အံ့သြစွာ သိလာရပါလိမ့်မယ်။ ကျွန်တော်တို့ခံစားနားလည်လာတဲ့ ဘဝနဲ့ပတ်သက်တဲ့သင်ခန်းစာအချို့ကိုတော့ အောက်မှာ ဖော်ပြပေးလိုက်ပါတယ်။ စာဖတ်သူတွေကော ဘယ်လိုသင်ခန်းစာတွေ နားလည်လာပြီလဲဆိုတာ မန့်သွားပေးကြပါအုံးနော်။
မနက်စောစောအိပ်ရာထနိုင်ဖို့ နည်းလမ်းအဆင့်ဆင့်
သင်ရည်မှန်းထားတဲ့ပန်းတိုင်တွေရှိတယ်။ ဒါပေမယ့် ပြဿနာက တစ်နေ့တာလုံးအချိန်ပိုထွက်လာအောင် မနက်ခင်းဆို အိပ်ရာက စောစောမထချင်တာက ပြဿနာဖြစ်နေသလား။ အောင်မြင်နေတဲ့သူတိုင်းက မနက်ခင်းစောစော အိပ်ရာထကြသူတွေဖြစ်ပါတယ်လို့ မကြာခဏ သင်ကြားဖူးနေမယ်ထင်ပါတယ်။
ကလေးကိုအမှီအခိုကင်းစွာ ရှင်သန်နိုင်အောင် ပျိုးထောင်ပေးပါ။
ကလေးတစ်ယောက်ကို ပြုစုပျိုးထောင်ရခြင်းက အင်မတန်လေးနက်ပြီး တာဝန်ကြီးပါတယ်။ ကလေးတစ်ယောက်ရဲ့ ရုပ်ပိုင်းဆိုင်ရာကျန်းမာနေရုံနဲ့ ကလေးကိုပြုစုပျိုးထောင်ခြင်းတာဝန်က ပြည့်စုံတာမဟုတ်ပါဘူး။ အဲဒီလိုပါပဲ ကလေးရဲ့အငြိုအငြင်မခံရစေဘဲ လိုတရပုံစံမျိုးနဲ့ ကလေးလိုချင်တာ၊ ရလိုတာမှန်သမျှကို ဖြည့်ဆည်းပေးခြင်းက ကလေးအတွက် လတ်တလောမှာတော့ ခံစားချက်ကောင်းစေပေမယ့် ရေရှည်မှာတော့ လုံးဝမကောင်းနိုင်ပါဘူး။ ခဏတဖြုတ် ကလေးအငိုတိတ်မှာကို လိုချင်ရုံနဲ့တော့ ကလေးကို အရာအားလုံး အရိပ်တကြည့်ကြည့် အလိုမလိုက်သင့်ပါဘူး။
Influencer တစ်ယောက်ဖြစ်နိုင်မယ့် လျှို့ဝှက်ချက်များ
Influencers တွေက လူတွေရဲ့စိတ်ကို ပြောင်းလဲနိုင်တဲ့စွမ်းရည်ရှိပါတယ်။ အရာဝတ္ထုတွေ၊ ပစ္စည်းတွေဆိုရင်လည်း Influencers တွေပြောပြ၊ ညွှန်းပြတဲ့ပစ္စည်းမျိုးတွေကို ပိုပြီး ယုံကြည်လက်ခံကြသလို၊ လွယ်ကူစွာ စည်းရုံးသိမ်းသွင်းနိုင်ပါတယ်။ လူတွေအတွက် Influencers တွေကို ယုံကြည်မှု၊ လေးစားမှု၊ ရိုသေမှုတွေက အလိုလို တည်ဆောက်ပြီးသားဖြစ်စေပါတယ်။ Influencers တွေကိုဆိုရင် လူတွေက ပိုပြီး ဝန်းရံချင်ကြပါတယ်။ အပေါင်းအဖော်တွေ၊ ဖောက်သည်တွေ ၊ အားကျသူတွေက သူတို့ရဲ့ အသိုင်းအဝန်းအစိတ်အပိုင်းဖြစ်ပါတယ်။ Influencer တစ်ယောက်က လူတွေကို ကူညီမယ့်နည်းလမ်း၊ အထောက်အကူဖြစ်စေမယ့်နည်းလမ်းတွေကို ထောက်ပြခြင်းဖြင့် လူအများရဲ့ ယုံကြည်မှု၊ လေးစားမှု၊ အားကျမှု၊ အားကိုးမှုကိုရလာတာဖြစ်ပါတယ်။ တနည်းအားဖြင့် အခြားသူတွေ အဆင်ပြေစေဖို့ အဓိက ဗဟိုပြုပြီး စေတနာနဲ့နည်းပေးလမ်းပြသူတွေပေါ့။ အဲဒါက Influencer တစ်ယောက်ရဲ့အဓိက အစိတ်အပိုင်းပဲဖြစ်ပါတယ်။ ထိုလူတွေပြောပြတဲ့နည်းလမ်းတွေအတိုင်း လူတွေက လိုက်လုပ်ကြည့်ရင်း ကောင်းမွန်တဲ့ ရလဒ်တွေဖြစ်လာတဲ့အခါမှာတော့ ထိုလူတွေက လူတွေကို လွှမ်းမိုးနိုင်တဲ့လူတွေဖြစ်လာပါတော့တယ်။ အောက်မှာဖော်ပြပေးမယ့်အချက်တွေကတော့ သင်ကိုယ်တိုင်လူတွေကို Influence လုပ်နိုင်တဲ့လူတစ်ယောက်ဖြစ်လာစေမယ့် လျှို့ဝှက်ချက်လေးတွေပဲဖြစ်ပါတယ်။